عالم الحياة الزوجية - منتدى

mannoo · 08-09-2008, 10:09

احممم
عندي مشكله
او بلاش مشكله موضوع حابه اشاوركم فيه
>>>>>> و مسويه حلاله المشاكل

طيب الموضوع يمكن مايعجب البعض
لكن انا مالي بعد الله غيركم مااقدر استشير احد غيركم
المهم يااخواني و يااخواتي

انا مطلقه ليا 3 سنوات و ماعندي اطفال
كنت متزوجه زواج الله يعلم به كله مشاكل من اول اسبوع
المهم بعد طلاقي قررت اني مااخد سعودي
وقلت للوالده و اقتنعت لدرجت بدأت تروج للفكره في العائله

المهم فانا قررت انه مافي حل غير مواقع الزواج و دخلت عليها و اتعلمت اللغه الانجليزه عشان ادورلي على واحد من جنسيه اوربيه او امريكيه

و حصل و اتكلمت مع اكثر من وااحد ع المسنجر و المشكله كلهم عندهم فكره التعدد

انا مااعترض عليها لكن لما يكون في سبب، و هما يشوفوا انها سنه نبويه

طيب المهم اخر واحد اتعرفت عليه كنت شايفه بروفايله من فترة طويله وبصراحه مره عجبني البروفايل

وحطيت في بالي اني اوصل لصحابه بس هو ماعنده اشتراك حتى يرسلي ماسج ولا انا ماعندي اشتراك
و قلت لنفسي مو حلوه انا ارسله مسج خليني استنى

و مرت مده طويله و انا كل شويه ناطه على بروفايله

و اخر مره لقيته كاتب ايميله في البرفايل و لما اتكلمنا ع المسنجر قالي انا حطيته عشانك
و كنت مستنيكي تضيفيني

طيب هادا الرجال عمره 38 سنه و ماحصل و اتزوج اسلم من 11 سنه فقط و رفض يتزوج لانه خاف يرتبط و ما يقدر يجي السعوديه يتعلم امور دينه

ووو طبعا عنده فكره التعدد

انا سألته ليش طيب بماانك لسه مااتزوجت حتى تقول ناقصك شي؟؟

قالي ان الرسول عدد

و ان عنده طاقه كبيرة و لازم يعدد

طيب المهم انا قلتله رائي و ماعجبه رائي ولا عجبني رائيه وقفلنا الموضوع و كل واحد راح لحاله

انا فكرت انه طيب يعني بمااني انا اللي ابغى هادا النوع من الرجال لابد اصبر و امشي

سؤالي ايش رائيكم هل ممكن الوحده بعد الزواج تقدر تشيل من بال الرجال فكره التعدد و تكون كافيه بالنسبه له؟بالذات انه عمره 38 متى ح يتزوج تاني؟؟؟

السؤال التاني يعني لاي درجه ممكن تكون قدره الرجال قويه؟؟؟؟؟؟؟؟؟؟

ماني قادره اتخيل

ووو انتوا ايش رائيكم ارجع ارسله ايميل ؟؟ ولا يطلع شكلي بايخ

و انتوا ايش رائيكم في الموضوع ككل؟؟؟

بصراحه ماعرف احط الموضوع في اي قسم قلت هنا استفيد اكتر لان المتزوجين عندهم خبره اكثر
ووووووو سامحوني يامشرفيين

drar · 08-09-2008, 10:57

ربنا يوفقك بحياتك

يمكن بعد الزواج يغير رايو!!!!!!!!

والرجل قدرتو قوية واكثر من النساء يعني ممكن حتى جيل 60 واكثر يكون الرجل عنده المقدرة الجنسية

mannoo · 08-09-2008, 11:08

شكرا عزيزتي drar شرفني مرورك
و انتظر رائي اخواني و اخواتي اعضاء المنتدى اللي ماستغنى عنهم

sunday123 · 08-09-2008, 11:13

والله ما دراي بس الرجل ما هو بسن براحه النفسيه يقدر يعطي

صفوح أبواللبن · 08-09-2008, 11:14

هاد شيئ صعب الحمد لله على نعمة الأسلام

mannoo · 08-09-2008, 11:20

اقتباس:

المشاركة الأصلية كتبت بواسطة sunday123

والله ما دراي بس الرجل ما هو بسن براحه النفسيه يقدر يعطي

اهلين سن داي شكرا على مرورك بس لسه ماني قادره اتخيل ممكن تفصل اكتر؟؟

صفوح ابو لبن ايش هو الصعب؟؟مافهمت
ووووو شكرا لك

مرمر999 · 08-09-2008, 11:24

والله يااختي كل شي قدر ومكتوب واللي عليك سوية والباقي على الله .... بعدين ليش تتروحي تتعرفي على ناس من برع ولد بلادك احق فيك واعيالك يكونون بعدها مشتتين لان لوفكرتي على المدى البعيد راح يكون تشتت فكري فيما بينكم ... والمفروض ماتحكمين على السعودين يكونون نفس طليقك في كثير ناس طيبة وتحب الستر ..... ابتعدي احتي عن اي رجل خارج بلدك وادعي ربك يوفقك مع زوج يعوضك كل اللي فات ويسعدك ... وحطي في بالك ان الخليجين هم اكثر ناس يحبووو الجنس ويريحوا حريمهم لانهم حارين وماتنتهي حرارتهم مع مرور الزمن طول ماهم مرتاح ومريحته زوجته .

mannoo · 08-09-2008, 11:32

عزيزتي مرمر999 شكرا على مرورك
انا فكرت كويس في موضوع الاطفال
بس لقيت ان هاداا انسب حل لاني ماابغى اطفالي يعشوا في الجفاف العاطفي اللي نحنا عايشين فيه

mannoo · 08-09-2008, 14:38

يا حبايبي و الله مانستغنى عن ارائكم
ياريت اللي يدخل يكتب رد ولو بسيط
ولكم مني دعوه في جوف الليل

>>>>>>>موقادره تنام

حلاآآآي قصيمي · 08-09-2008, 14:40

يالغلا

انت على اي اساس بنيتي فكرة انه السعودين كلهم مثل طليقك ترا اصابيعك ماهي مثل بعض وانتي عارفه الشئ هذا زين والله لن تجدين غير ابن بلدك يصونك ويحافظ عليك
وترا ياختي كل بلد وله ثقافته حتى لو كان مسلم وطريقه حياة تختلف من بلد لاخر وابيك تتذكرين انه سيأت الزواج من الخارج اثر واكبر من ايجابياته هذا بالنسبه للرجل فما بالك بالنسبه للمراءه

وترا طريقة بحثك عن زوج عن طريق النت هذي اكبر خطا ولا تنسين انه كثير من الرجال والنساء يمتلك وجهين وجه الواقع ووجه عالم النت

ومسألت انه هل الرجل يمتك طاقه جنسيه وغيره هذا على حسب الرجل ونفسيته ممكن انه يعطي بأوقات وممكن انه يجلس ايام ولو يحدث شي

وبالنسبه لموضوع التعدد هذا شئ ثاني له كلام طويل عريض

فكري بالموضوع زين

وترا من طلع من داره قل مقداره

اخوك

حلاآآآي قصيمي

mannoo · 08-09-2008, 14:52

شكرا على مرورك حلاي قصيمي
نحنا منفتحين في العائله من هادي الناحيه ماعندا مشكله في الزواج من غير السعودي
وبعدين انا ما حكمت من طليقي بس كل البنات اللي حولي مشاكلهم وحده مع ازواجهم
مجتمعي جدا جاف هادي طريقه تربيتنا و مو كل السعوديين زي بعض كل ناس ولهم طبايعهم وهو مافي خيار غير اتزوج من مجتمعي او اتزوج غير سعودي
شرفني مرورك ان شاء الله ماننحرم

مــجـ فكـــرة ـــرد · 08-09-2008, 14:57

زواج السعودية من غير خليجي محكوم بالـفـشـل

فـلو فـرضنـا أنـه أوروبي أو امـريكي كيف راح يـكون

مـصيـر أطـفـالك وبناتك فكري موضوعك خطير جداً

أما موضوع زواجـك الـسابـق فـعـدم التـوفـيـق كان

سـبـب كـبـيـر بـيـنـكـم لعدم وجود التفاهم الزوجي

فـصـدقـيـنـي مايعرفلك غير ولد بلدك يكفي أنه يغار

عليكي

مــجـ فكـــرة ـــرد

avona · 08-09-2008, 14:57

يا اختي اني ماني متزوجه بس مرتبطه ومثل مقال حلااااااااي انو من طلع من داره قل مقداره
يا اختي اني راي الشخصي تلغي اساسا البحث عن رجل عبر الانترنت لان جائز يطلع كله كلام في كلام
وبعدين الرجل من خارج بلادك وخاصه دوله اوربيه وماهي عربيه يعني راح اتواجهين عادات وتقاليد وبيئه غير شكل عن الحياه الي انت عايشته مع اولادك يعني معناه * معناه لاسامح الله وماريد تاخذين نضره من شخص واحد شفتيه الي هو طلقيك معناه الدنيا كله مو زينه في السعوديه هذا الشي ابد مو صح في الدنيا يا اختي في الزين والشين يا اختي راي تركين قسمتك لحين ماهي تجي لباب بيتك وذا ما جت ربي اولادك وشوفهيم يكبرون كدام عيونك وما اصور في ام سعادته كله تصير لما تشوف اولاده بيكبرون كدام عينه .. ولو طولت عليك كمان حابه اقوللك انو بيد المراه تاخلي زوجه ما ياخذ عليه مره ثانيه من خلال اسعاده حابه اكول انو الرسول (ص) حلل الزواج اكثر من مره في حاله كانت المره الي متزوجه اما عاقر او مريضه او مو كادر يعيش معا ها مو يعني عاجبه الزوج انو يتزوج (والله لان سنه نبويه بس ) .. .وانما في اسباب للزواج ...
واخيرا حابه اقوللك كلشي بيد رب العالمين وتمناياتي للك بالتوفيق انششاء الله والسعاده الد ائمه

يـقـيـن · 08-09-2008, 17:13

انتي سعوديه ؟

mannoo · 08-09-2008, 19:15

يااخواني شكرا على مروركم
نورتوني
بس ليش معترضين على الفكره؟؟؟
اذا اهلي موافقين
بعدين انا من الغربيه و اهل الغربية اصول معظمهم غير عربيه
الشباب في مكه يتكلموا اكتر من لغه من الحجاج و المعتمرين
و الجيران كل واحد له اصل و لون مختلف و لغه كمان غير العربية
في عندنا ناس كتير تسلم و تجي مكه هربا من بلاد الكفر و مايكون عندهم عوائل غيرنا نحنا نستقبلهم و نتعامل معاهم كالاهل

رومنسيه بجنون نعم انا سعودية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كيف نخلي الرجال مايفكر يتزوج على زوجتة