عالم الحياة الزوجية - منتدى

الجازيjAZY · 05-09-2008, 09:04

سؤال لكل عزوبي .. يتسدح بالملحق ؟

هل تنام على بطنك ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريدة ، او تنام ويطلع سرك ستر الله سرك

إذا كانت الاجابة بنعم فإن
كل هذه اعراض لرغبة جامحه وكامنه بالزواج
عزيزي العزوبي : <<< عبارات اسبوع العزوبيه <<< على غرار أسبوع الشجره.
لا تتخذ قرار الزواج إلا وانت
في حالة هدوء تااام بعيدا عن الاثارة والعواطف الجياشه ..
مو تشوف فيديو كليب بعدها تطمر لأمك
وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني .
مع اني ما ادري عنك ونصفك الاول فما بالك بالنصف الثاني.
يا نصفي الثاني معقوله تنساني
ومن يوم تقول الوالده خلاص بندور لك ، تصير ذاك الشاب الحبيب الرحيب السمح اللي بااااله طويل.. ما يتأفف إذا وصلهم مشوار ، و يوصلهم للزواجات بكل رحابة صدر .. ويسألهم اول ما يركبون طالعين من العرس ومنتهية لياقتهم .. هاه بشروا ؟
عسى لقيتوا نصفي الثاني >>>>> تكفى يا وائل كفورى

قبل ان تتخذ قرار الزواج .. رح صلح شاهي وجب لك مركى وتعال اسمع وش باقول لك . لأن الموضوع طوووويل وانصح اللي فاتورتهم عاليه يقطع الخط ويقرأ .

اولاً : مرحلة ما قبل الزواج :

أ : علامات الرغبة في الزواج عند الشاب :
من خلال ملاحظتي للشباب والتغيرات الفسيولوجيه التي تحدث لهم خلال الفترات العمريه .. فقد سجلت الملاحظات التالية:
1 -
إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس ) >>>> التقسيط متاح بدون كفيل في مؤسسة مباري للعرس على النوتة
كذلك إذا صرت تتابع الفيديو كليب وتفتح فمك ولو يناديك ابوك ما ترد عليه.
2
إذا بدت تلفت انتباهك القدور والدلال وادوات المطبخ فاعرف انك ستكون زوج حبوب تغسل المواعين وتلبس مريله عليها صورة فيل.
4 –
إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعه ) فاعرف انك على مشارف انك تكون ( لحسه ) وشهار ما يقبلك ولا منتسب .
6 –
إذا بديت تطلب من صديقك تلفون الباندا وتقول
( هاه فيه شيء جديد )
؟ << رسائل نصيّه .

فاعرف ان نظرك بدأ يضعف وتبي تثبت لنا انك تشوف بشاشه صغيره فتلاحق عمرك لا تصير المدام تقودك بالاسواق.
7 –
إذا بديت تعطّر بعطور نسائيه وتقول ما فيها شيء
( العطورات ليست حكرا على احد )
.. فاعرف انك بديت ( تخق ) لذلك اكرب عمرك واعرس.

ثانيا : اثناء الخطبة :

هناك بعض التكتيكات التي تساعدك على الظهور بمظهر جيد في عيون مدام المستقبل وعيون اهلها
1 –
انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.
لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك.<<<< ما احب هالحركه.
2 –
اثناء الشوفه لا تستحي ابدا و قز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم
" فلينظر اليها وتنظر اليه فأنه احرى ان يؤدم بينهما "

مع ان الشوفه ما هي إلا مؤشر للراحه النفسيه إلا انها ( لا تعكس) الصورة الحقيقية لشخصية الفتاة .
لأن البنت غالبا في الشوفه ما تتكلم وحتى لو تكلمت فهي تتكلم بتكلف .
وكما قال الشاعر
( لسان الفتى نصف ونصف فؤاده **** فلم يبق الا صورة اللحم والدمِ )

وإذا ماعجبتك البنت من النواحي الشكلية..لا تقول لنفسك " تزوجها والحمد لله ..
وإذا حسيت شيء بقلبك لا تجامل وقل لهم ما الله كتب .
4-
في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟
وش تسوين ؟ انت على السرير وإلا في المقلط ؟ << يخرب بيت السؤال ؟
ليش تلفونك مشغول ؟ من كنت تكلمين ؟

5 -
لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله ..

لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها
( شرّاب تكرونيه عند الحرم )..
لانك جاملتها في اختيارها وهي جاملتك واخترتوا ( حلول وسطيه ) وسويتوا
comprise تسويه ولهذا طلع الاثاث ملخبط .

وقبل ما تأثث قرر وش راح يكون ستايل اثاثك
.. ولا تقعد تخلط بالاثاث .. كلاسيك مع سعودي مع مودرن فيطلع بيتك شوربة كوارع.
كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه
( حراج ابن قاسم )
من كل بحر قطره.
فتصير مثل اللي بيتهم طين وعندهم
( رولز رويس ).

الجازيjAZY · 05-09-2008, 09:12

ثالثا : ليلة الزواج :

ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي مثلي
ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على
( الكوشه )
.. فجأه تقوم تقول بعد اذنك باروح الحمام .. صدقني
راح تقول البنت إللي هذا اوله ينعاف تاليه
.. فلنفرض انك قمت من الكوشه ؟؟
بعد ما تخلص هل بترجع وتجلس مع العروس مره ثانية ؟؟
وإلا بتطلع من هناك ؟ بالعربي .. انت بتبلش بلشة ما بعدها بلشة

أما إذا رجعت بيقولون الحريم
( جاه اسهال من الخوف من المدام )
اجل إذا راحوا الشقة بلحالهم وش بيسوي هالخواف.؟
فتصير علك في فم الرايح والجاي وملطشه للصغير والكبير.
2 –
ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت.
<<<<<<< وش دراك؟
3 -
خلك ذوق واسحب يد البنت وحطها على
( القير حق السياره )

وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره >>> لاحقين خير ان شاء الله .. لا تتصربع الله يسلمك..

واذا حطت يدها عليك لا تخاف .. ثم تقول لها
( فكي وافك لوووووووووول
7
4 -
إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما تدخلون ( ارقع ) ذيك الزغروته اللي تهز اركان البيت .. ثبت الله اركانك .

رابعا ً : سواليف ليلة العرس :
يحتار الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :
1 _
انتبه تتميلح او تنكت اكثر من اللزوم لان الموضوع
سينقلب ضدك وبدال ما تصير وش زينك تصير
( كخا ).
2–
امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه ..
حتى لو كنت ( كمخه ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون
( الكذاب الصادق ) ..
فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك يا ابو كوع ( بني )<<< مفروك لين قال بس فتغير من اسود الى بني .
3–
انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك )
.. لانها مؤكد انها مو مصدقتك
( ما امدى بسم الله تحبها ).
بصراحه كثير من الشباب محروم من ( كل شيء ) <<< وافهموها .. عاطفيا و ...... .
واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني منك ، احبك احبك احبك .. ويمكن بعد اسبوع اكرهك اكرهك اكرهك.>>> يااااي .

خلك ثقل وخلي سلوكك هو اللي يقول للبنت اني احبك مو اساليب ( قردنه )
احبك بعدين تقول لها

خامسا : ملابس ليلة العرس

اختر اللبس المناسب لجسمك ..
مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام..
وفاجأها في الصباحية .
إذا كنت سمين البس ملابس فضفاضة شورت وفانيلة

للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟
ترى الموضة كذاااااا وتطوروا بأأأأأأ عجزتت اعلّم فيكم .

إذا لبست لك المدام ( قميص نوم راااايق ) ترى مو معناهاااا
( طب عليّ )
.. خلك ثقيل وإلا جيت هالحين أربط ثقالات برجليك.

ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع ).. قال العم : اكيد انها داشره ؟ وحركاتها ما ني متطمن لها << طيب يا كولومبو.
<<<<< احتمت ( كبدي ) يوم سمع القصة من القهر .

الجازيjAZY · 05-09-2008, 09:15

سادساً : الخطة المحبوكه للقاء الحميمي :

1 -
حذاري ثم حذاري وهذاني اقول لك ( حذاري ) .. تتحرش بالبنت جنسيا حتى لو كانت زوجتك .. فكما يقال
( احذر ان تبدأ حياتك الزوجيه بحادث اغتصاب ).
لان البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك .
2 -
اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك الكسر ( ممدين )

همااااه .

3 -
اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِ ولا تجلس تجرجر بالبارتشنز وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس
( صنادق حمام ).
اركد وخلك طبيعي وإلا قالت البنت وش
( هالعومه ).

4 – اليوم الثالث :
حاول تسافر بها عمره بعدين لمدينة جده لسكان المملكة العربية السعودية .. او مدينة اخرى لسكان الخليج .. او
( لقريح وابو زنه لباقي الدول ).

انتبه تسافر بالمدام شهر عسل .. لا يلعبون عليك .. شهر العسل برأيي يؤجل إلى ان يتم دراسة المرأة هل هي تكانه وإلا
( برتكانه )

.؟؟
وابدا بالمدام بالمدن القريبه ثم ابعد فابعد إلى ان توديها إلى ( هاواي )
إن بغيت .. هذا كله مثل ما قلنا إذا صارت تكانه ..
يعني ايش تكانه ؟ يعني ماهي علة وريد ، او لحوح لدرجة تقترب من صفات ( القراده ) او ( غيور وشكاكه ) لدرجة ان عيونها تلاقط في كل مكان.
إذا صارت احد الانواع السابقة فشقق جوازك وما جاك عندي .

اللقاء الحميمي لا يمكن تحديد الوقت المناسب له .. بل يعتمد على الظروف والمتغيرات والتي لا يمكن ان اعرفها فأنت الذي تعرف أكثر .
واللي ما يجي اليوم .. يجي بكرا ..

سابعا : خزعبلات ليلة العرس ومفاهيم لك عليها :

– الطحينية تقوي الجنس .. انتبه تأكلها لانها بتشب وتحمي ( كبدك )
وبتجلس تصبب من العرق عند المدام
من السعرات الحراريه.
2 –
اشرح لزوجتك كل اللي تحبه واللي ما تحبه ليلة العرس وفهمها كل شيء وعلمها الاصول ..
يا اخي لو انها موظف عندك ( كان ) استحيت اول يوم تقوله شيء .. فاول يوم يمكن تاخذه بجوله على اقسام الشركة .
فما بالك بالمدام لا تقعد توريها ( نجوم الظهر ) بانصاف الليالي .
3 –
انسب يوم للقاء الحميمي هو اول ليلة .. انتبه تتوهق بس وخلك رجال واعقل لا يلعبون عليك وتصير صعيدي .
4 -
الزواج ( شر لا بد ) منه >>>>>>> لا يلعبون عليك .. تراه زين وبادي يصير ازين وازين هالسنين التاليه
7
7
7

عزيزي الشاب اتمنى ان تكون استفدت من التلميحات السابقة ..
وعموما تظل هي رأي يعكس
... فقط ..
ان بغيت تستفيد من شيء منها وإلا اضرب بها عرض الحائط وما جاك عندي.
م ن ق ول للاستفادة والتعلم المجاني

~ ريناس ~ · 07-09-2008, 11:50

اولا اني مو عزوبي وثانيا ما قريت موضوعك لانه طويل بس لي العوده ان شاء الله

الجازيjAZY · 07-09-2008, 14:44

طيبوليش مرتز انت وتنورتك

دامك دوب قطبي كسول ماتبي تقرأ الموضووع

بس على فكره انت أحسن من غيرك

نورت ياطيوب

BANDAAR · 09-09-2008, 04:09

هههههههههههههههههههههههههههههههههههه

والله خوش نصايح اجل اذا جيت بتزوج بقولك

تعلميني نصايح زينه صديزتي انتي من اليوم

ههههههههههههه

يسلمووو على المووضوووع القممييل

(من جديد ) · 09-09-2008, 04:17

ماقريته كله طويل

لكن نقلته للرابطة اسوي له دعاية

رهييب · 09-09-2008, 07:31

تصدقين اني قريته كلها و عجبني
و بصراحة نصايح الكثير منها اذا موكلها صحيحة و ان كان بعضها خلاص صارت اوت ديتد ..
مشكورة الجازي

الجازيjAZY · 09-09-2008, 08:39

اقتباس:

المشاركة الأصلية كتبت بواسطة BANDAAR

هههههههههههههههههههههههههههههههههههه

والله خوش نصايح اجل اذا جيت بتزوج بقولك

تعلميني نصايح زينه صديزتي انتي من اليوم

ههههههههههههه

يسلمووو على المووضوووع القممييل

لووووووووووووووووووووووول

يالله فهمت الحجي اللي فوق

مشكور يامشرفنا العزيز ماقصرت

الجازيjAZY · 09-09-2008, 08:43

اقتباس:

المشاركة الأصلية كتبت بواسطة خطرفة كلمات

ماقريته كله طويل

لكن نقلته للرابطة اسوي له دعاية

حبيبتي ياخطروفه يكفيني شرف وجودج بالصفحه

مشكوره ياعومري على نقل الرابط والدعايه ماقصرتي
وربي مياحرمني طيبه هالقلب

الجازيjAZY · 09-09-2008, 08:45

اقتباس:

المشاركة الأصلية كتبت بواسطة رهييب

تصدقين اني قريته كلها و عجبني
و بصراحة نصايح الكثير منها اذا موكلها صحيحة و ان كان بعضها خلاص صارت اوت ديتد ..
مشكورة الجازي

اصدق ليش مااصدق

مشكور يااخوي رهيب ويعطيك مليون عافيه على الطله الحلوووه

فــــ الحنان ــــاقد · 09-09-2008, 09:41

و الله أتاريك خطيرة يا بنت ..

و الله يا كثر تقلباتي و أنا منسدح ..

الله يصبرنا و يرزقنا من حلاله ..

و يبعدنا عن الحرام ..

يا الله لطفك على العزاب ..

يا الله أرحمنا ..

و زوجني إلي في بالي هههههههه ..

الله يسعدك يا بسمة المنتدى أختي الجازي ما قصرتي ..

tota2008 · 09-09-2008, 09:59

والله العظيم موضوعك خقااااااااااااااااااااااااااااااااااااااااااااق

ياليت بس يكون في فايدة من النفخ في عقول هالتماسييييييييييييييييييح

ومشكوورة عمري

بوحديـــــدة · 09-09-2008, 10:15

ههههههههههه تسلم ايديج يالغلا على الطرح الرائع

يالله نتقبل هالكلام شنسوي بعد

^_^

تقبلي مروري واحترامي

الجازيjAZY · 09-09-2008, 10:31

اقتباس:

المشاركة الأصلية كتبت بواسطة فــــ الحنان ــــاقد

و الله أتاريك خطيرة يا بنت ..

و الله يا كثر تقلباتي و أنا منسدح ..

الله يصبرنا و يرزقنا من حلاله ..

و يبعدنا عن الحرام ..

يا الله لطفك على العزاب ..

يا الله أرحمنا ..

و زوجني إلي في بالي هههههههه ..

الله يسعدك يا بسمة المنتدى أختي الجازي ما قصرتي ..

لوووووووووووووول

مشكور ياخوي الطيب فاقد حنان الله يوفقك ويحقق كل احلامك بهالشهر الفضيل

ومشكوور على اللقب الحلو من ذوقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال لكل عزوبي .. يتسدح بالملحق ؟؟؟؟؟