عالم الحياة الزوجية - منتدى

حارت بي الأسامي · 05-10-2008, 02:55

أخواني السلام عليكم ورحمة الله
أولاً كل عام وأنتم بخير أعاده الله علينا وعليكم بالخير والمسرّات
بداية أشكر أخواني وأخواتي والقائمين على هذا المنتدى الذي يعتبر منفذ ومفتاح لكل سائل ومحتار في أمره جعل الله ماتقومون به في ميزان حسناتكم
صراحة لدي الكثير والكثير آمل أن أجد أجوبة وتوجيهات تسد حاجتي من الأسئلة
بداية أنا خاطب أسأل الله أن يتمم لنا على خير ومن كان مثلي وأن يوفقنا لما يحبه ويرضاه
( راح أكتب بالعامية أسرع لي )
أولا : وش شعور العروس المخطوبة يعني بالعربي وش شعور خطيبتي الحين ابي بالتفصيل ^_*
ثانياً :أنا ملكتي بعد فترة قريبة و خايف اني أضيع بالحكي لأني بالشوفة الشرعية كنت ناوي اقول كلام بس ضييعت بصراحة وأنقهرت على نفسي المهم أنا بخاطري حكي وأشياء
الموووهم في أشياء بدائية راح تنقال هذا فيه حال أني كسرت حاجز الحيا من ناحيتي بس فيه حال أني تلعثمت راح اتوهق فا خطر ببالي فكرة أني أكتب له رسال و انا خططت وش بقول احسها معبرة جداا
طبعا لايجيني احد يقول انت ماعرفت العروس ولا حبيتها علشان تكتب كلام عن الحب والتغزل لالالالالالالا
انا مافتحت مجال لهالحكي بس عندي كلام وبصراحة احس اني ماراح اكون قادر واقول هذا الكلام لأول مرة اشوف فيها عروستي ^_^
المهم ابي ردود تسعفني

oil1 · 05-10-2008, 03:37

مبروك مقدماً بالنسبة للمواضيع لا تخاف راح تنفتح المواضيع وتكون شيء عادي بالنسبة لكم 0

في البداية اسألها عن دراستها ، ثم عن هواياتها ( اذا اكتشفت احد الهويات التي تحبها خطيبتك انت كنت تمارسها فهذا افضل موضوع تتكلمون فيه كبداية )

واتمنى لك التوفيق 0

حارت بي الأسامي · 05-10-2008, 03:51

oilشاكر لك مرورك بس ياصاحبي انا وضحت اني محتار بالحكي الي عندي لاتقولي انو راح تبدأ السوالف وراح تقول الي عندك لأني أعرف نفسي ماراح اتكلم : (

الزهره الفاتنه · 05-10-2008, 05:51

هههههههههههههههههههههههههههههه لا تخاف يجي الكلام
اسئلها عن حالها اول شي وامدحها بكلام حلو ترا البنات يحبون المدح

شمعه تنطفي · 05-10-2008, 11:50

اول شي الف مبروك وتتربى بعزك (وحده مضيعه )
طبعا تسلم وتسألها عن اخبارها واخبار عمتك وعمك
طبعا هي ترد عليك تروح تسالها انتي الحين وين وش قاعده تسوين انا بالمكان الفلان يتبين شي
طبعا انتو يارجال اول موضوع عن الدراسه وتفرشون لها الارض ورود بعدين العالم الله
المهم طولت عليك صح ؟!! تطلع السوالف

الـقـيـصـر · 05-10-2008, 13:40

تصدق انا مثلك ودي اعرف خطيبتي تفكر في ولا مادرت عن هوا داري

بنت العنوووز · 06-10-2008, 02:24

لا بد الارتباك والتلخبط بالبدايه خخخخخخخخخخخخ بعد اذكر اخوي مره قال لزوجته عمر ي 92 خخخخخخخخخخخ وهو عمره 29 خخخخخخخخخخخخخخخوتدووووكر بقوه وحنا ضحك عادي بس بعدين بالجلسه الثانيه بعد نص ساعه بعد ماتتعود عليه عاااادي الوضع بس لازم بالبدايه حلو الحيااااء مرررررررررررررررررررررره بالعكس يعجبني الرجل اللي زي كذا ماشاء الله عليك والله يوفقكم ياااارب لمايحبه ويرضاااااه قل آمين ويجمعكم بالدنيا والآخره وتعيشون اسعد ناس واحسن ناس آآآآآآآآآآآآمين يارب العالمين.............^_^

حارت بي الأسامي · 06-10-2008, 06:20

أسعد الله صباحك ,, شاكر مروركم اخواني بس بصراحة للحين مالقيت احد يجاوب علي بإجابة واضحه ومقنع شكلكم ماقريتم المحتوى بس الموضوع الي فوق

شرايكم بفكرت الرسالة ؟؟؟؟؟؟؟؟

معليش محتاج احد يشرح لي بليز : (

ليالي2008 · 06-10-2008, 07:31

[SIZE="3"]اول شي...الف مبروك(الله يجمع بينكم بالخير)
بالنسبه لسوالك الاول...من ناحية شعورها واذا كانت هي تفكر فيك اولا...اكيد فرحانه.. وطبعا تفكرفيك واكثر منك بعد بكثير..وماتنساك ولا لحظه...ويكفي انها تقول في بالها انك اخترتني من بين كل البنات..
يعني اذا انت تفكر فيها كل شوي...صدقني انك ماتغيب عن بالها...
وفكرة الرساله بصراحه مرررررررررره عجبتني..لانك راح تطلع فيها اللي ماتقدر تطلعه لها في البدايه...وكمان راح تفرح فيها كثيييييييييييير...
طيب سؤال لك انت اذا ممكن...
انتم يارجال قد ايش تفكرون في البنيه اللي خاطبينها؟؟؟؟

غزيل 2009 · 06-10-2008, 09:33

مبرووووووووووووووووووووووووووووك
وبالنسبه لخطيبتك تاكد انها تفكر فيك
وكلامك يوم الملكله حاول تخليه موزون يعني لاتجيب الاول والتالي قبل لا تدخل خذ نفس عميق وسلم بصوت مسموع وقل ماشاء الله تبارك الله عشان تطمنها وتحس انها معجبتك وتبدا تاخذ راحتها معاك في الكلام والكلام ان شاء الله بيجي معاك شوي شوي بارك لها واسالها عن احوالها ودراستها اذا كانت تدرس وكلمها عن نفسك بهدوء عشان تعطيها مجال تسألك او تعلق وتكلم بشكل مختصر عن خططك للمستقبل يعني لا تخلص كل سوالفك معها خل شي للتليفون
اما بالنسبه للرساله اذا انت شايف ان الكلام اللي فيه مناسب حطها مع الهدايا زوج اختي كتب لها رساله وحطها مع الاغراض وكانت حركه مره حلوة اختي قعدت تقراها كل شوي واللحين معاها ولد وباقي محتفظه فيها
الله يوفقك ويسهل امورك.........امين

بنت أبوي والفخر لي · 06-10-2008, 09:37

اولا الف مبرووووووووووك

والله يجمع بينكم على خييييييييييييير يااااااااااااااارب

اولا لاتتكلم معاها بالكلاااام الحلووو والحب

انطر لين ماتحبها وينطق قلبك

اولا اسالها عن حالها عن هواياتها عن حياتها عن دراستها

تكلم بالسطحيات وبس

لين ماتتعودوا على بعض وبالتوفيق يااااااااارب

كارمن@ · 06-10-2008, 10:59

ههههههههههه
الله يوفقك ومبرووووووووووووك مقدما
تعرف أنا ملكتي صارت قبل شهرين وشيء راح اقولك ايش صار وايش كنت افكر فيه ........
من يوم جاء خطبني ماشفته الا مره وحده تخيل وفي الشوفه هذي ما اتكلمنا ابدا حتى صوته او صوتي ماسمعناه >>>الخجل مقطعني هههههههه
المهم تخيل عدى على فترة الخطوبه شهرين وانا في ذاك الوقت عمري ماسمعت صوته او حتى شفته
كيف يهرج المهم جاء وقت الملكه وماتتخيل كانت قمة مشاعر مختلطه ماكنت انام هو فرح !! هو خوف !!
هو ايش بالضبط ماني عارفه ....
في نفسي اقول كيف راح اقابله واحط يدي بيده وكيف وكيف وووووو؟؟؟
المهم جاء ذاك اليوم اللي هو يوم الشبكه والله العظيم قلبي صار يدق بشكل مو طبيعي شكيت اني راح اموت ماني عارفه ايش مجموعة ىالاحاسيس اللي جاتني في ذاك الوقت ......
اول مادخل الغرفه وربي حسيت ان رجلي مو قاره تشيلني حسيت انه راح يغمى علي !!!!!!!
اكيد مستغرب ليش هذا كله ؟؟؟ تعرف الوحده فينا ماتتخيل قد ايش دا اليوم مهم لها وتعرف رجال غريب
عنها غير ابوها او اخوها اوحتى واحد من محارمها بيشوفها وبكامل زينتها وووااااااووووووو شيء مخيف شوي
كيف اتكلم ايش اقول ؟؟
المهم هو بإسلوبه قدر يخرجني من الحال اللي انا فيه دخل سلم على يدي وجبيني حسيت بشويه راحه
مع خجل قال ماشاء الله لا قوة الا بالله جلس يمدح شكلي شوي
انزفيت وبعدها رجعت الغرفه وجلس يسألني عني واحوالي ومن هالهروج
المهم كلمه ورى كلمه الين ماهم قالو خلااااص هههههههههههه
طولناها رجعت البيت وجلست الين الصبح الا وشوي هو داق علي بصراحه كان يتكلم في بدايه المكالمه
كنت اتكلم برسميه شوي بس هو بصراحه خلاني اخذ راحتي بإسلوبه ولباقته
تعرف انت اتوكل على الله والهروج تجي من وحدها وبسهوله وماراح تحس بنفسك ابد وانت تهرج هههههههههه الين مايقولو لك خلاص فكنا وروح بيتكم ههههههههه قلقتنا يأبني ههههههه
اسفه اني طولت عليك بس حبيت احكيلك حكايتي

فـارقتـ ضَنآي’ · 06-10-2008, 12:00

ههههههههههههههههه
صراحهـ انا ما توقعت انه ممكن الشباب لهالدرجه مثل البنات يشيلون هم ويزملون
امممممممم بس ماقصروا مثل ماقالوا لك
وبالنسبه انك ترسلها رساله حلوه بس انا اقولك البنت تبي كلام غزل ( قلبي عمري روحي احبك ، فديتك ، يالبى قلبك ، ترى والله تحب تسع هالكلام منك مو بس كتابهـ يعني ،
امممم استخدم كل الطرق سواء بالكتابه والكلام وكذا
والله يوفقك ان شاء الله

حارت بي الأسامي · 07-10-2008, 06:38

اقتباس:

المشاركة الأصلية كتبت بواسطة ليالي2008

[SIZE="3"]اول شي...الف مبروك(الله يجمع بينكم بالخير)
بالنسبه لسوالك الاول...من ناحية شعورها واذا كانت هي تفكر فيك اولا...اكيد فرحانه.. وطبعا تفكرفيك واكثر منك بعد بكثير..وماتنساك ولا لحظه...ويكفي انها تقول في بالها انك اخترتني من بين كل البنات..
يعني اذا انت تفكر فيها كل شوي...صدقني انك ماتغيب عن بالها...
وفكرة الرساله بصراحه مرررررررررره عجبتني..لانك راح تطلع فيها اللي ماتقدر تطلعه لها في البدايه...وكمان راح تفرح فيها كثيييييييييييير...
طيب سؤال لك انت اذا ممكن...
انتم يارجال قد ايش تفكرون في البنيه اللي خاطبينها؟؟؟؟

مرحبا اخت ليالي شاكر لك مرورك ,, انتي اول وحده كان جوابك شافي والله يجزاك خير

بالنسبة لسؤالك ممممممم انا عن نفسي صراحة

مافارقت خيالي

بالتوفيق اختي

حارت بي الأسامي · 07-10-2008, 06:42

اقتباس:

المشاركة الأصلية كتبت بواسطة غزيل 2009

مبرووووووووووووووووووووووووووووك
وبالنسبه لخطيبتك تاكد انها تفكر فيك
وكلامك يوم الملكله حاول تخليه موزون يعني لاتجيب الاول والتالي قبل لا تدخل خذ نفس عميق وسلم بصوت مسموع وقل ماشاء الله تبارك الله عشان تطمنها وتحس انها معجبتك وتبدا تاخذ راحتها معاك في الكلام والكلام ان شاء الله بيجي معاك شوي شوي بارك لها واسالها عن احوالها ودراستها اذا كانت تدرس وكلمها عن نفسك بهدوء عشان تعطيها مجال تسألك او تعلق وتكلم بشكل مختصر عن خططك للمستقبل يعني لا تخلص كل سوالفك معها خل شي للتليفون
اما بالنسبه للرساله اذا انت شايف ان الكلام اللي فيه مناسب حطها مع الهدايا زوج اختي كتب لها رساله وحطها مع الاغراض وكانت حركه مره حلوة اختي قعدت تقراها كل شوي واللحين معاها ولد وباقي محتفظه فيها
الله يوفقك ويسهل امورك.........امين

اختي غزيل نورتي صفحتي وملاحظاتك في محلها عسى الله يلهمني وقتها واتمالك اعصابي واسوي الي تقولين لي عنه ..
بالنسبة للرسال انا مدري بس اتوقع راح يكون لها صدى جميل انا ماراح اتغزل واكتب كلام عن الحب لأن ماجا وقته بس فيه اشياء بخاطري ودي اقولها واتوقع وقتها اني ماراح اقولها بس مدري يمكن لو صرنا لحالنا يروح بعض الحيا مني لأني المره الاولى كان فيه اخو خطيبتي فا يمكن كان له دور بتتنيحتي : )

شكرا على موروك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ملكتي بعد كم يوم و محتار مدري وش أقول أبي أراءكم