عالم الحياة الزوجية - منتدى

sultantwo · 10-10-2008, 12:08

السلام عليكم

وكل عام وانتم بخير

خطيبتي مصرة إنها ماشافتني

الموضوع انا الان في فترة الخطوبة وبينا انا وخطيبتي رسائل على خفيف وسئلتها ما شفتيني ؟ ومصرة على إنها ماشافتني مع اني شبة متأكد انها شافتني و جاتها اكثر من ثلاث فرص وتقدر تشوفني فيها 100% ومتأكد انها ماضيعتهم وفي مرة ارسلت مع رحيمهم صورة لي وردو الصورة وقالو نأخذها قبل الزواج وبعدين رحيمهم رد لي الصورة وقال ماحد شاف الصورة شي غريب والله .

مع العلم اني ماعمري شفتها واتوقع ممكن هم خايفين اني اقول ابشوف البنت !!!!!!!!!!!!!!!

تصدقو ابوها رافض شي اسمة نظرة شرعية واكتفينا بس ان اهلي شافوها .

ولد الخوالد · 10-10-2008, 12:23

اخوي ما تدري ، يمكن مستحية خطيبتك أو خايفة تقول أبي اشوفك ،

عمومًا الله يهدي ابوها ، كيف يرفض حق من حقوق الخاطب ، فالنظرة الشرعية أدعى للمودة بين الخطيبين ....

الله يهدينا واياه إلى ما فيه الصواب

عسل بوظبي · 10-10-2008, 12:26

وعليكم السلام ورحمة الله وبركاته

مبرووك اخوي والله ايوفقك ان شاء الله ,

امممممم غريبه والله ؟؟ طيب ممكن هيه مستحيه اتقولك او شي !

لانه مافيها شي لو شافتك .. ومن حقك ومن حقها !!

طيب ليش خايفين ؟؟ هذا شرع الله ومن حقكم انتوا الثنينه

فقد روى مسلم في صحيحه عَنْ أَبِي هُرَيْرَةَ – رضي الله عنه - قَالَ : كُنْتُ عِنْدَ النَّبِيِّ صَلَّى اللَّه عَلَيْهِ وَسَلَّمَ ، فَأَتَاهُ رَجُلٌ فَأَخْبَرَهُ أَنَّهُ تَزَوَّجَ امْرَأَةً مِنَ الْأَنْصَارِ ، فَقَالَ لَهُ رَسُولُ اللَّهِ صَلَّى اللَّه عَلَيْهِ وَسَلَّمَ : ( أَنَظَرْتَ إِلَيْهَا ، قَالَ : لَا قَالَ ، فَاذْهَبْ فَانْظُرْ إِلَيْهَا فَإِنَّ فِي أَعْيُنِ الْأَنْصَارِ شَيْئًا )

لانه ممكن تتآلف القلوب عند النظره .. وهذا هدف من اهداف الرؤيه الشرعيه ..

ولحل المشكله .. ممكن انك اتكلم شخص واعي وعاقل وكبير في السن من اهلك .. اتخليه يفاتحهم في الموضوع ويبين اهمية هالشي في ايامنا الحاليه

الله ايوفقك .. .

الـقـيـصـر · 10-10-2008, 14:47

اقتباس:

المشاركة الأصلية كتبت بواسطة sultantwo

السلام عليكم
وكل عام وانتم بخير
خطيبتي مصرة إنها ماشافتني
الموضوع انا الان في فترة الخطوبة وبينا انا وخطيبتي رسائل على خفيف وسئلتها ما شفتيني ؟ ومصرة على إنها ماشافتني مع اني شبة متأكد انها شافتني و جاتها اكثر من ثلاث فرص وتقدر تشوفني فيها 100% ومتأكد انها ماضيعتهم وفي مرة ارسلت مع رحيمهم صورة لي وردو الصورة وقالو نأخذها قبل الزواج وبعدين رحيمهم رد لي الصورة وقال ماحد شاف الصورة شي غريب والله .
مع العلم اني ماعمري شفتها واتوقع ممكن هم خايفين اني اقول ابشوف البنت !!!!!!!!!!!!!!!
تصدقو ابوها رافض شي اسمة نظرة شرعية واكتفينا بس ان اهلي شافوها .

اول شي الله يوفقك ويكتبلك اللي فيه الخير يارب
بصراحه انا مافهمت ويش تبغى بالضبط
يعني تبغا تشوفها وهم رافضين
طيب اهلك تقول انهم شافوها اكيد اهلك ماهم غاشينك
بيختارولك البنت الدينه والخلوقه والحلوه بس احنا يالشباب كذا لازم نعقد الامور زياده عن اللزوم
وانا اتوقع زي ماقلت لما رجعوا الصوره خايفين انك تطلب تشوفها ماهو من شي بس
بعض الناس هذي عوايدهم

حبيبـــ(m)ــة · 10-10-2008, 16:02

وي وي وي في الين دحين ناس مايشوفو بعض
لازم هالشي كيف تحصل الألفه والموده
وكيف راح تعرف انها تناسبك او لا !!
ممكن ذوقك غير ذوق أهلك !! يمكن الحلو بعيونهم وحش في عينك والعكس !!

بس الله يحليها في عينك ويصبرك

sultantwo · 11-10-2008, 01:01

الف شكر لكم اخواني
وجزاكم الله الف خير وجعلة في موازين حسناتكم .
بصراحة انا مستحي اكلمهم واذا كلمت الوالدة تقول لي البنت مافيها شي والخطبة لها سنة وموعد الزواج ماتحدد لكن تقريباً إن شاء الله قبل عيد الحج ولما رحيمهم رجع لي صورتي قال لي إني ماشفت حرمتي ولا شافتني الا وقت الزواج زي اللي يقول ماراح تشوفها الا وقت الزواج وحتى ملكة مايبغو يسوو على طول يبغون الزواج.
وخايف لو اوصل لهم هذا الكلام يقولون هذا يبغى يسوي مشاكل وبعدين ممكن يقولون الحين جاي بعد سنة تقول تبغى تشوفها والله مشكلة واعتقد انهم خايفين اشوف البنت وابطل لان عمرها 26 وانا 26 ودائماً رحيمهم لما اقابلة يقلي البنت صغيرة وتربيها على يدك وعمرها 23 او 22 يكذب علي ونا عارف إن عمرها 26 .

sultantwo · 11-10-2008, 01:16

وبصراحة انا ماني مقتنع بالرسائل هذي وخايف اقولها وتنجرح وتزعل كيف بالله عليكم مافي طريقة معينة اوقف فيها هذي الرسائل مع اني كلمت رحيمهم ومافي فايدة .

بْقَاٌيَاٌ҉ذِكْرَيَاٌتِ · 11-10-2008, 07:25

معقووله في ناس تمنع الشوفه للحين ؟؟ هذا حقك الشرعي انك تطلب تشوفها قبل الزواج ؟؟

بعدين اذا كنت خاطبها رسمي فهي خلاااص صارت زوجتك اش الي يمنع انك تشوفها؟؟

حاجه غريبه الله يعينك بس 000 الف مبرووووك مقدماااا والله يوفقك ويسعدك معهاااا

بنت أبوي والفخر لي · 11-10-2008, 10:02

طيب ماشافتك وين المشكله

امكن ماتبى تشوووفك

مثل ماسويت انت وخلاااص

يعني لو مثلن قلت لها انا ماشفتك لو شفتك كان رفضتك عشان هي بعد تسكتك ههههههههههههههه

اخوي مافي مشكله انت مكبرها وبس

وصح من حقك

وشوووف كلم احد من اقاربها وخليه يكلم ابوها

وان شاء الله خييييييير

ولد الخوالد · 11-10-2008, 16:14

النظرة الشرعية انا في رايي مهمة جدًا

لأنه رأينا العديد ممن تزوجوا راحوا يقولون ندمنا لان زوجتنا بها كذا وكذا

صحيح ان الاخلاق والدين هم الاهم

لكن لا ننسى حديث النبي صلى الله عليه وسلم، فَاذْهَبْ فَانْظُرْ إِلَيْهَا فَإِنَّ فِي أَعْيُنِ الْأَنْصَارِ شَيْئًا ، والا لقال احمد ربك اخلاق ودين وش تبي اكثر ؟!!!

والسلام عليكم

حوريه*** · 11-10-2008, 16:25

ياااااااااااااااحليلك
الله يصبر قلبك
قهررررررررررررر والله
هالناس اللي تسوي كذا تقهررر
برغم انه حلال وشيئ حلوو
لكن تخلف من بعض الاهالي
مافي حل الا تجيهم للبيت وتدرعم الين ما تشوفها وتطلع
والله حاله ذي

رموش نمله · 11-10-2008, 17:07

طيب ممكن تتفق مع أخوها كبير يمكن يقدر يساعدك بحيث يجيب اخته في بيته ونت تجي في بيته تشوفها بدون علم أبوها
بس انت تملكت عليها يعني من صعب تقول بشوفها
يعني خوفااا من الاحراج يعني يخافون تشوفها وطلقها اذا ماعجبتك

أنشاء الله فهمتني

المزعجه · 11-10-2008, 17:26

كلمتها ماشافتك وراها سبب

ويمكن احدها ماتبيك تشوفها !!

واللي يخليها تسوي كذا

اتوقع انها مستحيه أو عاداتها تمنع تخليك تشوفها واذا قالت شفتك بتقول يابنت اعدلي وريني صورتك وماتبي تفتح للصوره مجال

وياأخي خلها على راحتها الحياة مو صورة وبس في اشياء اسمى من ذا الاموور كبر عقلك

موفق

روآآبي · 11-10-2008, 18:06

طيب الحل سهل جدا
اتفق مع والدتك تعمل عزيمة في بيتكم وتكون هي من المعازيم طبعا
وخلي اخواتك او الوالدة تدبر لك حركة او موقف معين تشوف البنت بدون هي ماتدري
اسهل عليك ولافيه احراج على اي من الاطراف

خجل الأنثى تاج · 11-10-2008, 19:47

عاد والله ياخوفي في الأخير أنك تبني الآمال على خطيبتك ووصف أهلك لها اللي طبعا مستحيل يغشونك ..

بس عاد المشكله في أهلها اذا حطوك جدام الأمر الواقع وتفاجأت أنت والأهل انها وحده ثانيه .. مثل ما صاب واحد من الأعضاء ..

الله يستر ويكمل فرحتك .. بس عاد ما اظن فيه مانع إنهك تشوفها .. قدام أهلها .. غريييييييييييييبه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطيبتي مصرة إنها ماشافتني !!!