عالم الحياة الزوجية - منتدى

عيون ملائكية · 16-09-2008, 02:52

السلام عليكم ورحمة الله وبركاته
ابغى من اخواني واخواتي الاعزاء يعطوني ارائهم ووجهة نظرهم في موضوعي لاني من جد محتااارة
انا متملكة لي سنة و9 اشهر وبيني وبينه بس مكالمات وشفته ثلاث مرات على فترات بس بالمناسبات مثل العيد المهم تملكت وعلى اساس ان الزواج يتم بعد سنة وماقدم لي مهر الى الآن المهم بعد مامرت سنة سألته عن ترتيبات الزواج واكتشفت انه بيتأجل سنة على اساس ان اهله قاعدين يبنون لهم فله وان ظروف اهله ماتسمح ان يساعدونه رغم اني انا راح اسكن في مدينة ثانية قلتله انا مقدرة ظروفك وكل مرة يقولي الشهر الجاي بجيب المهر وقلتله على راحتك المهم ماتضغط على نفسك لانه مقدم على سلفيه المشكله اني احبه وهو مرة طيب ومتاكدة انه يحبني بس خايفة انه يلعب بمشاعري ويتسلى فيني
استخدمت معاه كل الطرق قطعته شهرين قلت يمكن يحس وقلتله الناس يتكلمون واعرف كثير بعدي تملكوا وتزوجوا وبعد جابوا عيال وانا وانت وضعنا زي ماهو .....
اهلي رافضين يتدخلون بالموضوع شايفين انه عيب مستعجلين على فرقى بنتهم ومعاهم حق وكل مرة تطول الفترة اتعلق فيه خايفة يخذلني واعاني دائما من لامبالاته يقولي دقيقة ويتذكر بعد يومين ولا كأن شي صار المشكلة انه يتاسف ويترجاني اسامحه وانا قلبي طيب واحسن شي فيه اذا تناقشنا في موضوع وتشاجرنا يحاول يغير الموضوع ويدخل بكلام الحب وهو جدا رومنسي وهذا الشي اللي يعجبني فيه واخر مرة وعدني انه بشهر ذي القعدة يستلم السلفية وان الزواج بالصيف ويكون لي سنتين ونص متملكة خايفة يتاجل لسبب ثاني انا بنتظر الشهرين الجاية بس اذا تاخر الموضوع وش اسوي وش الحل ......

حزينة بهالدنيا... · 16-09-2008, 03:39

هلا ومرحبا بيك اختي بالمنتدى

والله انا ما عندي فكرة بالموضوع ولا اقدر افيدك ان شاء الله الاعضاء ما راح يقصرون

بس انا مستغربه قريت اكثر من مره زي كدا ان المهر يتاجل ليه احنا عندنا بمنطقتنا يسلمون المهر يوم الملكه ابدا ما يتاجل ولا دقيقه ما ينكتب الكتاب الا والمهر موجود هذا الي اعرفه ومعروف عندنا ما في نقاش

الله يكون بعونك اختي

تقبلي مروري

واحد وده يعرس · 16-09-2008, 03:40

وسعي صدرك ولا تهاوشينها كثير

ترى والله العظيم أسألي مجرب

الزواج بالنسبة للرجل وربي مهلكة

أعرف ناس قبل الزواج بفترة طويلة ينحف وما ياكل من هموم الديون والمصاريف

دامه كاتب كتابه

ويحبك وتحبينه

عيشيوا حياتكم

وانسى الزواج

طارق55 · 16-09-2008, 06:53

قولي اللهم اجعل في كل تاخيره خيره

فقيره حظ · 16-09-2008, 07:43

لي عوده مع الحل حاليا النفسيه في تدهور اخاف اخربها لوشرت عليك..

•:*ღ*:• كلاسيك © •:*ღ*:• · 16-09-2008, 12:16

اقتباس:

المشاركة الأصلية كتبت بواسطة حزينة بهالدنيا...

هلا ومرحبا بيك اختي بالمنتدى

والله انا ما عندي فكرة بالموضوع ولا اقدر افيدك ان شاء الله الاعضاء ما راح يقصرون

بس انا مستغربه قريت اكثر من مره زي كدا ان المهر يتاجل ليه احنا عندنا بمنطقتنا يسلمون المهر يوم الملكه ابدا ما يتاجل ولا دقيقه ما ينكتب الكتاب الا والمهر موجود هذا الي اعرفه ومعروف عندنا ما في نقاش

الله يكون بعونك اختي

تقبلي مروري

صحيح كلامك اختي

لا يتم كتابة العقد الا بالمهر ولا بد ان ذكر بالعقد

اما بالنسبة لوضعك

ماقول الا الله يكون في عونك

وبيساعدوك الاعضاء

•:*ღ*:• كلاسيك © •:*ღ*:• · 16-09-2008, 12:19

اقتباس:

المشاركة الأصلية كتبت بواسطة فقيره حظ

لي عوده مع الحل حاليا النفسيه في تدهور اخاف اخربها لوشرت عليك..

ههههههههه

الله يستررر

شاميه بالرياض · 16-09-2008, 19:42

الله يهدي النفووس ان شاء الله

ريم الأحساس · 16-09-2008, 20:00

السلام عليكـــم

أنا حاسة باللي انتي حاسة فيه وفاهمة وضعك .. تدرين وين الغلط المفروض الملكة (العقد) مايصير الا قبل الزواج بأسبوع أو شهر أحسن .. علشان الرجال تلقينه مستعجل على الزواج ويبي يتزوج بأسرع وقت .. لكن دامه ملك خلاص تطمنئن إنك له .. شوفي أهم شي ان الزيارات تكون قليلة ورسمية .. علشان تحافظين على نفسك .. والمكالمات بعد , وطنشيه إن شاء عمره مادق , انتي في بيت أهلك معززة ماراح تموتين ,..وعامليه زي مايعاملك ..

أنسة دلـــوعة · 16-09-2008, 20:28

اهم شي خليه يجيبلك المهر حالك حال غيرك ماعليك منه اي حق لك لاتتنازلين عنه والزوااج متى ماتيسر بس قوليله يقوولك كلمه وحده يعني بعد شهر خلاص بعد شهر
مو يلعب عليك كل مره يااجل وحتى لو بعد سنه يقولك بعد سنه اهم شي يكون عندك الخبر وعارفه متى الزوااج
والله يوفقنا وياااك

قمر الجبيل · 16-09-2008, 21:41

الله يوووووووووفقك يااارب اصبري الى الشهر الجاااي ووشوووفي

ان شاءالله خيره

روآآبي · 16-09-2008, 23:43

طيب ممكن تقولين له ان المهر يساعدك في تجهيز نفسك ..وكل ماتأخر في تقديم المهر كل ماتاخرتوا في الترتيبات
وقوليله ان تاخير الزواج اكثر من هالشهرين بيضايقك ويضايق اهلك ..
ومو شرط اذا اهلك مستعجلين على زواجك معناها يبون الفكه <<معلومة خطأ
هم مستعجلين على اتمام فرحة بنتهم والتأجيل مو حلو بحقهم وبحقك امام الناس
وهم اكيد عندهم بنات وفاهمين هالشعور
قوليله اذا عندك اسباب منطقية للتأجيل يقولها لك افضل من تمديد المدة بدون سبب واضح
وانتي اكثري من الاستخاره فماخاب من استخار

عيون ملائكية · 17-09-2008, 03:51

مشكورين على كل من رد علي بموضوعي
الله يعطيكم العافية

شـمـوخ الـريـم · 17-09-2008, 05:37

بصراحه شي يقهر لكن انتي سوي الموضوع عادي وقولي له اذا انت مو مهتم في قربي انا بعد اكيد مثلك وابئي عامليه مثل ما يعاملك ولا عاد تسالينه اهم شي انك مملكه عليه ويصير زوجك وطا لمى اخلاقه طيبه معاك هذا المهم ترى في النادر تلقين رجال في هذا الومن من هذا النوع بيني له انه اتي مو مهتمه وخلي مكالماتك معاه محدوده ورسميه اذا حس انه بدا يخسرك راح يتغير

•:*ღ*:• كلاسيك © •:*ღ*:• · 17-09-2008, 11:27

الاخت / عيون

طرحتي مشكلة والاعضاء ماقصروا طرحوا آرائهم

ولكن ردك ومع احترامي لا يوحي لي بأن متحمسة لموضوعك ولا لأي حل و رأي

نتمنى فعلاً أن يكون جدية أكبر

أليس كذلك ؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ارجوكـــــــم ردو علي... محتاجه حل