حبايبي أعضاء وعضوات هالمنتدى الرائع

ياكم ماجيت مشوت بجيبي الشاص على هالمنتدى عشان أقرأ وأتفرج بس كذا تفحيط وبدون هدف

ولاجاء على بالي إن بيجي اليوم للي بجي فيه هنا وأنا رابط حزام الامان ومهدي وحالتي حالة

بإختصار ...... ويعلم الله إني صادق بكل كلمة أقولها وماراح أقولكم إلا الصدق...لأني أبي مساعدتكم لي

الله لايحرمني منكم أي والله

1)
انا رجال لي شهرين مملك...وكنت أخطط أننا نتزوج بعطلة الربيع (وين ربيع فيه وحنا جونا ياصيف ياشتاء) ولكن المشكلة يوم قعدت أفكر إلا وإن السالفه تعور القلب...الإجازة بس إسبوعين اللي تفصل بين الترمين الأول والثاني
قررت أخليه بالإجازة الصيفية............يعني المسألة بتطول من جد....
مدري وش السوات مابي الملل يدخل حياتنا
على فكره أنا قلت ماني شاري لها جوال ولاني مكلمها عشان ماتمل مني...حتى رقمي محوله دايم على موجود ألين تشورون علي
قلت بكتفي بزيارتها...من فترة لفترة

2)أنا صرت أتردد (إلا قولوا مايجي لي خاطر) إني أروح لها بسبب إني ما آخذ راحتي معها بالسوالف لأن خالتي الغالية مسنتره عندنا كل شوي تطب...يعني نشبااااااااااااااااااااااااااااااااااااااااان
وأدري البنيه تحس بشعوري وضيقتي.............بس أمها تذكرني بجبروت كونداليزا رايس
يعني أنسوا أنها تفاتحها بهالموضوع

3) بحكم العمل....أسفاري كثيرة ومن جد يضيق صدري يوم أحس إني بفارق الديرة اللي هي فيها
وشلون أدري هي تتضايق من هالشي وإلا لا؟ وش أحلى هدية أجيبها لها يوم أجي من السفر.

أنا ياناس أعشق هالبنت بجنون ومابي عيني تزوغ منا وإلا منا دام الله معطيني هالبينه بذمتي...عملي فيه إختلاط بقوة وانا قلت توبه من الهوى توبه...صرت أحاول بقدر المستطاع أتحاشى الجنس اللطيف بالعمل
وش أسوي ووشلون أفهما هالشي عشان تحس فيني وأني يوم بجيها بجيها وكلي شوق ويوم أكلمها بكلمها وأنا ولهان لصوتها...يعني أبيها تفهم إن أنا لها هي بس والجيت إلا عشانها هي مابي أحد بالدنيا يشاركها شوفتي وإلا صوتي حتى أمها الغالية...أمها أمي وعلى عيني وراسي

من جد أنا مدري وش السوات.......راسي به وشه من قوة التفكير بالهشي

تحياتي لكم والله لايحرمك اجر النصيحة