 |
 |
 |
||
|
|
|
||
 |
|
 |
هذا الموقع مخصص للعلاقات الزوجية المهذبة و الثقافة الجنسية و لا يتضمن أى صور أو أى مواد مثيرة و لكن به من الموضوعات مالا يناسب من هم أقل من 18 سنة.
|
|||||||
| عالم الحياة الزوجيه مشاكل الطلاق والترمل والتأخر في الزواج الاجتماعية لدى الجنسين وحلولها ونظرة المجتمع لهم |
 |
|
|
LinkBack | أدوات الموضوع | انواع عرض الموضوع |
26-09-2008, 15:49
|
#1 (permalink) | ||
|
مــــبـــــدع
 
تاريخ التسجيل: 11-08-2008
المشاركات: 423
|
عطوني رايكم في وضعي مع طليقي،،،رايكم يهمني جدا
مساء الورد والكادي
ما كان ودي أطرح هالموضوع ابد ،،بس تعبت من كثر التفكير وكل من شاورته قال بكيفك شوفي نفسك اذا قادره تتحملين او لا طليقي و أبو ابني لمح لابوي عن الرجعه وفهمت من كلام ابوي انها عالمدى البعيد ،، المشكله في طبع طليقي ،،، انا ماودي اتكلم عنه ابد بس مضطره طبعه مره صعب وحاااااااااااد ،،،عصبي جدا ،،جنني بعصبيته وصابني بقلق وتوتر،، مايعجبه شي وينتقد كل شي حوله ،،الناس والشوارع والخدمات والجو، التلفزيون والبرامج ،،الجيران ،،الاهل ،،العمالات الاجنبيه زملائه ،،مديره ،، الخ الخ الخ طول الوقت ينتقد انا انسانه عندي ثقه بنفسي ولله الحمد والكل يثني علي في اشياء كثيره ومن ايام الجامعه وأذني تطرب بسماع كلمات وجمل المديح والأطراء من زميلات وصديقات لدرجة مايمر علي يوم الا واسمع هالكلمات وحتى بعد ماتخرجت و توظفت نفس الكلام يوم صرت عند زوجي حطمنننننننننننني كسر مجاديفي ،،، ماقول هز ثقتي بنفسي الا كسرها وطحنها واعدمها صرت اذا بتكلم معه في شي او بسوي شي سواء له او يخص البيت أتردد وأفكر مليون مره خوفا من عصبيته ينتقدني كثييييييييييييييير ،،، ينتقد لبسي ومكياجي وذوقي واشياء كثيره الحمدلله انا عندي دورة مكياج والكل يعجبه مكياجي بس هو لا واذا ماحطيت مكياج يقول انتي ليش ماتتزينين لي ،،،ذوقي في اللبس بعد حلو ومع هذا مايعجبه هذا مثال كنت طالبه جلابياتي من الكويت والمغرب ومتكلفه عليهن ومختاره الموديلات بدقه ،،طبعا انا ماعلمته انهم من برا،، ومره من المرات قالي ،،، انتي جلابياتك كلها قمصان بيت ،،، تخيلوا التحطيم ،،،اذكر ذيك الليله مانمت من القهر ،،، ومثال ثاني عطوراتي حلوه وقالي ،،، وع يا عطوراتك كلهم ريحة عطورات عجايز لا عمرك تتعطرين منهم تدرون عاد وش عطوراتي ذيك الايام ( ألين ،،سينما ،،،رومنس ) والبنات اكيد جربها ،، بالله عليكم ريحتها ريحة عطور عجايز؟ مره انقهر من نقده واقوله ليش انت كذا اسلوبك ،،،،يقول عادي أمون عليك هذولي مثالين بس من مواقف كثيييييره هدفها تحطيم ثقتي وانتقادي المصيبه انه مع بقية الناس مؤدددددددددددب وهادي ويستحي مررررررررره ويجامل بس معي عكس بيتوتي مايطلع من البيت الا قليل ،،،رسمي في علاقته مع الكل حتى مع أهله ،،اصدقاء ماله الا زماله في العمل موسوس نظافه بزياده لدرجة التعقيد ،،، الحمدلله كلنا نحب النظافه والترتيب بس هو بشكل مرضي لدرجة أنه يعقب على كل شغله اسويها يراقب شغلي بالبيت كله ،،، يشرف على تنظيفي للمطبخ ،،،مثلا اذا جيت انظف المطبخ بالليل وخلصت يجي يوقف عالباب ويحط يدينه على خاصرته ( مثل حركة حليمه بولند ) ويقول نظفي هذا زين ،،ليش هذا كذا وليش هذا كذا ،،، سوي كذا وكذا ،،مسحي الفرن ،،نظفي الثلاجه ،، قسم بالله صرت احس ماني ربة بيت ابد ،،،مع اني في بيت اهلي سنعه واحب شغل البيت مره من المرات عصبت عليه بقوه وقلت لا عمرك تدخل في شغلي يفتش في أغراضي الخاصه وملابسي حتى كتبي ودفاتري الخاصه يفتحها ويشوف وش فيها اذا صرنا عند اهله او احد خواته يراقب كلامي وجلستي واذا طلعنا يجلس ينتقد ليش تقولين كذا ؟ليش تجلسين بهالطريقه؟ يتحكم في لبسي اذا انعزمنا ،،، اذا رحنا السوق يتحكم في الوان لبسي لدرجة صار لبسي بعد الزواج كله لونين بس لانه يحبهم ،، يحاول اني ماروح لاهلي كثير ،،تخيلوا في ليلة العرس وهو جالس جنبي يقول ترا مشاوير لاهلك مافيه صرت اروح كل اسبوعين مره وانام عندهم والظهر يجي ياخذني طلعات ومنتزهات وتمشيه مافيه الا نادرا وكل ماقوله يرفض ،،وانا عند اهلي ماتعودت على هالشي بقولكم موقف مضحك ،،، مره من المرات كان الجو غيم ورووووووووووووووووووووووووووووعه ترجيته نروح نتمشى في اي منتزه وغصب غصب وافق ،،شوي وتطلع الدمعه من عيني طرت عالمطبخ وصلحت حلا وقهوه وماني مصدقه اني بطلع من البيت يوم وصلنا المنتزه ،،قال ماننزل من السياره ،،نجلس نتقهوى بالسياره تخيلوا روعه الجو والمنتزه اخضررررررررر وحنا قاعدين بالسياره نتقهوى اذا تذكرت هالموقف احس فيني ضحك وقهررررررررررر دايما يلمح على راتبي ،،واني لازم اتحمل جزء من المسؤوليه وانا مووووووووووووووووووووووتي وكرهي الرجال اللي عينه على راتب زوجته او يستفيد منها بأي طريقه انا ماعندي مانع اساعده بس مو من اول شهور الزواج ،،،لا وبعد يلمح لي كثير ،،ودي احس ان فيه احد مهتم فيني وشايل همي والله لو كان فقير كان عطيته صرافتي بس الحمدلله حالته الماديه ممتازه ويوفر جزء من راتبه كل شهر رسمي حتى في اهتماماته ،،يموت عالسياسه والرياضه والبرامج العلميه والحورات السياسيه ويجبرني اجلس جنبه حتى اتابع الاخبار وانا مابي مابي مابي يكرفني في البيت كرف مثل الشغالات ،،حتى وانا عروس ما كملنا عشر ايام يخليني امسح اللمبات بالسقف واغسل الشبابيك يوم حملت وتوحمت ،، ما كان يرحمني ،،كنت تعبانه مووووووووووووت ،،اقوله حرام عليك انا متوحمه وكاره البيت ومقدر اسوي شي ،،،يقول بعصبيه وصراخ قومي بس بلا دلع واذا يبي أي شي لازم يرسلني حتى لو كنت توني جالسه سريع في قراراته وبسرعه يتراجع في نفس اللحظه من ثالث يوم زواج يقول انتي مغروره وشايفه نفسك ،،،كل هذا لاني كنت مستحيه وما كنت اقدر اسولف واتجرأ عليه ،،، يقول ابيك جريئه جدا اكيد بتقولون ليش انتي ضعيفة شخصيه قدامه ،،الحمدلله ماني ضعيفه بس فيني عقلانيه واي موقف يصير بينا ما أصتدم فيه معه وخاصه اذا كان معصب ،،،أسكت وبعدين اذا هدا اناقشه بهدوء هذا الشي الوحيد اللي مدحه وقال تعجبني طريقتك هذي معي بس تبون الصراحه من كثر عصبيته وصراخه علي صابني خوف داخلي ،،لاني مقدر ارد عليه بأسلوبه بتشتعل نار وماسوي أي شي غلط عشان مايزعل ومع هذا يزعل ويعصب خلااااااااااااااااص تعبت منه ،،،وزواجنا ما كمل سبع شهور ،،نفسيتي صارت دماااار نفسي اعيش حياه طبيعيه تلقائيه بدون رسميه او تكلف او تخطيط ورسم ومراقبه ونقد ،،، نفسي تصير بينا مواقف مزح واستهبال وضحك ومقالب ودلع كل يوم حلم من احلامي يموت قدام عيني وانا ساكته مقدر اتكلم تدرون ليش؟ لانه ما صار منه خطأ فادح حتى امسك عليه ،،،وكنت مستبعده فكرة الطلاق وعندي أمل يتغير وأحسبه يطبق نصايح زملائه بس اكتشفت اني أنحت في صخر بتقولون وين المشكله انتي منتي مضطره ترجعين له ،،وانا اقولكم المثل اللي يقول العيال مرابط الذل قال لي اذا تم الولد سبع سنين باخذه ،،، وانا اخاف على ولدي منه واخاف يضربه بسبب عصبيته تدرون وش قالي يوم حملت؟ قال بشتري خيزرانه؟ قلت ليش ؟ قال حتى اربي عيالي فيها قلت نعم ؟؟؟؟؟؟؟ انا بربي عيالي تربيه سليمه صحيه تربيه نقاش وحوار عصب وقال بلا دلع ،،، ماتربي الا العصا ،،طول عمرنا ننضرب وما ضرنا قلت بقلبي ما جا هالتعقيد الا من ورا هالخيزرانه في نظر ابوي ونظر المجتمع زوجي مافيه أي مشكله بالعكس رجل محترم وهادي ومامنه أي شر عشان كذا كانت فتره طلاقي أصعب فتره مرت علي بحياتي ،،لان زوجي ما كان فيه عيب يستدعي طلب الطلاق ( هذا في نظر ابوي والمجتمع ) وكنت شايله هم اهلي كيف بقولهم لا تحكمون على زوجي بأنه سيئ من كلامي (الظليمه شينه ) ،، لا بالعكس فيه اشياء حلوه بس قليله تجيه حالات حنان وعطف بس مو كثير ،،،مايقصر على بيته بشي وخصوصا من ناحية الاساسيات يحترم اهلي واهلي يحترمونه محافظ عالصلاه وما يسمع اغاني ،،ومايحب يشاهد القنوات الفضائيه بس الاخباريات والرياضه ،،يهتم بشكله وأناقته ونظافته وسيارته الخلاصه اني مابي ارجع لذيك النفسيه اللي كنت عايشتها معه ،،نفسي من داخل مكسوره بسبب تعقيده وعصبيته ونقده الحاد وبنفس الوقت قلبي يتقطع على ولدي مقدر اتركه له وانا متأكده لو بفكر اتزوج ثانيه أنه بياخذه مني حتى لو هو صغير. وبالنسبه لطبعه ماراح يتغير لانه قالي لو العالم تتغير انا طبعي ماغيره ،، وش رايكم أضحي بنفسيتي والا أضحي بولدي؟ __________________ |
||
|
|
|
26-09-2008, 16:03
|
#2 (permalink) | ||
|
ِعضو محترف ومتميز
تاريخ التسجيل: 04-05-2007
المشاركات: 652
|
رد على: عطوني رايكم في وضعي مع طليقي،،،رايكم يهمني جدا
شوفي اختي صدقيني انت اذا فهمتي زينه والله بيتغير مع الوقت
ارجعي له بس تكوني قادره على التحمل اذا كان رجل خير نصيحتي ارجعي له __________________ |
||
|
|
|
|
26-09-2008, 16:28
|
#3 (permalink) | ||
|
مــــبـــــدع
تاريخ التسجيل: 25-09-2008
المشاركات: 412
|
رد: عطوني رايكم في وضعي مع طليقي،،،رايكم يهمني جدا
السلام عليكم .. حبيبتي قريت كلامك كله .. والحمدلله انتي ما كفرتي فيه مره ، يعني تذكرتي محاسنه وهذا شي طيب وان كانت مساوئه تغلب على محاسنه .. شوفي بعلق انا على كم شي قلتيهم .. وبناقشك فيهم أولاً :: ،عصبي جدا ،،جنني بعصبيته وصابني بقلق وتوتر،، هذي ياحبيبتي بصراحه طبع .. يعني فيه كثيييير عصبيين بس الوحده وش تسوي عاد ، لازم تستحمل وان كان معها الحق لأنه بصراحه وربي مافيه انساااااان كاامل ياقلبي ان جاك واحد عصبي وطبعه شين بس بالمقاابل زوجك راعي دين واحمدي ربك انه محافظ على الصلاه ومايسمع اغاني هذي اكبر نعمه عشان تربون عيالكم على الدين والصلاح .. وربي اعرف وحده تقول زوجها مره مايطالع فيها كله على هالفنانات ويمدح فيهم ويقول انتي قصيره موب حلوه مثلهم هم يهبلون وقمر ويمدح بجمال الفنانه قدام زوجته بالله وش رايك برجال مثل ذا ؟؟ وقسم بالله لاتعافينه عاد من زينك انت ياكامل الاوصاف تكفى بس خلك سآكت صحيح بيني وبينك انا ما اطيق العصبيين بس عاد اذا صار قسمتي كذا وين بهرب ويمكن لو تطلقت ما اضمن بزوج ثاني غيره يكون لي انا بس ممكن يكون متزوج ثانيه وعنده اطفال بالله عليك مو ارحم لو كنتي عند زوجك ببيتك هو لك انتي وبس ما فيه احد معك مشتركه بشريك عمرك !! فا خلي العصبيه على جنب وانتي حاولي تكلمينه بعد مايعصب مو في نفس الوقت عن سبب تعصيبه وانه ما يستاهل هالعصبيه وكذا وبكل هدووووء وان شاء الله مع الايام يتغير .. ثانياً :: من ناحية يوم تقولين انتقاداته وكذا والله انا اللي انقهرت ع الجلابيات اللي شريتيها من برا وبعد على العطور تدرون عاد وش عطوراتي ذيك الايام ( ألين ،،سينما ،،،رومنس ) والبنات اكيد جربها ،، بالله عليكم ريحتها ريحة عطور عجايز؟ لا ياقلبي مو ذوق عجايز ولا عطورهم بالعكس انا احب عطر الين وبعد ماما اول كانت تستخدم عطر رومانس بداية زواجها بس الحين صارت تغير من فتره لفتره بين العطوور وكلها عطوور تهبل وحلوه .. فا هو انتقاده مع نفسه ياحبيبيتي بالعكس انا حسيتك انسااانه مره ذوق في لبسك وعطورك ومكياجك .. بس يمكن زوجك يختلف ذوقه عنك فا يحس ان ذوقك انتي اللي مو حلو وهو الحلوو بس هذي ياقلبي مو مشكله ،، لأنه الاحتلاف بالرأي لايفسد للود قضيه انا اقولك مثل بابا وماما احيانا يختلف اذواقهم بس ماما احسن بصراحه ذوقها لكن عااااادي ما يجلس ينتقدها وكذا .. وكثير اشياء تعجبه في ذوق امي .. فا انتي قولي لزوجك ان النااااااااااس اذواااااق .. وفهميه لاعاد يتكلم عن اشياء تخصك وان كنتي زوجته لأنه هذا انتي ذووقك او الطريقه الثانيه عشان ما تجيبين المشاكل شوفي هو وش ذوقه واطلعي السووق معه وخليه يختار العطر واللبس اللي يبيه .. بس ريحي باله خليه يشوف حبيبته زوجته لابسه اللي هو يبيه ومتعطره بعطر ع ذوق زوجها ، بس هذا الكلام طبقيه في البيت لأن اكييييد ماراح تستحملين تروحين للناس بعطر معين يحبه زوجك او لبس وانتي ما تحبين هاللبس او العطر . فا خلي في البيت كل شي لزوجك واذا طلعتي هو لايتحكم فييييييك .. وبالنسبه لتفكيره الخيزرانه وكذا انا حسيت من كلام زوجك انه متعقد يمكن من يوم كان صغير عشان كذا صارت شخصيته الحين عليكٍ انتي !!..؟؟ بـــس والله نصيحه هالاشياء ما تمنع انك تجلسين معه وان كان ما يعجبك ، والله الحرمة بتقدر بنفسها تغير زوجها وتخليه ينجذب لهاااااا .. بطريقتها الخآآصهـ .. وان شاء الله مع الاياام وحتى لو حاولتي فيه سنه سنتين عشان يتغير طبعه بس يبقى لك طول العمر على الطبع اللي تبينه انتي .. ولاتنسيييييين فكري بولدك وربي محتاجين الصغار جو العاائله يكون بين احضان امه وابووه .. وبعد عندي تعليق على كلامك هذا .. يوم تقولين .. ،،الحمدلله ماني ضعيفه بس فيني عقلانيه واي موقف يصير بينا ما أصتدم فيه معه وخاصه اذا كان معصب ،،،أسكت وبعدين اذا هدا اناقشه بهدوء هذا الشي الوحيد اللي مدحه وقال تعجبني طريقتك هذي معي صح صاادقه انتي انساانه مره عاقله وفااهمه .. وبالعكس ذكرتيني في امي والله نفس الطبع لأن ابووي عصبي بس حرام مره طيب لكن وقت العصبيه لحد يقربه لأن تشتعل فيه نيراان ههههههه بس فا كان لما يعصب امي تسكت ولا تقول شي امي تقولنا انا ما اسكت يابنات عشان ضعف مني او شي لا بس احترام لزوجي وان الزوج يكره لما يعصب وزوجته تجلس تثرثر عليه وتعصب معه يطلع شكلها غبي قدامه من جد وهي معصبه وكذا ويستحقرها فا تسكت وتحترمه وقت ما يكون معصب وبعدين لما يهدى ابوي تناقشه امي بكل هدووء عن اللي صار ويوم يحس انه هو الغلطان احيانا بصراحه يعترف ويعتذر واحيانا لا يكون مصر انه مو غلطان .. لكن دايماً يمدح امي ويشكر فيها يقولها انتي تعجبيني ويعجبني طبعك اني اذا عصبت تسكتين ماتتكلمين وتناقشيني بعصبيه بنفس الوقت .. ودااااااايم وربي يذكر لها هالشي وتفرح امي لمدحه بس طبعا تقول وربي انا مو مقصدي بس عشان يمدح فيني او شي لا تقول عشانه هو احترمه وتقول انا يعلم الله مخلصه نيتي لله والحمدلله ماضيعها لي ربي وشاف هالشي الحلو مني زوجي .. والا فيه ازواج مايحسون بزوجاتهم ولاحتى كلمة شكر ومدح يقولونها لا على طبخ ولا تنظيف البيت ولا تربيه اولاد .. وفيه العكس يعني الحمدلله فيه الصاااااااااالح منهم . والله يوفقك ويسعدك واستخيري انتي وادعي ربك واصبري وتذكري ( ان الله مع الصابرين ) وحاوولي تتذكرين محااسنه عليك بعد وماتاخذين زوجك من منظور واحد وتشوفين سيئاته لأن هذا شي مو طيب بعد .. بس ان استخرتي وحستس نفسك مو مرتاحه انك ترجعين له بعد الاستخاره يعني جاك هالشعور عاد خلاص هذا اللي بيكون كاتبه لك ربك انك تتطلقين منه لكن انا اقولك قبل لاتتخذين اي خطه اذا كان زوجك بتتحسفين عليه يعني بتفضليه هو والا واحد متزوج ومعه جريرة عيال ؟؟ فكري فيها .. اتمنى تتقبلين كلامي بصدر رحــب __________________ |
||
|
|
|
|
26-09-2008, 18:43
|
#4 (permalink) | ||
|
عضو نادي الألف
تاريخ التسجيل: 05-08-2008
الدولة: أعشق هذآ الرجل...<A
المشاركات: 5,465
|
رد: عطوني رايكم في وضعي مع طليقي،،،رايكم يهمني جدا
أممممم الله يكون بعونج حبيبتي منطلقه .gif "حسااافه") تبين الصراحه أنا أول رده فعل طلعت مني هو أني دعيت لج ولولدج الصغيرون ربي يخليكم حق بعض سبحان الله يقولون لايسخر من الجروح الا من لم يحس بالألم!! وكل شخص فينا رح يعطيج وجهه نظر مختلفه على حسب ماهو يشوف ويتوقع من زوايته لكن انا أو اهي أو اهو مجرد أفراد أخرين نختلف كليا عنج أختي منطلقه بمعنى مو انا اللي أحكم هل ترجعين له أو لأأأأ؟ .gif "اخصائي جراح") بصراحه انتي اللي عشتي هالايام السوداء اعوذ بالله وأنتي قرري اذا حابه ترجعين لهيك شخص او لأأأأ أهنيج على تفكيرج بالتضحيه كرمال ولدج الصغيرون وهذا يدل على حنيتج وقلبج الكبير .gif "احبكم") لكن تذكري احنا مانعيش بهالحياه الدنيا الا مره وحــــــــــــده تقدرين تختارين كيف وشلون رح تقضين باقي حياتج؟!!!! انصحج تكثيرين من صلاه الاستخاره لعل الله سبحانه يريح بالج ويهديج للطريق الصحيح
__________________
. * نشرب بعض وليا [ ظمآلي ] .. [ ظميته ] ! , شكرآ لأنك منحتني قلبك دون مقابل حبك في قلبي يساوي عمري كلهـ ~ لم أجد رجلآ يستحق أحترآمي سوآك !
__________________ |
||
|
|
|
|
26-09-2008, 19:08
|
#5 (permalink) | ||
|
كاتب متميز
تاريخ التسجيل: 20-09-2008
المشاركات: 123
|
رد: عطوني رايكم في وضعي مع طليقي،،،رايكم يهمني جدا
والله يا اختي اتمنى ترجعين له و تقولين له عشان خاطر هالولد المسكين انا برجع و بتحملك و بتحمل تصرفاتك معاي بس انت بعد لازم تتغير وتعاملني زين انا ام ولدك مو خادمه عندك ..
__________________ |
||
|
|
|
|
26-09-2008, 19:39
|
#6 (permalink) | ||
|
عضو نادي الألف
تاريخ التسجيل: 28-06-2008
المشاركات: 1,985
|
رد: عطوني رايكم في وضعي مع طليقي،،،رايكم يهمني جدا
طليقكـ عصبي جدا جدا جداآآآ ..!! طليقكـ ينظر إلى نفسـه بأنه هو الأفضـل والبقيـه أقل منـه .. وهو الأعلى والبقيـه أدنى منـه .. وهو على الصواب والبقيـه على خطأ .. هـذه الحاله أسميهاآآآ بالترفع المصطنع الذي لاحصاد منـه ولافائده ترجى .. طليقكـ رجل أعتقد كانت تنقصـه كثير من العاطفـه والرومنسيـه كذلك والسبب واضح يخليك تنظفين اللمبات وتغسلين الشبابيك هل هذا تصرف من زوج يدعي الحنان والعطف ..!! طليقكـ رجل إنتقادي درجـه أولى .. فلا يعجبـه العجب ولاالصيام برجب .. وأعتقد أنه لايقتنع بأي شئ أبدا أبدا من طرف الآخرين ولكن من نفسـه هو يعتقد أنـه هو king وهو الشخص المثالي .. طليقكـ بيتوتي هذا الذي زاد الطين بلـه .. يعني زياده على الوضع هو بالبيـت ليت هذا الرجل كان الحنان والعاطفه تغمره وتفيض منـه فقد يكون زوجاآآآ سعيدا ومسعدا لزوجتـه ..!! طليقكـ أعتقـد أنـه لايثق بالناس ثقه ولو شبـه تامه وعلاقتـه وخصوصاآآآ مع أهلـه تصل إلى حد الرسميـه .. طليقكـ رجل كقؤ لكن هو من رمى الحجر بيده ولم يجبره أحد على ذلك فقد كنتي مثل الحجر بمعصمـه لكن بيده وبإختياره وبأسلوبه قد قذفك ** منطـلقه ** .. لكن أسلوب الانتقاد والعصبيـه والتدقيق بكل شئ على حسابـه هو فقطـ أعتقد أنهاآآآ فوق حدود المعقول .. أعتقد لم تكن تربطكماآآآ علاقـه حب وآآآآآآفيـه .. رآآيي بالوضع أعتقد إنك الآن تستطيعن المقارنه عشتي معـه والان مع أهلك .. ماالأكثر راآآآآآآحه لك وماأكثر أمان وحياه مثلى تستحق التضحيـه .. ماهي الحياه التي تعجبك الان معـه سابقا أم مع أهلك معززه مكرمه لاتحكمك كلمـه مقذوفـه لأجل ** ميانـه ** ولكنناآآ نبحث عن الـ free بدل التحكم المزعج والتقيييد الغير مرضي والعنفوان السلبي .. لكن أريد أن أسالك أيهما أفضل حالا بحالك سابقا معـه أم الآآآآآآآآن .. تقبلي مروري .. أحبكـ مـggت ..
__________________
 تعبت وأنآ أركـض ورآهــــآ ..!! \ \
__________________ |
||
|
|
|
|
26-09-2008, 20:00
|
#7 (permalink) | ||
|
مشرف سابق
تاريخ التسجيل: 14-10-2006
المشاركات: 1,754
|
رد على: عطوني رايكم في وضعي مع طليقي،،،رايكم يهمني جدا
أختي منطلقه متفائله هو يعرف وأنت تعرفين أسباب الطلاق والأفتراق ومالم تزول الأسباب فقد يتكرر الفراق ،، أنصحك أن تكونى صريحة مع والدك في شرح أسباب الطلاق وتطلبي أن يلتقي فيه ويكلمه ثم يكون بينك وبينه تصارح بأنه مالم تزول الأسباب ويتغير السلوك فقد تحدث المشاكل من جديد ويحدث فراق لاسمح الله ليس هناك أجمل من التفاهم والاتفاق 0 وبالنسبة لك لاتظنى كل زوجة مرتاحة لكل مافي زوجها من سلوك فالبيوت كثير منها تشابه لبيتك ولكن البيوت أسرار وعليك الصبر فالحياة يوم ويوم وليست دائما سعيدة أسأل الله أن يأخذ بيدك لمافيه خيرك وخيره ويهديكم لما فيه الخير __________________ |
||
|
|
|
|
26-09-2008, 20:04
|
#8 (permalink) | |||
|
مــــبـــــدع
تاريخ التسجيل: 11-08-2008
المشاركات: 423
|
رد: رد على: عطوني رايكم في وضعي مع طليقي،،،رايكم يهمني جدا
اقتباس:
مشكوره ياعسل على ردك وانا بأذن الله بستخير وربي منه الخيره ماقصرتي __________________ |
|||
|
|
|
|
26-09-2008, 20:08
|
#9 (permalink) | ||
|
عضو نادي الألف
تاريخ التسجيل: 20-04-2008
الدولة: حيث اكون
المشاركات: 2,737
|
رد: عطوني رايكم في وضعي مع طليقي،،،رايكم يهمني جدا
واظح جدا انك مرتاحه بدونه لكن ابنك هووو اللي قاطع قلببك يااختي استخيري واحمدي ربك انه ولد مو بنت بعد
شووفي التطنيش افضل حل لزوجك يعني طيعيه باللي تقدرين عليه وخلك قويه احس رجلك يبي مره قووويه عشان يغير طبعه اشووووي اذا كنتي ماتقدرين الارزاق بيد الكريم توكلي علي ربك ولاترجعين وحتي لو اخذ ولده مصير الولد يكبر ويرجع لك
__________________
ياررررررررررررررررررب فرجك العاجل __________________ |
||
|
|
|
|
26-09-2008, 20:14
|
#11 (permalink) | |||
|
مــــبـــــدع
تاريخ التسجيل: 11-08-2008
المشاركات: 423
|
رد: عطوني رايكم في وضعي مع طليقي،،،رايكم يهمني جدا
اقتباس:
فديتك والله على الرد اللي يملى النفس تفاؤل صدقيني انا ماقصرت معه بشي ابد بس هو يموت عالنقد حتى يطلعني اقل منه طيب انا وش ذنبي اذا هو مطقوق بالخيزرانه يحط حرته فيني .gif "قهرررررر") مثل ماقلتي بستخير وربي يكتب لي الخيره مشكوره على كل نصايحك __________________ |
|||
|
|
|
|
26-09-2008, 20:47
|
#12 (permalink) | |||
|
مــــبـــــدع
تاريخ التسجيل: 11-08-2008
المشاركات: 423
|
رد: عطوني رايكم في وضعي مع طليقي،،،رايكم يهمني جدا
لا فض فوك يا فتى
ماشالله عليك قلت كل اللي في نفسي تحليلك لشخصية زوجي صحيح 100% وكأنك تعرفه اقتباس:
مشكور كفيت و وفيت شكلك محلل نفسي __________________ |
|||
|
|
|
|
26-09-2008, 21:02
|
#13 (permalink) | |||
|
مــــبـــــدع
تاريخ التسجيل: 11-08-2008
المشاركات: 423
|
رد: رد على: عطوني رايكم في وضعي مع طليقي،،،رايكم يهمني جدا
اقتباس:
وبالنسبه للتفاهم كلمته كثير وقلت له نبي حياه زوجيه مستقره هاديه احيانا يقول طبعي ماغيره ومرات اذا صارت مشكله يقول خلاص بتغير ولا يصير شي تصدق عاد ماعمري قلت لاهلي عن مشاكلي معه ابد ابد وخصوصا ابوي مابيه يتضايق ويشيل همي كم مره كلمت اخته الكبيره وهي كلمته وكل مره يقول اوعدك بتغير بس مايصير شي ،،، احس انه هو من داخله ماهمه طليقي الله يهديه عصبيته مو طبيعيه ،،لدرجة خواته يتحاشونه حتى ماتصير بينهم مشاكل وانا ادري ان البيوت مليانه مشاكل ومافيه زوج كامل ،،، بس تمنيت ودعيت ربي يشيل هالعصبيه منه وبعدها يصير ولا احلى مشكور عالدعوات وعسى ربي يكتب اللي فيه خير __________________ |
|||
|
|
|
|
26-09-2008, 21:12
|
#14 (permalink) | |||
|
مــــبـــــدع
تاريخ التسجيل: 11-08-2008
المشاركات: 423
|
رد: عطوني رايكم في وضعي مع طليقي،،،رايكم يهمني جدا
اقتباس:
اخاف اذا قلت له كذا يذلني اكثر ويدري ان هالولد هو القشه التي قصمت ظهر الجمل __________________ |
|||
|
|
|
|
26-09-2008, 21:15
|
#15 (permalink) | ||
|
V.I.P
تاريخ التسجيل: 18-12-2005
المشاركات: 37,350
|
رد: عطوني رايكم في وضعي مع طليقي،،،رايكم يهمني جدا
شوفي يالغالية
كلمته مابيتغير ارميها وراء ظهرك مافي احد مايتغير مادايم الا وجهه بس غرور بني ادم افضل شي اول مرة تجلسي وتتفاهمي معه وبقوة يعني توضحي له الي تبينه بكلام مو كثير انا قريت موضوعك كله ونقدر نختصره بنقاط مهمة محددة الامثلة خليها بذهنك حاضرة لاجل لو نسى تذكريه وقولي له لو رجعت لك انا ماودي ارجع للنكد ولمسببات الطلاق وهي كذا وكا وكذا الطلاق طبعا اول امدحيه وبعدها ذميه واخرتها امدحيه طريقة السندويشة واعتقد انك بعد تبي تستقر وتفاهمي معه ان حسيتي انه فيه تجاوب اوي مشي امورك وياه ان هو معاند لا تلينين وخله يصطفل الولدحتى لو اخذه بالنهاية بيرد لك لو اسلوب ابوه همجي ولا هو بكيفه اكيد هو بيتزوج ومو شرط الثانية تبي ولد ضرتها يكون معها وامه موجودة انت لا تبيني له ضعفك ابد وهالمرة انت الي املي شروطك بمنطقية
__________________
" الله أكبر. الله أكبر، لا إله إلا الله. والله أكبر. الله أكبر . ولله الحمد ". كل عام وانتم بخير  مواضيعي __________________ |
||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
الساعة الآن 23:11.
موقع حلوة - ابراج مكتوب - للرجال فقط - الثقافة الجنسية - الحياة الزوجية - اختبار القدرة الجنسية - للمقبلين على الزواج - الحمل و الولادة - اخبار الفنانين - كلمات الاغاني تجارة الكترونية - منتديات الامارات - اناشيد طيور الجنة - العاب - العاب بنات - صور اطفال - صوت الاسلام - الفراشة - عالم حواء - منتديات - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - بنت الحلال – زواج - اصحاب–تعارف - مدونات مكتوب – مدونات عربية - توبيكات - العاب بنات- العاب تلبيس-العاب ماكياج |
||||
العرض العادي
