عالم الحياة الزوجية - منتدى

زوجه مجروووحه · 13-10-2008, 19:50

السلام عليكم من جديد ..
مساء وصباح الخير .. في البدايه اللي ماقرا موضوعي الاول اللي هي بداية قصتي
على هذا الرابط
مالقيت لقصتي موضوع تعبت وابي الحل ؟؟
اخواني واخواتي انا لمن كتب قصتي لاول مره وانا كنت في المستفى ع السرير الابيض قدر الله وصار علي حادث من قوته
صحيت وانا برا السياره والباقين في السياره ومن ضمنهم بنتي كنا رايحين للمطار ومعاي اخت زوجي واخوه الصغير بس
ماكان زوجي معنا قدر الله وانكسر معاي الحوض الايسر مع شوية رضوض ووجهي جروح كبيره وبنتي كسر في اليد والحمد لله ع كل حال لمن
درا زوجي ماسال عني بعد ماتطمن ع اخوه واخته اخر شي اتذكرني ماحسسني ابدا انه متاثر من اللي صار لي واللي
صار لبنته او حسسني بخوفه علينا نهائيا ولا كانه صار لنا شي ..
جلست في المستشفى تقريبا 3 اشهر ماتحرك يمين ولا يسار بس ع ظهري وعشت اشهر مايعلم فيها الا الله تعبت
نفسيا وجسديا وكنت لمن اتشكى لزوجي كان يقول لي انا مو ناقص وصار مايرد ع مكالماتي ولا ع المسجات كنت اتمنى
يوقف معاي بالقول والفعل انا مانكر انه كان هو اللي يحممني لاني رافضه يحمموني الممرضات وماقصر من هالناحيه
والله يجزاه الخير .. بس كنت اتمنى حتى بالكلام يواسيني تعرفون المريض بحاجه لاحد يوقف معاه اهلي ماقصرو اختي
تركت زوجها وعيالها ورافقت عندي شهر كامل وبعدها اختي الثايه وهي عروس رافقت عندي 3 اسابيع بس مهما كان
مافي احد يغني عن احد .. الاهل غير والزوج غير..كان يزورني شبه يومي بس والله ااذا جا مايسولف معي ولايحسسني
بوجوده اخر شي تمنيته انه مايزورني .. ونفسيتي مره تعبانه وكرهت نفسي وزياده ع هذا كله صارت بنتي ماتحبني تخاف
مني بسبب الجرروح اللي في وجهي بعد الحادث بـ شهرين زارني زوجي وكان قايل قبلها بليله انه مسافر للرياض بيودي سيارته للوكاله طلع من عندي وكان
يوم اربعاء وقال لي انه راجع يوم الجمعه المهم لمن وصل اتصل علي وقال انا وصلت والحين في المطار مسافر تسمحين لي اسافر قلت له لا والله الحين مجهز
شنطتك وحاجز ومرتب امورك ووصلت للمطار وجاي تقول لي تسمحين لي اسافر روح الله يسهل عليك .. طبعا سافر خارج المملكه يتمشى ويغير جو
جلس تقريبا 3 اسابيع وانقهرت من حركته هذي انه اول شي سافر بدون مايعطيني خبر وثاني شي تركني وانا بحاجه له وانا بهالظروف .. بعدها بكم اسبوع
جاني الدكتور وقال لي احتمال اطلعك يوم السبت انبسطت طبعا مراح اطلع وانا امشي بس اهم شي اطلع برا المستشفى مليت منها جا يوم الاربعاء نزلوني للعمليات علشان يطلعون الحديده اللي مدخلينها تحت الركبه كانت
لشد المفصل بثقالات حديد وزنها 10 كيلو تخيلو وطول فترة المستشفى وانا احس زي النار برجلي لكن الحمد لله ع كل حال ومايبتلى الا المؤمن.. بعدها سوالي الدكتور تمرين علشان تنثني الركبه لانها ممدوه 3 اشهر
ماتنثني وسوالي تمرين علشان اجلس لان من زمان ماجلست المهم جا يوم السبت وقرر الدكتور اني خلاص اقدر اطلع من المستشفى بفترتها زوجي ما رجع وكتبت خاطره بقولها لكم ..
مشاعر مختلطه بين الحزن والفرح معا ،تمنيت أن أفرح بإطلاق سراح قدمي وبتحريكها لكن حزني غيم على فرحي
وبدأت الأسئله تدور حولي إلى أن أحسست بالدوار والرغبة بالراحه لكن التفكير يعاودني بين الحين والآخر ولم يدع للراحة نصيب
إلى أن توقفت عند هذا السؤال بالذات!!
لماذا زوجي تخلى عني وعن إبنته في محنتنا هذه..؟؟
تركني على السريرالأبيض وإبنتي بجانبي وقد أحاطت الجبيرة بساعدها
هل أرتكبت ذنبا إتجاه حتى يجازيني بهذا الجزاء؟
بل المصيبة العظمى أنه أرتكب ذنبا آخرا بجانب سفره الآ وهو عدم مبالاته لأخذ رائي
زوجي العزيز:
إسأل نفسك هل أستحق كل هذا؟هل تضحياتي تجاه حبك تستحق ذلك؟
لن يصل فعلك هذا بإذن الله إلى الفراق بل تأكد أنه محسوب في درجات حبي لك.
فلتراجع نفسك ولتفكر بعقلانية قبل الإقدام على أمر ما
وأذكرك بقول سيدالبشريةعليه الصلاةوالسلام(رفقا بالنساء)
زوجتك:
وارسلت المسج ع جواله والله مارد ع المسج ولاكاني ارسلت له شي .. وطلعت من المستشفى ع بيت اهلي ع طول وانا للحين مابعد مشيت بس اللهم بديت اثني الركبه شوي بس ومع الايام الحمدلله بديت اثنيها وامشي ع العكاز بس بدون ما اركي رجلي وانزلها الارض ..بعد ماطلعت من المستشفى تقريبا بـ 8 _9 ايام رجع زوجي من السفر كانت عندي جلسات علاج طبيعي في المستشفى وكان زوجي هو اللي يوديني ومره من المرات كنا راجعين من المستشفى وكان بوابة اللي تدخل فيها السياره مفتوح وكان شايلني لاني مابعد مشيت بس شلت النقاب ومعطيه الباب ظهري يعني اللي يتعدا مراح يشوفني قال لي اتغطي قلت مين بيشوف الشارع فاضي والدنيا ظهر قال ايه صح اش يبون بوحده معاقه مثلك والله يشهد علي حتى كان اخوي الاصغر مني بسنه واقف عندنا ع باله ينكت انا سكتت بس كلمته زي الخنجر طعنتني ودخلت البيت ابكي ابكي من القهر ليش يعاملني كذا راحت الايام وبديت الحمدلله امشي بدون العكاز بس ماكنت امشي طبيعي اعرج قال لي زوجي متى ان شاء الله بتجين للبيت قلت اشلون طبعا انا شقتي درج طويل ماقدر اطلع درج قال مو مشكله نحط لك غرفه تحت عند اهلي الين ماتبدين ان شاء الله تمشين زين قلت طيب مو مشكله وكرر السؤال وقال متى قلت بخليها مفاجأه قال انا يمكن اسافر الرياض بعد اسبوع قلت له اذا رجعت من الرياض راح ارجع للبيت باذن الله المهم وعدت الايام وكل ما اساله متى صرت بتسافر للرياض كان يقول مدري للحين واتفاجا من بكرا الاقيه مرسل مسج الصباح الساعه 9 انا بالرياض ورديت عليه بمسج متى رحت ومتى راح ترجع اتاخر مارد علي اتصلت مارد في الليل رد بمسج وقال البارح سافرت ومدري متى برجع من بكرا اتصل عليه 3 مرات مره الظهر والثانيه المغرب والثالثه في الليل وماكان يرد ارسلت له مسج بفترتها كانت بنتي مريضه وكان يعرف بهالشي ماكلف نفسه لو بمسج يسال عنها ارسلت له اقل شي اسال عن بنتك وانت تدري انها تعبانه رد علي بمسج يقول وانتي ليش ماكلفتي نفسك تتصلين وريت عليه اقل شي انا ماطنشت اتصلت وارسلت مسجات مارديت علي المهم من بكرا الظهر بنتي بتكلمه اتصلت عليه وعطيته البنت كلمها وقال وين ماما كلمته والله العظيم ماقال لاسلام عليكم ولا اخبارك واخبارك رجلك ع طول قال وينك قلت له بالبيت ويني ياحسره قال اي بيت قلت بيت اهلي قال مارحتي لبيتنا قلت له اروح وانت مو موجود قال اشفيها اش المشكله قلت له لا اذا رجعت انت ان شاء الله انا بجي قال لاااااااااااه وقفل الخط في جهي .... كان يبيني اروح للبيت وفيه اخوانه 2 شباب وهو مو موجود المهم من بكرا وصيته يجيب لي غرض من الرياض بمسج ولا رد علي بعها من بكرا ارسلت له متى بترجع مشتاقه لك مره قهرني ولا رد وطنش كالعاده ارسلت له خلاص مو لازم لاترد.. من بكرا ارسل لي مسج يقول اولا انا جاي من يوم الاربعاء ورد علي الاحد انتم لاحظو كم يوم له راجع ولا قال لي .. ثانيا انا زعلان عليك ليش مارجعتي للبيت انا مارديت ع المسج قلت يالله بسويها له مفاجا ه وبروح للبيت يوم الخميس لان عندي له مفاجاه اني حامل بس ماكنت متاكده من الحمل وكنت فرحانه وابي افرحه وجهزت اغراضي وشنطتي خلاص بروح افاجا ه جا يوم الاربعاء العصر اللي هو من بكرا انا بروح عنده رن الجرس ولا هذا مين عامل من عماله تخيلو فاجاني قبل مفاجاتي له .. تخيلو مرسل لي مع العامل عفشي كله اللي في البيت ماخلى شي كل شي ارسله صدمني وانا ماسويت له شي ولا اذنبت بشي ولا اغلطت عليه مقهوره لاني ماقصرت بسي معاه موفره له كل شي مريحته بالفراش الى لبس الى نظافه لطبخ لتعاملي مع اهله
سكتت ومااتصلت عليه ولا ارسلت له مسج والكلام هذا كله كان في بداية شعبان دخل رمضان وانا ماكلمه ولا يكلمني حتى بالمسجات كنت اتحرى انه يعتذر يقول شي ولا كانه سوا شي كنت ارسل بنتي لهم علشان تشفوف ابوها واهلها واحيانا ارسلها لهم بدون مايطلبونها كانو اهلي مره مقهورين من حركته هذي قلت لاهلي لاتتصلون عليه ولاتسالونه ليش سوا كذا لاني عارفه ليش سوا كذا قالو ليش قلت يبيني ارجع للبيت وهو مو موجود واخوانه شباب 2 جالسين في البيت انقهرو بزياده وفي اول رمضان رحت للدكتوره واتاكدت اني حامل وقلت له عن ادثي وسالتها اذا الحمل فيه تاثير علي قالت لا بس راح تكون الولاه قيصري ولازم بعها تجلسين ثلاث سنين ماتحملين وتعرفون بداية الحمل تعب وخمول ونفسيتي تعبانه بسبب اللي صار واتاثرت اكثر لمن اتاكدت اني حامل وماكان عنده خبر بهالشي في نص رمضان درا عن حملي ولاهمه اصلا بـ 19 رمضان ارسل مسج كله تهديد بتهديد ماعتذر ولاكانه اغلط بحقي كانه انا المذنبه قلت يالله بسايسه وقلت له ابشر باللي تبيه ومن هالكلام بس سبحان الله والله مو مرتاحه حاسه انه بيسوي فيني شي قلت لاختي الكبيره انا مو مرتاحه بس والله علشان بنتي وعلشان اللي جاي في الطريق راح اتحمل واصبر يمكن اللي في الطريق جاي يكون وجهه خير وكنت ادعي واستخير واقول يارب اذا رجعتي للبيت فيها خير لي يارب تسهلها واذا فيه شر لي ابعده عني تخيلو حتى وانا في عز نومي اتنبه وادعي...والله حتى ماسالني عن حملي ووضعه او بارك لي ..
قلت لاختي بخلي اخوي الكبير واعتبره ابوي يكلمه يوصيه علي اشرايك؟؟ شجعتني وقالت حلو علشان يعرف ان وراك رجال لانه تمادى المهم كلمه اخوي وانا عندي والله العضيم عليه اسلوب اخوي الله يحفظه انا لو بمكان زوجي كان جيت حبيت ع راسه قال له اخوي بعد السلام والسؤال عن الحال ..انا مابيك تحترمني ولا تحترم اخواني ابيك تحترم اختي وتقدرها واذا هي مقصره معك قول انا اربيها لك انت لك حقوق وانا متزوج واعرف انا مارضاها على نفسي زوجتي تقصر بحقوقي ومارضاها عليك ياولد العم طبعا مالقى شي يقوله قال انا اصلا مافكرت ارجعها الا علشان الشايب يقصد ابوه ولا انا طاب خاطري منها 4 سنين تخيلو بالله هذا رد؟؟ ماحترم حتى اخوي من القهر اخوي قال له انت مو رجال وقفل الخط في وجهه بعدها ع طول جا لاخوي مسج ع طول قلت لاخوي هذاا اكيد هو وفعلا طلع هو كاتب ((فلانه طالق
ياجماعه ماتتخيلون اش كثر ارتحت ولا اتاثرت لانه اناني وكذاب ومصلحجي ومايهمه الا نفسسه وبس قلت لاخوي كلم عمي اللي هو ابوه وقول له كل شي لان عارفه زوجي يقولك كلام انت ماقلته وكلهم ايدوني لانهم عارفينه .. اجل لو يدرون اشلون كان يعاملني او بخيانته لي راح ينقهرون اكثر والله الكل منقهر حتى قرايبنا المهم كلم ابوه وقال هذا بزر ..تخيلو بعدها بيومين سافرت لجده عند اخوي علشان اغير جو من بعد الحادث واللي صار كله وباليوم اللي بسافر فيه اتصلت اخته ع الثابت تطلبني قالولها نايمه قالت بنجي ناخذ البنت المهم وعلى طلعتي بركب السياره في طريقنا للمطار جا عم بنتي الصغير ياخذها قالو سافرت يالله لو تعرفون اش سوو قومو الدنيا واتصل ابو بنتي ع اخوه الكبير زوج اختي الكبيره يقول من سمح لها تسافر طيب مو طلق اش يبي مني ومن سمح لها تاخذ البنت رد عليه البنت راحت مع امها وهي بحظانة امها شرهم لاحقني حتى وهو مطلقني مو مخليني بحالي واخته تتصل ع صديقتي تسالها عني وتقول قوليليها تقول لاهلها انا ابيه وبروح له علشان ترد كرامة اخوي يعني انا مو مهمه اهم شي اخوها وطبعا انا طلعت رقم جديد بس هم مايدرون عنه واخته تحاول توصل لي باي طريقه وبعدها باسبوع رجعت والله العظيم لا هو اللي سال عنها ولافكر فيها ولا حتى ارسل لبنته مصروف حتى في العيد ماطلب يشوفها ولا يعايدها واليوم اختي تقول انه سافر برا المملكه يتمشى والله تعبت نفسيا مو مخليني ارتاح بدنيتي مدري ليش يسوي فيني كذا هذا جزى طيبتي ومعاملتي لهم الله يخليكم ابي رايكم انا بحال مايعلم فيه الا الله الهموم تتحذف علي من كل جهه وخايفه ياخذ بنتي لانه مهدد يقول والله باخذ البت وماخليها تتهنى حتى باللي بطنها اخذه ع طول مدري شسوي دلوني والله ابكي وانا اكتب لكم دعواتكم لي ان الله يفرج علي وعلى كل مسلم ..

زوجه مجروووحه · 13-10-2008, 21:37

12 اللي دخلو ولا ردو

اقل شي ادعولي .. جزاكم الله خير..

فـــارس الشرقية · 13-10-2008, 22:05

مادري ايش اقول لك ؟؟ اول شي لازم يحسون هو واهله انك انتي اللي الحين ما تبغينه لانه طالما حاس انك تبغينه ولو بنسبة بسيطة راح يتعامل معاك بفوقية .

فكري بقلبك وعقلك بالتوازي ولما توصلين لحل استشيري وبعد الاستشارة استخيري ..

اخفي غلاك · 13-10-2008, 22:19

والله عورتي قلبي..اندمجت مع المشكله وكانها مشكلتي
اولا الحمدلله على سلامتج من الحادث والله يبعد عنج كل مكروه وشر
ثانيا اهنيج على الصفات الحلوة اللي تملكينها لاسيما الصبر

طبعا اهم شي عليج بالدعاء والتقرب من الله عز وجل
بالنسبه انه ياخذ العيال...مااعتقد اصلا عمج يبسمح بهالشي؟ليكون عباله كلشي بكيفه؟ولا الشرع يسمحله اصلا
هذي اصلا مايتحمل مسؤؤليه اطفال...هو قال هالكلام مجرد تهديد عشان يقهرج ويخوفج ويبرد حرته فيج

خلاص دامه طلقج معليج منه ولتعورين قلبج
بالعكس حمدي ربج انج ارتحتي منه

سمحيلي على ردي بس والله من القهر اللي فيني

الله يشفيج ويوفقج ويصبرج ويسعدج دنيا واخره
ولايحرمج من عيالج
ويبعد الهم والحزن عنج...

مــجـ فكـــرة ـــرد · 13-10-2008, 22:33

الحمد لله على سلامتك

وزوجك من الواضح أنه لايستطيع القيام بكامل مسؤلياته الزوجيه بسبب ولعه بالسفر خصوصاً خارج المملكة وتدخل أهله بالموضوع أعتقد في غير محله وكان الواجب أن يكون تدخلاً إيجابياً للصلح بين الطرفين أو إنهائها لكن بما يحفض كرامة الطرفين خصوصاً أنكم أبناء عم والزواج قسمة ونصيب ووجد الطلاق لحكمة من رب العباد عندما لاتصفوا الحياة بين الزوجين وابنتك بحضانتك شرعاً ولو أردت مصروف لها شرعا وجب على الأب وأعتبر كل ماكتبتية فضفضة لترتاحي نفسياً مما يعتريك من أحزان وهموم داخلية .

لاتحزن على مافات بل فكر بما هو أت حكمة أجعليها بين ناظريك لتجدي الغد المشرق وعندما نفشل أول مرة يجب أن نعالج أخطائتا في المره القادمه .

الله يسعدك بحياتك

مــجـ فكـــرة ـــرد

زوجه مجروووحه · 14-10-2008, 00:40

اقتباس:

المشاركة الأصلية كتبت بواسطة فـــارس الشرقية

مادري ايش اقول لك ؟؟ اول شي لازم يحسون هو واهله انك انتي اللي الحين ما تبغينه لانه طالما حاس انك تبغينه ولو بنسبة بسيطة راح يتعامل معاك بفوقية .
فكري بقلبك وعقلك بالتوازي ولما توصلين لحل استشيري وبعد الاستشارة استخيري ..

مشكور اخوي على ردك .. انا مابيه وهو انقهر لمن سافرت اني ماهتميت بالطلاق..

الله يعين ان شاء الله .. وجزاك الله خير اخوي فارس الشرقيه ..

(من جديد ) · 14-10-2008, 00:52

عورتي قلبي
الله يهون عليك

ماعندي اي كلام اقوله
الي سواه زوجك ماله تعليق

زوجه مجروووحه · 14-10-2008, 01:01

اقتباس:

المشاركة الأصلية كتبت بواسطة اخفي غلاك

والله عورتي قلبي..اندمجت مع المشكله وكانها مشكلتي
اولا الحمدلله على سلامتج من الحادث والله يبعد عنج كل مكروه وشر
ثانيا اهنيج على الصفات الحلوة اللي تملكينها لاسيما الصبر
طبعا اهم شي عليج بالدعاء والتقرب من الله عز وجل
بالنسبه انه ياخذ العيال...مااعتقد اصلا عمج يبسمح بهالشي؟ليكون عباله كلشي بكيفه؟ولا الشرع يسمحله اصلا
هذي اصلا مايتحمل مسؤؤليه اطفال...هو قال هالكلام مجرد تهديد عشان يقهرج ويخوفج ويبرد حرته فيج
خلاص دامه طلقج معليج منه ولتعورين قلبج
بالعكس حمدي ربج انج ارتحتي منه
سمحيلي على ردي بس والله من القهر اللي فيني
الله يشفيج ويوفقج ويصبرج ويسعدج دنيا واخره
ولايحرمج من عيالج
ويبعد الهم والحزن عنج...

سلامة قلبك اختي وربي يسلمك من كل شر ..

انا عارفته هو مايهتم باحد اهم شي يسوي اللي في راسه حتى لو ابوه اتدخل..

والحمدلله ع كل حال .. وجزاك الله خير اختي ع ردك ومرورك لموضوعي وربي يسعدك ..

زوجه مجروووحه · 14-10-2008, 01:04

اقتباس:

المشاركة الأصلية كتبت بواسطة مــجـ فكـــرة ـــرد

الحمد لله على سلامتك
وزوجك من الواضح أنه لايستطيع القيام بكامل مسؤلياته الزوجيه بسبب ولعه بالسفر خصوصاً خارج المملكة وتدخل أهله بالموضوع أعتقد في غير محله وكان الواجب أن يكون تدخلاً إيجابياً للصلح بين الطرفين أو إنهائها لكن بما يحفض كرامة الطرفين خصوصاً أنكم أبناء عم والزواج قسمة ونصيب ووجد الطلاق لحكمة من رب العباد عندما لاتصفوا الحياة بين الزوجين وابنتك بحضانتك شرعاً ولو أردت مصروف لها شرعا وجب على الأب وأعتبر كل ماكتبتية فضفضة لترتاحي نفسياً مما يعتريك من أحزان وهموم داخلية .
لاتحزن على مافات بل فكر بما هو أت حكمة أجعليها بين ناظريك لتجدي الغد المشرق وعندما نفشل أول مرة يجب أن نعالج أخطائتا في المره القادمه .
الله يسعدك بحياتك
مــجـ فكـــرة ـــرد

الله يسلمك اخوي من كل شر ..

الله يجزاك خير اخوي وربي يسعدك ويسعد الجميع ان شاء الله ..

زوجه مجروووحه · 14-10-2008, 01:08

اقتباس:

المشاركة الأصلية كتبت بواسطة خطرفة كلمات

عورتي قلبي
الله يهون عليك

ماعندي اي كلام اقوله
الي سواه زوجك ماله تعليق

سلامة قلبك اختي وجزاك الله خير ع ردك ومرورك صفحتي ..

ندى ... · 14-10-2008, 03:16

وربي عورتي قلبي ...
من نا حيه أطفال لا تشيلي هم هو ما يقدر يحرمك منهم ..
الحضانه لك ... هذا حكم الشرع .. مـا يقدر يسوي شيء
يارب يفرج همك ويشرح صدرك ..

رينالدينو · 14-10-2008, 03:55

وانا بعد عورتي قلبي
الله يكوون بعونك يارب

تدري والله ما منه حسافة الا الايام الماضية وبس
موضوع الحضانة تقدري تحضني البنت حتى يصبح عمرها سبع سنين وبعد ذلك لبيت ابوها
والولد طبعاا مخير بينكم

ادعي عليه ان الله يكفيك شره او ان الله يهدية او ياخذه

تقبلي مروي

سماهر 2009 · 14-10-2008, 04:40

لا استطيع اقول لكي الا التجي الى رب السموات والارض واللة لن يردكي خائبة

ميمــــــــــي · 14-10-2008, 04:50

الله يكون بعونك والله يعوضك ان شاء الله بالرجال الصالح اللي يسعدك

والحمد الله على سلامتك والله يقومك بالسلامه ان شاء الله

هذا واحد اناني ماايحب الا نفسه لاترجعين له حتى لو رجعك حرام وش ذنب هالعيال

(((((( والله يمهل ولااايهمل ))))))) صبرتي كثيييييييييير وان شاء الله الفرج قريب

בبيـ__ـبـة زوجـ__ـهـآ · 14-10-2008, 06:20

لا حول ولا قوة الا بالله العلي العظيم
اول شيئ حمد الله على سلامتك يا اختي الله يشفيك ويعافيك ان شاء الله والف مبرووك على الحمل الله يقومك بالسلامة ياارب ويرزقك بولد بااار بيكي ان شاء الله
ثاني شيئ كيييييييييييييف يطلقك وانتي حاامل مو معقول ومو جايز
ثالث شيئ هدي نفسك يالغالية ترا اطفالك ما رح يقدر ياخذهم منك باذن الله اصلا هو اناني وما يحب الا نفسه ومو مهتم ببنتو وما يرسل لها مصرووف وما يسال عنها هذا يقول لك هالكلام مشان يخوفك ويغيضك بس فلا تشيلي هم واتطمني من هالناحية
اما الطلاق فقدر الله وما شاء فعل يمكن فيها خيرة لكم انتوا الاثنين يمكن لمن يبعد عنك ويحس بقيمتك يعقل ويهتدي ويصير رجاال وقد المسؤولية
عالعموم انتي ادعي رب العالمين يختارك الصاالح واكثري من الاستغفاااار والدعاء في جوف الليل وترا دعاء الحامل مستجاب باذن الله
واخييرا اسال الله العظيم رب العرش الكريم ان يرد لك زوجك رداا جميلا وان يهديه رب العالمين عليكي وعلى اطفاله ان كان لكي معه خير وان كان شر فالله يبعدو عنكي ويرزقك بالافضل والاحسن ان شاء الله
بالتوفيييييييييييق يا اختي ولا تنسين تطمنين عليكي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تابع لقصتي مالقيت لقصتي موضوع تعبت وابي الحل ..تكفون ساعدوني