عالم الحياة الزوجية - منتدى

أنوثه مجروحه · 05-09-2008, 06:28

\

\\\\\\\\\
باختصار :
ملكتي كانت قبل 6 شهور وباقي على الزواج تقريبا سنه طبعا بيننا اتصالات أنا وزوجي .
في البدايه كان بيننا حاجز كبييييييييييير جدا وكان لي دور كبير في وجوده لأن فترة الملكه طويله جدا وما أبيه ياخذ علي لكن من شهر تقريبا أصبحت العلاقه أعمق ..
المهم
قبل هذا الشهر كانت اتصالاتنا تنتهي بها الشكل =>>
هو: مع السلامه يا عمري ..
أنا: بااااي حبيبي...
وبعد دقيقتين يرن الجوال مره ثانيه ..
أنا :مرحبا
هو: آسف أزعجتك بس..
أنا :بس وشو ؟
هو: وحشتيني ..

والآن
\\انكسر الحاجز \\
\\ويا ليته لم ينكسر \\
تحول الوداع السابق إلى التالي =>>
هو: يالله عمري ضفي وجهك...
أنا(بغصه وأحيانا معها دموع): بااااي حبيبي ..
وأتوقع بعد ما نكمل سنه من ملكتنا يصير ما فيه عمري بس ضفي وجهك هذا إذا ما استحدث ألفاظ جديده غير الحاليه لأنه معلق على كلمة عمري وينوع في الثانيه مره ضفي مره انقلعي ومره اذلفي..
أول مره قالها من الصدمه ما استوعبت إلا بعد ما قفلت الخط وثاني مره كان في وقت كافي لاجل أستوعب وأعترض قبل ما يقفل لكن ..
ضحكت ضحكة المذهوووول وهو انبسط على باله استانست ومن بعدها والكلمه على لسانه ..
حاولت ابين له اني ازعل من أسلوبه بطريقه غير مباشره وقال أنا مليت من الرسميات خلينا فري عادي وانتي بعد سبيني قولي الي تبين ليش انتي جديه !!!!!!!!!!

صحيح الأفضل اننا نكون على طبيعتنا وما نتصنع لكن ماله حق يطالبني أكون نسخه منه وأكرر الخطأ الي في أسلوبه

ليش ما يغير اسلوبه ويحترمني مثل ما أحترمه؟؟
يعني إذا احترمته أصير جديه ؟؟ وثقيلة دم؟؟ وممله؟؟ أنا مو جديه بالعكس أنا أسولف معاه واضحك وأمزح .. بس عمري ما كلمت أحد بهالأسلوب يعني فيه فرق كبيييير بين البجاحه وخفة الظل..
كل شي له حدود حتى المزح .. مع اني ما أشوف في أسلوبه هذا غير الجرح مو المزح وإلا اشلون أفكر فيه مره ثانيه واشتاق له هو مودعني بضفي وانقلعي..

ودايما يجي فبالي هذا وهو مبسوط ويمزح يقول ضفي وانقلعي أجل لو يعصب وش يبي يقول !!!

أتوقع المشكله هي المعادله التاليه:
رجل هزلي جدا + امرأه جديه نوعا ما = مجهووول .. المعادلة مستحيلة الحل في ح مدري ب مدري ظ..
أقصد جديه بالنسبة لمفهومه للمزاح جدية جدااااااا ..
المطلوب منكم مدري والله وش ابي بس ما كتبت إلا من الحره الي فيني

إلا صحيح كتبت لاجل أسألكم ( ضفي ) بالــ ض أو بالــ ظ ؟؟

وشو أصلها هي فارسيه؟ انكليزيه؟ هنديه؟ فرنسيه ؟ عربيه؟ وبعد ابي معناها لغة واصطلاحا إذا ما فيه تعب عليكم ..

... وإلا خلاص مشكورين ابي أسأله هو أدرى بمصطلحاته ...

][*الحياة حلوة*][ · 05-09-2008, 06:51

احم احم؟؟؟

أول شيء لا تقولين الفلم اللي بينكم في ناس عزابيه تقرا!!

ثانيا انتي ليش زعلانه اذا قال ضفي وجهك لاتبينين انك زعلتي !!

قلي : طيب ماتضف وجهك انت بالاول ,,

طس حبيبي لأمك تعلمك الذرابه ,,

<<وع حبتهم القراده!!

صحيح والله عطيبه بوجهه أقله عمري يقول ضفي وجهك انتي اللي جرأتيه عليكـ !!

وواضحته سامج شوي لاتزعلين!!!

تسألين لو يعصب وش يقول !!

...........؟؟ ههههه

اقتباس:

رجل هزلي جدا + امرأه جديه نوعا ما = مجهووول .. المعادلة مستحيلة الحل في ح مدري ب مدري

انتي ومعادلاتك صجيتينا فيها من مشكلتك ذيك اذكرها <<لاقوة الا بالله!!

هاذي المعادلة من الدرجه الصفرية مرفوع اس الطرف الاول للاس 0 والطرف الثاني نفسه!!

اذا اختلف الاساس وتساوت الاسس وماعرفنا نحلها نقووووووووووووووول

لايمكن ايجاد حل للمعادله ووريها ابلتكم تحلها!!

اقتباس:

صحيح كتبت لاجل أسألكم ( ضفي ) بالــ ض أو بالــ ظ ؟؟

بالخاااااااااااااء!!

يعني خفي علي شوي اثقلي لاتسيرين مطفوووقه <<<فهمتي قصده!!

اقتباس:

وشو أصلها هي فارسيه؟ انكليزيه؟ هنديه؟ فرنسيه ؟ عربيه؟ وبعد ابي معناها لغة واصطلاحا

سعودية !! خخخخخ

موفقه

أنسة دلـــوعة · 05-09-2008, 07:15

اذا مضايقك هالشي لاتسكتين ازعلي صدق في وقتها مو اذا دق ثانيه تبينين له ازعلي واشرهي عليه قوليله ليه تقولي كذا هذا وانا زوجتك وانا وانا ....
اذا قالك خليك فري ومن هالكلام قولي هالشي وهالكلمه تضايقني مررره لاتكررها ومن جد بينيله تراها مو زينه هالكلمه ولا بوقت الملكه بعد علميه يحترمك من البدايه حتى لو مايقصد بكرا من المياانه ماعاد يحترمك عند احد
خذيها مني نصيحه اهم شي الاحتراام تنازلي عن شي عشان خاطره مره مرتين مو مشكله بس كرامتك واحتراامه لك لاتتنازلين عنه ابد

اما مساله اذا عصب نصيحه سدي اذااانك هههههههههههه مو زوجك بس كل الرجال يعني لاتخذين منه كلمه وهو معصب

*ملك* · 05-09-2008, 07:20

بسم الله الرحمن الرحيم
وبعدين لا حبيبتي المعادله جدا سهله مي محتاحجه غير انك تعاملينه بنفس الاسلوب وشوفي ردت فعله اذا زعل وتضايق
انحلت لاكن اذا مازعل وانبسط منك ماعليك الى انك تتفاهمين معه وتعلمينه انك ماتحبين هذا الاسلوب
وبس معني احس انه يخفف دمه فعادي مايبيلك انك تتضايقين منه وانتي بجد انسانه جديه

أفكار · 05-09-2008, 07:29

من حقك تزعلي ..
لازم يكون طابع العلاقة الاحترام .. لأن الاحترام يقويها
وإذا تعود على هالكلمات .. بالتأكيد راح يكررها وأسوأ منها في المستقبل

خليكِ حااااازمة معاه في هذا الأمر
حتى تريحي من الآن ..
وزوجك على ما تعوديه .. زي ما يقولوا

@صمت المشاعر@ · 05-09-2008, 07:55

حبيبتي كل شي إلا الأحترام مهمممم

لا تعاملينة بنفس الأسلوب إحترمية >>>>>>

وإذا قال لكي :وانتي بعد سبيني قولي الي تبين ليش انتي جديه !!!!!!!!!!

قولي أنا مو جدية أنا أحترمك >>>>طبعا هو راح يفهمها ويعرف إنها كلمة مي حلوووة

ويحترم نفسة >>>>>> وحاولي لاتكون إتصالاتكم كثيرة خففي ..علشان ما تكثر المشاكل والزعلات بينكم

يعني إنتي نااادرا دقي وأرسلي له رسايل وأذا هو دق مرررة ردي وثلاث مررات لا وإذا سألكي قولي ...كنت ناااايمة ..كنت في السوق ما مداني أرد ... ماأنتبهت للجوااال.....

بس حااولي بدرجة ما يزعل ....وكمان علشان يشتاق للزواج ما يمل منك من بدري

صراحة أنا مررررررررررة حساسة مااااااأحب الكلام اللي كذا <<<<<<<وكمان الحمدلله ما تعودت على هذا الكلام
إلا وقت الزعل من إخواني طبعا أنا مو متزوجة بس مخطوبة زيك

الله يوفقني وياااااك إن شاء الله

أنوثه مجروحه · 05-09-2008, 09:42

قلي : طيب ماتضف وجهك انت بالاول ,,
طس حبيبي لأمك تعلمك الذرابه ,,
<<وع حبتهم القراده!!
هههههههههه والله كلامك شي قاعده أحفظه
انتي ومعادلاتك صجيتينا فيها من مشكلتك ذيك اذكرها <<لاقوة الا بالله!!
أوووووف ذكرتيني زمان لا بس هالمعادله أهون هذيك ما كانت بتنحل الحمدلله بس .
عاد سالفة هالحس الرياضي عندي مره شفت فلم أمريكي فيه عالم رياضيات يحل مشاكله بالمعادلات ومره ضاع ولده وبدل ما يفتر في الشوارع كتب إذا كان ماثيو x سيذهب إلى المكان y ولقى ولده ومن بعدها وأنا أحل مشاكلي بالمعادلات >> لا تصدقون والله أكره المعادلات

هاذي المعادلة من الدرجه الصفرية مرفوع اس الطرف الاول للاس 0 والطرف الثاني نفسه!!
اذا اختلف الاساس وتساوت الاسس وماعرفنا نحلها نقووووووووووووووول
لايمكن ايجاد حل للمعادله ووريها ابلتكم تحلها!!
أبلتنا ماتعرف كلمي أبلتكم تحلها
بالخاااااااااااااء!!
يعني خفي علي شوي اثقلي لاتسيرين مطفوووقه <<<فهمتي قصده!!
تهقين ؟

؟
اقتباس:
وشو أصلها هي فارسيه؟ انكليزيه؟ هنديه؟ فرنسيه ؟ عربيه؟ وبعد ابي معناها لغة واصطلاحا
سعودية !! خخخخخ
هههههههههههههههه من أي منطقه تحديدا!!
الله يسعدك ضحكتيني مشكوره ياقمر

أنوثه مجروحه · 05-09-2008, 09:48

اقتباس:

المشاركة الأصلية كتبت بواسطة أنسة دلـــوعة

اذا مضايقك هالشي لاتسكتين ازعلي صدق في وقتها مو اذا دق ثانيه تبينين له ازعلي واشرهي عليه قوليله ليه تقولي كذا هذا وانا زوجتك وانا وانا ....
اذا قالك خليك فري ومن هالكلام قولي هالشي وهالكلمه تضايقني مررره لاتكررها ومن جد بينيله تراها مو زينه هالكلمه ولا بوقت الملكه بعد علميه يحترمك من البدايه حتى لو مايقصد بكرا من المياانه ماعاد يحترمك عند احد
خذيها مني نصيحه اهم شي الاحتراام تنازلي عن شي عشان خاطره مره مرتين مو مشكله بس كرامتك واحتراامه لك لاتتنازلين عنه ابد
اما مساله اذا عصب نصيحه سدي اذااانك هههههههههههه مو زوجك بس كل الرجال يعني لاتخذين منه كلمه وهو معصب

بالتمام هذا الي ابي أسويه لكن انتظر موقف مناسب عشان أنفجر وأتكلم مشكوره أنسه على كلامك .

*فضفضه* · 05-09-2008, 09:54

يا اختي بسيطه تناقشي معه في هذه الكلمه و اذا كررها ازعلي بجد لوضع حدود للخوارق
وشكلك شاطره في الرياضيات طب احسبيها عدل حتلقيها تنحل بسرعه باتخادك موقف حازم لا غير

أنوثه مجروحه · 05-09-2008, 09:58

اقتباس:

المشاركة الأصلية كتبت بواسطة *ملك*

بسم الله الرحمن الرحيم
وبعدين لا حبيبتي المعادله جدا سهله مي محتاحجه غير انك تعاملينه بنفس الاسلوب وشوفي ردت فعله اذا زعل وتضايق
انحلت لاكن اذا مازعل وانبسط منك ماعليك الى انك تتفاهمين معه وتعلمينه انك ماتحبين هذا الاسلوب
وبس معني احس انه يخفف دمه فعادي مايبيلك انك تتضايقين منه وانتي بجد انسانه جديه

أهلا ملك
ما أقدر أعامله بنفس الأسلوب مو متعوده كذا يعني أتوقع حتى لوكنت معصبه منه وكنا نتهاوش وارتفع صوتي ماراح أقوله مثل هالكلام..مو أتوقع إلا متأكده بعد .عاد كيف أقولها مزح ..
في البداية كنت أحسه يخفف دمه مثل ماتقول بس خفة الدم طولت زياده.
أنا جديه لاااااااااا لا تقول

مشكور على ردك .

الجازيjAZY · 05-09-2008, 10:01

هلا حبيبتي

الله يعينج

واضح انج رومنسيه ونعومه موووت علشان جذي مارضيتي بهالحجي!!

لو بنت دفششه عادي مافرقت معاها

أتمنى تكونين صريحه معاه وتقولينها بوجهه أنا ماأحب أسلوبك معي بالحجي

يعني بالعربي،،أحترررررم نفسك شوووي

أنوثه مجروحه · 05-09-2008, 10:06

شكرا أفكار

اقتباس:

المشاركة الأصلية كتبت بواسطة @صمت المشاعر@

حبيبتي كل شي إلا الأحترام مهمممم
لا تعاملينة بنفس الأسلوب إحترمية >>>>>>
وإذا قال لكي :وانتي بعد سبيني قولي الي تبين ليش انتي جديه !!!!!!!!!!
قولي أنا مو جدية أنا أحترمك >>>>طبعا هو راح يفهمها ويعرف إنها كلمة مي حلوووة
ويحترم نفسة >>>>>> وحاولي لاتكون إتصالاتكم كثيرة خففي ..علشان ما تكثر المشاكل والزعلات بينكم
يعني إنتي نااادرا دقي وأرسلي له رسايل وأذا هو دق مرررة ردي وثلاث مررات لا وإذا سألكي قولي ...كنت ناااايمة ..كنت في السوق ما مداني أرد ... ماأنتبهت للجوااال.....
بس حااولي بدرجة ما يزعل ....وكمان علشان يشتاق للزواج ما يمل منك من بدري
صراحة أنا مررررررررررة حساسة مااااااأحب الكلام اللي كذا <<<<<<<وكمان الحمدلله ما تعودت على هذا الكلام
إلا وقت الزعل من إخواني طبعا أنا مو متزوجة بس مخطوبة زيك
الله يوفقني وياااااك إن شاء الله

وأنا بعد مو متعوده على هالكلام بس شكلي بتعود

مشكوره ياقمر الله يوفقك يارب

أنوثه مجروحه · 05-09-2008, 10:11

اقتباس:

المشاركة الأصلية كتبت بواسطة الجازيjAZY

هلا حبيبتي
الله يعينج
واضح انج رومنسيه ونعومه موووت علشان جذي مارضيتي بهالحجي!!
لو بنت دفششه عادي مافرقت معاها
أتمنى تكونين صريحه معاه وتقولينها بوجهه أنا ماأحب أسلوبك معي بالحجي
يعني بالعربي،،أحترررررم نفسك شوووي

مشكوره ياعسل
ان شاالله يصير موقف مناسب لاجل أتكلم بصراحه معاه

م-سيف · 05-09-2008, 10:21

لا تشيلين في خاطرك الين تنفجرين

انتم لا تزالون في البداية

وقد يكون زوج المستقبل صغير في السن ومو قد المسئولية

وقالبها فله ... جلسة شباب

واجهيه بهدوء

قولي له جمله واحده ..... ترا هالكلام يقلل من حبي لك ومدى احترامي لك

بس

وشوفي ردة فعله

mannoo · 05-09-2008, 11:51

ببساطه قوليله انك ماتحبي هادا الاسلوب
و بعدين انا اشوف انك مكبره الموضوع
الرجال يحب المزح خليه عادي مافيها شي
لاحد يسمعني بس انا الناس اللي احبها لما توحشني اول شي يجي على لساني لما اشوفهم ولا اسمع صوتهم ياكلااااااب

صح سفاهه مني لكن مااحس تطلع مني لاشعوريا في ناس تزعل و في ناس تتفاجأ لكن مع الوقت خلاص ساروا يعرفوا انها تعبر عن شوقي الشديد لهم لانها الحاله الوحيده اللي اتسفهه فيها على احد
الله يوفقك اختي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

حبيبتي ضفي وجهك..