عالم الحياة الزوجية - منتدى

أبـــU.A.Eـــن · 09-09-2008, 07:34

السلام عليكم...

كيف حالكم يا أعضاء المنتدى..؟!

عندي موضوع مهم وأبي رأيكم في الموضوع... ( من الجنسين)

أنا شاب في بداية شبابي ( مثل ما يقولون) عمري 22 سنة...

وقبل فترة زمنية بدت حياة العملية... ( الشغل والدوام )

الحين ناوي أدخل الحياة الزوجية.. لكن.................

هنا تبدأ المشكلة...

في يوم زارنا خالي و زوجته و عيالة... ( قبل سنة و نصف)

و أنا آخر مرة شفت عيالة أكثر من 4 سنوات...

فأنا سألة عنهم منو ذيل اللي مع خالي.. بعدين عرف أنهم عيالة بس ما شاء الله كلهم تغيرت أشكالهم...

وحدة من بناته أول ما شفتها أعتفس جسمي كله...

ما شاء الله... جمال رباني

وهذه البنت كنت أنا وأخواني نلعب معاها من زمن بعيد يوم كانت شيطانة صغيرة... لكن الحين 180 درجة تغيرت...

فا المهم ... مرة الأيام ... خلصنا دراسة .. وأشتغلنا الحين..

سألة بطريقة غير مباشرة الوالدة عن بنت خالي كم عمرها.. قالة عمرها 15 أو 16 سنة...

سكت عن الموضوع لفترة ...

فطلب من الأهل يدورولي بنت الحلال ...

و أنا الحين ماعارف شو أسوي أدور على بنت أو أصبر 3 سنوات...

وأخاف البنت ترفضني أو زوجة خالي ما توافق أو يكون في سبب للرفض...

أنا محتار... تقريباً كل يوم أفكر في الموضوع...

مع العلم أنه أغلب بنات هذه الأيام مهتمين بالمظهر و المكياج وصعب تحصل على وحدة بنت أصول... ( من وجهة نظري )

آسف على الإطاله...

والسلام ختام...

أم سلطـانـه · 09-09-2008, 07:44

سلامة راسك اخوي

فاتح الوالدة بالموضوع وقول لها أبي أخطب بنت خالي وماعليك هي بتدبر أمورك كلها وأن كان لك نصيب فيها راح تاخذها إن شاءالله ، توك شباب لاتحاتي العمر قدامك طويل إن شااااءالله ..

اسأل الله العلي العظيم في هذا الشهر الفضيل أن يكتب لك مافيه الخير ويرزقك الزوجه الصالحه ويحقق مرادك يارب ..

موفق أخوي ..

أحبكـ مـggت · 09-09-2008, 08:02

شي من حقك تشاور فيه وتبحث فيه ..

لكن نصيحه لاتحطـ بنت خالك هي الاولى والاخير .. ولا تتعلق فيها وتمووووووت فيهااااااا

لان صدقني تتعلق بشي تتعب معه وتعاني منه نفسياااااااااا ويدوخ راسك عن حق وحقيقه ..

يعني خلك راضي باللي يقسمه لك ربك يعني ان كتب الله لك انك تتزوج بنت خالك راح تتزوجها بقدره قادر

وان كان عكس كذا برضو بقدره قادر .. لكن لاتتعلق ويروح قلبك شوربه ..

نصيحه مني لك ..

عازفه الدموع · 09-09-2008, 08:22

توكل على الله وان شاء الله ربنا يوفقك ويسعدك يارب ويحقق امنياتك

bodybuilder99 · 09-09-2008, 11:49

انا صارلي نفس قصتك بالضبط واهلي رفضوا قالوا انها صغيرة بالحيل قمت استخرت الله ولبست ملابسي ورحت خطبتها لوحدي ويوم اهلها وافقوا اتفاهمت مع اهلي وركدتهم واقنعتهم

من القصة افهم العبرة

وسوي اللي انت تحس انه صح ولا تشيل هم الرفض قبل ماتحاول

realylive · 09-09-2008, 13:00

نفس مشكلتي ...... ؟ ويامحاسن الصدف ... تدري وش سويت قسيت على قلبي وتزوجت من خارج العائلة والآن مرتاح من وجع القلب ودوخة الرأس ! وسلامة رأسك اخوي وشوف اللي يريح عقلك قبل قلبك والله يوفقك .
تحياتي

أبـــU.A.Eـــن · 10-09-2008, 15:01

السلام عليكم...

شكراُ لكل من أبدء رأيه في الموضوع...

الصراحة بعد ما قرأة آراءكم قررة أني أخبر الوالدة لكن بعد إنتهاء البحث...

لأنه الأهل شغالين في البحث عن بنت الحلال...

وبعدين بقرر بمساعدة الأهل القريب أو البعيد أفضل...

و الله كريم...

والسلام ختام...

بنت المدينة2 · 10-09-2008, 16:33

انت اسال اخواتك عنها مضبوط

واذا عجبتك مواصفاتها كلم امك وحتى لو قالو صغيرة قلهم مستعد انتظر اذا كنت تبغاها من جد

الله يوفقك و يرزقك باللي تسعدك

мόόη Ļίģħт · 10-09-2008, 16:55

اذا الله كاتبها لك راح تكون من نصيبكـ

دام اهلك جالسين يدورون لك على عروس شاور الوالدة ببنت خالك

اولا لانها عاجبتك وحاصل قبول من ناحيتكـ .. وتعرف اهلها والبنت تعرفك وتعرف اهلكـ

اذا كانت من نصيبك راح تتيسر امورك

واذا لا ... فالخيره فيما اختاره الله

دلــ دبي ــوعة · 05-10-2008, 14:24

انا اشوفك حبيت البنت و تعلقت ابها انتة خبر امك انك تباها و هم بتخبرهم لو موافقين اصبر علليها لين ما تصير 20 لاسنة و لو موب قادر تصبر شوفلك بنت حلال ثانية بس انا احس انها دشت خاطرك ف اصبر احسلك ههههههههههههههههههههههه

الله يوفقك ان شالله و يجعلها من نصيبك و الله استانس على هل سوالف تخبلون و الله ربي يوفقكم

الـقـيـصـر · 05-10-2008, 16:24

اقتباس:

المشاركة الأصلية كتبت بواسطة أحبكـ مـggت

شي من حقك تشاور فيه وتبحث فيه ..
لكن نصيحه لاتحطـ بنت خالك هي الاولى والاخير .. ولا تتعلق فيها وتمووووووت فيهااااااا
لان صدقني تتعلق بشي تتعب معه وتعاني منه نفسياااااااااا ويدوخ راسك عن حق وحقيقه ..
يعني خلك راضي باللي يقسمه لك ربك يعني ان كتب الله لك انك تتزوج بنت خالك راح تتزوجها بقدره قادر
وان كان عكس كذا برضو بقدره قادر .. لكن لاتتعلق ويروح قلبك شوربه ..
نصيحه مني لك ..

انا معاه في الكلام اللي قاله
كلم الوالده الله يحفظها لك وهي تتصرف مع اخوها
ومن رايي علم امك باحاسيسك تجاه بنت خالك
عشان تعرف الموضوع زين
الله يوفقك لما فيه خير

قلب مغليك · 05-10-2008, 16:32

يسعد مساك أخويه
لا تعور راسك ولا الله قاله ~

قبل كل شي
استخير ربك .. ها مب غلط انك تفكر فاللي دشت قلبك
ومب غلط انك تستخير ربك فكل خطوه تخطيها فحياتك~

انته فخاطرك بنت خالك
وففنس الوقت خايف وها شي طبيعي .. كل شاب مقبل ع الزواج خوفه الأول والأخير الرفض
لو ماكان عليه قاصر ~

بس اللي حبيت أقوله
ان زواج الأقارب نتايجه

السموحه يعني
وخاصه اذا كانت العروس بنت خالك او خالتك ..
ها علميا يعني

والله يوفقك ويرزقك بـ بنت الحلال اللي تصونك وتصونها
السموحه ع المغثه اخويه ~

hohonona · 05-10-2008, 16:38

برأيي حتى لو كانت صغيرة فيك تتزوجها و احكي مع اهلك بكل صراحة

وخلي نيتك صافية دائما

البرتو · 05-10-2008, 16:55

انا براي ابعد عن قرايبك

وخلي اهلك يدورولك من غير قرايبك بكون احسن

وموفق ان شاء الله

ميمي مجروحه · 05-10-2008, 21:45

صل استخاره و خل امك تخطبها لك واذا رفضوا لانها صغيره بس
اصبر ثلاث سنوات لانك انت بعد توك مو كبير مره

والله يوفقك و يتمم لك اللي فيه الخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

راسي دايخ...