عالم الحياة الزوجية - منتدى

هدوء الكون · 22-08-2008, 10:06

من كم يوم كنت بالسوووق ومعي وحده من قريباتي المهم قلت لها بروح لستي ماكس
قالت وع انتي تشرين من ستي ماكس ترا خساره الريال فيه قلت لها ليش قالت تقليد وبعدين غسله والزباله

قلت لها هو فعلا مب عملي مره مقارنه بالماركات بس مب سيء للهدرجه يعني حظك ونصيبك فيه قطع تجلس معك سنين وقطع غسله والزباله

و شرايكم انتم بهالمحل؟؟

^ملكة الحرمان^ · 22-08-2008, 16:07

مرحبتيـــــــــــــــــن
انا من رايك وبقوه .. فعلا هالمحل شختك بختك ..
في قطع شريتها وتوسعت وبهتت الوانها مع الغسيل ،
وفي قطع قطنيه جنان ماتتأثر بالغسيل ..
يسلموووووو ^^^

هدوء الكون · 22-08-2008, 20:53

هلا بك حنونه نورتي

مرمر999 · 23-08-2008, 00:29

هلا اختي انوثه بالعكس احس انه سيتي ماكس سعرة كويس وقطعة عجيبة ومشاكل التوسع والتبهدل تحصل معي حتى لما اشتري من ماكس سبنسر وبي اتس اس ونكست رغم اسعارها ناااار .......... على فكرة ستي ماكس افضل وتقدري بسعر الامامن الغالية تشتري كم قطعة ........... وفي نوعية من القطع انتي تعرفين اذا كويسة وما تتغير الوانها ولا شكلها .... وبالتوفيق

تحت ظلال الزيزفون · 23-08-2008, 04:26

وربي قرف ستي مااااكس

بضاعتـــه مو حلوووه وحتى اسعارهاااا

وعلى قولتك تتوسع من كثر الغسل وتخرب

انا مره اشتريت منه بعدهااا هونت

حتى ستي بلازى غااااااالي على غير سنع

وزمااااااااااان ما اشتريت منهم

وربي اياام التخفيضااات اروح للمحلات الماركــه انهم يطلعون احسن

من اسعااار ستي وبلازا

جربي وشوفي

دمت بخير

ارين الحياة · 23-08-2008, 04:36

بلعكس ستي ماكس ملابسه عملين وحلوين وانا اخدت منه ماتغير لالون ولاتوسعت ولاصار شئ يمكن على حسب نوعيه القماش الي انت تاخدينه وشغلاته حلو واسعار كمان واذا عاد على الخراب والتغير مافي شئ يبقى على حاله لابد يجي اليوم وتتغير ان ماراحت الونه توسعت وان ماتوسعت تمزعت وان ماتمزعت احترقت وان ماحترقت صغرت وهيك
مثلها مثل الماركات والبنت تحب التغير ومستحل راح تضل تلبسها اكثر من 5 سنوات

وتقبلو مروري

هدوء الكون · 23-08-2008, 11:04

ملكه الحرمان ومرمر وارين الحياة نفس وجههة نظري

تحت ظلاال الزيزفون صح كلامك ميه ميه بس انا مااا انتظر التخفيضات اذا رحت شريت وربي انقهر اذا لقيت قطعه عندي مخفض عليهااا

تحت ظلال الزيزفون · 23-08-2008, 13:23

اختي بقوووه تنقهري

مثلآ انا قبل كم يوم بسوانـــي صار عندهم تخفيظااات اول شي 50%

طيب المهم اخذ بناطيل جنز لـ بناااتي

الأسعار شوفي كااانت بـ 300 و200

المهم اخذت يوم جيت أبي احاسب

سألت الموظف قلت متى تسوون 70%

قال بعد اسبوع قلت طيب حراام اخذهااا

الحين وبعد اسبووع اقل

قالي يمكن ما تحصلي المقاااس

قالي هاتي راح احطهاا بالمستودع وتعالي بعد اسبووع

طبعاا حطيت رقــم جواالي يرسلون لي رساله

وربي وجيتــــه اخذت 15 قطعه بين بناطيل وملآبس العيد

بــ 900 ريااال

كانت بـ 50% بـ 200

شوفي قبل التخفيظاات كم تطلع لو اخذتهااا

لو تقوولون الموضه وربي كلــه نصب

يقولون راح ننزل بظاعه جديده

ما اشوف البظاعه تفرق عن الأول شي

خااصه بناطيل الجنز

انا يا طويلــة العمررر

صرت احط رقم جواالي عند البوتيكاات

فا يرسلون مسج

اذا سوو تخفيظاات جيتهم

انا ملآبس العيد اشتريتها من التخفيظااات

ونا عني زي ما قلت زمااان ما اشتري من ستي او بلآز

وربي تطلعين من عندهم بمبلغ وقدره

واغلب الي اشتريتيهااا حقت طلعاات عاديــه او حقت بيــت

الحين ترى لســه فيــه تخفيظاات

انصحك تشترين للعيد من الحين

شي اخيررر

دبنهامز اليوم ارسلو لـــي رساااله جوال

عندهممم تخفيظااات 75%

انا احب ملآبسهم الداخليــه

وملآبس الأطفااال عندهم حلووو

اذا رحتي قولي لــي

<<<< مفلســه مو رايحــــه

دمت بخير

هدوء الكون · 24-08-2008, 07:55

ابشري حبيبتي انااا بسوي زيك ووبحط رقمي عندهم ستي بلازا يعلموني اذا خفضوو بمسج بس مافكرت اسال غيرهم من جد فكره بالنسبه للطلعه السوق انا زيك مفلسه هالكم شهر لاحظي كم شهر الناس تفلس نهايه الشهر اسبوع اسبوعين انا اشهررررههههههههههه

عمومااا وش رايك تصيرين صديقتي وتاخذيني معك للسوق

المواليه · 25-08-2008, 19:21

اقتباس:

المشاركة الأصلية كتبت بواسطة مرمر999

هلا اختي انوثه بالعكس احس انه سيتي ماكس سعرة كويس وقطعة عجيبة ومشاكل التوسع والتبهدل تحصل معي حتى لما اشتري من ماكس سبنسر وبي اتس اس ونكست رغم اسعارها ناااار .......... على فكرة ستي ماكس افضل وتقدري بسعر الامامن الغالية تشتري كم قطعة ........... وفي نوعية من القطع انتي تعرفين اذا كويسة وما تتغير الوانها ولا شكلها .... وبالتوفيق

فعلا كلام مزبوط ما عليك أني أشتري من كل مكان من الماركات وغيرها في الي يضل وفي الي مايضل
أني ما أحب الناس الا بس تتكلم عن الماركات

أخر قطرة عطر · 27-08-2008, 08:41

أسمحوا لي إللي قالوا وييييييييييييع وقفر ستي ماكس

أقولكم ماراحو له

أنا دووووووووم أروح ستي ماكس

صح ملابسهم مو حقت جخ و روحات عزايم

بس عمليه ومريحه

وفيها حركات كيوت

تنفع لزيارات عاديه و أستراحات و كليات ولا للموظفه إللي تداوم

أنا بعد ما أشتري لولدي بدل إلا منه لأن الاطفال تكبر فحرام 5 أو 6 بدل يبلسها لبستين ثلاث وأخرتها تصغر عليه

أشتر البدل حقات الطلعات العاديه منهم وبدليتن غاليات لطلعات إللي تحتاج أكشخ ولدي فيها

وبعد ملابسهم الداخليه النسائيه مره فضيعه

أول أنا دايم أشتري ملابسي الداخليه من نعومي وما أعترف ألا به وغيره لا

ومن بعد ما عرفت ستي ماكس صرت ما أروح لنعومي ألا مرتين بالسنه

ستياناتهم مره عمليه ومريحه خصوصا للبيت وطلعت كليه ولا معهد

أما الزيارات و العزايم والزواجات الله يعافي نعومي و شانتيل

حتى بجايم البيت انا من النوع ما أحب ألبس الستان أو الحرير

ما أرتاح

دايم بجايمي قطن وأكثر ما ألقاها أول بلاسنزا وبالوقت الحالي بستي ماكس ألقا بجايم روعه وقطن وناعمه ومريييييييييييح وتجي فضيييييييييييعه ع الجسم للمتزوجات

بنطلوناتهم الجنز حلوه للمليانات سبق قبل فتر نط وزني في ظرف عشر أيام من68 إلى 85

ويا الله جاني أحباط ماألقا تناننير ولا بناطيل تنفع لي وتجي مقاسي

وما لقيت ألا بستي ماكس ولا بعد بالنسبه للبناطيل ما تبين كرش

بس إلحين الحمد الله أبشركم خخخخخخخ وزني 71 سويت رجيم خخخخخخخخخخ

وبعد تلقين سبورتات مره نعومه وكيوووووووت وبناتيه حييييييل

وبعد كسسواراتهم مره نعومه

وجزمهم فيه أشياء خفافي يعني طلعت أستراحه للكليه لسوق

وبعد ألعاب الاطفال مررررررررررره روووووووووعه

وفيه عاد أشياء من جد خيااااااااااااااااااااااااس مثل شناطهم دايم شناطهم تحوم الكبد

جزم الاطفال داااااااااايم مالقا لولدي شي زين

وملابس الشباب إللي أعمارهم بين 12 و 16 أخوي دايم يحوس و يطلع بولا شي

بس عموما أغلب الموجود بستي ماكس حلو بس

هدوء الكون · 28-08-2008, 05:33

اقتباس:

المشاركة الأصلية كتبت بواسطة المواليه

فعلا كلام مزبوط ما عليك أني أشتري من كل مكان من الماركات وغيرها في الي يضل وفي الي مايضل
أني ما أحب الناس الا بس تتكلم عن الماركات

معك حق اختي والله انا من رايك فيه زين وشين

تحت ظلال الزيزفون · 28-08-2008, 11:25

/
/

شرفنــــي أنك تكونــي صديقتك

/
/
/

بْقَاٌيَاٌ҉ذِكْرَيَاٌتِ · 28-08-2008, 12:51

والله سيتي ماكس على حسب نوع القماااش فعلا صادقين نصها حلوة ونصها ووووع

ماتجلس على طول تنعدم افضل ماركه هي ماركة زارا 00000000 وسيتي بلازا

فقيره حظ · 06-09-2008, 00:48

عن نفسي مره شريت منه تي شيرت من 3 سنواات وربي كديته اغسل فيه والبس وعلى حاله ماتغير
ومدري احس كل مكان حتى الماركات فيها الزين اللي مايتغير وفيها الشين اللي من اول غسله عليه السلام هع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وش رايكم بستي ماكس