عالم الحياة الزوجية - منتدى

حالمة بس واقعية · 14-08-2008, 02:10

نعم اكرة الجنس هذي مشكلتي مع زوجي ابيه يخلص بسرعة احاول اتهرب لما يطلبني اكرة انة يقرب من وجهي
مايحرك فيني اي احساس يمكن لاني ماحبة او يمكن على لاني ابي العنف عشان احس او يمكن اني ودي
يكون بيني وبينة تفاهم لفظي يعني يكون صديقي يقول لي اللي في قلبة كلة مثل مايقولة لمة
وصدقني لو انفصلت عنة ماراح اشتاق لة ولو فكر بس انة يتزوج يمكن القاها حجة عشان اتركة
بس مايعور قلبي الا عيالي
مع العلم
انة طيب وريحته دايما حلوه ونظيف وحنون على عيالة
بس هو على قد حالة وانا من عايلة والحمدللة غنية
خاطري يسفرني مثل ماخواني يسفرون زوجاتهم
خاطري يتذكرني بهدية قيمة وانا اشوف اخواني يهدون لزوجاتهم الالماسات والماركات
شنط وعطور وغيرة الهدية الوحيدة طول ال6 سنين هي لما راح الامارات
تدرون شجاب لي؟؟؟؟؟؟؟؟؟؟؟
خاتم بعشرة ريال<<< سويت نفسي فرحانة .......المهم تذكرني

ورغم ان خاطري في اشياء كثيرة عمري ماطلبتة بشي فوق طاقتة انا اللي اصرف على نفسي وعيالي[/center][/right]

عاشق خدودها · 14-08-2008, 02:17

هدا حظك يا سيدتي
صعب تحبي الجنس معه اذا ما حاولتي انتي تستوعبيه
لانه الجنس احساس وشعور

وكتير متلك لا يتمتعون مع الطرف الاخر

ويبحثون عن طرق اخرى لتلبيه رغباتهم الجنسيه

تحياتي لكِ

(من جديد ) · 14-08-2008, 02:47

اش علاقة هذا بهذا

السر الدفين · 14-08-2008, 04:13

كلنا مثلك

حتى لو عنده فلوس ماراح يجيب

مو كل واحد يجيب لزوجته حاولي تكلمينه وتفهمينه والا تغيير لا تحلمين يتغيير

توتو11 · 14-08-2008, 04:43

بصراحه اهم شي انه تذكرك
لاتناظرين اخوانك او خواتك لانه لو بتناظرينهم بيكون هذا سبب المشاكل
لانها بتحز بخاطرك
وبتقولين ليش انا وش افرق عنهم
احمد ربك غيرهم ماحد يعبرهم بهدايا وصديقتي اولهم

وموضوع الجنس شي داخل فيك انتي حاولي تتقبيلينه
ومع المحاوله بتحبين هالشي
بالتوفيق

حطمني ريلي · 14-08-2008, 05:01

المشكلة يوم تشوفين حد غيرج شو ييبون لهم وشو يسوون لهم من هني يي الخراب ):
كوني قنوعه باللي عندج لا تشوفين غيرج ..

هدوء الكون · 14-08-2008, 06:27

معليش اختي تحملي واصبري هذا قدرك وحاولي تشوفين الجوانب الجميله بزوجك واتركي المقارنه بينه وبين اخوانك اووو ازواج خواتك

أم اليــتيم · 14-08-2008, 07:01

القـــــــــناعه ((كنــــز)) لايفنـــى ... ...

دار الشهامة · 14-08-2008, 07:58

من راقب عيشة الناس تكدرت عيشته

وانت ليش من الاساس رضيتي فيه دام انج ما تحبينه ومن مستوى اجتماعي اقل منكم؟؟؟؟

الحب ماهو بالهدايا والألماس

كرهج للجنس ناتج من قلة فهمج للحب

حبيه

وخليه يحبج

وبس

وعلى فكرة ...احنا يالحريم على بالنا ان الرجال فاهمين شنو نبي ...او يجب عليهم فهم شنو نبي بدون ما نقول ...وهذا شي غلط

كتبيله رسايل
فهمية شلون ممكن تحبون بعض
فهمية كل شي

الواضح من كلامج انه اهوه يحبج

بس انت حاولي تحبينه....وقول الحمدالله على العافية

wbwbwb · 14-08-2008, 08:46

اقتباس:

المشاركة الأصلية كتبت بواسطة خطرفة كلمات

اش علاقة هذا بهذا

الله يهديكى

مكاوووي · 14-08-2008, 09:16

اول شي لو تحبي العنف فهميه ،،، عشان يعوضك الي بتعانيه ،،، وتتمتعو ،، انشاء الله

ثانيا انتي تزوجيته وعارفه وضعههههة يعني مافقر من بعد الزواج ،،،، انا معاكي ازواج اخواتك يعطوهم خوووواتم وسففر وكل شي بس هل مرتاحين مطمأنين لازواجهم ممكن بيعانوا بس مايدرو احد او ممكن يحبو انه كل وحدة تغير من التاني ،، او ازواجهم يعوضهم ماديا عشان يغطوا اشييييييياء كتير ،،

ثالثا مشاء الله تمدحي زوجك ،،، واعتقد معاملته ممتازة ليكي ،،، واللللللللللللللللللللفففففففففققققققققققققر مو عيب
انا عارف انتي تلاقيكي تقولي اوكي فقر ومستحملة كمان حياة جنيسة مو مرررررررررررررره ـــ لاتخلطي بين الامرين ،، اتوقع انك تحبي زوجك بس بسبب العلاقة الجسدية والبعد العاطفي عن بعض هو الي مسبب النفور ،،، ياما سمعت زوجين يبغو ينفصلوووو وكرهو بعض ووووووووووو وفي الاخير تلاقيهم زي العسل ،،، لانهم اتواصلو مع بعض فكريا والاهم والاهم بعد اي مشاجرة الاتصال الجنسي الي يرضي الطرفين ...

نصيحتي اتكلمي معاه عن حياتكم الجنسية وفهميه ايش تحبي وصدقيني حيسوي عشان يرضيكي والله يهنيكي ،،، وببالنسبة انه مو غني ،، انتي اختي تقولي انك وضع عائلتك احسن منه فساعديه كلمي والدك بهدوء وهو حيسويلك مصرروف شهري انشاء الله يساعدكم ،،،،،،،،،،، واختي السفر والهدايا امور دنيوية ،،، والله ..

اقصد بالفقر يعني مو فققققير مره بس اقصد ماعنده يعني ،،،

اتمنى لكي حياة زوجية سعيدة واتكلميييييييي ..

عضو مميز · 14-08-2008, 10:22

اقتباس:

المشاركة الأصلية كتبت بواسطة حالمة بس واقعية

نعم اكرة الجنس هذي مشكلتي مع زوجي ابيه يخلص بسرعة احاول اتهرب لما يطلبني اكرة انة يقرب من وجهي
مايحرك فيني اي احساس يمكن لاني ماحبة او يمكن على لاني ابي العنف عشان احس او يمكن اني ودي
يكون بيني وبينة تفاهم لفظي يعني يكون صديقي يقول لي اللي في قلبة كلة مثل مايقولة لمة
وصدقني لو انفصلت عنة ماراح اشتاق لة ولو فكر بس انة يتزوج يمكن القاها حجة عشان اتركة
بس مايعور قلبي الا عيالي
مع العلم
انة طيب وريحته دايما حلوه ونظيف وحنون على عيالة
بس هو على قد حالة وانا من عايلة والحمدللة غنية
خاطري يسفرني مثل ماخواني يسفرون زوجاتهم
خاطري يتذكرني بهدية قيمة وانا اشوف اخواني يهدون لزوجاتهم الالماسات والماركات
شنط وعطور وغيرة الهدية الوحيدة طول ال6 سنين هي لما راح الامارات
تدرون شجاب لي؟؟؟؟؟؟؟؟؟؟؟
خاتم بعشرة ريال<<< سويت نفسي فرحانة .......المهم تذكرني
ورغم ان خاطري في اشياء كثيرة عمري ماطلبتة بشي فوق طاقتة انا اللي اصرف على نفسي وعيالي[/center][/right]

اسمحيلي اعلق على الموضوع كنقاط:
اكرة انة يقرب من وجهي
لاني ماحبة او يمكن على لاني ابي العنف
لو انفصلت عنة ماراح اشتاق لة ولو فكر بس انة يتزوج يمكن القاها حجة عشان اتركة
بس مايعور قلبي الا عيالي
ثلاث جمل تدل على كره دفين في النفس، وليش التعب والوقت اللي ضاع والابناء اللي الان في ذمتكم... ليش كل هذا اذا كان ما تقدرين تكملين المشوار.. هذا رغبة كامنة بدأت اول اسبوع من العرس، والمفروض انها تظهر اول او ثاني شهر وتطلبين الطلاق وتعوضون الرجل بخسايره لاجل يشوف واحدة تستاهل

مع العلم انة طيب وريحته دايما حلوه ونظيف وحنون على عيالة
هذه نقطة تحسب له،، يعني اللي يجعل الزوجه تكره زوجها "الرائحة والاسلوب الهمجي والعطف والحنان"
واستغرب من اللي ما يقدر ويفتقد الذوق ومبادلة الشعور الطيب

بس هو على قد حالة وانا من عايلة والحمدللة غنية
خاطري يسفرني مثل ماخواني يسفرون زوجاتهم
خاطري يتذكرني بهدية قيمة وانا اشوف اخواني يهدون لزوجاتهم الالماسات والماركات
انت تحتقرين زوجك ولن تتقبلينه ولو تبقون مع بعضكم مائة سنة إلا بشيء واحد ... ""لا يغير الله ما بقوم حتى يغيروا ما بانفسهم""... صفي النية يابنت الحلال واتركي عنك التفكير التافه .. غيرك يدورون الرجل ويلمحون من قريب ومن بعيد علشان يسترون بنتهم وعلشان البنت تفرح ببيتها وابناء لها ينفعونها اذا ترذل العمر.

عمري ماطلبتة بشي فوق طاقتة انا اللي اصرف على نفسي وعيالي
انت تحبين الكشخة والهيلمان ... عموما هذا شعور جميل منك انك تراعين حال زوجك،، لكن كملي جميلك وصفي القلب.
القلب مضغة ان صلح ... صلح كل شيء.

سامحيني ان قسيت
لك تحياتي،،،

مضيع قلبي · 14-08-2008, 10:37

أنا آسف يمكن أكون قاسي بردي الى حد ما
لكن مشكلتك ليست في زوجك طالما انك أقرنتي علاقتك فيه بقريناتك من النساء المتزوجات وعلقتي المشاكل كلها بالأمور المادية اذا كانت امكانات الرجل المادية المحدودة معيبة كان أكثر من نصف رجال العالم انفصلوا عن زوجاتهم
لا تقارني حياتك بغيرك لأنو في كتير من النساء أزواجهن مقدمين لهن كل شي من المادة مقابل أهم شي في حياتها ومقابل انه يغطي على عيوبه من خلال المادة
وبعدين لو عندك ميول جنسية معينة انتي بادري وحسسيه باللي تشتهيه نفسك

خليكي بحالك وإن لم يكن ما تريدي فأريدي ما يكون وتمتعي بما بين أيديكي ولا تنظري لما بين أيدي الناس فالله وحده العالم بما في نفوس الناس وما تحكيه

شمس عمري وظلي · 14-08-2008, 12:10

عمره ماكان المال يعوضك عن العواطف والحنان

وإنظري لزوجك على أنه أنسان مو آله لصرف الهدايا والفلوس

يكفي أنك تحبيه عشان حنيته عليكي وعلى عياله

في الأخير كل الناس فيها عيوب يعني حتى أنتي فيكي عيوب بس

زوجك مايفكر يجرحك ويبين لك عيوبك وراضي فيكي مثل ما أنتي

حالمة بس واقعية · 14-08-2008, 12:55

مشكورين على مروركم وتجاوبكم الرائع
واحب ابين لكم شغلة...........
انا ماني محتاجتة يصرف علي وهو اصلا مايصرف علي انا مغنيني راتبي
بس ابي اوضح ان المرأة تحب الرجل الكريم الي يتذكرها حتى بوردة ((الكرييييييييم))
والا وش بيكون موقف المراة لما تروح مع زوجها المجمع تشتري اغراض لبيتهم ولما يوصلون عند الكاشير يهرب ويخليها تدفع
ماقول لكم ان هذي مشكلة كبيرة عادي تصرف على بيتها بس المشكلة في صورة هذا الزوج عند زوجتة وخاصة انه متوفر في جيبة المبلغ
اللي بيخليها تحتقرة وتنفر منة حتى في الفراش

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)