عالم الحياة الزوجية - منتدى

دلوعه رسمي · 12-09-2008, 03:54

السلام عليكم ..

كيف الحال جميعا ..

بقولكم شيئ وابي رايكم ..

انخطبت وبعدها ملكت والحين في ايام الملكه لسى الزواج يمكن بشوال الى ذي الحجه
بحسب امور اخرى ..

وزوجي شخص طيب وحنون ومتدين وسنع .. وفي يوم الملكه قبل مايطلع قال لاخوي سلم
لي على دلوعه رسمي .. وقال لي اخوي ومن هنا بدأ يقرقع له قلبي ..

والحمد لله مرتاحه له وهو برضو .. حتى رافض يشوفني من كثر ماهو مرتاح بس بابا
قال لازم الشوفه اذا انت مرتاح لازم البنت ترتاح ..

طبعا احنا ماعندنا الرجال يشوفني ونجلس سوا بايام الملكه لا ماعندنا ..
يعني يشوفني بالزواج بس .. اما المكالمات عادي مسموح ..

الى هنا مافي شي ..

بس ..

المشكله فيني اني ذكيه وشاطرة في كل اموري بزياده ودايم الضوء علي ..

وقريت قصص طلاق بهذا السبب .. ولا يصير الزوج مهمل اذا شاف زوجته كذا ولا تشغل نار الغيره عنده

ومثل كذا وفيه وحده قريت مشكلتها ان زوجها غار وتزوج عليها ودايم يتنقصها ويدور الاخطاء عليها ...

ووحده زوجة صديق بابا مثلي ويمكن اكثر صاير لها مشاكل ومره كنت جالسه وسمعت ان سبب مشاكلها
الغيره من ذكائها وعدم تحملها له مع ان زوجها ذكي بس مو اعلى منها ..

ولما اشوف الافلام الاحظ ان الذكيه بصعوبه تلاقي صديق ولا تكون مو مرغوبه عند الرجال ..

وخصوصا ان كثير علاقاتي مع صديقاتي ننفصل وتتازم حالتنا ونتفارق بعد سنين من الصداقه
والسبب ذكائي وشطارتي وحتى لو ماابذل جهد ..

واذا سألتهم ليه نتفارق ؟ يقولون : المشكله فيك انتي روحي دوريها ..

احيانا احس ان الذكاء مشكله .. بتقولون لي يمكن مايصلح ابين له واصير شوي غبيه ..

اقول ميخالف مافي مشكله ماابين له حيل .. بس هو يعرف معدلاتي الجامعه مرتفعه وتفوقي
بين العائله .. ومن خلال مكالماته دايم يرميني في بحر مختلف احسه يختبرني واسوي غبيه
وارد باقل شي وينبهر مني .. وانا اطيح بورطه ..

وفيه شي ثاني .. يقول لي انتي نعومه ودلوعه هذا وانا مسويه رسميه وثقيله ومافي دلع ولا نعومه
اخاف مايبي هالشيئ ويتفاجأ فيني ودي اصارحه بس للحين خجوووووووووله
ومااقدر انطق حرف الا قليل ..

ويضيق صدري بس بعدها استغفر ربي واتعوذ من الشيطان وادعي ربي ..
وتروح الضيقه .. بس كلها كم فتره وترجع الضيقه ..

ادري طولت عليكم ..

انتظر رايكم

أحبكـ مـggت · 12-09-2008, 04:08

{ ولن يصيبنا الا ماكتب الله لناااااا ..

حائر عما تقولينه ولم أستطع التركيز ..

دلوعه رسمي · 12-09-2008, 04:12

ونعم بالله ..

واذا انت حائر ..

اجل كيف اصير انا !!

ويمكن ماركزت لانك بتحلق السحور قبل الاذان ههههههه

ربي يسعدك ويوفقك ..

حكايه حلم · 12-09-2008, 04:14

عندما تكون الزوجه متفوقه على زوجها علميا

تكون المشكله عندما تتباهى الزوجه بذلك

او عندما تستصغر دور زوجها وان دورها اهم منه

او عندما تسمع لحديث زوجها وتظهر بانه تافه وسطحي

ولا تتقبله لان تفوق تفكيرها لا يقبل به

لذلك عليك ان لا تظهري ذالك او تتباهي به

ودائما اظهري لزوجك انه هو اساس العائله ودوره اهم

حتى لا يلاحظ الفارق وتحدث المشاكل

دلوعه رسمي · 12-09-2008, 04:33

نو .. الحمد لله ماني من هالنوعية ابدا ..
بالعكس دايم اخلي نفسي بسيطه ومااعرف شيئ
الا في حالات الطوارئ ..

مثل لما كنت غيابه ايام الثانوي ومطنشه الدراسه
وبعدين سوو مسابقه ع المناهج وكل فصلنا كسول اختاروني المعلمات
استهزاء في فصلنا لانهم يكرهونه لانه كسول ومشاغب وصرت بوجه المدفع
لاني غيابه ويضحكو علينا .. وكل الفصول تطالع فينا اننا بنفشل ..

بس قلبت الميزان وفاز فصلنا ..
وياليتني مافوزته ..

صارت مشاكل مالله به عليم ..

ومواقف كثيره .. اغلبها تنقلب علي ..

كل مااتذكر هالمواقف يبدأ معدل الضيقة يرتفع ..

وخصوصا اذا بعدها تركوني صديقاتي ..

ريم الأحساس · 12-09-2008, 08:51

الذكــــــاء نعمة من الله ... بس في حالات يصيـــر نقمة
ولما اشوف الافلام الاحظ ان الذكيه بصعوبه تلاقي صديق ولا تكون مو مرغوبه عند الرجال ..؟؟
لالالا الذكية أحسن من الغبية اللي ينضحك عليها
شوفي انتي كوني ذكية لكن تغاضي مو تستغبين لا .. ترا الرجال يحبون المراة الفطينة التي تفهمها وهي طايرة لكن مو في كل شي ..وذكائك مو يخليك توسوسين وتتوهمين ..

الله يوفقك

مــجـ فكـــرة ـــرد · 12-09-2008, 10:50

ذكائك الدراسي شيء والذكاء
بالحياة الزوجية شيء آخـر
وزوجك ذكي أيضاً لكن أحـذري
مـن الـتباهي أمامه بذكائك
ممكن تكونون أذكياء مع
بعض تثيرون حديثكم بالنقاش
بـكل شيء ولكن لا تتعالي
على زوجك بـل حـاولـي
الثناء عـليه على ذكائه ,
ولاتحاولي تستخدمي ذكائك
مع زوجك في أستدراجه
بالكلام ليقول شيء ماء
أو غير ذلك لأنه عنـدما
يعرف ذلك ستنعدم الثقه
بينكم وهـذه أكـبـر مشكلة
كوني زوجه عاديه مع
زوجك وعظمي عـمـله
وأجعـلي حياتك مع
زوجك بعيده عن أساليب
الـكـر والـفر فـأنتم في
بيت يجب أن يكون مليء
بالثقه والطمأنينة .

مــجـ فكـــرة ـــرد

مـاعاد بدري · 12-09-2008, 17:15

ليش ذكائك سبب فراقك مع صديقاتك ! اشرحي
الذكاء نعمه وليست نقمة
يمكن فيه صفه ثانيه سلبيه بجانب الذكاء هي اللي تخليهم يبتعدون عنك بس انتي مو فاهمه
موفقه اختي وخليك دايم على طبيعتك لاتتصنعين شي

دلوعه رسمي · 12-09-2008, 20:35

اقتباس:

الذكــــــاء نعمة من الله ... بس في حالات يصيـــر نقمة
ولما اشوف الافلام الاحظ ان الذكيه بصعوبه تلاقي صديق ولا تكون مو مرغوبه عند الرجال ..؟؟
لالالا الذكية أحسن من الغبية اللي ينضحك عليها
شوفي انتي كوني ذكية لكن تغاضي مو تستغبين لا .. ترا الرجال يحبون المراة الفطينة التي تفهمها وهي طايرة لكن مو في كل شي ..وذكائك مو يخليك توسوسين وتتوهمين ..

الله يوفقك

من جد ساعات يكون نقمه ..

واكيد ابين له اني طبيعيه ..
بس المشكله اننا راح ندرس واخاف يكون مستواي اعلى وتجيني مشاكل
مثل زوجة صديق بابا ومثل برضو زوجة عمي مااحسهم متهنين ):
ماادري احس الرجال مايحبو المراة تتفوق عليهم ..
ماادري ليه ؟؟

وربي يوفقك ويسعدك ..

دلوعه رسمي · 12-09-2008, 20:43

اقتباس:

ذكائك الدراسي شيء والذكاء
بالحياة الزوجية شيء آخـر
وزوجك ذكي أيضاً لكن أحـذري
مـن الـتباهي أمامه بذكائك
ممكن تكونون أذكياء مع
بعض تثيرون حديثكم بالنقاش
بـكل شيء ولكن لا تتعالي
على زوجك بـل حـاولـي
الثناء عـليه على ذكائه ,
ولاتحاولي تستخدمي ذكائك
مع زوجك في أستدراجه
بالكلام ليقول شيء ماء
أو غير ذلك لأنه عنـدما
يعرف ذلك ستنعدم الثقه
بينكم وهـذه أكـبـر مشكلة
كوني زوجه عاديه مع
زوجك وعظمي عـمـله
وأجعـلي حياتك مع
زوجك بعيده عن أساليب
الـكـر والـفر فـأنتم في
بيت يجب أن يكون مليء
بالثقه والطمأنينة .

مــجـ فكـــرة ـــرد

اكيد هذي نقاط مهمه ..
وكلامك ع عيني وراسي ..

ومن الناحية الزوجيه غالبا احل مشاكل خواتي واخوي
وينجحون .. مع اني ماتزوجت .. دايما يقولو نجار وباب بيته مخلوع ..
يعني احس انو الناس تاخذ مني لكني افشل في نجاحي ):
ومثلا تصير مواقف تبين تفوق الواحد
وهو على طبيعته مو قصده شيئ ..
وبعض الاحيان يكون يبي الخير وتنقلب الموازين ضده ..

وقريت دراسه انو الاذكياء يواجهون اكثر مشاكل وتحديات

بس ملينا من اول مافتحت عيوني ومشاكل ..

ماابي تلحقني لعش الزوجية ):

ربي يسعدك

دلوعه رسمي · 12-09-2008, 20:55

اقتباس:

ليش ذكائك سبب فراقك مع صديقاتك ! اشرحي
الذكاء نعمه وليست نقمة
يمكن فيه صفه ثانيه سلبيه بجانب الذكاء هي اللي تخليهم يبتعدون عنك بس انتي مو فاهمه
موفقه اختي وخليك دايم على طبيعتك لاتتصنعين شي

اوك راح اخبرك ..

شخصيتي ماتحب تجلس مع البنات الدوافير لان حياتهم احسها نكد ملاحق ورى هالكتب
واذا نقصت نص قامت تبكي ومش عارفه شو صراحه ممله صداقتهم وماينفعون لي ..
لاني احب الدجه والهبال ومعها شطاره وحافظة لساني من الكلام السيئ يعني
احب ابدع بالهبال والمرح بحدود الادب واللباقه ..

فأصادق بنات واستهبل معاهم ونحوس وصرقع بس هم شوي مايعرفون يتصرفون اذا امسكو ولا انكشفو
يرفعون لسانهم ويتهاوشون وانا اعتذر بادب واطلع منها وانتهينا واغلب المشاكل اطلع منها بسهوله
وهم يغرقون فيها واحاول دايم اساعدهم بس مايسمعون ولا يورطوني ويهربون
واذا جت اخر السنه يشوفوني مع الاوائل اتكرم
وهم تهاوشهم الاداره فيعتبروني ماني صديقتهم يبوني انجلد معهم ..

ومالقيت بنت قريبة لي للحين ومن اول مادخلت الجامعة وانا مصادقه اختي وبسسس
لانها فاهمتني ولا تلومني عادي موسعه صدرها .. وبعد ماتركتني لانها تعثرت بمستويات
صادقت بنات على اخر المستويات ونفس الحاله ..
اخر شي قررت مااصادق الا اهلي وبسسسس ..

والحين زوجي الله يخليه ويحفظه ..

ويسعدنا ويهنينا ..

ويبعد عني هالوساويس والافكار ):

мόόη Ļίģħт · 13-09-2008, 06:47

لاأرى بالذكاء مشكلة الا ان كانت مصاحبة لتباهي او تكبر على من هم أقل

قد يكون الانسان ذكي في أمور لكن لا يحسن التصرف بأمور أخرى

فالذكاء ليس فقط معدلات جامعيه .. ولا حل ألغاز

الذكاء هو حسن التصرف ومعرفة نفسية المتلقي ومعاملته بما يناسبه

المهم هو التواضع وان يعرف الانسان انه مهما بلغ من صفات مميزة فانه بشر لابد من النقص في أحد المجالات

لاداعي لتصنع الغباء

كوني مثقفه متواضعه وعاملي الناس كل باسلوب يناسبه

شاميه بالرياض · 13-09-2008, 15:40

يعني انتي مكبره القصه شوي وخايفه زياده عن اللزوم الموضوع عادي وحله بسيط لا تقولي له اي شي انت اذا شاايفه نفسك اذكى منه سوي العكس اظهري انك اقل منه ذكائا يعني (استغبي شوي ) اغلب الرجال ما يحبون الوحده تتذاكى عليهم لان هذا ينقص من انوثه وحنيه البنت ولا تعامليه بطريقه تظهري انك افهم منه بالعكس دايم حطيه بالصورة واخذي برايه وان شاء الله امورك رااح تكون طيبه والله يوفقك ان شاء اللله

كلـ‗‗ـي جـ‗_ـرووح · 13-09-2008, 15:48

الله يعينك وانشالله الاموور للاحسن

وبعدين من قالك الرجال مايبي النعومه والدلووعه بالعكككس هاذا اللي موصي عليه الدكتور مدحت <<

الله يوفقك

روآآبي · 14-09-2008, 00:32

طيب استغلي ذكائك في كسب محبة زوجك والابتعاد عن المواقف اللي ممكن تشعل نار الغيرة في قلبه
اول نقطة تحطينها في بالك ان الرجل يحب ان يكون (أسد) في بيته ..وامام اهله
فلاتحاولين هز صورته امام نفسه باستعراض بعض من ذكائك سواء الاجتماعي او الاكاديمي

الذكي .. يستشعر الناس ذكائه مع العشرة ...ولكن قد ينفرون او يستلطفون
حسب نوع هذا الشخص وخُلقه وتعامله مع الناس
وانتي مثل ماقلتي طيوبه وحبوبه ..اذن فقط تنبهي انك تحاولين سرق الاضواء من زوجك ..دائما اشعريه انه هو السيد ..بدون مايتطاول او ينقص من حقك شيء

بالتوفيق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يقولون المشكلة فيني !! طيب قولوا لي شسوي !!