عالم الحياة الزوجية - منتدى

حطمني ريلي · 26-08-2008, 02:38

بسم الله الرحمن الرحيم
بكتب لكم مشكلة وحده أعرفها وتبي رايكم بالموضوع واتمنى ما تبخلون بالرد عليها ونصيحتها لإنها غلية علي وااايد ..
(وهاي مشكلتها )
أنا مشكلتي ويا ريلي وأهله ..
ريلي مثل ما يقولون ولد أمه يعني كل شي تقوله أمه يقول اسمع والطاعه
حتى لو كان ما يبي هالشي بس ما يقدر يقوول لا ..
وأهله بيني وبينهم مشاكل لإن أمه حاولت تتحكم فيني وأنا ما سمحت لها وبدت المشاكل وتغلط وأرد أعتذر لها عشان ريلي بس أخر شي قلت الباب اللي يي منه ريح سده وإستريح وقاطعتهم ..
المهم الحين قامت تتدخل وتسوي مشاكل بينا ,,
مشاكلها من صوب وريلي مشاكلي وياه من صوب ثاني
أنا مب مرتاحه ويا ريلي موول بس يالسة وياه عشان عيالي << عندي ولد وبنت
ماشي إحترام ولا تفاهم ودووومه برع البيت وقام يسهر ويي متأخر وأنا صابرة عليه عشان ما يتبهدلون عيالي ..
وع كل مشكلة يقول لي سيري بيت هلج ما تفارق لسانه هالرمسة مووول
وأنا أقول زة لسان وأحط بقلبي وأسكت ..
بس هو طيب وكريم بس طيبته ع مزاجه ,,
المهم أخر مشكلة صارت بينا إن إحنا كنا بنعدل المطبخ فسارت أمه إختارت لون السيراميك وقلت عادي لإن ها بيت أجار فخل تختار عادي ..
زإنصدمت لما شفت شو مختاره ,,
إختارت لي سيراميك لووونه أسوود
أول ما شفته قل لريلي خل نعيراللون نختار اي لون فاتح
راح لهم وقال لهم ولما رجع لي قال لي شوفي عايبنج هاللون زين وإذا مب عايبنج هذيك الدرب أنا إنصدمت قلته شو قصدك قال لي هالسيراميك بيركبونه فامطبخ وما بيتغير قلته ليش قال لي بس جي
أنا قلت خلاص طفح الكيل شلت اغراضي ورحت بيت هلي ..
وتركت عنده عيالي
انا قلت لو رحت عند هلي بيضطر يغيره بس تدرون شو صار طرش لي مسجات قال لي مالج رجعه البيت
المهم مرت 3 ايام وماشي فايدة وأنا ولهت لعيالي
قلت خلاص برد ورمست إخته عشان تخلي لي مفاتيح البيت ..
بس ريلي شل عنهم كل المفاتيح وطرش لي كلام حطمني وتعبت نفسيا سبني وغلط علي
وقال لي مالج ردة البيت وما دام أناعايش ما راح تدخلينه ,,
الحين عيالي عندهم ونا فبيت هلي ماشي مكان عشان أخليهم عندي
ولهت علييهم وااايد وإخته من أبوه تقول لي عيالج مبهدلين ويبونج
وأنا ابي ارد وهو رافض
شو اسوي ,,
قلت ما راح أذل عمري عليه بس عيالي أبيهم ..
الحين ما أعرف شو الحل ,,
افكر أتم فبيت هلي لين ما هو بنفسه يقول لي ردي بس غامضيني عيالي ,,
الله يخليكم إنصحوووني ,,
محتاجه نصيحتكم

فــــ الحنان ــــاقد · 26-08-2008, 02:51

الله يعينها.

ننتظر الباقين..

6الحضري6 · 26-08-2008, 02:52

لا حول ولا قوة الا بالله
الله يهدي زوجها
اختي للاسف الشديد صديقتك تنتظر مجهولاً مليء بأمواج تقذفها إلي حيث لا تدري
لقد استطاعت الام ان تفعل ما تشاء بها وانتظرت الفرصة كي تنهي كل شيء عقاباً لها علي عدم تقديم الولاء والطاعة لها
يقول الله تعالى : أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي وإن ذكرني في ملأٍ ذكرته في ملأٍ خير منهم ، وإن تقرب إلي شبرا تقربت إليه ذراعاً وإن تقرب إلي ذراعاً تقربت إليه باعاً وإن أتاني يمشي أتيته هرولة
فعليها بالتقرب إلي الله سبحانه وتعالي
دعواتي القلبية لها
اسمحي لي بنقله للقسم المناسب

جولييت الخليج · 26-08-2008, 04:08

موقفها صعب جدا 000من ناحية العيال دام أنهم عند جدتهم وأبوهم لا تحاتيهم وأنا أتوقع في أقل من شهرين سوف يأتي لبيت أهلها ليعيدها لأن العيال بهذله ومحد يتحملهم 00جدتهم الحين مسؤله عنهم مسؤلية كامله أمام ولدها لا تخاف عليهم ومتى ما تعبت الجدة وازهقت هي اللي بتطلب منه يردها عشان عيالها بس ماأعتقد تخليها بحاله حتى لو ردت يمكن تزوج ولدها عناد فيها 0000خليها تصبر خلاص ما بيدها شي غير الدعاء والتهجد بالثلث الأخير من الليل وطلب العون من رب العباد 000يردلها عيالها وزوجها 000ومرة ثانيه خلها تتحلى بالصبر وتطوف بعض الأمور الدنيوية التافهة اللي خربت بيتها عليها 00وبنفس الوقت خل تدخل اخته من ابوة لتكون وسيط خير بينهم عسى الله يحنن قلبه ويرجعها

مــجـ فكـــرة ـــرد · 26-08-2008, 05:10

كان لديكي خطأ كبير من البداية

المرأه الذكية تحاول كسب زوجها بالاهتمام بما يفضله سواء

امه أو أي شيء ثاني وهـي ناصبة أمــه الـعـداء وحـاولت

كسب زوجهـا مع إثارة مـشـاكل كبيرة وبالتأكيد الأبن راح

يفضل أمه على زوجته لو كان هناك تفضيل .

الأم ربة ولديها طـول عمرها مـو مـعـقـوله الزوجة تـبـيـه لـهـا

كامل مـع عـدم حـفظه لحقوق أمـه خصـوصـاً عـنـدمـا تـكـون

شخصيـتـهـا قـويـه فيجب التعامل مـعـها بأسلوب راقي جداً

وتحمل الكثير منها .

هي الان زعلت وراحت بيت أهلها وتركت أبنائها وزوجها رافض

ترجع للبيت , ليس لها سواء توسيط بعض الأقارب الثقات في

البداية لكي يتم اللقاء مع أبنائها ومن ثـم الصبر ومـحـاولة حـل

موضوع زوجها واتوقع يحتاج وقت أطول .

الله يسعدها

مــجـ فكـــرة ـــرد

السر الدفين · 26-08-2008, 05:27

تتركه وراح يتعبونهم الأولاد ويرجع يترجاها ترد له ولأولاده

واذا ردت ترد راسها مرفوع وتطلب الي تبي

صدقيني راح يردها وامه راح تندم بعد مايبهذلونها الأولاد

بس نصيحه لا تذل عمرها لهم أكثر من كذا

كل شئ له حدود

@@الحياة حلوة@@ · 26-08-2008, 05:55

اقتباس:

المشاركة الأصلية كتبت بواسطة مــجـ فكـــرة ـــرد

كان لديكي خطأ كبير من البداية
المرأه الذكية تحاول كسب زوجها بالاهتمام بما يفضله سواء
امه أو أي شيء ثاني وهـي ناصبة أمــه الـعـداء وحـاولت
كسب زوجهـا مع إثارة مـشـاكل كبيرة وبالتأكيد الأبن راح
يفضل أمه على زوجته لو كان هناك تفضيل .
الأم ربة ولديها طـول عمرها مـو مـعـقـوله الزوجة تـبـيـه لـهـا
كامل مـع عـدم حـفظه لحقوق أمـه خصـوصـاً عـنـدمـا تـكـون
شخصيـتـهـا قـويـه فيجب التعامل مـعـها بأسلوب راقي جداً
وتحمل الكثير منها .
هي الان زعلت وراحت بيت أهلها وتركت أبنائها وزوجها رافض
ترجع للبيت , ليس لها سواء توسيط بعض الأقارب الثقات في
البداية لكي يتم اللقاء مع أبنائها ومن ثـم الصبر ومـحـاولة حـل
موضوع زوجها واتوقع يحتاج وقت أطول .
الله يسعدها
مــجـ فكـــرة ـــرد

[COLOR="Red"] كلامك صح 100%[

/COLOR]

مكاوووي · 26-08-2008, 08:20

الله يصلح الحال

mannoo · 26-08-2008, 09:19

انا بس ابغى انصحها بشي واحد انه لاتذل نفسها اكتر لان الوحدة اذا كرامتها اتهانت ما ح يحسبلها حساب في اي شي وراح بذلها طول عمرها
وبعدين اختي اسمحيلي لازم الانسان يخلي باله من الفاظه الدنيا ماتذل احد المصايب اللي تجي للانسان اقدار الله سبحانه وتعالى قدرها يااما اختبار لايمانه او عقاب لعصيانه
ياريت نخلي بالنا من الكلام اللي نقوله لان بعض الكلمات تهوي بالانسان في نار جهنم الله يجيرنا منها
و الله يعينها على مابلاها و يردلها اولادها لحضنها و يهديهم لها

حطمني ريلي · 26-08-2008, 14:33

اقتباس:

المشاركة الأصلية كتبت بواسطة 6الحضري6

لا حول ولا قوة الا بالله
الله يهدي زوجها
اختي للاسف الشديد صديقتك تنتظر مجهولاً مليء بأمواج تقذفها إلي حيث لا تدري
لقد استطاعت الام ان تفعل ما تشاء بها وانتظرت الفرصة كي تنهي كل شيء عقاباً لها علي عدم تقديم الولاء والطاعة لها
يقول الله تعالى : أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي وإن ذكرني في ملأٍ ذكرته في ملأٍ خير منهم ، وإن تقرب إلي شبرا تقربت إليه ذراعاً وإن تقرب إلي ذراعاً تقربت إليه باعاً وإن أتاني يمشي أتيته هرولة
فعليها بالتقرب إلي الله سبحانه وتعالي
دعواتي القلبية لها
اسمحي لي بنقله للقسم المناسب

تسلم أخوي ع النقل ,,
ويزاك الله الف خير ,,

حطمني ريلي · 26-08-2008, 14:35

اقتباس:

المشاركة الأصلية كتبت بواسطة جولييت الخليج

موقفها صعب جدا 000من ناحية العيال دام أنهم عند جدتهم وأبوهم لا تحاتيهم وأنا أتوقع في أقل من شهرين سوف يأتي لبيت أهلها ليعيدها لأن العيال بهذله ومحد يتحملهم 00جدتهم الحين مسؤله عنهم مسؤلية كامله أمام ولدها لا تخاف عليهم ومتى ما تعبت الجدة وازهقت هي اللي بتطلب منه يردها عشان عيالها بس ماأعتقد تخليها بحاله حتى لو ردت يمكن تزوج ولدها عناد فيها 0000خليها تصبر خلاص ما بيدها شي غير الدعاء والتهجد بالثلث الأخير من الليل وطلب العون من رب العباد 000يردلها عيالها وزوجها 000ومرة ثانيه خلها تتحلى بالصبر وتطوف بعض الأمور الدنيوية التافهة اللي خربت بيتها عليها 00وبنفس الوقت خل تدخل اخته من ابوة لتكون وسيط خير بينهم عسى الله يحنن قلبه ويرجعها

إخته من ابوه ما تقدر تسوي شي بروحها شبعانه مشاكل وياهم وما تبي تدخل بمشاكل يديدة
ما عليها غير الصبر والله يكتب اللي فيه الخير

حطمني ريلي · 26-08-2008, 14:37

اقتباس:

المشاركة الأصلية كتبت بواسطة مــجـ فكـــرة ـــرد

كان لديكي خطأ كبير من البداية
المرأه الذكية تحاول كسب زوجها بالاهتمام بما يفضله سواء
امه أو أي شيء ثاني وهـي ناصبة أمــه الـعـداء وحـاولت
كسب زوجهـا مع إثارة مـشـاكل كبيرة وبالتأكيد الأبن راح
يفضل أمه على زوجته لو كان هناك تفضيل .
الأم ربة ولديها طـول عمرها مـو مـعـقـوله الزوجة تـبـيـه لـهـا
كامل مـع عـدم حـفظه لحقوق أمـه خصـوصـاً عـنـدمـا تـكـون
شخصيـتـهـا قـويـه فيجب التعامل مـعـها بأسلوب راقي جداً
وتحمل الكثير منها .
هي الان زعلت وراحت بيت أهلها وتركت أبنائها وزوجها رافض
ترجع للبيت , ليس لها سواء توسيط بعض الأقارب الثقات في
البداية لكي يتم اللقاء مع أبنائها ومن ثـم الصبر ومـحـاولة حـل
موضوع زوجها واتوقع يحتاج وقت أطول .
الله يسعدها
مــجـ فكـــرة ـــرد

خوات ريلها بييبون لها عيالها تشوفهم بتلقتي وياهم بالمول
والسالفه يبالها صبر ,,
والله يعين

حطمني ريلي · 26-08-2008, 14:39

اقتباس:

المشاركة الأصلية كتبت بواسطة شهريه

تتركه وراح يتعبونهم الأولاد ويرجع يترجاها ترد له ولأولاده
واذا ردت ترد راسها مرفوع وتطلب الي تبي
صدقيني راح يردها وامه راح تندم بعد مايبهذلونها الأولاد
بس نصيحه لا تذل عمرها لهم أكثر من كذا
كل شئ له حدود

صدقتي والله شهرية
وأنا قلتها بعد لا تذلين عمرج له
ومثل ما قلتي كل شي له حدود ..
تسلمين الغالية ع الرد ^^

حطمني ريلي · 26-08-2008, 14:40

اقتباس:

المشاركة الأصلية كتبت بواسطة mannoo

انا بس ابغى انصحها بشي واحد انه لاتذل نفسها اكتر لان الوحدة اذا كرامتها اتهانت ما ح يحسبلها حساب في اي شي وراح بذلها طول عمرها
وبعدين اختي اسمحيلي لازم الانسان يخلي باله من الفاظه الدنيا ماتذل احد المصايب اللي تجي للانسان اقدار الله سبحانه وتعالى قدرها يااما اختبار لايمانه او عقاب لعصيانه
ياريت نخلي بالنا من الكلام اللي نقوله لان بعض الكلمات تهوي بالانسان في نار جهنم الله يجيرنا منها
و الله يعينها على مابلاها و يردلها اولادها لحضنها و يهديهم لها

مشكورة خيتوو ع النصيحه ^^

حطمني ريلي · 26-08-2008, 14:42

صاحبة المشكلة حاليا فبيت أهلها بعدها وما تفكر ترد لريلها تقول عافه الخاطر خلاااص
وقررت تقدم أوراقها للوظيفة تبي تدوام عشان تشغل نفسها والفراغ اللي تعيش فيه ):

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يا دنيا ليش تجبريني ع المذلة ):