عالم الحياة الزوجية - منتدى

الحزينه 26 · 24-09-2008, 02:32

تكفون انا زوجي كان يبي يطلقنى لاسباب تافهة بس رجع بكلامه والحين يقولي ارجعي لنا متزوجين 6 شهور بس... وانا نفسيتي تعبانه مرة مدرى وش اسوى المشكله انه غيور مرة وقالي لا بتوب لاتجيبينه معك لا انا ولا انتى راح نستخدمه بالبيت .. انا تعبانه نفسيتي مرة انا شريت حبوب منع الحمل باخذها من غير مايدرى مابي اجيب منه الا بعد شهر اقلها ليناشوف وضعي انا ارتحت ولالا .. انا احس اني مو مرتاحه ارجع وهو يقول اذا ماتبيني ادفعي مهري كامل واطلقك ... انا مابي اهلي يدخلون محاكم معه وبعد مابي ادفعلة شى لانه مايستاهل ولا ريال ...

ياربي وش اسوى ارجع ولا اقعد واطلب الطلاق .........

هاذا رابط مشكلتي لتوضيح

الحزينه تبي مساعدتكم وبسرعه

حكايه حلم · 24-09-2008, 02:45

عزيزتي الحزينه

اتمنى توضحين شو نوع هالمشاكل البسيطه

حتى نستطيع فهم الموضوع اكثر

لان الموضوع بالنسبه لنا غير واضح

اللي سردتيه لنا في موضوعك مجرد حوار دار بينكم

لكن اساس الموضوع مفقود

اتمنى توضحين اكثر حتى نقدر نفيدك

أحبكـ مـggت · 24-09-2008, 02:52

أجل هذا مافرقت معه ..

جيتي خير وبركه ماجيتي عنده بسلامتكـ يعني الدعوى free

إكتشفت ثمره الحب والتضحيـه ..

تبين الصرآآآحه إرجعي وإن شفتي الوضع ok خلاآآآص راح ترتاحين لكن التجربه خير برهان ..

وهاذي مو غيره هاذي توصل للشك اللي مايبي لابتوب بالبيـت ..

بس تبين الصراحه لو زوجك يحبك ماسوى لك كل هذاآآآ ..!!

تقبلي مروري ..

خرائط انثى · 24-09-2008, 02:54

هلا عزيزتي انت ماقلتي الاسباب اللي بغى يطلقك علشانها!!! لانها يمكن تكون تافهه من وجهه نظرك بس وهو لا لازم تحددين وش الاسباب علشان نقدر نساعد هذا اولا
ثانيا ياعزيزتي لاتكبرين الامور ماصار ذاك الشي اللي يسوى الطلاق على حسب قولتك بالعكس ارجعي بيتك واقلبي حياتك حسسيه انك تحبينه وماتقدرين تستغنين عنه وفهميه انك فاهمته وانه مايغار عليك الا وهو يحبك يعني خذي الامور بهداوه وطولة بال ولاتستعجلين على الطلاق دام مافيه ذيك الاسباب اللي تسوى الطلاق ماهو سهل
واما بالنسبه للحمل لاتحملين الحين ابدا خذي الحبوب بس لايدري لانه لو تدرى بتصير مشكله لين تهدى الاوضاع وتفهمينه ويفهمك اكثر وبعدين فكروا بالاطفال او اذا مابغيتي تخبين عليه شي اتفقوا على موضوع الاطفال انتي وياه وقوليله حنا باقي ببداية زواجنا وموضو الحمل ناجله شوي
اما بالنسبه للكمبيوتر الله لايرده اذا هو بسبب لي مشاكل مع زوجي فيه اشياء اهم من اللاب توب وترى كل رجال له طريقته في التفكير انتي شوفي اذا حسيتي ان الكمبيوتر بيولد مشاكل استغني عنه وحسسيه انه هو عندك اهم من اي شي ثاني فهمتيني
وانشالله الامور تمشي تمام وبشريني000
دمتي براحه

المشتاق لنساء · 24-09-2008, 03:02

السعيده انشاء الله
والله مادام انه يطالبك بالمهر والله اعتقد انه رجل وحرااام ينقاله رجل
وانتي تعرفينه جيدا
بس التفكير مطلوب منك
وكما يقال الخيره مايختارها الله

بس مايمنع انك تحاولي معاه بطريقه تقربكم من بعض وتعرفين منه كل شي
وفكره انك تاخذين حبوب فكره حلوه بس اشوفها ماادري اقولك ايش بس كذا اضمن لك
لان العيال صراااحه مجبرين نساء كثيرات علي تحمل اشياء كثيره كلها ضلم وفتراء من الازواج

وكما يقال ايضا عقلك براسك تعرفين خلاصك

f444 · 24-09-2008, 03:24

أختي لا تعطنيا حروف متناثرة وتقولين لنا رتبها ...

وضحي لنا الأسباب لا يوجد رجل يتزوج ثم يطلق زوجته بلا سبب

مــجـ فكـــرة ـــرد · 24-09-2008, 03:28

زواجك له فترة بسيطة وزوجك يعيش فترة أنتقالية
بين حياة العزوبية والحياة الزوجية المليئة
بالمسؤليات يحتاج وقت حتى يفهم ذلك أصبري
وحاولي ان ترضيه بشتى الطرق الممكنة لإزالت
أسباب التوتر النفسي الذي يعيشه وإن كانت
المشكلة منتديات ومسنجر والنت عموماً فليست
ظرورية للحياة خصوصاً في بدايتها لتثبتي له أنك
تدخلينها للترفية فقط وليست لأمور أخرى حاولي
التعايش مع اظطرابات زوجك السلوكية مادمتي
تحبينه حتى يصل للأستقرار العاطفي والنفسي
وياليت تفكرين بالحمل أكثر حتى يشعر بالأبوة
وحبهم وأشتياقة لهم .
الله يوفقك
مــجـ فكـــرة ـــرد

ابو عماار · 24-09-2008, 03:41

.
.
اختي الحزينة..
انتم في الستة شهور الاولى من الزواج والمعروف في هذه المرحلة ان الازواج الجدد لم يتخلصوا بعد من الاستقلالية التي عاشوها قبل الزواج ينتج عن ذلك خلافات في الرأي والذوق تؤدي الى مصادمات .. لو سألتي صديقاتك اللاتي تزوجن من قبلك لأخبروك بكثير من المواقف المحرجة التي مرو بها في بدايات الزواج ليكتشفن فيما بعد ان تلك المواقف مضحكة ولا تستحق المعاناة التي اصابتهم..
,,
يتضح لي من كلامك انك ما زلتي متمسكة بشخصيتك وسلوكك ولا ترغبين في التنازل وفي المقابل زوجك اتى بعقلية الاعزب ويريدك ان تنقادي لاسلوبه.. عدم التوافق هذا ادى الى نفور من الطرفين سرعان ما تحول الى عناد من الاثنين .. انتي تخفين مشاعر عدم تقبله ولكنه يشعر بذلك ويقراه في سلوكك وهو اخذته العزه برجولته ليطلق العناد وقرارات الاخضاع للطرف الآخر..
,,
المشكلة تكمن في انكما لم تحاولا اكتشاف الجوانب الجذابة والجميله في شخصية كل منكما.. تحتاجان الى استنفار مشاعر الحب وتوجيهها لبعضكما البعض..
ان كان يتخلل وقتكما كثير من الاقتحامات الخارجية مثل المناسبات العائلية التى تحرمكما قضاء وقت اكثر مع بعضكما فلا بد ان تسافرا بعيدا عن تلك الاجواء واثارة الحب باتجاه بعضكما..
,,
الامور التي ذكرتيها بخصوص اللاب توب وتصرفات الزوج اعتقد انها لا تتعدى ارهاصات لما ذكرته سابقا..
تصرفك فيما يخص حبوب الحمل واللجوء الى بيت اهلك والمهر والمحاكم كلها تنم عن هروبك من المواجهه من اجل الاجتماع بزوجك ثانية لذلك انتي اغمضتي عينيك عن اي محاوله للاصلاح ..
,,
نصيحتي ان تبدئي بطريقة تفكيرك حاولي ان تقنعي نفسك انه افضل بكثير .. تذكري مواقفة السارة .. اعدي جلسة هادئة او اخرجي معه للعشاء في مطعم وصارحية انك تريدين حديث ذو شجون لاكتشاف وجدانيات كل منكما.. بادريه بترحيب انثوي معسول يرغمة على الوقوع من كبريائة لعل لقاء مثل هذا يفجر لحظة التوافق والانسجام والسعادة الابدية..
,,
اتمنى لك التوفيق والسداد في الرأي ..
وارجوا الله ان يرقق قلوبكما لبعضكما,,
,,
وكل الود..
,,
,,

*غصات الحنين* · 24-09-2008, 03:58

عزيزتي 000 ماراح يبين شئ في شهر انه تعدل او لالا
اذا بتاخذين حبوب منع الحمل خذيها لمدة اكثر من سنه حتى تتضح لك الامور زين
لان شهر مايبين فيها اي شئ بالعكس بيكون يجامل في هالشهر او الشهرين
بعدين زوجك واضح جداااااااااا 000 اللي هذا اوله ينعاف تاليه
لو تضطرون انكم تردون له 0000 اهم شئ افتكي بجلدك لاتنشبين به 000
وانتي براااااااااااااحتك اللي تشوفينه يناسبك سويه 000ِ

محب مهموم · 24-09-2008, 04:25

المهم لاتحملين منه

ومسأله الاب توب ليش رافضه اكيد تمين
عليه لين طفش وترقعينه

affoo1982 · 24-09-2008, 04:52

اختي اصبري بعدك جديده ع الوضع وهو كمان بعده جديد ع الوضع

صبر صبر صبر

ولكل حادث حديث

بس اني اشوف تصرفك حول مو ضوع الحمل صحيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــح وحكيم

والله يوفقك

الحزينه 26 · 24-09-2008, 19:25

مشكورين على الردود ماقصرتوا...

م-سيف · 24-09-2008, 23:14

الله يعينك

^ دلوووعتـهـ ^ · 25-09-2008, 04:33

الله يفرج همج

عازفه الدموع · 25-09-2008, 11:26

الله يفرج همك ويعينك يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفون ساعدوني بسرعه