عالم الحياة الزوجية - منتدى

غزيل 2009 · 06-10-2008, 10:41

[size="5"]السلام عليكم ورحمة الله
حبيت اعرف ارائكم في موضوعي
انا عمري 22 وخطيبي عمره 32 مخوفتي مسالة الفارق اللي بيننا خصوصا اني قد سمعت ان الرجال اذا تاخر لسن الثلاثين اما انه يكون عنده مرض عضوي او يكون صاحب علاقات وخرابيط وانا بديت اشك في خطيبي لانه بالفعل ماعنده سبب يمنعه من الزواج لانه موظف ووحيد امه وابوه على اربع بنات وحالتهم الماديه زينه

الشك بدا يلعب فيني لعب وبالفعل احسه غريب مايرسل لي رسايل حب زي اللي تكون بين المخطوبين وهداياه رسميه مافيها حركات دلع وحب حتى مايكتب عليها كرت اهداء وما عنده غير سالفة تحديد وقت العرس احسه جدي مره وكبير عليه اخاف بكره مايكون بيننا تفاهم وحب ...الموضوع مرره شاغلني لاني احيانا اسمع كلام يقهررمن الناس يقولون كبير عليك مررره والرجال اذا كان كبير ما عنده دلع وخرابيط وبالفعل هذا اللي اشوفه من خطيبي
السؤال اللي اتمني تجاوبوني عليه
ايش السبب اللي يخلي الرجال يتاخر لسن الثلاثين خصوصا اذا ما كان عنده مانع مادي...؟؟ وايش تفسرون حالة خطيبي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تكفووووووووووووون جاوبوني لو بكلمه وادعو لي ان الله يزيني في عين زوجي ويزينه في عيني ويألف بين قلوبنا وارواحنا امييييييييييييين يارب /size]

بنت أبوي والفخر لي · 06-10-2008, 10:48

اقووول انتي ماعندك سالفه والله

الرجال مايعيبه شئ

لاوالمواصفات هذي بعد ماهي عاجبتك

اول شئ عمره والله نااااااااااااااااااااااااااااااااااااااااااااااااا ااايس

وثانيا الرومانسيات بعد الزواج

وامكن من عمره شخصيته كذا

وبعدين لاتشكين بالرجال

حرام عليكي والله

وبالعكس هذا السن سن الاستقرار والموده والرحمه ورجاحه العقل وهذا المطلوب

وبطلي دلع

احمد ربك جاب لك هدايا هههههههههههههههههههههههههههههه

يعني ماشاء الله يعرف شوي الرومانسيه

وامكن يكوون غلبااااان مايعرف الرومانسيه وعليكي انتي تعلمينه اياه ياشاطره

وبالتوفيق ياااقمر

واستخيري يالغلااا اولا واخيرا

غزيل 2009 · 06-10-2008, 10:56

مشكوووووووره على الرد السريع بس والله مو دلع انا بس ابغا افهم ليش تاخر في الزواج لان اللي في عمره عندهم اولاد ابغا اطمن لاني اسمع كلام وتلميحات عن انه ليش تاخر يقولون اش كان عنده ماتزوج؟؟ فهمتيني

بنت أبوي والفخر لي · 06-10-2008, 11:16

ياشيخه انا لو منك اقص لسانهم وماأسمح احد يتكلم عليه

وبعدين امكن ماكان يبغى يتزوج يبغى يحس بالمسؤليه

امكن كان يدوروله عروووسه وماناسبتهم الا انتي يااحلوووه

انا اخواتي تزوجوا عرسان بالثلاااثين واكثر وكانو ا يبون يحسون بالمسؤليه

ويبنون نفسهم بنفسهم

تبين الصراحه احسن ماتاخذين واحد صغيييييييير ماخذ الدنيا لعب وعدم مسؤليه

احمد ربك واستخيري

والله يكتبلك الخيير يااارب

الـقـيـصـر · 06-10-2008, 15:20

يعني لازم تدورين عله في الرجال
انا كل اللي اعرفهم تزوجوا بسن ال30 اعرف انهم يبغون الاستقرار المادي مايبغى يتزوجون وهم عليهم اقساط وديون
وانتي بنفسك تقولين حالته الماديه جيده يعني الرجال لما شاف انه كون نفسه مظبوط
قال مابقالي الا الزواج
واذا على الدلع ترى الانثى هي اللي تحرك زوجها وتخليه عليه حنون ورومانسي
يعني بعد الزواج اشتغليه حب ورومانسيه وصدقيني راح تشوفين انه يحبكي ويموت فيكي
وشيلي من راسك انه من اول عنده خرابيط لانه كان اللي يقوله مع البنات كان قاله معك
الله يسعدكي ويسخره لكي ويجمع بينكم بخير
ياليت اكون اني افدتك بشي

((منال)) · 06-10-2008, 15:51

اقووول اقضبي ارضك واهتمي فيه لايطير
وبعدين عمره رااااااااائع جدا احسه عمر الزواج عند الرجال احسن مايجيك واحد عمره 25 او26 بزر موداري عن شئ وبسرعه يمل ومايفهم المسؤليه

واذاكان حق علاقات وسوابق وش يعني؟؟؟ يتزوج ويعقل!!!!

انا عندي ولد اخوي عمره 14 ويبقق عيونه هاااااااذا كبرهن عالبنات عااااااااادي يكبر ويعقل.....

هذول الحريم يارب نعرس ولاجاهم العريس يدورون على العله والعيب دوااااااره

دكتور فيصل · 06-10-2008, 15:58

هناك فئة من البنات تفضل الزوج الثلاثيني لأنه يكون بعيد عن حياة المراهقة
وكذلك يكون نضج عقليا ويقدم على زواجه وهو مقتنع جداً
بنظري انه عمر مناسب للزواج بهذا السن والاقتران به
وهناك اناس اعمارهم في الثلاثينات ولو يتزوجوا بدون ان يكون
هناك سبب مقنع ولربما انتظروا لتكوين النفس فقط
انا اتكلم عن مناسبة العمر وإلا اخلاق الرجل وغيرها من الاساسيات
يجب ان يكون السؤال عنها قبل الخطبة

a.and.a · 06-10-2008, 16:30

انتي ليش ماسألتي نفسك

ليش انتي تأخرتي في الزواج

برضه اللي بعمرك عندهم ابناء وبنات

الشغله
قسمه ونصيب

قد تكون باسباب وقد تكون بدون اسباب

وحتى الاسباب قد تكون تافهه وقد لاتكون

المهم الان انه يبغى يتزوج

وهذا هو المهم

روآآبي · 07-10-2008, 00:09

يااختي عمره مناسب للزواج
يمكن كان مقتنع بان الزواج للرجل يكون بعد مايتعدى العقد العشرين
ويمكن عنده ظروف اخرى منعته عن الزواج
اذا كان رجل مقتدر وطيب ومواصفاته جيدة فقولي الحمدلله ولاتدورين وراء عيوبه
الله يوفقك

بدوي يعشق بجنون · 07-10-2008, 03:03

ينصر دينك يابنت أبوها والفخر لها

عظمه على عظمه ياست

بنت العنوووز · 07-10-2008, 03:07

تش صدق ماعندك سالفه يالهدر ه خخخخخخخخخخ امزح انا خطبنولد عمي عمره ثلاثين وانا عمر ي 16 خخخخخخخخخخخخخخخخخخخخخخخ بس وش دخل العمر عادي << بس ترى عمري الحين 18 كبرت خخخخخخخخخخخخ ايه بس اقصد يعني العمر ماله دخل ايزي واللي يهرج برجلك قولي احسن عشان اصير صغنونه واموره عنده وهداياه اكيد رسميه تلقينه يعني ياويلي مايعرف الحب والخرابيط مايدري وش يكتب تدرين وش الفكره الزينه اللي تخلينه يتعلم يحبك والدل وكذا انتي خلك دلووووووووووووووعه مره تدلعي عليه بينهل يخق بالعربي ويبدى يحن عليك بقوههههههههه بالعكس الرجل اهم شي دينه واخلاقه واسالي خواته عنه ماراح يقصرون وقولي لاخته مثلا اقرب خواته له قوليله سلميلي عليه باركيله بالعيد شي انتي عطيه هديه حطي فيها كرت واكتبي عليه بيقول اكيد تحبن يبدى يخلي نفسه مو رسمي ويعرف الحب منك وينجن عليك وينسى العالم اذا جاء طاريك بالعكساحمدي ربك انه مايعرف احب انتي اللي تفتحين عيونه للحب تصيري الحبيب الاولي احلى اديلووووو خخخخخخخخ اختك منى ^_^

%الوسمي% · 07-10-2008, 03:12

الشغله
قسمه ونصيب

roro.k.s.a · 07-10-2008, 03:24

لا تكبرين السالفه وبالهكس انا افضل زاحد اكبر مني ب10 سنوات لان الكبير يدلع
بس انتى صبري عليه شوي بعد الزواج بتشوفين
وبعدين يمكن من ضروف الشغل او شي اخر
زواجه او يمكن يدور على وحده تناسبه ولقى كل المواصفات فيك

الله يوفقك ان شاءالله ويسعدك

غزيل 2009 · 07-10-2008, 07:48

مشكووووووووووورين على الردود والله يسعد كل واحد رد او مر ودعي لي لاني بالفعل بديت اطمن واشوف ان الموضوع مو بالصورة اللي شفتها بس برضه الوحده تقعد قلقانه وخايفه من الشخص اللي ترتبط فيه وخصوصا ان خطيبي غامض شوي حتى بالتلفون كلامه معي تقربيا كلمه ورد غطاها وعشان كذا نفسي افهم من الشباب اللي في سنه وماتزوجوا اش الاسباب اللي ممكن تاخرهم وياليت اللي يعرف حالات زي كذا ويعرف الاسباب يفهمني عشان اكون على نور ولاني مبغي اساله اخاف احرجه او مايبغي يجاوب ........ودمتم لي ناصحين

زرقاء اليامامة · 07-10-2008, 08:07

اخت غزيل اولا مبروك عليك والله يوفقك ثانيا ابقولك ان رضا الناس غايه لا تدرك عندك زوجي يكبرني 15 سنه كنت اتعرض لنفس التسااااؤلات لكن العبره فيما بعد الزواج الحمد لله رجل قد المسئوليه وبكامل نضجه وبالنسبه للرومانسيه عليكي انتي وطولي بالك اذا كان هناك تفاهم بينكم وحب الرومانسيه تجي من حالها وبعدين لاتظلمين الرجال يمكن يكون غير اللي تهوجسين به خاصة ان عنده خوات وتمنياتي لك بالسعاده الرومانسيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطيبي الثلاثيني