عالم الحياة الزوجية - منتدى

الحزينه 26 · 09-09-2008, 19:42

السلام عليكم... ابى اسالكم زوجى يبي يتزوج على زواج مسيار يقول ابتزوج ارمله او مطلقة تكون موظفه ... انا بصراحة الان عند اهلى وصارت بينا مشاكل مو عشان الزواج ولان هو حاب يرجعلي وانا بصراحة مو راضيه انه يتزوج على خايفة ارجع لانه كان ناوي يطلقنى بس هون .. وغير كذا انا خايفة انى ارجع بعدين يتزوج وتاخذة منى بعدين يطلقنى ,,, انا لسه متزوجه لي 6 شهور بس ..

انا بصراحة مو واثقة فيه انه يحني ولالا لانه لو يحبني كان مافكر بالطلاق ... وهو كان يقولي ابي اتزوج عشان احسن وضعي يقول ظروف الحياه صعبة وراتبه 4 الاف ريال ..انا ماعندي منه اولاد...

وش رايكم اخاف ارجع بعدين اتندم على رجعتي بعدها يرميني ويقول مابيك ؟؟؟؟

هل من السهل انه يحصل وحدة من مواقع زواج المسيار ولا صعب..؟؟؟

واللة محتارة ساعدونى ؟؟؟؟؟؟؟؟؟

اخفي غلاك · 09-09-2008, 20:12

الشور بيدج والراي رايج
انا من رايي خلج عند هلج دام فكرة الطلاق براسه
غير كذا يبي يتزوج عليج...
الحمدلله انج للحين ماعندج عيال منه
يعني لو كنت مكانج اكون عند هلي بكرامتي
مو على مزاجه يقرر يطلق ويتراجع مو بعيده يرجع للفكرة بعدين
انا عن نفسي ارفض فكرة الزوجه الثانيه قطعا باتا

((مجرد رآي))

اخفي غلاك · 09-09-2008, 20:13

عموما عليج بصلاة الاستخارة
وربي يوفقج ويسويلج اللي فيه الخير والصلاح...

حكايه حلم · 09-09-2008, 20:25

يفكر يتزوج عليج بعد 6 شهور من زواجكم !!!

اي منطق هذا وبحجه تساعده في الصرف !!!

وانتي صدقتيه !!!!

انا لو منج والله ما ارجعله !!!!

هذا وانتو للحين ما عندكم عيال مو قادر على الصرف !!

بكره تتوقعين يوم بيفتح بيتين بيقدر !!!!

المفروض هو اللي يصرف عليج ويعتمد على نفسه

انتي طيبه وايد !! وهو يريد يرضي غروره على حسابج

لا ترضينها على نفسج انا لو منج والله ما ارجع له والحمد لله ما عندج منه عيال

هذا مو مال مسؤوليه !!!!

الله يكون بعونج ..... لو وافقتيه انتي الخسرانه

شو ناقصج وشو زود فيها هيه علشان يفكر جيه

كان الله بعونج

رموش نمله · 09-09-2008, 20:38

أخفي غلاك-حكايه حلم

مشكووووووووووووووووووووووورين وأنا مع رايكم بقوه

حبيبتي الحزينه أنا لومكانك أجلس في بيت أهلي معززه مكرمه بعدين مو رجال الي يتزوج علا مرته توها عروس 6شهور

حبيبتي لاترجعيله أبدااا أنتي مو سلعه يلعب فيك خليك قويه
أذا قال برجعك قولي لا ولا ولا

أنا أنصحك تطلقين ونشاء الله بتاخذين نصيبك خيرااا منه

ولا تجلسين علا أعصابك

*غصات الحنين* · 09-09-2008, 20:40

حبيبتي الحزينه كأننا خضنا في مشكلتك على مااعتقد 0000000!!
اول شئ هذا زوج متهور 000000000 يبي يتزوج !!وهو ماله متزوج 6 شهور !!!!! ويبي مسياربعد
لاحول ولاقوة الا بالله صار موضه 000 ثانيا كان ناوي يطلق وبعدين (هون) ليش تنتظرين منه اشاره انتي!!!
عشان حضرته يرجعك والا لا 0000 والله دمي غلى 0000 انا لو منك ماارجع وش اللي يجبرك
ترجعين له لا معك منه اولاد ولا شئ 0000 انتي لسى عروسه المفروض اهو الان يفكر
كيف يهنيك 0000 يااختي هذا وش خلى لبعد عشرين سنه زواااج !!!! باديها نكد من الحين000
والغبي المتهور المضروب على عينه من قاله ان الموظفه بتعاونه الا الموظفه بتاخذ حقها منه
كااامل مكمل ولا راح تأمن جانبه خصوصا انه متزوج وداخل على طمع000 واضح ان زوجك تعليمه متوسط اذا
مو اقل 00000000 !!!! المفروض يسمون زواجكم ( التعيس) وزوجك: متعس افندي
وانتي: مدام تعيسه 0 من جد اتكلم انتي مقتنعه انك ترجعين وتحملين منه ببزر!! عاد انشبي به
لين الدفنه 0000 ذاك الوقت بنقولك اقعدي واصبري وتحملي عشان طفلك 000 لكن الحين
مانتي مجبوره 0000 واذا ع الحب بكره تجربين الزواج من واحد محترم ساعتها بتعرفين
الحب وتشوفين الفرق 000 انتي قرري توك على البر ترى لا تتعسين نفسك
مدى الحياة 000 تقبلي صراحتي وصدقي 000 اتمنى لك السعاده

شاميه بالرياض · 09-09-2008, 20:44

بقولك كلام بس من غير ما تزعلي يعني معقوله في رجال يفكر بالزواج مره ثانيه بعد 6 شهور من زوااجه الا اذا كان مصدووم او متفااجئ من شي معين او قصور من زوجته بس انتي ارجعي لبيتك وحاولي تصلحي بالوضع ولا تخسري زوجك اذا تزوج مره وحده مسيار يعيدها الف المره لان الحريم على قفا من يشيل الارامل والعوانس بالجمله حافظي لا بيتك وزوجك اووكي

أم فرح · 09-09-2008, 21:24

معقول؟؟؟!!! بعد 6 شهور زواج يعني لسة عريس وصار بدو يتجوز ؟؟!! ياترى بعد 6 سنوات شو رح يعمل ؟؟!!
ليش تكوني تحت رحمته وتستني لما هو يقرر الإنفصال ...إتخذي قرارك بنفسك قبل مايفوت الأوان ويكون صار عندك أولاد وبالمقابل بكون عنده 3 زوجات ويمكن يكملها بالعشيقات ...آسفة إزا كان كلامي في تجريح لكن والله (عريس 6 شهور )
بتخلي الحجر ينطق ..وبتخلي الدم في العروق يغلي ويفور !!!!!!!!
بدعيلك من قلب صادق الله يفرجها عليكي ببركة الشهر الفضيل.

^^black cat^^ · 09-09-2008, 21:37

مومعقوله السبب مادي؟؟؟

انتي موموظفه؟

بعدين اهوه متزوج عشان المره تصرف عليه؟؟؟ شهالرياييل؟ مومعقوله

اتوقع السبب غير جذي... انتي مقصره معاه بشي؟؟ انتي ماشرحتي ضروفج بشكل اكبر عشان نفهم القصه

بس بصراحه مو داش بالي الي بيسويه وانا اقول حفضي كرامتج والي مايبيج لاتبينه وشكلج حتى اذا زعلتي ماراح يشيل من باله فكره الزواج...

الحين صلي استخاره وان شالله ربج يفرجها واذا شال من باله الفكره عاتبيه عليها عشان مايرد يفكر فيها.. بس الخوف انه يسويها من وراج..

الله كريم وان شالله يرجعله عقله والله يصبرج

موفقه حبيبتي

مــجـ فكـــرة ـــرد · 09-09-2008, 21:59

الله يـوفـقـك ويـسعدك بـما تختاريـنـة
صــعـب أرد عـلـى سـؤلـك ولا اعــرف
دوافـع زوجـك الـحقـيـقـية خلف قراره
لكن لو كان دوافـع زوجـك مـادية فيه
اكثر من طريقة لزيادة الدخل المادي
بدون رمي نفسه على امراه تـصرف
عـليـه إن كـان هـذا تفكيره فعلاُ فهو
لايتمتع بأي صفة رجولية .

مــجـ فكـــرة ـــرد

سندريلا زماني · 09-09-2008, 22:21

بصراحه احنا مانعرف شي عن سالفتكم

مومعقوله رجال يتزوج على زوجته في وقت قصير (6 اشهر )

اكيد فيه سبب

ياليت ياختي توضحيين لنا اكثر

فـــارس الشرقية · 09-09-2008, 22:37

6 شهور ؟؟؟ في شي غلط وانتي ما قلتيه . على قد ما يكون الرجل سيئ لكن مش معقول يتزوج على زوجته بعد 6 شهور .

فنعـــاخ · 09-09-2008, 23:16

السلام عليكم

انا من وجهت نظري ان ترجعيله لان الزواج ستر الحرمه واسقرار وما يتعالج الخطا ب الخطاء
وانا اقول حاولي تقنعينه وذا ما اقتنع مافيها شي ان يتزوج بشرط انه يعدل بينكم
وانتي اقتدي بأمهات المؤمنين زوجات الرسول صلى الله عليه وسلم صبرن مع انهن فيهن غيره وهذا حال المرأه المسلمه تصبر وتقدم الدين على العاطفه
والحرمه تصبر على الرجل في حريم صبرن على العن من جذيه لقن من ازواجهن الي يشيب الطفل ومع ذالك صبرن

الطلاق مصيبه ويسبب توتر نفسي وذهني وعواقبه كثيره
عسى ربي يكتب الي فيه خير

وتقبلي مروري

الحزينه 26 · 10-09-2008, 00:18

مشكورين جميعــــــــــــا على الرد وبانتظار البيقه..

رومانسيه حييل · 10-09-2008, 01:05

رياييييل اخر زمن الوحده ماتقدر اتخليه لها سند ونبيهم عون صارو فرعون والله يعينك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ارجوكم ساعدوني تكفون