عالم الحياة الزوجية - منتدى

الطش والرش · 25-08-2008, 20:34

السلاااام عليييييكم ......

مممم مدري من وين ابدا بس انا الحين بالخارج واختي انخطبت وملكت خلاااص

بس المشكله انها مو مقتنعه بالعريس متردده مررررررررررررره

ويوم اقووول لها استخيري تقول استخرت ....المشكله انها تقووول انه مايعيبه شي واخلاقه حللوووه واللي

اكثر من كذا تقول انه ميييت عليها متجنن فيها وشاريها

بس هي مو هاضمته تقول تحس انه عادي يعني لاتحبه ولاتكرهه ماتحس بمشاااعر تجاهه تقول مو مثل

البنات يوم يفرحووون بعريسهم

والله حيرتني

وماعاد صرت اعرف وش اقووول بس اقووول لها استخيري وان ربي بيختارلك اللي هو

فيه الخير ويوم اكلمها احس قلبي يتقطع عليها يوم تتكلم احس انها مو مبسوووطه زي البناااات

واحيانا يوم تتكلم تقول

" كله من اهلي هم اللي ضغطوا علي وخلوني بالبدااايه اواافق... وتبكي وتقول ليتك عندي ابي احد اتكلم معه....."

قلت لها انتي الحين بالبدااايه وماصار شي للحين قرري الحين قبل لاتتزوجين ويجيك اطفال وتندمين بذاك

الوقت وبنفس الوقت فكري قد ايش هو متعلق فيك ذي الايام الوحده تدور على اللي يحبها مو اللي تحبه

اقوول لها فكري بعيوووبه وبمميزاته وقرري

ومن جهه ثانيه امي مييته عليهم وامه واهله وهو كلهم شارينها وشايفين ان اهلي مسوين فيهم معروووف

انهم وافقوا واعطوهم بنتهم تخيلو!!!! اقسم بالله ماابااالغ بكلامي هذا اللي حاااصل بس اختي الله يهديها

مدري وش فيها

انا بالغربه الحين وهي تقول انها احيانا تصحى بالصبح وهي مقرره انها تنفصل عنه خلاااص وتبي تقول

لاهلي وبعدها تتراجع

تقول ان ذا الشعووور يوميا يجيها والحين صار يوم ويوم لا << هذا الكلام قالته لي قبل يومين

وش رايكم بالموضوع ابي نصايحكم ورايكم وش اسوي ووش اقوول

ma3aali · 25-08-2008, 21:42

الله يهدي اختك مادري نفس السيناريو حصل مع اختي تقدم لها واحد وهو ولد العم والاهل كلهم وافقوا ومن كثر ما لحوا عليها وافقت ويوم ماتزوجت صارت تقول حق امي وابوي انا مو سعيده وانتم السبب وراح ادعي عليكم لي يوم الدين امي عاد انا وبنات عمي كل يوم نترس مخها مسكينه الحين اتقبلت بالامر الواقع وعرفت ان هذا نصيبها والحين هي حامل بس ليما الحين مانست باللي سووه اهلي فيها
المهم قول حق اختك القرار لك وحدك وليما الحين عندك فرصه والله يسعدها انشالله

أتعبتني · 25-08-2008, 22:01

أختي العزيزة

اسال الله العظيم أن يهدي أختك إلى سواء السبيل،

قال تعالى( ومن آياته أن خلق لكم من أنفسكم أزواجاً لتكسنوا إليها وجعل بينكم مودة ورحمة)

أن الآية الكريمة التي ذكرها الله عز وجل لم يذكر فيها الحب بين الأزواج ولكن هناك مبدأ أساسي وهو المودة والرحمة، كما أن الآية الكريمة ذكرت أن تطبيق الزواج هو آية من آيات الله في الأرض، وعليه يجب على أختك أن تعي المسألة لا أن تتصرف على هواها ودائما ما يسير الهوى القلب والقلب دائماً يتبع الشيطان والعياذ بالله فلا تتبع خطوات الشيطان ويجب عليها أن تفكر بعقلها لا بقلبها لان الندم لن يفيد اذا حدث الطلاق لا سمح الله،

كما أن الرجل حسب ما ذكرتي أنه طيب ويعاملها معاملها حسنه فلا يجب أن تظلمه وهو أنسان لا يعيبه شيء نحسبه كذلك، واذا واصلت على نفس الطريق وحدث الطلاق لاسمح الله فأنها ظلمت هذا الرجل وهو لا يستحق أن يُظلم، كما جاء في الأثر قول الله يا عبادي أن حرمت الظلم على نفسي وجعلته محرم بينكم فلا تظالموا،

اذن يجب على أختك أن تحسب لكل خطوة ألف حسيب فالمسألة لا تتعلق بالدنيا فقد بل تتعلق بالاخرة وحساب عقاب،

ولا تنسى أختك الوقوف بين يدي الله عز وجل للحساب واذا سألها الله عزل وجل لماذا طلبت الطلاق فياترى هل تملك جواب وقتها، طبعاً لا، فلا تنظر إلى المسألة دنيوية بل يجب عليها أن تنظر إلى البعيد،

وفق الله أختك وأياك لكل خير وهداهم إلى كل خير،

مخاوي الاحزان · 25-08-2008, 22:44

اخي الطش والرش جزاك الله خيرااا لاهتمامك باختك ومصلحتها رغم غربتك قل مانجد من يهتم بثل هذة المواضيع وخصوصا من هو في الغربة .اخي عليها بالاستخارة والتقرب من خطيبها بقدر ماتستطيع ومنها تعرف ميزاتة وعيوبة قد تجد فية ماتحبة وترضاة كزوج للمستقبل واب لعيالها نسأل الله لها الهداية .
تحياتي اخي العزيز

*سحر الشرق* · 26-08-2008, 02:50

...........
رايي من خلال ماسمعت
احيان يكون الشعور مبدئي
الحين لازم تكلمه ويزوركم كل اسبوع
كذااااااااااا تبدأ تحبه غصب عنها صدقيني
بعد شهر شهرين تلاقيها تحبه
هذه نصيحتي لاختك خليها تجرب تقابله دايم
الحب يتولد مع المواقف
كثير تحدث وبعدها يمكن تطيح بعشقه

فــــ الحنان ــــاقد · 26-08-2008, 02:58

شي طبيعي انها ما ترتاح في بداية الأمر لأن الزواج تغير كبير

و صعب الواحد يتقبله بسهولة .

و ان شاء الله الرجال خير لها مادام انه يحبها و اهله يحبونها.

و مع الوقت رايحة تحبه بس الشغلة يبغالها صبر..

queen meme · 26-08-2008, 06:27

حبيبتي شي طبيعي ان الوحده ماتحب بسرعه خطيبها

وخصوصا اذا كانت مغصوبه عليه

طالما انها ماتكرهه فهذا خبر حلو

والحب بيجي بالطريق لاتشيل هم الوحده مننا تحب الرجال اللي يحبها

واختك شوي شوي بتحبه دايم شايفته يحبها هالقد

لا تستعجل توها في اول الطريق والحب بيجي بالعشرة

اابو دانـــــا · 26-08-2008, 12:07

خلاص هي نفسياً مو متقبلته ولا راح تتقبله ومستحيل تعيش معاه حياه سعيدة هي الحين في اول الطريق خليها تاخذ قرارها في اسرع وقت لأنها هي صاحبة القضية وما راح احد ينفعها هي حياتها وهي تقرر على كيفها .
لا تضغطون عليها ولا تجبرونها . اللى كاتبة الله سبحانه راح يصير .
وبالتوفيق

الجازيjAZY · 26-08-2008, 14:52

الله يعينكم ياخوي ويوفقك أختك

salohi1 · 26-08-2008, 16:16

السلام عليكم
ماحصل لاكريمتك يحصل لكل بنت قرب موعد الزواج اليها الى البعظ الدى تتعرف عليه من قبل الملكه

فموقف كريمتك شي جميل جداً جداً

فاما عن الرحه النفسيه فهي سوفا تاتي من كثر الكلام عنه من اهلك فعليك بنصح والدتك بمدح الشخص وذكر بعظ مواقفه الجميله والله يوفقها ويتممها على خير

Rawwaf · 26-08-2008, 16:19

والله ما أدري وش أقولك
هل أعطيك رأيي من عقلي
أو أعطيك رأيي من قلبي.

محتار

سأظل متابع.

ربما لي عودة.
«®°·.¸.•°®» احترامي «®°·.¸¸.•° ®»

مهجول · 26-08-2008, 17:27

اتوقع اختك خايفه من الخطوه اكثر من الزوج نفسه

شجعها وفهمها وارفع معنووياتها
ولا تقلق

وفيه بنات كذا يخافون من الخطوه او تقدر تقول من المستقبل

وبالتوفيق

الطش والرش · 26-08-2008, 19:34

اقتباس:

المشاركة الأصلية كتبت بواسطة ma3aali

الله يهدي اختك مادري نفس السيناريو حصل مع اختي تقدم لها واحد وهو ولد العم والاهل كلهم وافقوا ومن كثر ما لحوا عليها وافقت ويوم ماتزوجت صارت تقول حق امي وابوي انا مو سعيده وانتم السبب وراح ادعي عليكم لي يوم الدين امي عاد انا وبنات عمي كل يوم نترس مخها مسكينه الحين اتقبلت بالامر الواقع وعرفت ان هذا نصيبها والحين هي حامل بس ليما الحين مانست باللي سووه اهلي فيها
المهم قول حق اختك القرار لك وحدك وليما الحين عندك فرصه والله يسعدها انشالله

تسلمين اختي امييين يااارب الله يسعدها ويسعد اختك ان شاءالله

انا هذا اللي مرددني اني انصحها اخاف يجي اليوم اللي تلومني فيه

بس ان شاء الله ماتشووف الا الخير يااارب

مشكوووره على مرووورك

الطش والرش · 26-08-2008, 19:44

اقتباس:

المشاركة الأصلية كتبت بواسطة أتعبتني

أختي العزيزة
اسال الله العظيم أن يهدي أختك إلى سواء السبيل،
قال تعالى( ومن آياته أن خلق لكم من أنفسكم أزواجاً لتكسنوا إليها وجعل بينكم مودة ورحمة)
أن الآية الكريمة التي ذكرها الله عز وجل لم يذكر فيها الحب بين الأزواج ولكن هناك مبدأ أساسي وهو المودة والرحمة، كما أن الآية الكريمة ذكرت أن تطبيق الزواج هو آية من آيات الله في الأرض، وعليه يجب على أختك أن تعي المسألة لا أن تتصرف على هواها ودائما ما يسير الهوى القلب والقلب دائماً يتبع الشيطان والعياذ بالله فلا تتبع خطوات الشيطان ويجب عليها أن تفكر بعقلها لا بقلبها لان الندم لن يفيد اذا حدث الطلاق لا سمح الله،
كما أن الرجل حسب ما ذكرتي أنه طيب ويعاملها معاملها حسنه فلا يجب أن تظلمه وهو أنسان لا يعيبه شيء نحسبه كذلك، واذا واصلت على نفس الطريق وحدث الطلاق لاسمح الله فأنها ظلمت هذا الرجل وهو لا يستحق أن يُظلم، كما جاء في الأثر قول الله يا عبادي أن حرمت الظلم على نفسي وجعلته محرم بينكم فلا تظالموا،
اذن يجب على أختك أن تحسب لكل خطوة ألف حسيب فالمسألة لا تتعلق بالدنيا فقد بل تتعلق بالاخرة وحساب عقاب،
ولا تنسى أختك الوقوف بين يدي الله عز وجل للحساب واذا سألها الله عزل وجل لماذا طلبت الطلاق فياترى هل تملك جواب وقتها، طبعاً لا، فلا تنظر إلى المسألة دنيوية بل يجب عليها أن تنظر إلى البعيد،
وفق الله أختك وأياك لكل خير وهداهم إلى كل خير،

هلا والله اخوي اتعبتني

اسعدني جدا ردك وخاصه الايه التي ذكرتها اعتقد ان فيها الجواب الشااافي

بس انا ماذكرت نقطه قد تكون هي السبب وراء تردد اختي وهي ان خطيبها فيه عرق ..... من جهة امه ماودي اذكر وش عرقه عشان مااجرح احد يكون فيه هذا العرق بس اختي من النووع المتعصب شوي وتهتم بذا الموضوع انا اعرفها زين مره رمت بالكلمه رمي وماعاد كررتها

مشكووور اخووي على مروورك يعطيك العااافيه

الطش والرش · 26-08-2008, 19:54

اقتباس:

المشاركة الأصلية كتبت بواسطة مخاوي الاحزان

اخي الطش والرش جزاك الله خيرااا لاهتمامك باختك ومصلحتها رغم غربتك قل مانجد من يهتم بثل هذة المواضيع وخصوصا من هو في الغربة .اخي عليها بالاستخارة والتقرب من خطيبها بقدر ماتستطيع ومنها تعرف ميزاتة وعيوبة قد تجد فية ماتحبة وترضاة كزوج للمستقبل واب لعيالها نسأل الله لها الهداية .
تحياتي اخي العزيز

اهلا اخووي مخااوي الاحزااان اولا انا اختك مو اخوك

وانا اكثر وحده بالعيله تعرف اسراااارها وهي تعرف اسرااري يعني قريبين من بعض كثييييييييييير (عشان كذا قلبي متقطع عليها

)

وانت صاادق والله المفرووض تعطيه فرصه يمكن تميل له مع الوقت خاصه انها تمدح باخلااقه

مشكووووووور اخوي على مروورك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا بالغربه واختي.......