عالم الحياة الزوجية - منتدى

yasoo sweet · 09-09-2008, 14:16

السلام عليكم ورحمه الله وبركاته

انا اول مره اشارك في دا المنتدى

وعشان عجبني وليقتكم تساعدو بعض

اتمنى انكم تساعدوني

حدخل بالموضوع على طول

انا مخطوبه من 4 شهور
بس ما ملكت لسا
وبابا سمحلي اكلم خطيبي من شهرين ونص

والمهم تكلمنا والحمدلله بالنسبالي كنت مرتاحه

مع العلم بأنو هو مش سعودي وانا سعوديه
بس انا استخرت وارتحت وقلت اهم شي الانسان نفسه

وامس تكملنا وانا فتحت موضوع العيوب الي ش بالشخص
وانا قلتله على عيببين فياااا

الاول : قال انو عااادي.

العيب الثاني : انو انا بسرعه اتخن ومع اني احافظ او احاول انحف نفسي بس دا نصيب
وانا اصلا قلتلو عشان مااغشه وعارفه انو انا ممكن اتخن بعد الحمل والولادة او بعد 15 سنه او 10 سنين

وانا قلته فكر كويس واختار

وبعد كدا انا جلست ابكي

لانوو مادري الي سويته صح ولا غلط

انا حاسه اني صح

بس ماادري

مع العلم انو انا وزني 63 يعني مو مره دبه

بس قلته كدا من باب الامانه

ساعدوني وقولولي رايكم في الي قلته صح ولا غلط؟؟؟؟؟؟؟؟؟؟؟ظظ

وشكرااااااا

برة الشبابيك · 09-09-2008, 14:27

بالعكس فيه بعض الشباب يحبون الدبه

لا تاخدي في بالك - طالما تحبيه ويحبك لن يفرق معه الوزن

انتم الستات بس بتحبوا تكبروا الامور الصغيرة

وحاولي تزيدى الفترة بين المكالمات لأن هذه الفترة حساسة

وربنا يوفقك انشاء الله

Hoot Feeling · 09-09-2008, 14:36

الله يوفقك آمين ،،
واتوقع عادي اللي قلتيه لخطيبك من ناحية السمنه .. بس
الطريقه اللي حدثتيه فيها بخصوص ( وانا قلته فكر كويس واختار ) اشوف مالها داعي
يعني كأنك تقولين له تبي كذا والا خلاص اتركني ،،، عادة هذي الطريقه تجرح الطرف الآخر
وممكن تخرب عليك المشاعر تجاهكم ويصير يتذكر كلامك ويمكن انتي تحسين بالنقص بالمشاعر ..

نصيحه : حاولي تتقريبن منه اكثر وازرعي الثقه بنفسك أولاً واجعليه يثق فيك ..

مع خالص التقدير

حكايه حلم · 09-09-2008, 14:47

قوليله انج بتحاولين دايما تخففين وزنج

نووووووووسه · 09-09-2008, 20:03

أنتي صح الصـح
وانتي صارحتيه يعني ماسويتي شي غلط
يعني هوا دحين عندو علم بعيوبك يعني لو شافها ماراح ينصدم ,,
ولو شاريكي ويبغاكي ماراح يهمو أي عيب فيكي
وبالتوفيق

أميرة بإحساسي · 10-09-2008, 05:36

عادي شي مايخوف ابد واذا ماقلتي له الحين بتقولين بعدين

بالتوفييق

bodybuilder99 · 10-09-2008, 10:22

لاتكبري الموضوع هوا اكيد شافك شوفة شرعية ولو ماكان موافق ما استمر معاكي

قال الله تعالى ( يا أيها الذين آمنوا لا تسألوا عن أشياء إن تبدَ لكم تسؤكم )

بنت المدينة2 · 10-09-2008, 16:54

ما عليك اذا هو متمسك فيكي ما راح يتركك

بالتوفيق

روآآبي · 10-09-2008, 17:04

ان شالله مافي شي .. ويمكن لوتتركين مسألة العيوب وكشفها للايام وبالصدفة
لاتتعمدين تقولين له انا فيني وفيني وفيني
بالنسبة لنقطة السمن انتي قلتيها وخلاص واذا لك نصيب معاه ماراح يمنعه اي سبب من اتمام الزواج
الله يوفقكم وسعدكم ويتمم لكم امركم على خير

!!..رعبوب..!! · 10-09-2008, 17:19

لا بالعكس ماسويتي شي غلط ابد كنت صريحه وعفويه والصراحه مو عيب ابد مهما حاول يشويها الواقع
تبقى شي جميل هذا شي وهي سلاح ينفع لك وللزمن ... وبالعكس مو دبه انت وزنك زين 63 قريب من المتوسط
عاد مدري بالنسبة لطولك ... ولا تخافين ..... الرجال الايام هذي يدورون المليانه او اللى تميل للسمنه مايبغون النحيفه
النحيفه صارت موظه قديمه متادي الغرض ..... المطلوب ... وبعدين متتحمل ... الحياه مثل المليانه .. دايم بالمستشفى ودايم تشكي من امراض ... ونفسها بخشمها .. عكس بعض الملينات ...

ولاتحزين انا استغربت ليش بكيتي لما قلت له مفروض تفرحين ريحتي ضميرك ....

انت مو مسويه شي غلط ...

المهم امسحي دموعك .... ولا تشلين هم

بس مايعني هذا انك تفرطين بالصراحه والصراحه حلوه .... لكن خلي كل شي بوقته لاتسجعلين الاحاديث مع خطيبك ...

(( اهم شي اختاري الوقت المناسب من شان تظهرين الصراحه .. وماقول اكذبي ))

مع السلامة .

أناهي أنا*** · 10-09-2008, 21:14

انا مع اختي سحايب خليها للايام وبعين انا اللي اعرفة ان الحب اعمـــــــــــــــــــــــــــى وبعدين لو كل واحد قال للطرف الاخر عن عيوبة لما تزوج احد لان لكل شخص عيوبة وهو اكيد له عيوبة صح؟؟

اهم شئ لا تخلي الامور الصغيرونة تخرب حياتك ياقلبي والزواج ماهو شكل ومظهر وبس هو اعظم من كذا

الله ييسر لك ويوفقك ويجعك من اجمل النساء في نظرة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الله يخليكم اوقفووو معي