عالم الحياة الزوجية - منتدى

مجروح وأكابر · 01-10-2008, 05:02

السلام عليكم ورحمة الله
كل عام والجميع بألف خير
وإن شاء الله إن جميع من كان يعاني من مشاكل زوجيه قد إلتم شمله في هذا العيد....اللهم آمين
لا أطيل عليكم طبعا تعرفوني صديق المنتدى مجروح وأكابر....وقد طرحت لكم قصتي قبل مايقارب الثلاثة أشهر في هذا القسم أسأل الله لي ولكم التوفيق والسداد..
والحمد لله كانت نهاية قصتي سعيده جدا فما بعد الصبر إلا الفرج فرزقني الله بزوجه لم أتوقع أنها ستكون كذلك أسأل الله أن يهدي أزواج وزوجات المسلمين...
الآن بدأت في مشكله مع والدتي وأخواتي أصبحو مايبون يشوفون زوجتي أو حتى يسمعون صوتها
وهي والله تحاول بشتى الطرق أن تكون إبنة لوالدتي وأختا لأخواتي بس مو راضين نهائيا خاصة بعد ما رجعت بيتها ظهر إنهم كانوا حاقدين عليها....لدرجة إنهم خدشوا في حيائها وشرفها وهي ماتدري...
أمامي أنا فقط بأن فيها وفيها..الله المستعان...فكان دوري أني أذكرهم بالخوف من الله وأن الله يسمعكم وبيحاسبكم على ماتقولون ويقولو ماقلنا إلا الصدق...بالعربي يبوني أطلقها...وأتزوج واحده على كيفهم وش ذنب المسكينه...لو إن صار هذا الشيئ لواحده من أخواتي والله إن أمي ماترضى ولتسوي المصائب...
حتى أصبحت أبتعد عن أهلي ما صرت أطيقهم عشان ما أسمع مثل هالكلام...والله مليييييت
أما الوالد والله يعزها ويقدرها إذا مر يومين ما شافها يجي البيت وينشد عنها...وأخواني بعد
أبي نصيحتكم والله طفشت حتى قررت إني أنقل من المنطقه إلي أهلي فيها...
تمنياتي لكم بالتوفيق

&شكولاته بالجبن& · 01-10-2008, 05:12

كل عام وانت وزوجتك بصحه وسلامه ..

اخوي انا اقول اصبر وتحمل اهلك الشكوى لله مالك غناه عنهم ..

مالك الا طوله البال وحاول انت تعوض زوجتك وتصبرها ومع الوقت

اكيد اهلك لازم يتقبلونها..

اسأل الله لكم التوفيق ...

ريميه الكويت · 01-10-2008, 05:47

اللــــــــــــــه يكــــــمـــــــــــــــلك بـــعــــــــــقــــــــــلك
رجــــــــــــــــــــــــــــــلاٌ والـــــــرجــــــــــــــــــــال قـــــــلــــــــــــيلاٌ
عـــــــــــــــــــيـــــدكم مـــــــــــــــــــبــــــــــــارك
ثانكـــــــــــــــــــــــــــــــــــــــــس

Think Pink · 02-10-2008, 09:38

الف مبروووك
اخي اتقطعت عن المنتدى في تلك الفترة..ولم اعلم بعودتها لك
الله يبارك لكم ويسعدكم....
أخي ....مافي ام ماتبي سعادة ولدها
نصيحتي ....زور والدتك....وسولف معها وبعدين افتح الموضوع......وحسسها بمعاناتك
...استدر عطفها ....قلها يمه انا اللي شفته في حياتي كثييييييييير تزوجت وطلقت الاولى والسبب مشاكل اهلها ...
والا كان الحين امداني ابو عيال وانتي تفرحين بذريتي....لكن الشكوى لله
وبعدين زوجتي الحين ما امداني معها الا بمشكله وراحت لهلها....والحمدلله يوم رجعتها صارت احسن من اول
ماصدقت اني استقر وارتاح....وابي رضاك علي يمه....لا تحرميني اياه...
وهي تغيرت من ناحيتي ...ودايم تمدح فيكم.....وبعدين بعد يومين جب زوجتك تسلم عليهم وخلها تقدم هدية لامك تكون انت شاريها...ودايم حسس زوجتك انها كذا بترضي ربها ثم بترضيك ...
والي يقدم الخير يلاقيه....
وبعدين موب لازم كل ما رحت تزورهم تاخذها معك لا....
تعود انك مثلا تروح تقهوى عند اهلك قي اوقات وزوجتك مش معك....وتقرب من امك ....
والحمدلله دام زوجتك ماتدري عن الكلام اللي قالوه عنها فهذا افضل شي
وقلها تتودد لهم ....لو قالت لك انها تحس بضيقهم منها فقلها يمكن هم شرهين عليك انك تركتي البيت
وتركتيني ...
جرب.....والله يوفقك

الجازيjAZY · 02-10-2008, 10:03

الف مبروووك زواجك واستقرارك ربي يوفقك ويسهل أمورك ويجمعكم على خيرر ياأخوي
بالنسبه لامك وخواتك الله يهديهم بس مايدرون أن حرام الكلام بالعرض والشرف ورمي المحصنات المؤمنات الغافلات......
ربي لاتواثمنا ولاتسخط علينا
بس عجبني موقفك الرجولي الله يوفقك ويثبتك

صفوح أبواللبن · 02-10-2008, 17:25

أولاً كل عام و أنت بخير
أنتبه لا تزعل أمك ولا أهلك لا تكن من الذين يقطعون الرحم أعمل ما يرضي الله
و كون من الأبطال في الدنيا و الأخرة

منطلقه متفائله · 03-10-2008, 17:46

كل عام وانت بخير

والله فرحت لك يوم قريت ردك بأنها رجعت وصارت أحسن من اول ورضيت عنها

الله يتمم عليكم ويسعدكم

الدعاااااااااااااااااااااااااااء الدعاء ثم الدعاااء

في كل سجود ادعي ( اللهم يامن ألنت الحديد لداؤد وسخرت الرياح لسليمان أنك تسخر لي أمي واخواتي )

وادعي ربي اانه يحنن قلوبهم على زوجتك ،،وتكلم مع امك وخواتك كل وحده على حده بكذا بتأثر على كل وحده لحالها

الام دايما تكون طيبه ومامنها شر بس بناتها يقلبونها على زوجة الولد

كثير بنات اعرفهم يقولون عمتنا طيبه وحنونه بس من يوم يجون بناتها زياره للبيت تنقلب علينا قلبه بسبب كثرة الزن على راسها والام طبعا بتصدق بناتها

اسالهم اذا هي أسائت الادب معهم؟ او زعلتهم بشي او سمعوا كلام منها

والا على ايش هذا الحقد؟

عشانها زعلت وراحت بيت اهلها؟؟ خلاص قول انك انت اللي اخطيت عليها وهي سامحتك
لان الاهل دايما يتغاضون اذا الغلط من ولدهم بس اذا زوجته بتزل بكلمه يقومون الدنيا عليها

فرحتك برجوع زوجتك وصلاحها ماراح يكمل الا بوجود اهلك حولك ،،ولا تفكر تنتقل بعيد لانك يمكن تزيد الطين بله ،،وبيحقدون زياده وبيقولون أخذته بعيد عنا

والوالد خليه يتكلم مع امك شوي ويذكرها بمخافة الله وان الله قادر يبلى وحده من بناتها بأم زوج وبحماوات سيئات

سبحان الله زمان كانت المشكله هي أم الزوج ،،بالجيل هذا صارت المشكله بخوات الزوج وخصوصا اذا ما كانوا متزوجين يتسلطون سلطه عليها لين يطفشونها

وان شالله قريب تجي وتبشرنا ان اهلك تصالحوا مع زوجتك

وربي يوفقك

روآآبي · 04-10-2008, 04:02

ممكن الحل اللي ذكرته انك تاخذ سكن بعيد وتقللل من زيارات اهلك لين ماتهدأ النفوس
والف مبروك على رجوعها وعسى ايامكم كلها عسل

عسل دافي · 04-10-2008, 04:17

عيدكم مبارك

الاعضاء ماقصروا وانت تعرف اللي يناسبك

والله يوفقك

زهره الباذنجان · 05-10-2008, 22:58

اهم شئ سعاتك واهم شئ انها معطيتك كل حقوقك ومحترمه اهلك يعني ماتجيب سيرتهم بالباطل واذا جابته توقفهاعند حدها دايم ذكرها انه اهلك كل شئ 00 هم ماكروهها من غير شئ اكيد 00 والقلوب ماتقدر تسامح احيانا 00 مو ضروري تجبرها عليهم 00 روح زور امك ولا تفتح معاهم اي موضوع عن زوجتك ولا تتركهم يتكلمون عليها قول لها مرتي وانا مقتنع واللي يهينها يهيني ولا ابي كلام زياده في ذا الموضوع ولا ابغا كلام بين الناس ترا والله اوريكم اللي عمركم ماشفتوه طبعا الكلام ذا لااخواتك قدام امك ههههه بس الانسانه اللي تريح خلك معاها وصعبه تصير الامور زينه بينهم لانه طبيعي تكون مو زينه ههههه خلك قوي انت رجال اذا شافوك ضعيف والله يلعبون فيك كره 00والله يهدي بالك وترا كل المشاكل من المره واخوات الرجال ياساتر لا احد يفوت ولا احد يداري وحلاة العلاقه تكون رسميه من البدايه يعني مالها داعي الزيارات الطويله 00 لان اغلب البنات وانا اقول الاغلب وليس الكل مايتحملون وينطرون الزله ياساتر 00 والله انا كان اخوي متزوج انه كانت مرته تجيني بالغرفه تبي تتهاوش كل ماتزعل منه تجي تحط حرتها فينا واحنا والله مو هينين لا انا ولا اخواتي بس نسكت لخاطر اخوي ولا نقول له لدرجه وصلت فيني مره اني اجهز شنطتي واقول ابي اروح اسكن بشقق مفروشه ههههه لاني ماارضي بعد واحده تهيني وتهين امي وانا ساكته عشان واحد مو حاس فيني ولا يدافع عني 00 اكثر شئ كان يحرك قلبي تعديها علي امي 00 الله ياخذها ولا يوفقها لادنيا ولا اخره ظلمت اخوي وظلمتنا كثير وتحملنا وبالاخير تطلع علينا كلام لين عنست هههههه بس انا قويه ولا يهمني كلام الناس والله وربي عالي في سماه ماعمري تهاوشت معاها ولا كلمتها كذا من نفسها تتبلي علي والله انها اذا راحت مع امي بسياره لمناسبه اني مااروح اتفادها بكل الطرق ولا نفع امر علي شقتها اسمعها تصرخ علي اخوي اختك واختك وانا الساعه 10 توني صاحيه من النوم لاني موظفه في مستشفي ودوامي متعب ولا شفتها كل المده اللي ساكنه معانا كل ذا ماابي كلام الناس 00 اترك عنك الحريم ممثلات مخادعات ومايتعبون 00 لو تقعد تسمع من كل طرف لا يجيك مرض نفسي زي ماجاني 00 اسكت الطرفين وعيش حياتك لاتخلي اي احد يشتكي لا بحضورك ولا غيابك وهددهم 00 اللي تطلع منه كلمه لا احرقه هههههه ماتدري منو اللي متحمل واللي يصبر بجد هم ولا زوجتك 00

سفيرة العطاء* · 06-10-2008, 15:08

مباااااااااااااااااااااااااااااارك عودة زوجتك ............. وكل عام وزوجتك الى قلبك اقرب .............
لي صديقة تعيش بنفس المعاناة مع والدة زوجها ووالده واخواته ولكن الحمدلله كان زوجها يعوضها عن ما يفعله اهله لها حتى انها قالت لولا معاملة زوجي معي لما طقت العيش وقربهم ...فحاول قدر المستطاع تتحمل اهلك ولا تبعد انت عنهم كثير عشان ما يزيدوا عداوة ويقولوا السبب زوجتك كرهتك في اهلك ... الله يعينك
هكذا الدنيا مايدوم صفاؤها لاحد .....

مجروح وأكابر · 09-10-2008, 17:32

شكرا لكل من أبدى رأيه في موضوعي
ولا أنسى الأخت مملوحه على وقوفها بجانبي أسأل أن يبارك فيها
ومعذرة على إنقطاعي عنكم لأني كنت بالخارج في مهمة عمل ولم يتسنى لي المشاركه...لكن أبشركم إني بخير وبأتم صحه،،،
وأردت أن أضيف أنني أحاول قدر المستطاع أني أعوض زوجتي بفقدانها أهلي بالسفر والذهاب خارج المنزل أغلب الأوقات وهي ولله الحمد سعيده ومبسوطه تجاههي...
وأهلي وللحمد ما أقصر معهم أزورهم كلهم حتى إللي خارج المنطقه ولاني محسسهم إني متضايق بما يتصرفون به تجاهي وذلك لأنهم أهلي مالي غنى عنهم...لكن المشكله إنهم يجعلوني أفقد الأمل بأن يتقبلوا زوجتي من كلامهم...وتقول أمي ليش تتزوج وحده مو حلوه وتقول ماتبي تشوفها جنبي وتتحسر وأنا يتقطع قلبي قهر وجرح ......ولدرجة إنهم لو أكون بالدوام وأحتاج أغراض للبيت ما أقدر أخلي واحد منهم يجيبها للبيت..
لكن أنا راح أصبر وأحتسب الأجر لله سبحانه ولا راح أضيع أيا من الطرفين بإذن الله،،،

ااالريم · 10-10-2008, 06:44

اقتباس:

المشاركة الأصلية كتبت بواسطة مملوحة

الف مبروووك
اخي اتقطعت عن المنتدى في تلك الفترة..ولم اعلم بعودتها لك
الله يبارك لكم ويسعدكم....
أخي ....مافي ام ماتبي سعادة ولدها
نصيحتي ....زور والدتك....وسولف معها وبعدين افتح الموضوع......وحسسها بمعاناتك
...استدر عطفها ....قلها يمه انا اللي شفته في حياتي كثييييييييير تزوجت وطلقت الاولى والسبب مشاكل اهلها ...
والا كان الحين امداني ابو عيال وانتي تفرحين بذريتي....لكن الشكوى لله
وبعدين زوجتي الحين ما امداني معها الا بمشكله وراحت لهلها....والحمدلله يوم رجعتها صارت احسن من اول
ماصدقت اني استقر وارتاح....وابي رضاك علي يمه....لا تحرميني اياه...
وهي تغيرت من ناحيتي ...ودايم تمدح فيكم.....وبعدين بعد يومين جب زوجتك تسلم عليهم وخلها تقدم هدية لامك تكون انت شاريها...ودايم حسس زوجتك انها كذا بترضي ربها ثم بترضيك ...
والي يقدم الخير يلاقيه....
وبعدين موب لازم كل ما رحت تزورهم تاخذها معك لا....
تعود انك مثلا تروح تقهوى عند اهلك قي اوقات وزوجتك مش معك....وتقرب من امك ....
والحمدلله دام زوجتك ماتدري عن الكلام اللي قالوه عنها فهذا افضل شي
وقلها تتودد لهم ....لو قالت لك انها تحس بضيقهم منها فقلها يمكن هم شرهين عليك انك تركتي البيت
وتركتيني ...
جرب.....والله يوفقك

انا مع رأي أختــــــــــي مملوحه وهذا اللي كنت بقوله

الله يسهل امورك

Think Pink · 10-10-2008, 08:39

اقتباس:

المشاركة الأصلية كتبت بواسطة مجروح وأكابر

شكرا لكل من أبدى رأيه في موضوعي

ولا أنسى الأخت مملوحه على وقوفها بجانبي أسأل أن يبارك فيها
ومعذرة على إنقطاعي عنكم لأني كنت بالخارج في مهمة عمل ولم يتسنى لي المشاركه...لكن أبشركم إني بخير وبأتم صحه،،،
وأردت أن أضيف أنني أحاول قدر المستطاع أني أعوض زوجتي بفقدانها أهلي بالسفر والذهاب خارج المنزل أغلب الأوقات وهي ولله الحمد سعيده ومبسوطه تجاههي...
وأهلي وللحمد ما أقصر معهم أزورهم كلهم حتى إللي خارج المنطقه ولاني محسسهم إني متضايق بما يتصرفون به تجاهي وذلك لأنهم أهلي مالي غنى عنهم...لكن المشكله إنهم يجعلوني أفقد الأمل بأن يتقبلوا زوجتي من كلامهم...وتقول أمي ليش تتزوج وحده مو حلوه وتقول ماتبي تشوفها جنبي وتتحسر وأنا يتقطع قلبي قهر وجرح ......ولدرجة إنهم لو أكون بالدوام وأحتاج أغراض للبيت ما أقدر أخلي واحد منهم يجيبها للبيت..
لكن أنا راح أصبر وأحتسب الأجر لله سبحانه ولا راح أضيع أيا من الطرفين بإذن الله،،،

الشكر لله ...والله يبارك فيك....
الحمدلله معناته امورك في تحسن .....
وبالنسبة للجمال ...
كان ممكن زوجتك تكون ملكة جمال ...لكن ماتكونون مرتاحين أو منسجمين مع بعض
والاهم سعادتك وراحتك ...وذكر والدتك بذلك
والوقت كفيل بتقريب اهلك وزوجتك للبعض .....وصدقني مافي شي يقعد على حاله
بالتوفيق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ماعقب الصبر إلا الفرج