عالم الحياة الزوجية - منتدى

لبن مثلج · 13-09-2008, 20:33

السلام عليكم

انا عمري 21متزوجه من 3 سنوات وعندي ولد

بصراحه مدري شقول انا غلطت غلطه كبيره

زوجي دايم يجلس ع النت بالماسنجر مع اصحابه وكذا

وعنده اميلات كثير طلاب ومدرسين بحكم انه مدرس

انا الغبيه سويت لي اميل غير اللي عندي باسم بنت وطلبت انه يضيفني له وهو مايدري ان هذه انا بس انا

كنت اتسلى وناويه اقوله بس ابي اشوف وش يسوي

وهو ضافني وانا كنت جالسه عنده لما ضاف الاميل وسويت نفسي مادري عن شي و زعلانه واقول من هذه وكذا

وقام وحذف الاميل

ويوم ثاني رسلت له رسايل من الاميل على اني بنت وقلت له كلام وابي اتعرف وكذا

وتفاجئت انه لما فتح اميله رد على الكلام ويبي يتعرف وكلام حب وكم عمري وكذا

ماتوقعت صراحه وانصدمت
وسالته عن الاميل وقال لي حذفته من زمان ومادري عنه

ولاحظت عليه يرتبك ويسكر اميله لما اكون عنده يعني مو مثل قبل

وانا زدت الطين بله وجلست ارسل له كلام حب بزياده وهو مايدري ان هذا انا وسال متى الوقت اللي اشبك فيه عشان يسولف معي

وانا صراحه مضايقه كثير وادري هذه اول مره هو يكلم بنات

واخاف اني فتحت عيونه على هالسوالف وهو مو كذا

صرا حه ماني طايقته احسه خاين

يعني لوجا اميل بنت بيكلمها وانا ياغافلين لكم الله

وش الحل بالله ماني عارفه وش اسوي معاه

ابي اعاقبه على فعلته

الحزينه 26 · 13-09-2008, 21:17

شوفى عزيزنى هو اكيد قد كلم على الماسنجر مو شرط ماسنجره الاساسي يمكن عنده غيرة وانتى تقولى انه يرتبك اذا قربت من عندة ... واستقبللك بكل ترحيب ..تبين نصيحتى طنشي وانسى الموضوع عادى كل الرجال كذا ولا تفتحين على نفسك باب ...وبعدين هو راح يزعل منك بيقول انتى مو واثقه بي وكذا... حاولى تتقربي منه باسلوب غير مباشر يعنى قوليليه انت تحبنى انا حاسه انك متغبر تقربي منه وريحيه بكل شي ... والله يعينك عادى لا تقهرين نفسك وربي اغلب الرجال خونه وش نسوى حافظى على بيتك ولاتهدميته عشان وحدة تكلمه بالمسن ...
تحياتى للك...

خرائط انثى · 13-09-2008, 21:26

سيدتي000
ارى انك لم ترتكبي اي خطيئه في حق زوجك بل اي فتاه تحب زوجها وتريد ان يكون لها وحدها 000 وكذلك اي زوجه يمكن ان تفعل مافعلتي للتاكد من حب وصدق ووفاء زوجها لها000
اخيتي لاتستعجلي الامور ولاتظلمي زوجك فهناك رجال كثر يفعل بعض الاخطاء لكن ليس من باب الخيانه والبحث عن امراة اخرى بل من الباب الفضول فقط000
لاتتسرعي ولاتطلقي عليه الاتهامات كبيره فكلمة الخيانه عظيمه وعظمها على المرأه كوقع الجبال000
عزيزتي اذهبي واخبريه بما فعلت ولاتشعريه انه اخطا او انك بدات بالشك به اخبريه من باب الفكاهه واشعريه انه لايمكن ان يرتكب خطا بحقك اقتربي منه اكثر واشعريه بان الحب يربطكما00
استغلي عقلك لتصلي الى مبتغاك ولاتجعلي التعجل هدفك حتى لاتضيعي عشك الدافئ000
دمتي براحه000000000000

كلـ‗‗ـي جـ‗_ـرووح · 13-09-2008, 22:06

للاسف مافيه ثقه في نفسك ولا في زوجك

دامه مو مقصررر معاك ومافيه اي شي

اعذريني واسمحيلي بهالكلمه انتي (( غبيه ))

للاسف تصرف جدا غبي الرجل يضعف بعض المرات

بس صدقيني مافيه اي وحده تهزه دامك مو مقصره وياه

وهو ماقصر وياك

تعوذي من الشييطان واذكري الله وانسي المووضوع

بلا عقاب بلا هم

تاكدي انك ممكن راح تقلبين حياتك جحيييم بسبب شكك

نصيحه من القلب <<< ابتعدي عن هالامووور والله يوفقك

& البلورة & · 13-09-2008, 22:18

الله يهديك يالغالية ليش تفتحين على نفسك وعلى زوجك

شوفي لاتخلين للشيطان طريق ولاتبدئين توسوسين وافكار شينة ورقسم بالله ماحد بيتعب ويكتئب غيرك

بطلي اللي قاعدة تسوينه احذفي الايميل اللي عندك لانك انتي السبب حبيبتي وين الثقة .

برق الألماس · 13-09-2008, 22:21

يالغاليه انتي بهالطريقه رح تتعبين نفسيا ...فما لج غير انج تتقربين من زوجج وتحاولين يخلينه يحببج بالطريقه ثانيه

ويبيه له سوالف حلوه ..خليه يحس انج انسانه مرحه انسانه تحب اتسولف مع زوجها وبس ..وهتمي فيه ..حاولي اتخليه يبتعد عن النت شوي شوي

وماعليج زوجج لج ..مهما لف ودار رح يرد لج ...

الله يسعدج دنيا واخره والله يبعد عنكم عيال الحرام

لبن مثلج · 15-09-2008, 17:00

مشكور اللي رد علي

بس انا صراحه وصلت معي مضايقه كثير

اكتشفت حاجات هي بسيطه بس عندي كبيره

مدري شسوي

(من جديد ) · 15-09-2008, 17:06

الغلط مو عليك
لكن عليه
واستمري بلعبتك وبعدها فاجئيه الكاميرا الخفية وخله يتسنع

تــولا · 15-09-2008, 18:50

يمكن أنت اللي جذبتيه؟
عموماً.. ما أنصحك إنك تواجهينه لأن ساعتها بيبتكر وسائل أكثر تعقيداً لإخفاء الخيانة..
كانك مبسوطة معاه.. إبعدي عن الشر وغني له.. وحاولي تصلحين علاقتك فيه وتطورينها..
لكن لا تنبشين عن أشياء أول من بتنكد عليه أنتِ..
ما في رجل ما يزل إلا من رحم ربك..
وهو لو واجهتيه بيحقد عليك لأنه بيحسك تتبعين سقطاته..
الله يعينك وييسر أمرك..

أحبكـ مـggت · 15-09-2008, 19:47

خلاص

وقفي لعبتك ..!!!

وكافي زياده .. بطبيعه كل رجل لاتكفيه إمرأه ولو كانت ملئ عينيه .. ولكن يحب أن يرى الجديد
ويكتشف المزيد .. وعلى حركتك كأن البنت طاحت من السماء ووقعت على إيميله ..

أختي كذا أتوقع راح تفتحين لك باب من المشاكل خلاص كنسلي اللي راح وإنتي لاتسهلين له الدرب
وتجرأينه أكثر وأكثر على إنه يكلم بنآآآت ..

أعشقها موووت · 17-09-2008, 12:43

السلام عليكم

لبن مثلج

الله يهديك بس

انتي فتحتي على نفسك جحيم

الحين حتى لو مافيه شئ كل ماتشوفينه على النت يوسوس الشيطان في راسك وتتعذبي مع نفسك

انا رجل واعرف الرجال

الرجال ممكن يتعرف على النت ممكن يكلم تلفون واعتقد مافي رجل ما عنده هذي الحركات الا من رحم الله

نصيحتي لك اختي انك توقفي اللعبه وتتقوذي من الشيطان وتتقربي من زوجك اكثر واكثر واكثر وتملكيه

بروحك الطيبه وبحنانك وبدلعك له

والله يعينك على التعب والتفكير والهم اللي انتي فيه صدقيني هذا شئ متعب

^ دلوووعتـهـ ^ · 19-09-2008, 02:07

وقفي اللعبه واعترفي له عشااااااان مايعيدهاااا !!!!!!

الوفاء أمل · 19-09-2008, 03:00

ياجماااعه كلكم صرتو ضدهاااا
عادي وحده من زميلاتي سوت نفس الحرررررررررررركه بس والله جت في صالحها مااقول هالكلام علشان اشجعها بس اقولكم
والله سوت هالحركه وصارت تسوي اشياء غبيه معاه على انها طبعا صديقته مو زوجته المهم وكملت اللعبه وبالعكس طلعت صورتها قدامه شينه وهو حس ان زوجته ملاااااك طبعا لأنه قارنها بهذي والله وماحلفتونى بالله أن الرجال بعد هالحركه تسنع مع زوجته ودلع واللهي تقول لي يقول انتى مافيه مثلك علشاانه قارن بين الثنتين
والله يوفقك
لاتسوين عاد مثلها

لبن مثلج · 14-10-2008, 07:41

مشكورين
وانا صراحه اعترفت له وزعل كثير
بس في النهايه هذا درس له عشان مايضيف احد
بس صار ما يجلس على النت صار ما يحبه خخخخخخخ

بنت أبوي والفخر لي · 14-10-2008, 08:17

حاسه انو يلعب عليك بعد

واكبر مثال لما قال لك متى تشبكينه !!!

مدري الله اعلم

امكن صح ولا لأ

بس كملي لعبتك شوي

وكلميه وهو في البيت وقولي له انا جايه عندك

وتعالي عنده

وخلصت الحتوته

ههههههههههههههههههههههههههههههه

امانه صويري لي وجهه هههههههههههههههههااااااي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني بسرعه تكفون