عالم الحياة الزوجية - منتدى

عذبية1 · 26-09-2008, 19:07

السلام عليكم ورحمه الله
ابتدي لكم بالموضوع لاني ما اقدر استحمل ..انا متزوجة ولي سنتين دون اولاد المهم صار لي خلاف بيني وبين زوجي على اساس السكن مع اني مشترطة سكن مستقل وطول السنتين انا في سكن مستقل بعيد عن اهله..ومع ذلك كان اهله يلمحون لنا ان نسكن معهم في السكن ومع ذلك انا ما اعطيت للموضوع اي اهميه..والله ان راتبه حلو وممتاز ومع هذا كانت اخته تقول انا اوريك يا اخوي لما تسكن عندنا وليه تتقضى لرمضان ماله داعي تتقضون وانا ما علقت وساكته..وغيره من الكلام وامه تقول كل يوم وانت عند اهلك..طيب بنتها المتزوجه تقعد عندهم بالاسابيع والاشهر..ومع كذا ما كلمت..ولا غلطت عليهم باي كلمه
طيب الموضوع مشيته ..وبعد هذا قال لي باقي لنا كم يوم فكري فيهم اما تعيشي معي معززة مكرمة او مثل ما بدينا بمعروف ننتهي بمعروف..((بذمتكم هذا كلام )) ..والعشرة اللي بينا
والله اني ما ازعله واذا غلط انا اراضيه..ياناس انا كنت عند اهلي ما كنت اكوي ولا اغسل ويوم تزوجت صرت اكوي له ملابسه الداخليه والثوب والغتر..وهذا علشانه كل شئ تعلمته حتى الاكلات اللي يحبها تعلمتها..
ياناس انا غلطت بشئ علموني..وحتى عند خوالي وعماني ما راح وداني لهم الا 2 مرتين تقريبا..ويقول اذا بتروحين روحي معهم..
ومره تعبت ابي المستشفى ما وداني وقال بتصيرين بخير انتي نامي الى بكره..وقعدت3 ايام ولا وداني
والله اني صراح تعبت...والحين راح لشقتنا وجاب لي ملابسي الباقيه من الشقه وقال له اخوي ادخل للبيت قال طيب وراح ولا دخل مع ان ابوي داخل وين حتى الاحترام...واللي يعافيكم عطوني حل وايش اسوي...
الله يسعدكم

حنون رومنسي · 26-09-2008, 19:19

بما ان الموضوع تم بالاتفاق بينكم على ان يكون السكن خاص بينكم

طيب ومافيه اطفال بينكم

هذي نقاط لابد من معرفتها قبل الحديث او نقدر نقول نشوف حل لك

الحل ياختي الغاليه انك تكلمين اهلك وبهذا الوقت هم اللي راح يقررون

بخصوص كلام زوجك ( تعيشي معي معززة مكرمة او مثل ما بدينا بمعروف ننتهي بمعروف)

في النهايه مايسعني غير اقولك

يارب ياكريم في هالشهر المبارك ان يجمع بينك وبين زوجك بالخير ويبعد عنكم المشاكل

عذبية1 · 26-09-2008, 19:22

الله يعطيك العافيه على المرور
وانا حاليا عند اهلي بس شنوا الغرض من انه يرسل لي الملابس دون دخوله للبيت وعدم تفاهمه مع والدي مع العلم ان اهلي لديهم خبر بذلك

عروسة نيو · 26-09-2008, 19:24

اكثري من حسبي الله ونعم الوكيل والاستغفار

لها فوائد عظيمة

ماعليكي الا بالصبر والدعاء وانشالله يراجع نفسه ويعترف بغلطه

اكثري من الدعاء في هذه الايام

وربك كررريم

عذبية1 · 26-09-2008, 19:34

مشكورة اختي..

ابو روووز · 26-09-2008, 19:35

اختي الله يبعد عند السوء
بقولك شئ بس اوضح مكان الخلل عارفة الحريم يوم شافوك طلبتي بيت شرعي خاص مستقل حطوكي براسهم
حكم من اهله وحكم من اهلها هذا افضل ولاتفكري في غيرة وانتبهي تدخلين الحريم في الموضوع بعدين والله يكبر ويصير علوم ماهي زينة لازم ابوة وابوكي يحكمون بينكم مدام وافقو على شرطك بيت مستقل
الشئ الثاني والمهم
هل انتي قصرتي في فراشة بكل امانة بينك وبين نفسك الجماع ماهو انك تسلمين نفسك وانتهينا لا لازم تشاركية كل صغيرة وكبيرة وصدقيني راح تعيشون مرتاحين اغلب مشاكل البيوت بسبب الفلوس والفراش
ركزي كثير انا تزوجت مرتين من تجربة وخبرة

مهرة بلا خيال · 26-09-2008, 19:40

مافيه كلام تحبينه حلى المشكله0000

عذبية1 · 26-09-2008, 19:43

مشكور ابو رووز ...اقسم في هذا الشهر اني ما قصرت عليه بشئ وبعدين انا قلت انه ما احد من اهله او هو اتصلوا شنوا معناة الكلام وانا ما اطلب منه فلوس الا من رغبته ان كان يبي يعطني ...
وجزيت خير...مع العلم انه يسمع كلام غيره ما يفكر بعقله اهم شي امه لا احد يزعلها وانا حتى كلام او رفعة صوت ما اسويها وشغالتهم بعد ما اطلب منها شي كل شئ اسويه بروحي شنوا اكثر من كذا..وانت لاحظ كلامه والخيارين اللي قالهم لي

عذبية1 · 26-09-2008, 19:46

مشكورةمهره ........بس اي حب تقولين عنه اذا كان يقول مثل ما بدينا ننهي انت لاتنسي اول شي الكرامه والاحترام بعدين يجي الحب...وشاكرة المرور

هدوء الكون · 26-09-2008, 20:03

انتي فكري وش تبين زوجك ولا استقلاليتك انا لو مكانك ما اخرب بيتي عشان هالسبب

اموله 2009 · 26-09-2008, 20:07

يا اختي شكل زوجك قاعد يعاندك انتي حاولي تكوني هاديه ولا تعانديه وتحطي راسك براسه

كمان شكل اهله موراضين على سالفة البيت عشان كذا هو زعلان.......

انتي تفاهمي معاه اوخلي احد من اهلك يكلمه لكن بدون عصبيه ويشوف اش طلباته وحاولي تهدي الموضوع

النجم القطبي 3 · 26-09-2008, 20:13

أسال الله ان يصلح لكي أحوالك
تحيتي

R بقايا rRr جــروح R · 26-09-2008, 20:20

والله شوفي وانا اختك دامه ارسل ملابسك وعيى يدخل يتفاهم اجل هو بيوريك انه صدق بينفذ اللي براسه

اذا هو ارخص فيك بهالطريقه ومعطي اذنه لامه واخته خلااااص لا ترمين نفسك عليه

سبب غير منطقي للزعل وخاصه انك شارطه عليه

انتي اصبري هو يمكن بس بيخوفك يبيك ترضخين لامره

اصبري مده يمكن اذا شافك قووويه ومتمسكه بشرطك وبرايك يغير هو رايه ويقتنع انه على غلط وانه بيهدم حياته على شي ماله داعي

واذا ما هزه شي وما سوى فيه شي فراقك ,, فاحمدي ربك انه طلع على حقيقته قبل تنجبين منه ,, معناه انه شخص ما يستاهل انك تعيشين معه

وانتي بعد حاااولي فيه وخلي امك تكلم امه تقول والله البنت تبي بيت بروحها وكذا ,, وانتي ذكريه بشرطك وخليك معه ليينه بس لااا تتنازلين عن شرطك لانه من حقك ,, وخلي ابوك يتدخل او اخوك يكون حازم معه ويبين له شرطك

ويااااااااااارب تررررجعين لبييتك وشقتك

تحياتي

عذبية1 · 26-09-2008, 20:25

الله يعطيكم العافيه على المرور...انتي فكري وش تبين زوجك ولا استقلاليتك انا لو مكانك ما اخرب بيتي عشان هالسبب...انت ممكن ما عشت الموقف علشان كذا ما تعرفين اقولك ما اخذت منه شي كسوول..ما يحب الاماكن اللي فيها اجتماع...طلعتي معاه بالحسرة
يا اختي شكل زوجك قاعد يعاندك انتي حاولي تكوني هاديه ولا تعانديه وتحطي راسك براسه

كمان شكل اهله موراضين على سالفة البيت عشان كذا هو زعلان.......

انتي تفاهمي معاه اوخلي احد من اهلك يكلمه لكن بدون عصبيه ويشوف اش طلباته وحاولي تهدي الموضوع...حبيبتي هو مو راضي اساسا يدخل بيتنا واشلون ابوي يتفاهم معه وبعدين يوم ابوي يكلمه قال افتحو لي الباب(درب) ابي اطلع انا عارف نفسي
أسال الله ان يصلح لكي أحوالك
تحيتي.............مشكور المرور.......اللهم امين

مــجـ فكـــرة ـــرد · 26-09-2008, 20:28

انا ما اعرف ظروف زوجك الاجتماعية و المادية مع أنك ذكرتي ان راتبة ممتاز لكن ممكن يكون الولد الوحيد أو له ظروف خاصة مع اهله وذهبت السكرة الخاصه في بداية الزواج وبقيت الفكرة مادام مصر على السكن في بيت أهله كان الواجب عليكي الموافقة والإنحناء للموج حتى يعدي وتخف قليلاً قليلاً ثم يبدأ التفكير بطريقة اخرى انت لم تستخدمي كيد النساء بطرقهن واساليبهن المعروفة امامك عدة حلول أما الاتفاق معه على السكن بجوار اهله وبذلك يحل جزء من المشكلة او تقسيم بيتهم ويكون قسم مستقل لكي او الطلاق وهو حل انتي الخاسرة فيه حاولي ببعض الحلو تدريجياً واذا لم يكن أي مجال سواء السكن مع اهله أعتمدي طريقة إن كيدهن عظيم وهي عدة اشهر وتجدين نفسك في بيت مستقل .

كلامك عن الطبخ وغسل وكوي ملابس زوجك حتى
الداخلية شيء طبيعي جداً على الزوجة بل هو واجبها

مــجـ فكـــرة ـــرد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الله يعافيكم ابي حل..انا اصيح من داخلي..