عالم الحياة الزوجية - منتدى

آرزو · 02-10-2008, 06:29

السلام عليكم ورحمة الله وبركاته

اللهّم صلي على محمد وعلى آله وصحبه المنتجبين

كيف الحال بنات ؟ شخباركم وحشتووووووووووني مووووت ..

عيدكم مبارك .. وكل عام وانتوا بـــ 1000 خير

أنا ولدت وجبت ولد وسميته ( علي ) وباقي خمس ايام ويكمل ولدي شهرين .. وجلست في بيت أهلي طول ها الفترة وكان ودي اخبركم اني ولدت بس بيت أبوي جديد لسه ما عندهم نت .. ..
وبما ان ولدي نايم فهي فرصة اني اطل عليكم وحكي لكم شو صار معي في الولادة ..
انا الله يسلمكم لما دخلت الشهر التاسع واخذت منه اسبوعين وكم يوم بديت انتفخ بشكل مو طبيعي وصار في الاسبوع الواحد يزيد وزني اكثر من كيلوين .. اخر موعد عندي كان يوم الثلاثاء والدكتورة خبرتني اني لازم اولد و ما يحتاج اكمل الشهر التاسع لان جسمي امتلئ كل ماء .. وقالت لي لازم اعمل لك فحص للحوض .. والي عامل ها الفحص يعرف اشقد يألم .. لأن بدخل اليد كامل .. وهو مؤلم زي ما سمعت .. انا طبعاً رفضت وقلت ليها ما ابي اعمل ها الفحص .. قالت لي براحتك ..
بس خوفتني كثير .. ومن كثر الخوف صرت امشي ليل نهار .. وما خليت حاجة في الشقة الا نظفتها حتى لو نظيفه بس ابي اولد .. ودرت على المجمعات واحد واحد الي في الشرقية من اول ما دخلت التاسع ..
بس ما في فايدة .. المهم ان ليلة الخميس رحت مجمع ولفيته سبع مرات حتى المحلات قفلت وانا ما زلت ادور .. ورجعت البيت الساعة 12 بالليل ونمت على طول من التعب ..
الساعة 2:15 بالليل قمت الحمام وانتو بكرامه حسيت ان في شيء ينزل بس فكرته بول ورجعت نمت وبعد ساعة قمت نفس الشيء الحمام الله يكرمكم بس نزل مويه اكثر .. اهنا قلت في نفسي هذا وشو ماي ولا بول .. بعدين اشفت كل ما ضغطت على بطني ينزل .. قلت خلاص هذا الماي .. وخبرتني مرت اخو زوجي اني باشوف في الماي شعر البيبي لما احط فوطه صحيه ببان واضح وبالفعل شفت شعر خفيف ناعم .. <<< مع ان ولدي شعره خفيف حيل .. واصلع من مقدمة الشعر ..
المهم ان أخذت دش سريع و صليت الصبح لان ما نزل علي دم بس مويه .. وجلست زوجي وهو مختلع وخايف شنو يسوي وهو يقول يالله المستشفى .. وانا على برودة اعصاب اقوله صلي واذا تبي تتروش أتروش وكويت لزوجي بدلته وعملت له فطور وانا عبيت لي كيس مليان اكل .. رطب ولبن وحليب وبسكايت وشبسات وفواكه .. كأني رايحه رحله مو رايحه اولد وفي الاخير قالوا لزوجي وهو حامل الكيس ما تأكل ولا شيء غير الرطب .. ههههههههههه وقلت لزوجي يمشي على مهله لان مافيني طلق ..وخايفه يستعجلون علي .
وصلت المستشفى الساعة خمس ونص .. بس وصلت ودوني غرفة الانتظار في قسم الولادة .. وقالوا لي ان فاتح 1 سم .. ومن كشفت علي هنا بدء الطلق .. وصارت امشيء في ذيك الغرفة رايحه جايه حتى قلت لزوجي غمض حتى لا يعورك راسك .. وبعد ساعة قالت لي فاتح 3 سم وانا طلق بدء يشتد وانا ميته من الألم .. وعطوني ابره مهدءه .. بالاول ما رضيت قلت ليهم ما ابي اخاف ما اولد بسرعه .. قالوا لي هذي ما ليها علاقة ..
المهم جت الساعة 11.20 الضحى وقال زوجي ان بيتصل لأمي وأمه ويخبرهم اني في المستشفى حتى يدعوا لي قلت له : ما ابي اخوفهم علي .. قال لي بتصل حتى يدعولك وقت اذآن الظهر .. المهم اتصل زوجي وخبرهم.. وبعد نص ساعة من الآذان جت الدكتورة الي تقول ان مفتوح 8 سم .. وقالت خلاص ولادة .. انا حمدت الله اني باروح غرفة الولادة خلاص .. بس في نفس الوقت خايفه ..
المهم زوجي راح يصلي وهم يكشفوا علي وجى وما شافني .. وما رضيوا يدخلونه مع ان في مستشفى خاص بس بالمحاولات بعدين دخلوه .. وضليت من الساعة 12 وربع الى1 لحالي مع الدكتورة والممرضات ولما دخلوا زوجي الساعه وحده بالضبط كنت ما اوتعي عدل بس سمعت صوته جتني قوه رهيبه .. وشفته وهو حاط ايده على راسي ويقرا القرآن جت لي قوه اكبر وولدت بعد ربع ساعه من دخول زوجي .. ولدي ما رضي يطلع الا بحضور ابوه هههههههههه

وبس شفت ولدي وحطوه على صدري نسيت كل شيء .. ومن كثر فرحتي به وخوفي عليه كل شوي يا اخلي اسستر تجيبه لي لو اني اروح له الحضانة .. الله يحفظه لي يارب ويجعله من الصالحين البارين ..

وهذا كله توفيق من عند رب العالمين ومن ثم بركة دعاء امي وام زوجي الله يحفظهم ويطول في اعمارهم ويعطيهم الصحة والعافية

هذه قصة الولادة .. وعندي الولادة اهون بكثيييررررررررررررررر من الرضاعة وانتين جالسه على جرح ..هنا الموت بعينه وعلمه

الحمد الله أحين ولدي قريب بكمل شهرين وانا خايفه من التطعيمته .. فشنو تنصحوني به يا بنات بعد التطعيم ؟

الله يرزق المحرومين بالذرية الصالحه . ولا يحرمهم من هالتجربة الممتعه . وان شاء الله العيد الجاي يكون عيدين عليكم وتبشرونا بحملكم
ويتمم على الحوامل شهورهم ويسهل عليهم الولادة ..

تحياتي
أم علي الأكبر

برنسيسة تركي · 02-10-2008, 09:01

ماشاء الله تبارك الله

ألف ألف ألف مبرووووووووووك

وحمد الله على سلامتك وعلى سلامة علي ماشاء الله تبارك الله

والله يخليه لكي ويتربي بعزك وبعز ابوه ان شاء الله

والله يقر عينك به ويجعله بار فيكي وفي ابوه

والله يخليكم لبعض

وأمانة عليكي تدعيلي ربنا يرزقني بالذرية الصالحة انا واخواتي المنتظرات الحمل

والله يعطيكي الف عافية يارب

وميض الأمل · 02-10-2008, 13:33

آرزو حبيبتي ألف حمدالله على سلامتك وولادة علي ....ماشاء الله شفتي شلون الحلم أصبح حقيقة؟؟؟ الحين انت أم علي الأكبر عن جد...يسلم لي علووووووووووي وأم علووووووي...

قصتك أثرت فيني مادري ليش يمكن لأني حامل وانتظر شلون بتصير ولادتي ويمكن لأن احنا مرينا بنفس تجربية الانتظار .....

أنا قلت اكيد أم علي ولدت من زمان وماعندها وقت تخبرنا ....يعني انت ولدتي بالأسبوع 38 صح؟؟

يلا استمتعي بهاللحظات مع علااوي وان شاء الله مانسيتينا في وقت ولادتك....

كلي الالم · 02-10-2008, 13:55

الف مبروك وحمدالله على السلامه وعقبال جميح الحوامل
يقومو بالسلامه

a-gh · 02-10-2008, 17:51

الف الحمد لله على السلامه

بدنا منك جاجه وكماجه
انا كمان سميت ابني علي الله يحميه يا رب

em tala · 02-10-2008, 18:44

ألف ألف ألف مبرووووووووووك

وحمد الله على سلامتك وعلى سلامة علي ماشاء الله تبارك الله

مــ ــوون حبيبــ ــها · 02-10-2008, 23:11

ام علاووووي الف الف مبروك حبيبتي وحمدالله على سلامتك

ويتربى بعزك ان شاء الله

واخيراااااااااااااااا شرف علاوي ونور دنيتك بعد انتظاار

فرحانتلك من كل قلبي

وان شاء الله عقبال كل حامل يارب

rimo2007 · 03-10-2008, 00:56

هلا ام علي الف الف مبروك الولاده حبيبتي وان شاء الله يتربي بعزك علي يارب وتشوفينه معرس باذن الله

ما تسوي اي شي وما تعتلي هم التطعيم لانه بيختلف من طفل لطفل بس ممكن يسخن شوي وراح يعطوكي بالصحه خافض للحراره اعطيله اياه 3 ايام حتي لو ما في حراره ليسكن الالم اللي عنده وان شاء الله بتفوت الايام وتلاقيه خلص كل تطعيماته

rimo2007 · 03-10-2008, 00:57

ام علي وين صور علي يلا حطي لينا اياها نبي نشوف علاوي

Crestalla · 03-10-2008, 03:21

حبيبتي انتي وييييييييين من اول انتظرك

يالله الحمدلله على سلامتك وسلامة الامور علووووي يارب تفرحي بيه ويجعله ابن بار لكم...

تعااااااااااااااااااااااااااااااااااااااااالي يالله انتي وعدتيني رح تجاوبيني على اسئلتي لما تتجربي الولاده وهذا انتي جربتيها
اسئلتي
هل بجد يفتحو رجليك بطريقه محرجه ولا بس زي الكشف المهبلي؟؟

هل اخذتي ابرة الظهر؟ ولا اكلتيها طبيعي 100%؟

بس خلاص بعدين اذا جا في بالي اسئله ثانيه رح اقولك..

وحمدلله على سلامتك مره ثانيه...

ام حمودي ان شاء الله · 03-10-2008, 03:44

الف الف الف مبروك ام علاوي

والف الحمدلله على السلامه ويتربى في عزكم ان شاء الله

والله يجعله من الابناء البارين الصالحين

ومن ناحية التطعيم لاتخافين حبيبتي لازم بعدها يتسخن الطفل بس مع الكمادات ودواء خافض الحراره

ان شاء الله ماعليه الا العافيه

عاشِقةُ الرّوح · 03-10-2008, 11:41

ما شاءلله
الف الف مبرووووووووووووك قدوم علووووي
والف الحمدلله على سلامه
ويتربى بعزكم وتشوفيه معرس

عقبال باقي الحوامل نسمع عنهم ولدوا
ونسمع عن المنتظرات للحمل حملوا

تحياتي
عشووووقه

آرزو · 03-10-2008, 17:03

اقتباس:

المشاركة الأصلية كتبت بواسطة برنسيسة تركي

ماشاء الله تبارك الله
ألف ألف ألف مبرووووووووووك
وحمد الله على سلامتك وعلى سلامة علي ماشاء الله تبارك الله
والله يخليه لكي ويتربي بعزك وبعز ابوه ان شاء الله
والله يقر عينك به ويجعله بار فيكي وفي ابوه
والله يخليكم لبعض
وأمانة عليكي تدعيلي ربنا يرزقني بالذرية الصالحة انا واخواتي المنتظرات الحمل
والله يعطيكي الف عافية يارب

الله يبارك فيك
يارب ترزقك وجميع المحرومين بالذرية الصالحة عاجلاً غير آجل ..
وعقبال ما اكون اول المباركين لك يا برنسيسة

اقتباس:

المشاركة الأصلية كتبت بواسطة وميض الأمل

آرزو حبيبتي ألف حمدالله على سلامتك وولادة علي ....ماشاء الله شفتي شلون الحلم أصبح حقيقة؟؟؟ الحين انت أم علي الأكبر عن جد...يسلم لي علووووووووووي وأم علووووووي...
قصتك أثرت فيني مادري ليش يمكن لأني حامل وانتظر شلون بتصير ولادتي ويمكن لأن احنا مرينا بنفس تجربية الانتظار .....
أنا قلت اكيد أم علي ولدت من زمان وماعندها وقت تخبرنا ....يعني انت ولدتي بالأسبوع 38 صح؟؟
يلا استمتعي بهاللحظات مع علااوي وان شاء الله مانسيتينا في وقت ولادتك....

ياهلا اااااااااااااااااااااااا باوووووووووووميض الغاااااااااااااااااااالية <<< ها وصلت البحرين ولا لسى
الحمد الله الي رزقني با أجمل نعمة والله يجعله من نصيبي ويكون ابن بار بأهله ويكون من الصالحين
صحين بس دخلت 38 أخذت كم يوم وولدت ..
انتين احين في اي اسبوع ؟
الله يتمم لك على خير ويرزقك بطفل سليم ومعافى ويسهل عليك الولادة

اقتباس:

المشاركة الأصلية كتبت بواسطة كلي الالم

الف مبروك وحمدالله على السلامه وعقبال جميح الحوامل
يقومو بالسلامه

الله يبارك فيك حبيبتي
الله يسهل على الحوامل يارب ويرزق المحرومين

آرزو · 03-10-2008, 17:05

اقتباس:

المشاركة الأصلية كتبت بواسطة a-gh

الف الحمد لله على السلامه
بدنا منك جاجه وكماجه
انا كمان سميت ابني علي الله يحميه يا رب

الله يسلمك ياعمري
على عيني آمري
الله يحفظ لك علي واخوانه وأبو العيال ويجعل الفرح عامر دياركم قولي آمين

اقتباس:

المشاركة الأصلية كتبت بواسطة em tala

ألف ألف ألف مبرووووووووووك
وحمد الله على سلامتك وعلى سلامة علي ماشاء الله تبارك الله

الله يبارك فيك
الله يسلمك يا عمري

اقتباس:

المشاركة الأصلية كتبت بواسطة مــ ــوون حبيبــ ــها

ام علاووووي الف الف مبروك حبيبتي وحمدالله على سلامتك
ويتربى بعزك ان شاء الله
واخيراااااااااااااااا شرف علاوي ونور دنيتك بعد انتظاار
فرحانتلك من كل قلبي
وان شاء الله عقبال كل حامل يارب

الله يبارك فيك يا حياتي
الله يسمع منك
وأخيراً شرف .. ساعات اجلس اكلمه اقوله ليه تعبتني لين ما جيت ؟ ليه ما جيت بدري ؟ صدقني بحبك زي ما حبك احين ؟ وبخاف عليك مثل احين ... وهو يضحك ولا على باله ..
أنا كأني اعرفك بس مغيره النك نيم
المهم مبروووك على الحمل والله يتمم لك على خير ويسهل عليك في وقتك ويرزقك بأجمل طفل سليم ومعافى ومن الصالحين قولي آمين

آرزو · 03-10-2008, 17:09

اقتباس:

المشاركة الأصلية كتبت بواسطة rimo2007

هلا ام علي الف الف مبروك الولاده حبيبتي وان شاء الله يتربي بعزك علي يارب وتشوفينه معرس باذن الله
ما تسوي اي شي وما تعتلي هم التطعيم لانه بيختلف من طفل لطفل بس ممكن يسخن شوي وراح يعطوكي بالصحه خافض للحراره اعطيله اياه 3 ايام حتي لو ما في حراره ليسكن الالم اللي عنده وان شاء الله بتفوت الايام وتلاقيه خلص كل تطعيماته

اقتباس:

المشاركة الأصلية كتبت بواسطة rimo2007

ام علي وين صور علي يلا حطي لينا اياها نبي نشوف علاوي

الله يبارك فيك حبيبتي
هذا اول وحده تنصحني هون .. مشكوره يا لغلا على النصيحه .. لان بجد بطعمه بعد كم يوم وخايفه عليه ؟
وعلى الصوره خليه يكبر له شعر احين صلعاوي بتختلعوا من صلعته ههههههههههههههههه
وما شاء الله بنتك تغيرت كثير ربي يحفظها لك ويسلمها ويجعلها من الصالحات وتزفيها يارب عروس الى زوجها وتشوفين اولاد اولاد اولادها

اقتباس:

المشاركة الأصلية كتبت بواسطة Crestalla

حبيبتي انتي وييييييييين من اول انتظرك
يالله الحمدلله على سلامتك وسلامة الامور علووووي يارب تفرحي بيه ويجعله ابن بار لكم...
تعااااااااااااااااااااااااااااااااااااااااالي يالله انتي وعدتيني رح تجاوبيني على اسئلتي لما تتجربي الولاده وهذا انتي جربتيها
اسئلتي
هل بجد يفتحو رجليك بطريقه محرجه ولا بس زي الكشف المهبلي؟؟
هل اخذتي ابرة الظهر؟ ولا اكلتيها طبيعي 100%؟
بس خلاص بعدين اذا جا في بالي اسئله ثانيه رح اقولك..
وحمدلله على سلامتك مره ثانيه...

هلا والله بالكرستال كله
الله يسلمك ويسمع منك
من عيوني أجاوب
نعم يفتحو الرجلين على مصراعها وهو افضل لرأس الجنين حتى لا تضغطي عليه وبعدين تسببي له ضرر على دماغ او نقص في الاكسجين لان بيكون اسهل في الولادة ..
ما أخذتها بس يعطونك ابرة تخذر المكان من تحت ما تحسي بألم كبير عند خروج الرأس وعند الخياطه وعلى حسب حجم البيبي وراسه من واحد الى واحد يختلف
أم الخياطه ما بتحسي بها نهائي لأن صورة ولدك ما بتفارق عينك حتى لو اخذوه ودونه الحضانه وبتحسي انك سويتي انجاز عظيم وبتفخري بنفسك بس بعد ما يروح البنج تحسي بألم بس مو فضيع يعني الم متوسط
الله يسهل عليك يارب وتولدين بالسلامة ونبارك لك يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الحمد الله .. ولدت وارتحت عقبال الحوامل يارب .. وهذي قصة ولادتي بولدي البكر