عالم الحياة الزوجية - منتدى

حالمة بس واقعية · 14-08-2008, 04:17

[دايما قلبي ينغزني من من القفل اللي حاطة زوجي على موبايلة
ومرة كان في الحمام ولقيت جوالة مبطل وماصدقت خبر على طول
فتحت الرسايل المرسلة وياويلي من اللي لقيتة مسجات حب وغرام
مرسلة من جواللة الى رقم باسم رجل لكن المسجات غرام وحب؟؟؟؟
خذيت الرقم وحفظتة في قلبي المجروح دقيت على الرقم وطلعت بنت
البنت هذي عرفت صوتها..........<تذكرت من سنة كانت تجيني ازعاجات على موبايلي
رقم يتصل فيني ويسكر دايما واشتكيت لزوجي من الموضوع وطلبت منة يتصل على الرقم
ويشوف السالفة وبالفعل دق على الرقم بس ماعطاني خبر ولما استفسرت منة بعدها
قال لي ماتصلت ولا فضيت ....استغربت وشكيت فية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولان صاحبة الرقم المزعج ماترد على جوالي كلمت اخوي وطلبت منة يشوف وش السالفة؟
اتصل واكد لي شكوكي وقال ان الرقم حق وحدة ومن هنا بديت اشك في زوجي وتذكرت ان
سالفة قبل زواجنا {انة وحدة من بنات الجامعة (تربية عملية)مسكت بنت اختي
وسالتها عن واحد من اقاربنا(زوجي حاليا)وقالت لها انها بتزوجة......وسمعنا وقتها اشاعات
انة (زوجي) كان يبي يتزوج وحدة بس اهله معارضين بسبب اصل عايلتها ونتهى موضوعها ذاك الوقت}
قلت يمكن ان البنت حنت للسوالف في التلفون مع زوجي ويمكن تبي تجدد العلاقة ولمحت لزوجي
بس هو عنفني على عدم ثقتي فية قلت يمكن صادق وقتها ماقدرت اتاكد لان جوالة مثل ماقلت لكم علية
قفل ونسيت الموضوع لحد ماقريت رسايلة واللي قاهرني انة عمرة مارسل لي رسالة ويحلف انة مايعرف
للرسايل تبون تعرفون شسويت على طول واجهتة وانكر الموضوع وقال ان الرسايل موجودة في التيلفون من
يوم ماشريتة<<<يستغفلني الاخ ..بس انا كنت قارية تفاصيل الرسايل وتاريخها وقلت لةه واصر على الكذب وحلفت انة لو ماعترف لي ان افضحةوياهاوبعد انكر جبت لة القران وكان عادي يبي يحلف زور
بس انا غيرت رايي وقلت لا تحلف ولا شي بس هات موبايلك وخلنا انكلم البنت رفض واصر على الرفضوقال حتى لو بنت شبتقولين لها قلت انت اللي كلمها وحطة على السبيكر ورفض وبعدها طلع
وانا دقيت على الرقم لكنه يرن محد يشيلة <وعلى فكرة تيلفوني كان مقطوع وكنت ماخذة بطاقة عندة من زمانيعني شريحة ثانية>ولما شفتها ماتشيلة طرشت لها مسج على اني هو والمصيبة انها ردت على المسج وقالت ان عندها ناس ماتقدر ترد انا وقتها زبدت ورغيت وماعدت اشوف قدامي وجا زوجي بس تحكمت باعصابي عشان عيالي الصغار مايسمعون ولا يتاثرون دخلت وياة الحجرة وقفلنا الباب وقال لي ان الرقم حق واحد من ربعة وكان يبي يتصل فية قدامي<<<<<<<<<<<الحين هااه شكيت طبعا وشفت
الرقم بس ماكان رقم البنت صاحبة المسجات يعني راح وغير الرقم<< الاخ لي الحين يستغبيني
وعصبت علية وحلفت اني افضحهم هو وياها وسبحان الله كنت حاسة انها اللي كلمتكم عنها ونطقت له اسمها ولاحظت انة ارتبك وخاف وقال لي لاتوهقينا مع الناس وخذا جوالي ومسح اسمها اللي خزنتة
ورسايلها اللي خذيتها من جوالة ورسايل الحب والغرام اللي مرسلها لها كل هذا عشان مايكون علية دليل
وبعدها طلع وجاتني رسالة من الاخت انها كانت مغلطة وتعتذر اتصلت فيها عشان افهم الموضوع ماردتوطرشت لها رسالة اهددها ان ماردت بفضحها وبعد ماطرشت بشوي جا زوجي معصب ويبي ياخذ شريحتة انا رفضت لان ماعندنا في البيت تيلفون وعندي عيال صغار اخاف يصير فيهم شي واتوهق
....................المهم طولت عليكم انا الحين تاكدت 100% انة يكلم وحدة ويكذب علي وينكر
الحين انا تركت لة البيت وقلت لة لو تبيني ارجع ماتكذب علي وتقول لي السالفة كامله<من هذي؟
كيف عرفتها ؟متى عرفتها؟
المشكلة اني لمارحت لبيت هلي شكوا وقالو عسى ماشر صاير بينكم شي انكرت واقنعتهم ان مافية شي
لان كان في راسي موال ولا احب حد يتدخل......واستعلمت عن رقمها طلع مبيوع في السوق باسم هندي
انقهرت كنت اتمنى اني اعلم اهلها واشفي غليلي فيها وياه
امه من الطرف الثاني استغربت روحتي بيت هلي وكالعادة قعدت تحقق معاة واعترف لها بالسالفة وانكر انة يكلم وقال اني اتهمتة واني اهددة اني اورطة مع الناس<<<اذا ماسوى شي ليش خايف؟؟؟؟؟
وبعدين اي ناس هل لاني ذكرت اسم البنت بالصدفة وظن اني اعرفهم؟؟؟؟؟؟
وبعدمارحت بيت هلي قعدت 3 ايام ماتصل وبعدها اتصلت فيني امه قلت اكيد بتسالني عن السبب عشان كذا مارديت بعدها بربع ساعة اتصل هو وكنت اتسبح يوم مارديت اتصل في امي وقال لها السالفة كاملة<<<<<<<<<<<سواد وجهه
الحين مابغي حد يشك لحظة اني ظالمتة لان الادلة كانت بين ايدي حتى لي رحت معاه مكان مايشيل عينة عن البنات رغم انهم موب احلى ولا اكشخ مني.
والحين ابي رايكم
كيف اعرف اوصل للبنت واخوفها عشان تبتعد عن زوجي؟
كيف اخلي زوجي يعترف وما يكذب علي؟
كيف اخلية مايطلع اسرارنا الزوجة ومشاكلنا لامة؟ .< امه مفهمته انه ماغلط وانه رجال وماعلية عيب>
تكفووووووووون انا محتاجة حد حكيم يقنعني براية

توتو11 · 14-08-2008, 04:37

بصراحه حسيت فيكي وانا لسه ماتزوجت
يمكن ماعندي خبره بالحياه الزوجيه
بس البنت هدديها فقط يعني لاتفضحينها عند اهلها
لاتنسين من ستر على مسلم في الدنيا ستر الله عليه يوم القيامه
الله يفرج همك ويبعد هالاشكال عن زوجك ويخليكم للبعض
وان شاء الله تلاقين الحل

حطمني ريلي · 14-08-2008, 04:57

مسلسل الخيانة من يديد ):
أنا عشت هالمسلسلات وااايد
أحس أنه مسلسلات شوي قولي عشت أفلام وهندية بعديعني طويييييييييييييييلة ):
يعني ألحين إنتي يوم واجهتيه ما نفع شي رحتي بيت أهلج ليش ؟؟
جي بيفضاله الجو ..
انا حاسة فيج وانصحج إتركيها هالبنت ترى الله فوق ويشوفها هو بخالقها وهو بيحاسبها شو بتستفيدين إذا فضحتيها ؟؟؟
يمكن ريلج بيروح يكلم وحدة ثانية بيحط هالشي فباله <<< ترا في رياييل عنيدين وااايد ..
صدقيني إتركيه ولا تفتشين وراه بس راقبيه من بعيد لبعيد وشوفيه لوين يبي يوصل وخربي كل شي عليه بذكائج بدون ما يحس إنج تراقبيه ,,
لإن المواجهه ما راح تفيد أنا يا ما واجهت وإرتفع ضغطي وياني إنهيار عصبي ولا شي فايدة ..
إيلسي مع نفسج شوي وفكري لو كنتي مقصرة وياه وإلا لا
غيري من حياتج جددي طريقتج في التعامل وياه إسحريه بكل شي فيج عوضيه عنهم حتى لو رجع وإكتشفتيه يرمس غيرج
بتبقين إنتي بعينه أحلى وحدة
بس الصراخ والتفتيش والحشرة كل يم بتخليه يكرهج وبيعاند وبيزيد من لعبانه حبتين ..
كوني كوووووول وإهتمي بنفسج أولا بعدين إهتمي فيه كثري من الهدايا المفاجأه إقري مواضيع المنتدى ترا فيه حركات وأشيا بتتعلميها يديدة وروووعه وبتونسين ريلج وصدقيني مع الصبر والدعاء وقراءة القرآن والدعاية بالهداية بيتغير ..
صح الخيانة صعبة بس مالنا غير نتحمل ونصبر عسى الله ييب العاقب سليمة ^^
وسوري طولت عليج ,,

يـقـيـن · 14-08-2008, 06:11

انتي روعه ،،

الحلووووو انك حوارتيه وواجهتيه والحلوووووو اكثر انك تعرفين هالبنت اللي متسلطه عليك شفتي لو انا بمكانك وربي لااروح لها واخليها تتوب تووووووبه نصوح قليله الذوق هالعقرب خليها تعرف ان الله حق
روحي لها والا كلمي امهااا خليها تحس ع دمها هذا اذا عندها دم واذا ماتعرفين بيتهم
خلي البنت اللي بالجامعه اللي قالت لك انها تبيه قبل تدلك عليها وعلى بيتهاااا
اصلا اذا واجهتي البنت زوجك عرف انك رحتي لها راح يحط لك اعتبار بعدها ولاراح يكذب عليك يخاف تكشفينه بعد وقولي له انا عرفتك وابيك تصير رجل واسرارنا ماتطلع ونفتح صفحه جديده مااحد يتدخل بيننا

مانو · 14-08-2008, 07:13

عشان كذا كاتبة إنك كارهة الجنس
وهنا
بقول ياناس
اللي يكتبون ويشتكون برود
زوجاتهم
غالبيتهم خونة
لذلك تبرد عواطف زوجاتهم
أختاروا البرود كردةفعل
بالنسبة لك
شكله خاف
فقولي سامحتك ع شرط
بنفس اللحظةخذي الشريحة
اكسريهاوامسح الرقم منالجهاز
وخليهيطلع رقم جديد
وقولي من دق أبواب الناس....
واوعظيه
وفعلا سامحيه
وارجعو عشاقمن جديد
واتغزلي وامدحي فيه
اشبعيه
وح ترتاحين
واحمديربك
أعرف وحدةكلمت خويته
جاءها زوجها أهانها وطلقها
عشان كلمتها
مازالت عنده
وهو غير جبل ماتغيرطبيعة

دار الشهامة · 14-08-2008, 07:25

حبيبتي

زوجج يحب هذي البنت

والبنت تحبه

هذي من الآخر

ولخبرتي بالموضوع زوجج مو شاطر...ولا يعرف يكذب والدليل على هذا انج اكتشفتيه وبسهوله .... ولكن اهوه يمين يسار ماراح يتزوجها لأن لو كان يقدر يتزوجها كان تزوجها من زمان واهلها رضوا فيه

والحين اهلها ماراح يرضون فيه لأنه متزوج ...يعني العله زادت....

لاتتركين بيتج
وترى مو كل البيوت تبنى على الحب

اتركيله مجال يحفظ ماء وجهه جدامج (وللعلم انج ما تركتيله مجال)

ودام انه حلف لج انه ما يكلم معناته انه لي الحين يحترمج

ويبي علاقتكم تكون مبنية على الدوام

والخيانه لفظ قاس وتعني انه ينام معاها

مو يحاجيها بالتليفون

هذي نزوة....

حلي مشكلتج مع زوجج ولا تدخلين بنت الناس في المشكلة

ومهما هددتيها او هددتيه اذا ظليتي على موقفج فراح يتمسك فيها اكثر وهي اتمسك فيه اكثر

بينيله انه هذا موضوع تافه (مادام لم يصل للفراش) وواتبعي معه طريقة او عدة طرق تخلينه يشتاقلك

وانه يرجع البيت علشانك

وانه يدزلك انتي المسجات

مابي الومك اكثر لكن اهوه ما رجع للحب القديم الا لأنه لم يجد حب جديد

كوني الحب الجديد
كوني الحب الجديد

maryoom · 14-08-2008, 07:57

الله يعينج عزيزتي وربج كريم

يمهل ولايهمــــــل

شوفي آنا للحين ماتزوجت بس مرتبطة وكلمة قلتها له وهي: إذا خنتي أخونك مع أقرب الناس لك علماً بأني ماراح أسويها لأني قيمي ماتسمح لي بس كتهديد

مكاوووي · 14-08-2008, 09:05

"""كيف اعرف اوصل للبنت واخوفها عشان تبتعد عن زوجي؟"""" وليه المشاكل ،،،

عندك زوجك ،،، اتكلمي معاه اكتر وعن كل شي وابعدي عن الاتهامات واي شي يعكر وهدديه انك حتنهي الحياة الزوجية معاه ،،، اوصلي معاه حتى انك تفهميه انه غلط ،،، فهميه انه الحياة معاكي هي الحياة الصحيحة ، انكم الاثنين مع بعض لبعض ،،، فهميه معنا زوج وزوجة ،،،، حاولي تتكلمي معاه كطفل واغلبيه في القناعة..

وكمان اتكلمي معاه ايش فيه ناقص وبيعوضه ،،،،، اتوقع يحب المخاطره او التنوع ،،، حاولي تعوضيه ،،، حاولي كتتير معاه قبل اي شي ،، واذا مافي امل ،، صلي الخيرة ،،،

مضيع قلبي · 14-08-2008, 10:51

أ،ا من الناس اللي تكره الخيانة جدا مشان هيك انتي لازم تحكي مع زوجك وتعطيه فرصة ثانية
ولو رد لمثل هذه التصرفات ربك يحلها
وانتي حاولي بينك وبينه ان تعرفي ليش يدور برا وشو السبب اللي خلاه يحكي ع امثال هيك بنت
واعرفي شو الأسباب يمكن يكون في عيب أو تقصير منك لا سمح الله وانتي مو منتبهة اله أو هو يدور شي موجود عندك بس لا انتي عارفة تطلعيه ولا هو عارف يطلبه
ولو استمر بعدها على ما هو عليه فاللي حلل حرم

حالمة بس واقعية · 14-08-2008, 12:14

مشكورين على المرور والافادة ماتصدقون شلون كلامكم كان مثل البلسم على قلبي
خاصة اني ماقلت لحد عن الموضوع لا امي ولا خواتي وحتى لما اتصل زوجي لامي وقال لها
على الموضوع كابرت وترجيتها ماتدخل في خصوصياتي لاني طالما ناوية ارجع له فاحب انها تكون صورته
عند اهلي حلوة لذلك طلبت مشورتكم ورايكم المحايد والله يعطيكم العافية ويبعدكم عن المشاكل

أخصائية مجنونة · 14-08-2008, 14:06

ماااااالو داعي انو تكلمي البنت أصلااا
لانو العيب من زوجك صراحة ولو راحت دي ممكن يجي غيرها 100
ولو كلمتيها مو حلوة بحقك انتي...الموضوع حلو انك عند أهلك خليه يتربى شوية..وحكاية تفضحيه ابدااا لا تسويها خليكي عايشة بأخلاقك ومبادئك الحلوة حتى لو لاقدر الله تطلقتي لا تفضحيه ابدااا هو حيحتقر نفسه وحيعرف انك كتير عليه..بس قولي لامه وبرري وجهة نظرك...انو اكيد غلط وانا ما تكلمت الا لما اتأكدت واكيد كأم شي طبيعي انها تدافع عن ولدها وبالعكس تلقالو مبررات كمان
خليكي حكيمة ....اذا تحبيه بصدق ومن جد...لا تخلي وحده من الشارع تاخده وانتصري عليها...هادي اكبر ضربه لها

دافي^احساس · 14-08-2008, 14:18

انا أقول أغفريله زلته...ترى كلنا صارت لنا نفس سالفتك أنتي وزوجك.

وخلي الحوار بينكم سيد الموقف.

واتركي عنك سالفه العناد والتحدي مع زوجك....عشان تثبتي أنه يكذب.

اوكي دريتي أنه غلط وكذب عليكي اشراح تستفيدين؟؟

بتقولين له طلقني؟.....او تتركين البيت وتجلسين عند أهلك؟......في الحالتين أنتي الخسرانه.

تفاهمي مع زوجك وحسسيه بغلطته بطريقه مناسبه.

لكن مسألة تحلفينه على القرأن...واتفتشين جواله كل اشوي...ترى مافي رجال يرضى بهالشي.

والله يوفقكم.

دلوعه بوظبي · 14-08-2008, 14:22

شو هالدنياا الارفف والله محد عايش مرتااح في حيااته الله يكوون في عونا نحن البناات على اللي نشوفه منهم

أخصائية مجنونة · 14-08-2008, 14:42

ترى مو احنا المساااكين معشر النساء الرجال يخونو مع نساء حيخونو مع نفس الجنس لا طبعاااا اكيد كل انسان لو عيب...وترى اكيد ما حتاخدو كل شي كامل لازم يكون في نقص...هيه مدرسة وعندها اولاد وزوجها خانها لفظيا اي بالمكالمات...اعرف وحده زوجها يعشقها وثري بس ما عندهم اطفال..واعرف وحده زوجها وهيه مبسوطين وعندهم اطفال بس حالتهم المادية عدم...ووحده طفلها معاااق..مافي حظ كاااااامل ابدا في العالم ووجدت ان الحل شي واحد...القناعة والايمان بالقضاء والقدر كل شي وله حكمة لو تدبرنا بهااااا سنؤمن بذلك تماما

لوليارا · 14-08-2008, 19:32

الله يعينك ويرحمنا برحمته

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفووون ابي حل مع زوجي الخاين