عالم الحياة الزوجية - منتدى

ana jadeda · 03-10-2008, 07:46

السلام عليكم ورحمة الله وبركاتة
عيدكم مبارك وكل عام وانتم بخير
اخوااني انا عندي مشكله حابه اعرف رايكم انا محتاره جدا
انا انخطبت واتملكت وزوجي اكبر مني ب 4 سنين هو طولي او اطول ب3 سم بس
وكان جسمه جيد يروح النادي وعنده عضلات شوي جسمه طيب بس مو مره
وكان واعدني انه لمن يروح يدرس بره المملكه بعثه حيرجعلي جسمو عضلي وحيسمن وحيصلح جسمه كتير
وغاب 5 شهور والحين لمن رجع سار مره نحيف انحف من قبل ووجهه ساير مره نحيف شكلو ساير صغير
الحين شكله كانه بعمري ماكانه اكبر مني ب4 سنين انا انصدمت لما شفته واهلي كمان
لما بجلس معاه حاسته كانه واحد صغير شكله مره صغر ونحف انا مره مضايقه

ok0
مني قادره استحمل اشوفه كدا ومااستحمل اتزوجو وهو كذا
بيجيني اوقات اقول خلاص ماابيه خايفه من كلام الناس واهلي كلامهم بيجرحني
وخايفه لما نتزوج انا يسير شكلي اكبر منه
والمشكله كان قبل 5 شهور لما خطبني جسمه طيب ووجهه مليان وحلو بس انو كان طولي وقولت عادي
مو مشكله جسمه باين انواكبر مني وعل وكتوفه عراض الحين راح كل دا

ريحوني الله يخليكم ايش اعمل
انا تعبانه
وبيقولي ابي اجيكي اشوفك بس انا رافضه وبتحجج بااعذار عشان مني مستحمله اشوفه كذا
ساعدوني ايش رايكم
الله يوفقكم ردو علي

بنت أبوي والفخر لي · 03-10-2008, 07:57

مممممممممممممممممممم

المشكله هذي مالها حل الا انتي يااحلوووه

ياترضين فيه بكل مافيه واهم شئ الاخلااق والدين

وياترفضينه وتدعي له بالتوفيق وانتي بعد

اما من ناحيه شكله راح يسمن ان شاء الله

مادام كان من اول سمين

اما انه كان نحيف من اول امكن اعتبرها مشكله

وعاادي سويله اكل واطبخيله ووديه له وقولي له كل كثيييييييييييييييييييييييييييير

مرررررررره نحفاااان

وبالتوفيق خيتوووووو

اموله 2009 · 03-10-2008, 08:26

انا اقول والله ما عندك سالفه

هو نحف لانه كان متغرب ويمكن ما كان ياكل كويس

اما انك تتخلين عنه لانه نحف............!!!!!!!والله بس ما ابغى اجرحك بالكلام الا كان قلت اللي بقلبي

يعتي الحين انتي الحين راضيه انه يتركك ويروح لغيرك؟؟؟؟؟؟؟

وانتي ما همك الا اهلك اش يقولون عنه يعني هو نفسه ما تهمك مشاعره..؟؟؟؟؟؟

طيب ومشاعرك له كيف؟؟؟؟؟؟؟والاما يهمك الاجسمه

الله المستعان

ana jadeda · 03-10-2008, 08:29

كلامك صح
بس شكله سار صغير مره كانه قدي وفي عمري غير انه نحف ووجه ساير نحيف وصغير كانه اصغر من عمره
انا خايفه انه شكلي يسير اكبر من شكله لانه البنت تكبر اكتر من الولد

Bata_fooshy · 03-10-2008, 08:35

شكلك باختصار ما تحبيه
ولا ما كان فكرتي تسيبه عشان الاسباب الغريبه دي

ana jadeda · 03-10-2008, 08:55

لا بالعكس انا احبه بس انا ماابي بعدين بعد الزواج البنت تحمل ويكبر شكلها اكتر من الرجل
خايفه بعدين هذا الشي يخلي هو يشوفني كبيره عليه ويحس شكلي مو صغيره

صغنتوتة · 03-10-2008, 09:01

بصراحة موضوع اتفه من انه يكون محور لقرار مصيري
واذا كان عالجسم انت كمان لازم تنحفي حتى لو كان جسمك حلو وبعد الزواج ان شاءالله اكليه بيدك وخليه يتكلبز ههههههه

بدوي يعشق بجنون · 03-10-2008, 10:14

وين عايشه أنتي

وش هالسوالف يابنيه؟

وش صار صغير وشكله مو أكبر مني؟

وش هالتفكير اللي ماله سنع

اللي يسمعك يقول وافقت عليه عشان جسمه وشغل المظاهر.....يعني مافكرت لا بأخلاق ولادين

وأنتي تحسبين هالعالم اللي راحت إبتعاث مبسوطين.........إلا هموم تخلي الواحد يكره الأكل هذا إذا كان يقدر على مصاريف الأكل كل ما إشتهى.....يعني ينحف وبالراحه بعد أغلبهم صار فيهم هالشي

خلي عنك هالسوالف بس.......وتعوذي من الشيطان وتوكلي على وتزوجيه ومن أول ليله خليكم بالطبخ

الله يوفقك يارب ويجمع بينكم بخير

Hoot Feeling · 03-10-2008, 10:34

هذا الحب اللي تقولون عنه يا بنات هذي التضحيه اللي تقدمونها للي تحبون .............! تتخلون عن الحب عشان شكل اختلف عليكم وعشان كلام الناس ..................!؟؟؟؟؟

حبيبـــ(m)ــة · 03-10-2008, 10:36

ههههههههههههههههههه

الله يهديكي

مرررررررررررررره موضوعك ماله اي داعي ولا يحتاج تسوي هالموضوع وتستشيري الناس فيه

وعلى رأيي الي فووقي ماعندك سالفه

ولو تحبيه ترضي فيه لو كان فيه الي فيه

راجعي نفسك بس بدال ماتفرحي برجعته تبغي تطلقي وماتكملي معاه صدق ماعندك هرجه

بنت أبوي والفخر لي · 03-10-2008, 10:37

ايه والله صدقتوا

ana jadeda · 03-10-2008, 11:04

الصراحه احرجتوني كلامكم صح
وانا احبه بس المشكله مو هني ومو الحين المشكله الي خايفه منها بعدين لما نكبر
اخاف ابين كبيره وهو مايعجبه
بس الصراحه كلامكم جدا اثر فيني وخجلانه من نفسي انا ابي اعرف هو كيف حيفكر بعدين
خايفه من المستقبل
بس ماراح اتخلى عنه انا الحين راح اوقف بجنبه ووحااطبخله وحااخفف عنه في الغربه
ولاح احاول افتح معه هذا الموضوع وشلون اذا كبرنا وكذا اشوف رايه
والله يعين

بنت أبوي والفخر لي · 03-10-2008, 11:19

وراح يصير حقيقه بعدين

والله لو شكلك اصغر ولا اكبر كل واحد

لو الرجال حط براسه الزواج راح يتزوج ولو وكنتي ملكت جمااال

انتي ماعليكي بالمستقبل

انتي بس اهتمي بنفسك وتزيني له

وان شاء الله يارب تكوني انتي ملاااااااااااك في عينه وحدك يااااااااااااااااااااااااااااااااااااااااااااااااا ااااااااااااااااااااااااااااااااااارب

@. بادرة .@ · 03-10-2008, 15:08

يابنتي لما تزوجت كان زوجي مخلص دراسة من فترة بسيطة وعالدراسة نحف بشكل غريب وعجزت والدته في تغذيته دون فائدة وبعد الزواج وانتهاء الدراسة استقر نفسيا وماشاء الله زاد 10 كيلو في سنتين
الآن بيكمل دراسته ورجع نحف والمحاولات مستمرة في ارجاعه كما كان
الحب والتفاهم أهم شيء والزوج لما يحب زوجته ما تهمه هالأمور طبعا مع اعتناءك الدائم بمظهرك ورشاقتك كل الأمور تمشي تمام
بالتوفيق إن شاء الله

نوووووفه · 03-10-2008, 16:04

السلام عليك يااختي : عزيزتي لا يكون تفكيرك شكلي لان ندر تلقين الرجل ذات الدين والخلق . ومادمه طيب لاتترددي في الزواج يا اختي وشكله لا تخافي راح يتغير كلهم كذا في البدايه . وكلام الناس لا تهتميله لان الناس بس تبغى تتكلم اهم شي قناعاتك يا الغاليه. اتمنى لك زواج سعيدوحياه اسعد.وتوكلي علا ربك لانه من توكل على الله فهوه حسبه.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدووووووووني مني عارفه ؟؟؟؟؟؟؟؟