عالم الحياة الزوجية - منتدى

ذهبت في مهب الريح · 13-10-2008, 23:26

ابي رايكم

زوجتي حصلت في جيبي 700 ريال

وقامت الدنيا وقعدت لاني قلت لها ما عندي فلوس

علماً انها طلبت مني اغير اشياء في البيت وما مضى عيلها سنه

تعبت معها

همها الوحيد تجديد في تجديد سواء الميزانيه تسمح او ما تسمح

تعبت والله تعب

أبي رايكم تكفون

remass · 13-10-2008, 23:36

هذي تبي تنتف ريشك و لا تبقي معاك ريال

و بعدين 700 يدوب تكفي لاخر الشهر و لا لا ..

قولها التجديد من العيد للعيد فقط (عيد الفطر) هذا و احس انه بطرة ..

اذا كان البيت ايجار ما يستاهل التجديد ..و اذا ملك لكم حبة حبة ..

جيبها بالمسايسة و قلها طيب بكرة ..و لا جا بكرة قلها تعالي نتمشى ..و اللي بعده معزوم ما ني فاضي و كذا الى ما تنسى الموضوع و تتغلب على ادمانها بالتغيير لا تقولها ما في فلوس بعدين تصغر بعينها قولها خير بس كذا ..ان شاء الله ..و ش تبين تغيرين و كيف .. و فين بتحطين هذه و كيف بتسوين بهذي .. و شاركها افكارها كانك بتشتري لها بكرة ..و كذا ..عشان تتفادون المشاكل..

ذهبت في مهب الريح · 13-10-2008, 23:45

ريماس

إذا قلت لها ما فيه تتغير علي تماماً

بدل ما اهجرها تهجرني

وانا مسكين تمسكني من اليد الي توجعني

على اية حال مشكوره وما قصرتي

حياتي كلها النواعم · 14-10-2008, 00:06

صفقها

3ammory · 14-10-2008, 01:19

لوووووووووووووووووووووول@حياتي كلها نواعم ..............اسمع يا حبيبي الرجل في بعض المواضيع يجب ان يكون شديد و خصوصا النساء عاطفي التفكير ...بدل ما هيا تعصب عليك عصب انت و طنشها يومين ثلاث و اذا تبغى فلوس قلها ما عندي غير اللي يكفي و كده تصير تحت طوعك ...بس لا تصير جفص دي ام عيالك و حبها قد ما تقدر و لا تقصر في حق اي شي ضروري للبيت ...و سلامتك

حلاوة لوزية · 14-10-2008, 01:38

وضحلها ظرفك انك محتاجها وانه مافي غيرها لآخر الشهر

لو مثلا لا قدر الله مرض أحد الأطفال المستشفى تحتاج فلوس وقيمة الدواء وهكذا

والله يهديكم

ام خلودي · 14-10-2008, 01:41

عادي قول مو لي هالمبلغ خخخخخخخ

بعدين انت ليه تطاوعها بكل تغيير ..

ولا تبين لها حرصك على عدم مقدرتك على هجرانها لانها عند كل منعك لامر تبيه بتتخذ معك هالاسلوب حتى تحصل على مرادها .......علما بان هذا اسلوب رخيص ,,,,,,,

انسانه غير · 14-10-2008, 01:45

اقتباس:

المشاركة الأصلية كتبت بواسطة remass

هذي تبي تنتف ريشك و لا تبقي معاك ريال
و بعدين 700 يدوب تكفي لاخر الشهر و لا لا ..
قولها التجديد من العيد للعيد فقط (عيد الفطر) هذا و احس انه بطرة ..
اذا كان البيت ايجار ما يستاهل التجديد ..و اذا ملك لكم حبة حبة ..
جيبها بالمسايسة و قلها طيب بكرة ..و لا جا بكرة قلها تعالي نتمشى ..و اللي بعده معزوم ما ني فاضي و كذا الى ما تنسى الموضوع و تتغلب على ادمانها بالتغيير لا تقولها ما في فلوس بعدين تصغر بعينها قولها خير بس كذا ..ان شاء الله ..و ش تبين تغيرين و كيف .. و فين بتحطين هذه و كيف بتسوين بهذي .. و شاركها افكارها كانك بتشتري لها بكرة ..و كذا ..عشان تتفادون المشاكل..

ههههههههههه

يسلموا لي النصابين

وربي عجبني اسلوبك ... وخروا عنه

انسانه غير · 14-10-2008, 01:50

الحريم اللي كذا نادرا ينفع معهم النقاش

اشغلها يا أخي
اذا ماعندها شغله

واذا عندكم شغاله سفرها

وخليها دايم تنظف في ها الاثاث اللي قاتله عمرها عليه

ودقق على كل شي

الغبار والنشاف واللذي منه
راح تحرم تقول تبي تجديد

حلاوه بنعومتها · 14-10-2008, 02:02

انا معاهم....
صدق انها ماتقدر ظروفك.......بس انته لاتسكت عنها ...هذي وانا حرمه اقولك...لاتعطيها ويه ...انا اعرف هالنوع ...دلع عالفاضي ...
واصلا هي عليها اللعنه اذا هي هجرتك ...اصلا حرام من غير سبب كافي الهجر((عيل تهجرك عسب ماغيرت لها الاثاث!!!والله عجيب))وانته لازم اتنبها انه هالشي مهب زين وانها حلالك ...ومهب زين تحرمك....
تبون الصراحه ف رياييل يستاهلون الهجر ...طبعا مع سبب كافي ...مش من غير سبب ..مثل حرمة الاخ ...الله يهديها

حسااااااااايف · 14-10-2008, 02:10

السلام عليكم بس حبيت اقول اشلوووووووووووووووووون تسمح لزوجتك تفتح محفظتك انا من تزوجت مااذكر اني فتحته من دون علمه حتى اذا قال خوذي اعطيه المحفظه ويعطيني مع اني انا اذا بغيت اغير شي في البيت مااظغط عليه ادخل جمعيه واسوي اللي انا ابغى قل لزوجتك عيييييييييييييييب عليك

مايجوز

قــــــطرة نــــــدى · 14-10-2008, 02:16

خلي الكلمة كلمتك بالبيت عااااد اسمحلي بهالكلمة يلي مرتو بتمسكو من الايد يلي بتجعو وبيتنازل وبيرضخ لطلباتها حتى تعطي هذا ينقصو بعض الرجولة والحزم بالعربي الفصيح مااااااااااااااااا معي فلووووووس وانت شاركها بكل صغيرة وكبيرة انصرفت على البيت يعني اليوم صرفت وجبت وحطيت وسحبت من الصراف ومابقي لا ها 100 ريال وهيك خليها تحس بالمسؤلية وبتوفيق

سـدنـے · 14-10-2008, 02:22

هذه زوجه ثرثاره مايعتمد عليها.

ليش التجديد كل شوي وتبذير حتي لو ظروفك تسمح.

الاصلح للاولويات,والعافيه درجات يعني تجدد شوي شوي.

خليك حاسم معه,وفهمي بهدوء الحياه مو كله تجديد اثاث,,فقط اللأولويه.

بتزعل يوم وبترجع,وخليك انت ع موقفك,,زوجتك ع حسب ماتعودها.

ريحانة قلب · 14-10-2008, 02:35

السلم عليكم
حراااام عليكم يلي تحرشون الرجال علئ زوجته تبون تخربون بيته

يعشقني · 14-10-2008, 02:41

ما اقول الا الله يعينك..بس لازم تتفاهم معاها وتوضح لها الامور بالضبط..وان شاء الله تتفهم..

الله يهديها ويصبرك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجتي و و و 700 ريال