عالم الحياة الزوجية - منتدى

عيون ملائكية · 05-10-2008, 00:24

السلام عليكم ورحمة الله وبركاته
انا متملكة لي سنة و9 شهور واكلم زوجي بس بتيلفون اخر مرة شفته من 8 شهور كل مرة يعشمني ان الزواج بعد كم شهر وهو الا الان ماجاب المهر ..انتظرته وقلت كل تاخيره فيها خيرة ياما صارت بيني وبينه خلافات وتراضانا بس المشكلة انه لامبالي لدرجة كبيرة كل ماصار بيني وبينه شي قطع كم من اسبوع ولما يرجع ماكان شي صار المشكله اني مرتين كشفته بشكل غير مباشر انه يخوني وكل مرة اسامحة واتغاضى واقول هذا حال الشباب اكيد راح يتغير
قبل يومين كان عندنا وجلس مع اهلي بس انا ماقابلته كان مرة مبسوط وكلمني بعد ماطلع وانا اكلمه قالي اخوي معي على الخط اكلمك لما اخلص ولا كلمني دقيت عليه اليوم الثاني الساعة 10 بالليل ولا رد وجواله الثاني محوله المهم دق علي بعدها وقال كنت نايم اصحصح واكلمك ولا اتصل انا بصراحة قلقت قلت يمكن اهلي قالوا له شي يزعله وهو ماقالي المهم رجعت اتصلت الساعة 3ونص الفجر الاقي خطه مشغول لمدة تقريبا ربع ساعة وجواله الثاني محول اتصلت لحد مارد ولما رد قالي كنت اكلم اخواني من الرضاعةبالرياض اطمن عليهم علشان ابوهم تعبان
المهم حسيت انه مو اخوانه وسويت نفسي عادي وقال برجع اكلمك لاني بالعمل ومشغول انا مرة تضايقت انه كل مرة يستغفلني ويكذب علي وانا عارفة انه مواخوانه وليش يحول الجوال اكيد شي غلط قفلت وارسلت لما تلقي وقت فاضي ارجع كلم اخوانك وخل خطك مشغول علشان مااحد يزعجك
انا سويت كذا علشان استفزه ويتصل ويحس فيني بس للاسف لااتصل ولا حس بالله عليكم وش الحل عمري ماسويت شي يزعله واذا حسيت اني ضايقته احاول ارضيه بس احتراما له.انا متحمله تاجيله للزواج وظروفة وهو للاسف مقدر اي شي هل من حقي اعاتبه ولااكلمه ؟؟؟

ودي بس امي تعيي · 05-10-2008, 00:49

مساء الخير ..

بصراحـة موضوعـــك يجب ان يكوووون له حــل والحــل هو بيــدك ..

طبعاً الفترة طويــلة والي الان ما قدم لا مهر ولا غيــرة .. المفروض والمعتاد انو يكووون فيه شي يربط اي انسان ناوي يتزوج .. اما مجرد مقابلات فقط وهاتف اعتقد هاي الشي غير مقنــع .. انا اراى والراي لك ان تحاولي تكلمي الاهل انو يشوووفوا حـل اما الارتباط او عدم ربطك ومضي الوقت بدووون فائــدة ..

يعني بكل صراحـة المفروض يكووون فيه ربط في الموضوع هذا .. وكما يبدوا هناك برووود من قبله يجب ان يكووون له حل ..

واسال الله ان يعينك ويكتب لك الخير والسعادة ..

وجهه نظر ..

المشتاق لنساء · 05-10-2008, 01:10

الله يسعدك
بس انا اشوف ان هذا الرجل اما يمر بظروف صعبه تجعله يأخر هذا الزواج
او انه يتهرب منك

وانتي الان زوجته ولكن تأخير الزواج بدون اسباب يكون غير منطقي

وبخصوص زعله عليك ماله اي حق يزعل
وكونك تشكين فيه هذا يحصل ولكن عندما تتأكدين من هذا تكون مشكله كبيره
وانتم لسا ماعشتو مع بعض فكيف بعد الزواج

كل هالمسائل حاولي ان تجدي لها تبرير
ومافي احلي من المصارحه بينكم

واتمني لك التوفيق
والله يكون في عونك علي طول الصبر معاه
بس انشاء الله انه مايطول ويدخل عليك

روآآبي · 05-10-2008, 02:26

سبحان الله كل تاخيرة وفيها خيرة!
لو ماتاخر الزواج ماكنتي اكتشفتي كل هالللف والدوران والاساليب الغريبة الا بعد الزواج
قد يكون من صالحك تاخير الزواج
حاليا انا انصحك بعدم الاستعجال بالزواج الى ان تتبينين حقيقة افعاله وتهربه منك
الخوف انه يكون راعي بنات ومكالمات وان الزواج بالنسبة له زوجة تنتظره بالبيت وبس
انتبهي وخبري واحد من اخوانك يكون فاهم وعاقل واطلبي منه يتقصى عن اخباره وحكاياته خاصة في منطقة العمل وجيرانه
وانتي واجهيه وقوليله انا قلبي مو مرتاح ووضحيله اللي حاسة فيه وافتحي معه نقاش مطول واطلبي منه وضع النقاط على الحروف واذا كان حاب يكمل او ماعنده رغبة !

وربي يوفقك

ملح العذارى · 05-10-2008, 06:59

الله يكون بعونك

عيون ملائكية · 05-10-2008, 13:03

اشكركم على مروركم ...
وانا لي يومين افكر بالموضوع لانه زاد عن حده لازم مايكون بيني وبينه اتصالات علشان يعرف غلطته واذا كان فعلا يبغاني وشاري خاطري راح يبذل كل جهده واللي فيه خير ربي يقدمه..

سـدنـے · 05-10-2008, 16:12

السلام عليكم.

شوفي اختي انا من رايي تدخل الاهل.

طالما هو ماراضي يتحرك لا بالمهر ولا بالزواج.

الافضل يجلسوا الاهل معه ويحسموا موضوع زواجكم.

بصراحه المده طولت.

اما بخصوص شاكك فيه,الافضل انك تجلسي معاه وتواجهي.وعرفيه انك ماانتي مرتاحه بتصرفاته.

بصراحه كتير ماتشوفه بعض بشهور والمكالمات بنكم قصيره.

ماني مرتاحه بتصرفات زوجك,حاولي تشوفي حل بأقرب فرصه.واجهي

الله يوفقك.

@ كوكو شانيل @ · 05-10-2008, 16:44

باين انه يلعب
ولا وش هالاخوان اللي ماطرو على باله
الا نص الليل ؟؟؟؟!!! وش هالاستغفال والتلاعب
شافك كل مره تسكتين قال هذي امرها هين واهلها بعد ساكتين
قال ياسلام
اقول هو باين انه ماينوخذ منه لا حق ولا باطل
التصريفات زي السلام عليكم عنده
قولي لابوك كل اللي صار وبالتفصيل
او المسؤول عنك او الاقرب لك من اخوانك
المهم رجال لانهم هم اللي يفهمون التصرفات هذي
وخليه يتصل ويشوف معك حل وتتصرفون

مومعقوله معلقك بهالشكل

تحياتي

عازفه الدموع · 05-10-2008, 17:08

الله يكون بعونك

azzam44 · 06-10-2008, 00:00

هناك حلين الاول صارحية عما بنفسه عشان ماتتعلقين
ثانيا شوفي مستشار اسري
الله يوفقك

عيون ملائكية · 06-10-2008, 00:27

مشكورين على ردكم مشكلتي ان ماابغى ادخل اهلي في موضوع مكالمات
واخوي تكلم معه بخصوص الزواج قاله انشاءالله الشهر الجاي اواللي بعده واحدد الزواج في شهر 2 او 7
المشكله موبتحديد الزواج هو حكاني عن ظروفة وانا قدرت
بس انا حاسة انه يخوني بس دائما اي شي يصير بيني وبينه ونتكلم يحاول يصرف الموضوع ويتعذر باي شي ويقفل ويجلس كم يوم ولما يتصل ماكأن شي صار انا بواجهه وقادرة على كذا بس ماابغى ادق ابغاه هو اللي يتصل مع اني عارفة اذا تكلمنا بالموضوع بيسوي انه مافي شي ويصرفني كالعادة انا بصراحة ماني عارفة وش اسوي لو بسكت واطنش وانتظر لحد مايجيب المهر احس اني مستغفله وراضيه عن سوالفة واذا بتكلم مااظن اي وحدة بترضى ان كرامتها تنذل انا بصراحة احبه موتلان بيني وبنه ايام حلوه وهو والله طيب عمره مارفع صوته علي بس ان تصرفاته ماتريحني
دلوني يااهل الخير وش اسوي اطنشه واذا اتصل اشغل نفس واقفل ولا اواجهه واخاف اخسره ...

Bata_fooshy · 06-10-2008, 02:08

حاولي تطنشيه تجلسي كم يوم ما تتصلي ولما يتصل صرفيه
معليش انا مشغوله ما اقدر اكلمك دحين خليه يحس انوا ماهوا شاغل تفكيرك
في بعض الرجال يحب الحرمه الي تتقل عليه مو الي تجري وراه جربي وان شاء الله ما راح تندمي

روآآبي · 08-10-2008, 22:38

عزيزتي لاتخلين همك الان ..مين فيكم اللي يتصل اول ؟
انتي الان المهم عندك تكتشفين اذا كان زوج صالح وماوراه اسرار وبلاوي
ركزي على هالنقطة الان وانسى موعد الزواج..ولاتحددينه الا بعد ماتتطمنين ويرتاح بالك

شاميه وزوجي سعودي · 09-10-2008, 02:25

ان شاء الله الموضوع خير بحققك واصبرري عليه شووي ممكن الرجال عنده ظروف ا مشااكل ومنحررج منك يعني قصه التاخير واارده بكل زوااج لا تخلي بليس يوسوس لك ريحي نفسك ولا تتضغطي على الرجال ... وكل شي بووقته حلوو والله يسعدك ويوفقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ارجوكم اريد حلاً