عالم الحياة الزوجية - منتدى

الحياة الجديده · 04-09-2008, 07:43

ارجووووووووووكم ساعدوني
هذه قصتي
انا ما صارلي مملك اكثر من شهر والحب عسسسسل متبادل من الطرفين
ولكن في الايام الاخيره بدأت خطيبتي تتضايق من بعض تصرافتي والتي كنت اشوفها ولا ازال اشوف انها عاديه مثل عدم الاتصال بها حين تتطلب مني ان اطمئنها عن احوالي في بعض الضروف او عندما اكون مع زملائي واخوياي تتصل بي واقول لها بعدين اكلمك (مشغول)
ودائمآ اعتذر عن هذا الحدث بأنه بسبب نسيان واني صاحب طبع سئ ((تزعل واراضيها والحمد الله ترضى))
الطـــامه الكبرى:
كنت على الايميل فدخلت بأيميل مختلف متنكره (داخله عرض على انها بنت تبي تتعرف) فعرفت انها هي وسويت نفسي ما اعرف ابي اشوف نهاية الفلم وعشانها غيوره جداااا جداااا كلمتها على اساس اني متزوج ولا ابي اتعرف واني احب زوجتي.....جاني الشك انه واحد من اخوياي فطلب المحادثه الصوتيه فرفضت وقالت احسبها بكيفك ولد او بنت
وانتهت المحادثه وجائتي رسائل منها هي التي كانت بألايميل بأني خسرت ثقتها وانها تكرهني وانتهى كل شئ

ولا يوجد رابط بيني وبينها ولن تقبل اعتذاري ابدا رغم اني اشوف نفسي ما اخطأت وقلت لها انها شكاكه موسوسه!!
علما يا اخواني اني على نياتي وخوااااف من علاقة الحرام حتى قبل الملكه لم اقابل او كلمت بنت بحياتي
واشعر بالظلم لانها خسرت ثقتها بي وعافتني

وتبي تطللللقني!!

متفائلة بالخير · 04-09-2008, 08:08

اخوي انتا تكلم معاها وفهمها بالعقل انك ما غلطت معها وكلامك عادي..وقلها بعطيكي فرصة عشان تراجعي حالك وانا بعرف انك بتحبيني وانا بحبك وما راح نفترق..ولازم تفهمها انه مو لازم على اتفه غلطات تقولك بدي اطلقك بكرا راح تعيشوا حياة للابد سوا..الله يوفقكم ويبعد عنكم كل شر

الحياة الجديده · 04-09-2008, 08:21

مشكوووور اخوي طلال المطيري على ردك وتفاعلك معاي

صحيح اني زعلت في البدايه عليها ومن الحركه بس نسيت الزعل يوم زعلت هي علي!! ما يهون علي زعلها

بس تذكرت انها غيوره بجنوووون واذا زعلت زعلت عصبيه بس اني احبها وصعب انفذ نصيحتك اخاف اخسرها نهااااائيآ وخاصه اني اجلس معاها بشكل شبه يومي في وقت الملكه

احبها رغم اخلاقها السيئه

الحياة الجديده · 04-09-2008, 08:25

الف شكر لكي اختي متفائله بالخير

عطيتي لي امل في الحياه

!! الظاهر اني بأحاول اخليها تكلمني رغم رفضها!!

متفائلة بالخير · 04-09-2008, 08:27

ممتاز وطمنا شو بصير

mannoo · 04-09-2008, 08:47

بصراحه هادي ح تتعبك و تتجننك بعد الزواج
فانت شوف اذا ح تتحمل ح تفتش في كل شي و تألف رويات و قصص لان خيالها على طول شغال في الشك و الظن السيء
ووووووووووووو بالتوفيق اخي

عازفه الدموع · 04-09-2008, 08:52

ربي يكون في عونك

يكفيني غلاك · 04-09-2008, 08:59

الصراحه مالها حق تزعل عليك ...لان هي الشكاكه

وانت ماغلطت في حقها بالعكس بينت لها انك ماتحب تكلم بنات .. بس هي الله يهديها

تفهم عكس... اقوول اثقل معها ولاتعطيها وجه زياده ترى حنا يالبنات اذا احد عطانا وجه نزوودها

الله يعينك ...

الحياة الجديده · 04-09-2008, 09:11

اقتباس:

المشاركة الأصلية كتبت بواسطة يكفيني غلاك

... اقوول اثقل معها ولاتعطيها وجه زياده ترى حنا يالبنات اذا احد عطانا وجه نزوودها
الله يعينك ...

اوكي هاثقل معاها بس البنت خطيبتي احس انها حساسه جدا ودلوعة اهلها مدري كيف اثقل اخاف يصيرلها مصيبه شي!!

bodybuilder99 · 04-09-2008, 11:10

اقتباس:

المشاركة الأصلية كتبت بواسطة طلال المطيري

ياخووووي قصتك ترفع الضغط تستاهل دامها مسويه المقلب
تدري لو اني خاطبها مو اطلقها الا ارمي عليها ميه يمين قلة ادب يعني كل ذا اختبارات
انت اتصل عليها من جوال غير رقمك واذا ردت عليه ازعل
وقول متعجبني تصرفات ولا ضيفها
انت جرب تشوف لها حل يمكن عقلها لك عليه واذا مانفع
من باعك برخيص بيعه بتراب

والله اعجبني رد أخوي طلال واحسه حنين زيادة معها, هذه قلة ادب وشك من اول لحظة في الحياة الزوجية واختبارات تخرج, يمكن لو اتزوجتو تجيبلك وحدة لغرفة النوم وتنومها جنبك وتشوف هل تغلط وتفكر فيها ولالا.
والله لو في أحد بيزعل انت اللي تزعل ولو في احد بيطلق انت اللي تفكر مو هيا. طبعا انا ماحس انها تبغى طلاق هذه جالسة تتدلع لاكن قلها وقت ماتحبي ناخذ موعد في المحكمة وهذا يعتبر خلع مو طلاق يعني لازم ترجعلك نصف مهرك, اذا سمعت الكلام هذا بتروق وتبطل الاختبارات.
واما لو كانت صاملة من جد ماعاد تبغاك,,,,,,,, من عافنا عفناه وان كان غالي

الحياة الجديده · 04-09-2008, 11:37

ياجماعة الخير ما سمعتو ان المرأه ناقصة عقل ودين

الحين اهي غلطانه وزعلت وتبي طلاق واذا عاملتها بنفس الاسلوب وش تكون النتيجه واذا صبرت وحاولت .... يمكن يجيب الله مطر
اشوف انه لازم اسلوب وتعامل الرجل مع الطرف الاخر يختلف عن المرأه

ومشكوووورين اخواني على الرد وايضاح وجة نظركم

اتمنى اجد رد يعيدني الى خطيبتي ..... وليس العكس!!

أمرأه لا تنسى · 04-09-2008, 11:53

اخوي صدقني هم ما يبعدونك انت تحبها واضح بجنون بس هي لازم تتخلى عن تصرفاتها وتبطل شك يعني سو فيها انك زعلان بس وارسل رساله انك اصلا مفروض تزعل مو هي والاخوان ماقالوا طلق قالوا اتركها كم يوم والله هي بتخاف وتبطل عناد اخوي العود من اول ركزه بكره بتتعب من عنادها ترى الحب مافيه شي بس لابد من تنازلات منها انت ماقصرت وترى بتكبر بعينها اكثر احنا الحريم مانحب الرجال اللي نسوي الغلط ومايناقشنا وهمه بس مانتركه صدقني نصيحة اخت لك اكبر منك ومجربه

الحياة الجديده · 04-09-2008, 13:05

الف شكر اختي امرأه لا تنسى على ردك ..

بصراحه احس اني بعد الملكه فاقد الثقه بدون شخصيه!! ما ادري ممكن انها المره الاولى اواجه بنت!احب! مدري!!!.

روآآبي · 04-09-2008, 14:14

اخوي زوجتك او خطيبتك مااعتبرها حساسة ولا اعتبرها مختلفه كثير عن بنات جنسها
هذي هي طبيعة الانثى (الغيرة )واحيانا مع صغر السن تكون (غيرة غير عقلانية)
لكن بالاخير غيرة نابعه عن محبة ..
انت لانك غايب عن العين ..تلقاها تدور عليك وين مارحت ..وودها تكون جنبها طول الخط ..وودها تسمع صوتك في كل لحظاتك
وانت كرجل هالتفاصيل الحميمه ماتهمك او يمكن مااستشعرت اهميتها عند خطيبتك كونك رجل ..وهي انثى
لاتخلي هالاختلاف في تفكيركم يعرقل مسير حياتكم
ارسل لها ايميل وقووولها كل اللي بخاطرك ..وقولها انك مو قادر تستغني عنها
وارسلها رابط هالموضوع وبين لها انك تحبها وودك تكمل حياتك معها
الكلام الحلو اقوى من السحر عند الانثى ...جرب ولاتيأس من أول محاولة

Rawwaf · 04-09-2008, 14:18

الفضول أدى بك إلى الندم.
اللي صار صار وأنتهى

أنا أقول أجلس معها وصارحها وتكلم معها بالهدوء وبين لها أن أساس المشكلة منها هي لأنها دخلت الحياة بشك.
(مع أنه والله الحين كل شيء يخوف والبنات ما يلامون لأن كثير منهم يخافون يصير الشاب راعي علاقات).
وأنت بين لها انك عفيف قبل الزواج بها .. وأنك ما قد كلمت بنت من قبل .. وأن اللي صار عبارة عن شك بأنك واحد من زملائي بغيت أسمع صوته لا يصير يستهبل علي.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجتي تبي تطللللللقني!!