عالم الحياة الزوجية - منتدى

~عابر سبيل~ · 10-09-2008, 06:28

السلام عليكم ورحمة اللة وبركاته

كل عام وأنتم بخير . . .

أخوكم عابر سبيل من السعوديه

وهذي أول مشاركه لي بالمنتدى

وسبب مشاركتي خطوبتي المغتصبه؟؟

وهذي هي فصتي واريد فزعتكم:

أبلغ من العمر 32سنه والحمدلله دي وظيفه ممتازه ودخلي المادي جيد

لكن مشكلتي لدي أحلام وطموح في أختيار شريكة حياتي؟؟

من سنتين وكلمت الأهل للبحث عن شريكة حياتي لأكمال نصف ديني معاها . . .

وكان من ظمن مواصفاتي والتي ليست بمستحيله وأهمها هو أن تكون ذات طول مناسب وقوام ممتاز

ليتانسب مع طولي والبالغ 177سم

بدات فرق البحث والتحري في الأسره البحث طوال هذه الأيام وفي كل مره يجدون الفتاة لا تكون مناسبه

سواء" لي أول للأهل

وقبل حوالي الشهرين عثرو على فتاه فيها الخير وذهبنا الى خطبتها>>>(العاده الخطبه ثم اذا تمت الأمور

يأتي موعد النظره الشرعيه؟

لكن الذي حدث فاجأني والدها بالنظره الشرعيه مباشرة"؟

وقتها ارتبكت وقلت يالله عسى خير . . .

المهم دخلت ووجدت البنت وبجوارها والدتها ووالدتي وأختي الكبرى فقط

جلست حوالي 10 دقائق وطلبتها أحضار كوب ماء

المهم خرجنا من عندهم وبقينا في نقاش حاد بالسياره بحكم أن طولها غير مناسب لما أنا ارغب فيه

ولكن أهلي هداهم اللة أقنعوني بانها ليست قصيره ومواصفاتها الأخرى تغطي على قصر قامتها

((طولها 155سم))

وظلو أسبوعين كاملين يقنعون فيني حتى أوافق ولم يحترمو رغباتي وأحلامي

اهلي كل اللي همهم شعرها طويل وناعم وبيضاء وقطعة وجهها حلو!!

في الأخير وافقت وقلت لهم بأنهم مسئولين عن حياتي وعن ظلم سيقع ليس لي فيه اي ذنب!!

طبعا"طوال هذه الفتره وأنا أدعي الله تعالى واصلي الأستخاره دائما"

وللأمانه مره احس براحه ومره لا يكون عادي الوضع

المهم تمت الخطبه والملكه وكتب الكتاب

وهنا كانت الصدمه؟؟

بأن البنت ما ناسبني طولها كما توقعت وفيه فرق كبير بينا بأعترافها هي بأنها قصيره وفيه فرق بينا من

هالناحيه؟؟اضافه الى أن جسمها غير متناسق(متينه)

وكأي عرسان جدد لنا شهرين نتحدث مع بعض هاتفيا" وهي تتقرب مني أكثر وأكثر

ولكن انا لم اتقبلها نهائيا" بسبب هالمشكله والتي أخاف ان تبقى معي طوال العمر

صراحه ذبحني التفكير وحاسس بأني انا السبب فيما حدث وموافقتي لأهلي

وصراحه أكثر لا استطيع أن اجامل أكثر من كذا حتى لا أظلم نفسي ولا أظلم البنت معاي

لأنه حرااااام اللي قاعد يصير

كيف أنهي هالموضوع بدون ما اجرح البنت أو أهز مشاعرها بشي؟؟

لأني فعلا" ما اقدر أكذب على نفسي أكثر من كذا

روزانا 000 · 10-09-2008, 06:37

طيب ليه ماترضى بالمكتوب يمكن الله خلاص قدر لك هاذي البنت وحراام البنت تبطل منها عشان الطول وبعدين الله يهديك حرااااااااااام تقول على اهلك حسبي الله عليهم والله ماعتقد انو امك او اختك يبغوا يدمروا حياتك اكيد اختاروها لأنها عجتهم مو يدمرو حياتك يمكن انته الحين مو مقتنع فيها وش دراك مابعد الزواج يمكن تدخل قلبك وتحبها وتعجبك وانا اشوف الطووووووووول على البنت مو حلو بعكس اللي طولهم عادي لأنو يبينها انثى

همس قلبي · 10-09-2008, 06:41

الله يسعدك بالدنيا والأخره

اخوي .. خلنا واقعيين اكثر ...
وش الفايده اذا اخذت وحده عملاقه لكن مخ ما فيه أو بالأصح اخلاق ما فيه
انت اذا اخذت هالطيبه وصارت خلوقه بتنسيك الشكل ..
اهم شي تدعي لنفسك بالتوفيق وإلا الشكل تمل منه مع الأيااام
الله يوفقك

لا تنسانا من دعواتك

أحبكـ مـggت · 10-09-2008, 07:10

والله ان مامشيت كلمتك وفرضت رايكـ فأتوقع راح تنغلب

لايهمك وقتها رضاهم عن اللي تبيه قد مانت مقتنع بشي ثاني ..

يعني انت رجال ولك كلمتك والموضوع بيدك واهلك بيتفهمون وضعك أكثر وأكثر ..

يعني بتمشي كلمتك انت والا كلمتهمـ ..؟؟

خل لك موقف حازم اذا ماكنت تبي الشي ترى مانت مجبور تاخذه ..

ومحد بيجبرك ..

أهم شي القناعه ياعزيزي ..

الفقير والمسكين · 10-09-2008, 12:49

~عابر سبيل~,

انت تقول ظلوا اسبوعين يقنعون فيني, يعني في الأخير اقتعنت ما أحد أجبرك وبالأخير تقول ما أعجبني الوضع!!!!!!!!!!!!!!!!!!!!!!!!!!!!!!!!!!!!!!!!!!!!! !!!!

والله اللي صار معك مايصلح المفروض انك كنت صارم من البداية. على العموم ترا الأفكار هذي اللي براسك كلها من الشيطان, مش الأمور وعش حياتك يعني بالله انا عندي سؤال: الحين ليش البنت ما تقول أبغى المواصفات الفلانية يعني انت كامل الحين, كلنا فينا عيوب والبنات ممشين الموضوع.

تقبل مروري،،،

حنون رومنسي · 10-09-2008, 13:06

الاخوان ماقصرو

بس اضن عمرك 32 سنه يعني تقدر تفرض كلمتك من البدايه وهذا زواج مافيه تردد

(عروس الجبل ) · 10-09-2008, 13:08

أنا يوم قريت العنوان انفجعت 00 على بالي بنية ضعيفة

جابرينها أهلها على شايب تسعيني 00

تبي الصراحة 00 الغلط منك يا أخوي 00

كان من البداية 00 ماسمحت لأحد إنه يفرض عليك شي

ماتبيه 00

إيش ذنب هذي الضعيفة الحين 00 اللي شافتك فارس أحلامها

العملاق 00 اللي جاي على حصان أبيض 00

الحين 00 الموضوع في يدك 00 لا تعشم الضعيفة أكثر من كذا 00

بعدين تحطم أحلامها 00

سبحان الله 00 دايم اللي يتشرطون 00 يتزوجون عكس ما يتمنون 00

فيه وحدة من زميلاتي 00 كانت تقول إن أخوها أبلشهم 00 يقول

ما أبغى اتزوج إلا وحدة 00 يكون فمها قد خاتم سليمان 00 حتى

شفايفها مايبيها تبان 00<<< مدري وين شايفه 00

و يوم جابت صور زوجة أخوها 00 انهبلت 00 يشهد الله 00 إن

شفايفها قصدي ( براطمها ) كبر الفنجان 00 و الفم من

وسعه 00 حتى ضروس الفكين كلها تبان لا ابتسمت 00 أجل

كيف لو ضحكت 00

و الحين مبسوطين و عندهم عيال 00 ما شاء الله 00

الله لا يغير عليهم 00

كحيـلان · 10-09-2008, 13:17

ترى مافيه فرق بين 155 و 177
وبعدين بيضا وشعرها طويل أذاكانت ماهي دبه توكل على الله ولا تخليها

Hoot Feeling · 10-09-2008, 13:42

الله يهديك توافق عليها وتملك عليها وتكلمها وهي الحين تبيك وترسم حياتها معاك
وبنت ناس محترمه وأنوثه ووووووالخ وتبي تحطم قلبها وتجرحها عشان طولها قصير !!
وأنت أطول منها !! شــــــــــــــــــوف أنا احترم اختيارك وذوقك في الإختيار بس الكلام
هذا قبل لا يصير الفلم اللي مر عليك أنت وزوجتك ،،، فكر فكر فكر ترا يمكن ربي يعاقبك
إذا تركت بنت الناس ورحت تدور بنت أطول وتبلى فيها !! لا تخلي الشيطان يضحك عليك
لأن هذا وقته علشان يفرق بين المرء وزوجه ويخليك تصرف النظر عنها .. أنت انسان فاهم
وواعي ..
واخيراً الله يوفقك ويختار لك ما فيه الخير ..

(عروس الجبل ) · 10-09-2008, 13:47

اقتباس:

الله يهديك توافق عليها وتملك عليها وتكلمها وهي الحين تبيك وترسم حياتها معاك
وبنت ناس محترمه وأنوثه ووووووالخ وتبي تحطم قلبها وتجرحها عشان طولها قصير !!
وأنت أطول منها !! شــــــــــــــــــوف أنا احترم اختيارك وذوقك في الإختيار بس الكلام
هذا قبل لا يصير الفلم اللي مر عليك أنت وزوجتك ،،، فكر فكر فكر ترا يمكن ربي يعاقبك
إذا تركت بنت الناس ورحت تدور بنت أطول وتبلى فيها !! لا تخلي الشيطان يضحك عليك
لأن هذا وقته علشان يفرق بين المرء وزوجه ويخليك تصرف النظر عنها .. أنت انسان فاهم
وواعي ..
واخيراً الله يوفقك ويختار لك ما فيه الخير ..

مـاعاد بدري · 10-09-2008, 20:23

انت ماحبيتها ولا لو انك حابها كان شفتها سيدة البنات , خصوصا اذا كان اخلاق وجمال وبياض الخ
يعن يا اما انك تكون صارم من البدايه ولا لاتنسحب بنص الطريق خص انه زواج موضوع حساس خاصه البنت
وانت جاي تقول لي سوالف عن ال سم !
اتركها الحين قبل الزواج عشان الصدمة والانهيار يصير اقل ع البنت المسكينة انشالله
ومن رأيي ان البنت ماتستاهلك لانك سطحي. ادعو الله انه يوفقها ورزقها بأحسن منك يا رب

أناهي أنا*** · 10-09-2008, 21:04

اخوي عابر سبيل
على قولة الاخوان انت في سن مااحد يفرض راية عليك يعني وااااااعي واتمنى منك تنظر للجانب الحسن فيها ربما هي اجمل من عشرات الطويلات
وانا اعرف واحد والله كانت علية شروط طويلة بيضاء شقراء مدري وشو وفي الاخير خطب وحدة سالت اخواتة عنها قالو قصيرة كانها توها مخلصة الابتدائي وهو طااااااااااير فرح فيها
والتوفيق والسعادة بيد رب العالمين لاهو بيد طويلة ولاقصيرة

واهم شئ القناعة بس الظاهر انت مااقتنعت فيها او ماتبغا تقتنع ولاهي مبقزمة لهالدرجة

الله يوفقك وييسر لك اللي فيه الخير بس لاتنسا حاول انت تتجاوب معاها وبتحس لاشعوريا بحبها

حكايه حلم · 10-09-2008, 21:05

لا حول ولا قوة الا بالله

اخي الكريم تبحث عن الظاهر ولم تبحث عن الجوهر

الجمال زائف ويتغير مع الزمن

ما فائده الجمال الخارجي ان كانت شخصيتها لا تطاق !!

اخي الكريم لا يوجد شي كااامل في الحياه !!!

لابد وان تجد شي لا يتناسب مع طموحاتك

احمد الله على نعمته

حذار وان تظلمها معاك !!!

مالها ذنب ان ما تناسبت مع ذووقك !

مصدومه من تفكيرك

مع ان اللي بمثل عمرك المفروض تفكيرهم يكون انضج من جيه

كم بقالك من عمرك

بدل ما تختار رفيقه دربك تبحث عن جمال زائف !!

لن تعيش سعيدا في حياتك الا اذا غيرت منطق تفكيرك

وكان الله في عونك

(عروس الجبل ) · 10-09-2008, 22:18

سطحي 00

ولك يسلم لي هالتم يا حأ 00

<<< متأثرة بباب الحارة 00

رومانسيه حييل · 10-09-2008, 22:30

من العنوان الي كاتبه ان اهلك يبون يحطمون حياتك على بالي يبو ن يخربون عليك حياتك مع زوجتك لكن يوم دشيت وقريت تبين لي ان اهلك يبون لك الزين لكنك مايعجبك العجب يعني المشكله بس في الطول؟؟؟؟؟؟؟؟؟؟؟؟؟ والله حاله ماسالت عن اخلاقها ودينها بس دققت في شكلها ؟ترى كلنه عرسنه لكن مو نفس الي كان في بالنه من شكل او لون لكن النصيب اذا الله كاتبه بيصير ولاتقدر تغيره وانت انسان ناضج وتقدر تقرر حياتك بنفسك ولا احد يغصبك عليه لانه زواج وبتعيش معاها طول العمر ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أهلي يريدون تدمير حياتي...ساعدوني وش الحل؟