عالم الحياة الزوجية - منتدى

Miss Spy · 22-09-2008, 23:54

أنا عندي سؤال ومحرجه أسأل أحد من معارفي أو حتى أمي ولا خالتي عاد أخوات ماعندي أكبر مني

المهم سؤال

أنا مااتزوجت باقي بنت ....

عندي إفرازات بشكل مو معقول هل هذي الأفرازات طبيعيه ولا نتيجه إلتهابات لانه أسمع كثير عن الألتهابات ومشاكلها وصعبه أروح لدكتوره إحرااااااااج ...

على فكره أنا متابعه معاكم من زمان بس ماسجلت الا دوبي

تحياتي للجميع ...

فوق34 · 23-09-2008, 00:50

التهابات اختي

انصحك مراجعه طبيبه مختصه وبسرعه

@ كوكو شانيل @ · 23-09-2008, 00:57

ماراح احد يقدر يفيدك بشكل سليم الا الطبيبه
الافضل لك ولصحتك انك تروحين
ماتشوفين شر حبوبه

اميره بلا فارس · 23-09-2008, 01:23

شوفي حبيبتي انا قريت هذا ورح يفيدك مره

بسم الله الرحمن الرحيم والصلاة والسلام على أشرف خلق الله
سيدنا محمد عليه أفضل الصلاة والتسليم
بدخل بسرعه في السالفه ماأعرف أنسق مواضيع

السالفه ومافيها أني كل عصرية متعودة أسوي لجدتي قهوة وأجمع لها بلح من مزرعه أبوي وأقهويها بعد وأجلس أدردش معها
ويوم جيت أقهويها الا وسمع صوت بطني والله فشيلة يتفرقع وأصوات تفشل
قالت لي الحنونة : يابنيتي وراتس متاكلين زي الناس وراتس جويعانة
قلت :لاوالله ماخليت ولا بقيت كل شي بالعتة
قالت :أجل فيتس الي موذي خلق الله
رديت : وش الي موذي خلق الله ياجدة الله يهديك
قالت : الي في العنود أختك
قلت : بسم الله علي مافيني قولون
صاحت وقالت ياويلي عليك يالخبلة
والله أني خفت قلت وش فيك ياجدة صحتي وفتحتي عيونك المفروض تقولين الحمد الله حفيدتي مافيها شي
قالت : الحمد الله أني سمعت صوت بطنك أثاريك خربانة
قلت : وش خربانة ياجدة منيب غساله ولا ثلاجة
قالت :أمحق لتس ثلاث سنين في الكلية متعرفين الخوا ماتدرسينة يلخبلة
قلت :الا أعرفه بس أدرسة كثري منها
قالت :يمتس الخربانة يهج منها رجلها وشوشتها متقطعه وبشرتها وجعانة وجلست تسال أسئلة محرجة وأذا أستحيت قلت :ياجدة وأنا أصيح
قالت : وحطبة صيري مرة والا والله ماتعرسين
عاد كلش ولا العرس وأنط وأجيب لها كتاب أسرار ألحريم وأقرا نظام فيافي قالت زين بس لاتستخدمين الرشاد يسبب العقم على المدى البعيد الله أعلم

وقالت المكملات لا بس خذي المفيد

المهم أنا أستخدمت نظام من جدتي الي هو وقت الدورة قسميها ثلاث ثلاث

الايام الاولى
على الريق كوب شاي وحطي علية ملعقتين من السفوف التالي كوب من الحلبة نصف كوب من الحبة السوداء فنجان من الشمر ملعقه كبيرة من القرنفل طبعا بعد طحنها جيدا

بعد الغداء بربع ساعة أشربي هذا المنقوع ملعقه كبيرة من العنزروت وملعقة صغيرة من المرة ملعقه صغيرة من الحلبة وماء خليها ربع ساعه وأشربي طعمها حلو المنقوع هذا يعمل ملين ومنظف للارحام
فترة العصر
شوي شاي أعشاب ثلاث أكواب من الماء مع ثلاث ملاعق كبيرة من مرامية وكمون وقليل من قشر القهوة وقرفة ويانسون
وياحلوة القهوة العادية حطي في فنجالك شوي كمون وتقهوي الكمون يطرد الغازات

الايام ألاخيرة
على الريق ملعقتين كبيرة من السفوف التالي كوب حبة سوداء ملعقة كبيرة قرنفل وم ك دارسين م ك فلفل أسود فنجان كمون م ك نونخة فنجان شمر

ولا تنسين شاي الاعشاب أنا في الدورة ماشربتة ألا مرتين

أستخدمية كل دورة النتائج بعد أربع شهور وكا بنت راح تختلف عن الثانية حسب الحالة
طبعا أنا أذا خلصت من الدورة أستخدم كبو الهواء وأتغطى زين وأنام

أنا قبل النظام كنت أعاني من أفرزات الوان أكرمكم الله وأظطر أبدل ملابسي الداخلية أكثر من مرة
والم في المنطقة نفسها وأنتم كرامة والم أسفل البطن الارحام وأصوات في بطني قبل الدورة ومعها فضحتني عند جدتي والرائحة الكريه حدث بلا حرج
بس الحمد الله والله العظيم الحمد الله الالم أختفت والاصوات ودعت والله أني صرت طول اليوم نظيفة والريحه الحمد الله مافية ماشاء الله

الممنوعات وقت الدورة
الاسكريم لاتاكلينة ولاشياء الباردة
الغاريات باأنواعها لاتشربينها
دفي نفسك زين ألبسي شرابات والبسي شورت لا تقولين حر
لاتتسبحين ورجولك لايجيها ماء
لاتمشين حافية
لاتشيلين الشي الثقيل ولا تسحبينة
لاتكلين المولخية ولا البامية ولا البصل الاخظر وشمام والبطيخ
والحوامض وخاصة الليمون
لاتشربين اللبن يطلع ريحة في الارحام
طبعا هذا وقت الدورة ولا تتعرضين للهواء وأذا دخلتي الحمام أكرمك الله طفي مروحة الشفط ولا تنامين قدام المكيف
والمهم لاتجوعين أذا جعتي الجوع الشديد راح كل تعبك
والي بتسوي مثل ماقلت وعندها مشاكل والله بتلاحظ الفرق وبقوة

في الختام الي تستفيد تدعي لي أن الله ييسر لي أمر و تدعي لجدتي وللمسلمين جميعا
والعذر والسموحه على هلاأسلوب المهم أنكم تستفيدون
وياويل الخربانة الي تجربة بس دورة وحدة أو تسوي شي ممنوع وتقول مانفع والله لاعطي جدتي أسمها وهي تصرف أقل شي أربعه شهور مع كل دورة أنا بسم الله ماشاء الا الله شهرين أختي أربعة شهور

تقبلو خالص حبي وتقديري لكم دمتم بصحة وعافية

Miss Spy · 23-09-2008, 02:27

اول شي مشكورين كلكم على الردود
وبصراحه خفت يكون من جد في التهابات
والرد الاخير من الاخت اميره بلا فارس يعطيك الف عافيه بس انا مافيني لااصوات ولا شي وافرازاتي دايما بيضا او مايله للشفاف

انا دوبني شفت رابط لوحده مادري يمكن تكون قريبه من حالتي بس هيه كاتبه انه ....... هذا الرابط
مشكلتي مع البلل
وياليت تفيدوني بزياده بصيح

مجنون وحنون · 23-09-2008, 05:30

يعني تجيك الافرازات عند الاثارة او في كل الاحوال؟

عاشق و معشوق · 23-09-2008, 05:33

أختي

الافرازات تكون لأسباب

- الدور الشهرية

- أو إثارة عن طريق العادة السرية

فعليك أن توضحي سبب البلل

و الله الموفق

رجل الرومانسيه · 23-09-2008, 05:49

زوري الطبيب احسن ليكي

tota2008 · 23-09-2008, 05:52

والله اختي عادي لاتخافي هذه الافرازات ماتخوف ولاشيء

وانا مرت عليه هذه الافرازات قبل الزواج وكانت عاديه لاالتهابات ولاشيء

وقريت في كتاب فتاوى امرأة تسأل الشيخ وقالها هذا الماء عبارة عن المذي ويخرج من المرأة بلاشهوة وهو طاهر

وينضح بالماء {اي: يرش بالماءفقط }

وعلشان تتاكدي انك مافيك اي التهابات راجعي اقرب طبيبه نساء مختصة {مع العلم اني عارفه انك تخجلي }

بس لاتزوجتي راح تروح منك هذه الافرازات

ودمتي بخير وعافية

Miss Spy · 23-09-2008, 06:29

شوووووكرا على الردود اللي تثلج الصدر

والافرازات على طول في شهوه مافي كل الوقت وانا كذا

وعلى فكره مااسوي العاده السريه ولا اطيقها الحمد الله

موته على يدياااا · 23-09-2008, 07:10

حبيبتي جربي العسل الطبيعي مرررره ررروووعه
أدهني المنطقه بعسل أصلي والصباح غسليه وبتشوفين الفرق
من أول مره ...
وبعد الدوره تنقعي في مويه دافيه وملح خشن ... وحطي مره في ماي دافي وخليها يوم كامل وبعدين غسلي فيها ...
وأذا مافاد لازم تروحين دكتوره ...

عاشق و معشوق · 23-09-2008, 07:24

إن شاء الله لا تخافي

كله خير

حلاوة قطن · 23-09-2008, 07:39

أنا بنت غير متزوجة وجاتني افرازات لونها زرقة وخضرة وريحة غريبةطبعا خفت مرررة قلت لاختي الكبيرة المتزوجة
وسألت دكتورتها قالت هذي التهاب مهبلي واكيد بسبب صابون فيه عطر سببلها التهاب
خليها تبتعد عن الصابون واي شي كيميائي
طبعا أنا كنت دايم أعبي البانيو رغووووووة وأسترخي على ضوء الشموع بس خلالالالالاص من بعد هذي الافرازات
حرررررررررمت
والحمدلله راح مني بعد أسبوع
إنتي عزيزتي ابتعدي عن المواد المعطرة ممكن يكون هذا السبب

شكرا تقبلي مروري الخفيف

Miss Spy · 23-09-2008, 07:41

موته على ايديا يعطيك العافيه بسوي الطريقه والملح الخشن من فتره استخدمه
يعطيك العافيه ياعسل

Miss Spy · 23-09-2008, 07:47

يعطيكم العافيه كلكم ومااستخدم صابون معطر

حيرتوني الظاهر لازم اراجع دكتوره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال ؟