عالم الحياة الزوجية - منتدى

سندريلا حارتنا · 18-10-2008, 04:11

مرحبا الصراحه مو عارفه من وين ابتدي انا مشكلتي طويله ومعقده ومالها حل انا تعبانه وميؤسه من هالدنيا أتمنى انكم تساعدوني انا حبيت واحد من 9 سنين من يوم ما تخرجت من ثالث ثانوي هو اصغر مني بسنه وحده اول ما تعرفنا على بعض اتفقنا على الزواج انا من طبعي اذا حبيت اقدم للي أحبه حياتي كلها وقفت معاه في كل شي حتى في دراسته كنت اسهر معاه واكلمه كل شوي عشان يذاكر وماينام وقفت معاه حتى في وظيفته وضعه تغير 180درجه للافضل بفضل الله ثم بفضلي انا لدرجه اني نسيت نفسي تخرجت من الجامعه وانخطبت كثير بس ارفض عشانه واللحين متخرجه لي 4 سنين نسيت نفسي عشانه احبه حب موطبيعي لدرجه اني اهتم فيه بأدق التفاصيل المهم انتظرته كل السنين وتحملت مشاكل وضغوطات اهلي عشان اتزوج لين ماجاء خطبني وقتها الدنيا موشايلتني من الفرحه صرت اضحك وابكي في نفس الوقت تعبت وانا انتظر هاليوم امه كانت عارفه ان نحب بعض بس ابوه لا كذب على ابوه وقاله اني اخت صديقه لين مايخطبني ابوه وبعدين يقوله الحقيقه المهم خطبتني امه وبعد فتره هو جاء عشان يتعرف على ابوي ويشوفني فرحت لان اهلي تقبلوه مبدئيآ وبعد ماشافني راح وقال لابوه اني عجبته ومو باقي الا ان يجي ايوه ويخطبني بس الفرحه ما تمت عرف ابوه ان حنا كنا نحب بعض ونكلم بعض عرف عن طريق الفاتوره الله لايعيدها ياليتها تاخرت يوم بس كان ما صار هذا حالي المهم جت الفاتوره على بريده واول مره يفتحها كانت الفاتوره غاليه شوي فتح الفاتوره ولقى كلها رقمي راح سئل عن الرقم بأسم مين وعرف الحقيقه وانكسر قلبي حاول معاه ان يدق ويخطبني بس ابوه رفض حتى اهلي استغربوا ليش ما دقوا وانا قايلتلهم ان صديقتي خاطبتني لخوها يوم شافوا ليش تأخروا وكان مبين علي اني مكسوره ومضايقه وانه عجبني امي قالت لي ادق على صديقتي واقولها وش صار لانه مر اسبوع ابوي رفض وقال الي يجيبه يجيب غيره وانا في قلبي اقول لو تدري يا يبه اني احبه وانتظره من 9سنين كان عذرتني كان مبين علي اني مضايقه وكنت انتظر رده النهائي عشان اقول لاهلي رفض وقال مافي امل ان نتزوج عن حب رحت لاهلي وقلت لهم وانا ميته من البكي ان صديقتي قالت مافي نصيب حاولنا نبعد عن بعضنا بس ما قدرت روحي متعلقه فيه كرهت نفسي وتدمرت اهملت نفسي والى هاللحظه ماتركنا بعض وصرت انخطب وارفض عمري 26 حياتي ضاعت لاوظيفه قبلتني ولا زواج يريحني وهو الي يومك يحاول مع ابوه انه يوافق يمكن تقولون لي اتركيه بس عجزت والله عجرت احس حياتي ضاعت معاه ومو قادره احلم بأي شي حلو انا نسيت نفسي وحلمي من يوم وانا صغيره اني اتزوج واجيب عيال بس شكله هالحلم مو متحقق ومو قادره ابدأ من اول وجديد لان عمري ضاع واحس اني كبرت وهمي كبرني وانا الحين انتظر اجابه منه اذا كان ابوه موافق او لا يمكن تقولون أني اهين نفسي انا اعترف اني ضيعت نفسي وكرامتي بس غصب مو بيدي شي والسؤال ابوه بيوافق واذا وافق وش ردت فعل اهلي مع اني مافكرت هل اهلي بيوافقون او لا ومع هالشي انا انتظر وادعي ربي انه ابوه يوافق عشان ترجع لي روحي وبسمتي واذا رفض ابوه وش بيكون مصيري انا آسفه على الاطاله بس لجئت لكم الا بعد ما يئست وتعبت من اللي جواتي 9 سنين وانا كاتمته بداخلي لدرجه اني محتاجه دكتور نفسي بس هذي قصتي بأختصاااااااااار

حبيبة حمووودي · 18-10-2008, 04:28

الله يكون في عونك ..وان شاءالله ابوه يوافق وتحقق حلم عمرك

وضاحه · 18-10-2008, 04:45

ياحبيبتي ياسندريلاااا وربي حاسه فيك..
يااااااااااااااااااااااارب ياااااااااااااااااكريم ابوووه يوافق وتجتمعي انتي وياه في بيت واحد يااااااااااااااااااااااارب.ادعي واستغفري ياحبيبة قلبي...
وان شاء الله يتحقق لك الي في بالك.. وانا راح ادعي لك كل يوم ..
ابوه ان شاااء الله راح يوافق.....

تحياتي لك يالغاليه..

حبيبة قمر الجبيل · 18-10-2008, 06:00

لاحوول ولا قووة الا بالله

نصيحتي لالاتتزووجين ووربي بتصير حياااتك كلها شكووووووووووك

حتى اذا هوو طيب معااك الحين بعد الزوواااج بيتغير بيعاااملك مثل الحيوااان
بيصير كل يووم وكل دقيقه يشك فيك بيقوول هي كلمتني اكيد بتكلم غيري
لا يلهيك كلامه المعسوول

الله يكوون بعووونك
اوول خطيب واافقي عليه وتزوووجي

{Rema} · 18-10-2008, 06:24

صعب تتركينهـ .. مو سهل ولو حاولتي عمرك مابتنسين الاشياء اللي عطيتيهـ ..

وحلووو انه جاء وتقـــــدم لكـ .. يعني نيته سليمه ..

خلية يكلم احد ابوه يعزززة ..
مثلا عمة والا جدة والا احد يكلم الوالد عشان يلين راسة شوووي ..

وان شاء الله ابوة يوافق ...

صراحة السنوات طويلة.. ولاتيآسين .....

ادعي الله كثييييييييير واستغفري ...

وان شاء الله يكتبلك الخير ..

سواء معة او مع غيرهـ ..

دانه بعين بحاري · 18-10-2008, 06:50

آآآآآآه وربي دمووعي على خدي تاثرت بقصتك لان لي قصه شبيه بها

بس يالغاليه يمكن خيره لك يمكن شي متخبي لكم وربي يبي ينقذك منه

يالغاليه وربي الحب عذاب وهذي اخرته ياسبحان الله

حبيبتي توكلي على ربك وابدي حياة جديده انا عارفه صعب بس انا الحمد الله قدرت حاولي وربي بتقدرين

الحب يبقى منه لنا الذكرى الحلووه فقط وصح عذاب انه يتزوج ويروح بحياة ثانيه قدامك بس صدقيني انه خيره لك وتأقلمي مع الوووضع واصلا بكره لو خذيتيه وش بتكون نظرة اهله لك بكونك على علاقه مع ولدهم وهم مايرضونها على بناتهم هذا تفكير بعض الاسر

غاليتي الله يعينك بس توكلي على ربك وفكري بعقلك وخلي قلبك شوي بعيد لان زماان كنتي على امل والان الامل ليس مفقود ولكنه شبه حبل وبينقطع من منتصفه لا تربطي املك بشي اوشك على الانهياار احتفظي بذكرى الحب البريئ وانهي كل شي وربي بيعوووضك..

h _ s · 18-10-2008, 08:12

اول شي اهلأوسهلا فيك لانك عضوه جديده

ثاني شي انتي منتي صغيرة كبيرة وفاهم

انا بسئلك كذا سؤال وياليت تردين على الأسئله بعقل مو بعاطفه

انتي كيف عرفتي أن ابوه شاف الفاتوره وشاف أرقامك هذا شي

الشي الثاني هل انتم عائله متحرره الاهل عندهم علم بعلاقتكم مع بعض ولا كيف

على العموم

ياختي مو كل شي نسمعه نصدقه انا اعرف انك صادقه ودليل انتضارك تسع سنين

لاكن بنصحك بنصيحه من اخت تتمنالك الخير وسعاده وهي من الأساس ماشافتك

تئكدي ثم تئكدي انه الشاب اذا تعرف على بنت عن طريق علاقه غير شرعية راح تنتهي هذي العاقه في سلة المهملات واذا كان لك حض مع هذا الشاب راح تنتهي علاقتك فية بطلاق
راح تقولي انك حبيتيه بصدق وبكل مشاعرك وانك عمرك ماخنتيه وانك غيرتيه للأفضل راح اقولك حتى لو .... الشاب يحب البنت الي تكون مغلفه مايفتحها الى هوا بعد الزواج
اذا قلتي ان علاقتك علاقه طبيعية راح اسئلك ابوك وامك عندهم علم بهذا الشي ويكفي انك تقولي ابوه شاف ارقامي طيب معناتها اللي سويتيه غلط ومايتقبله احد لا من طرفك ولى حتى من طرفه

اختي ابيك تعرفي شي واحد الرجال اقوى من المراه يعني اذا هو صادق راح يوصلكلو حتى في المريخ الى اذا كان فيه شي يعيبه او مافية تكافء بنسب او غيره . واذا العكس راح يقولك انتي اغلى وحده بلكون وانتي اللي غيرتيني وانتي عمري وانتي.. وانتي .. لاكن بعدين راح يقول انا ماقدر عشان كذا وكذا

نصيحه اخيرة راح يجي يوم تندمي على هذه العلاقه بينك وبين نفسك لما يتقدم لك الرجل المناسب اللي يجي ابوه ويتقدملك وهوا رافع راسه مو يدور اعذار فاتوره وارقام وكلام فاضي

يمكن اكون قاسية بكلامي وياليت اختي ترجعي لصديقاتك وتمارسي حياتك الطبيعيه حتى ماتندمي بعدين لانك راح تسمعين عن خبر خطوبته او زواجه عن قريب سواء الخبر صحيح او كذب وفهمك كفايه

عاشق و معشوق · 18-10-2008, 08:32

ممكن تدفعي إنت الفاتورة

و تحلي المشكلة

بعد 9 سنوات

بيبحث عن الفاتورة !!!

أشجآن آلعمر · 18-10-2008, 08:35

/

تحيــــةً يآ وفآء *
.
الحب عذآب ..
آلحب مدمر قلوب كثير من آلبشر ..
ولآكنهـ ... يظل أطهر وأجمل إحسآس ..
آلحب .. له من جميع الناس نظرآت مختلفهـ ..
ساعة تسمعين .. لآ حب يتوج بزواج ... ومابني ع باطل فهو باطل ..
وساعة أخرى ... تسمعين ... ماالحب إلا للحبيب الأولى ... لآ حياة بلا حب ..
ويظل النقآش في الحب طويلاً .... وليس له قرار نهائي .... أتعلمين لماذا ؟؟
لآنه إحساس كـ بآقي الأحاسيس ... وجدت بداخلنا بـ الفطرة ...
ولكن أختــــي ... أنا هنآإآ وقفت وسطرت كلمآتي من أجلكِ أنتي ...
أخاف بأن تقع الصاعقه ع حبك برفض أبوه ...
أرجوكـِ ياعزيزتي ... دعي هذي المحاولة هي المصيريه ...
إذا وافق أبوه ... وهذا الي نتمناه لكي ... وإذا ماوافق ... فــ أسمعيني جيداً ..
عليكـِ تركه وجعله مآضي وذكرى كانت جميله وباتت موجعهـ ..
إنظري لحياتك فأنت مازلتي شابه .... أعطي فرصة لقلبك للحب من جديد ..
ودعيني أنور روحكـي الحائره ... (( من ترك شيئاً لله عوضه الله خيرا منه ))
كوني قريبه من الله ... ولآ تجزعي من رحمة الرحمن الرحيم ...
إنهي كلآمي بدعواتي لكـِ ... بتيسير ماهو خيراً لكي ...

ضؤالشمس · 18-10-2008, 09:44

ارجو من الله ان يحقق رغبتك .. واللي اعرفه انه الفاتوره ماهي مانع من الزواج طالما انه يحبك وتحبينه مهما كان درجه المكالمات بينكم يقدر يضغط على ابوه اذا كان ابوه يحب مصلحته وراحته ...لكن تاكدي من صحه مشاعره نحوك يمكن طرا شئ جديد وانتي ياغافل لك الله ... رجاء كل الرجاء لاتخسرين نفسك وصحتك .. واستعيني بالله واستخريه اذا كان من نصيبك ستأخذينه .. والله المستعان ..أخوك ضؤالشمس

صدق الوفى · 18-10-2008, 12:59

اولا حبل الكذب قصير

وانا بساعدك ولك علي اكسر قلب ابوه

بس لي طلب

وش جنسيته ؟

فقير ام غني ؟

الشاب هذا اكبر الاخوان حددي وضعه ؟

ابوه متعلم او شايب جاهل ؟

ابي تعطيني صورة كامله عنه كل اللي تعرفي عنه

ولا يهمك

%الوسمي% · 18-10-2008, 14:15

الزواج قسمه ونصيب

ولله يوفقك وتتزوجينه

affoo1982 · 18-10-2008, 14:53

اختي لاتصدكين انو في يوم رح تنسي لان مالحب الا للحبيب الاولي ورح تقضين عمرك تفكرين بي

ولاتصدكين ان الزواج الي عن طريق الحب ينتهي بالفشل او الطلاق ليش يعني هاي الدنيا مابيها اثنين مزوجين عن حب وعايشيين سعداء؟؟؟؟؟؟

بس اكول شي واحد

اذا هو فعلا يريدج ومتمسك بيج رح يقنع ابوه اكيد واعتقد احسن طريقه يقنع بيها الاب هو انو الام (ام الولد ) تتكلم معاه وتقنعه

والله يوفقك

سمرونهـ كيووتـ · 18-10-2008, 16:58

الله يعينك ياقلبي بس مادام الله موجود مانقول الامل مفقود
استغفري استعيني بالله والله بيكتب لك الخير سواء فيه او بغيره
اذا ابوه رفض خلاص شوفي مستقبلك واذا ايه وهذا اللي نتمنى انك تتزوجين عقب الصبر
والله يوفقك

سندريلا حارتنا · 18-10-2008, 18:03

اقتباس:

المشاركة الأصلية كتبت بواسطة h _ s

اول شي اهلأوسهلا فيك لانك عضوه جديده

ثاني شي انتي منتي صغيرة كبيرة وفاهم

انا بسئلك كذا سؤال وياليت تردين على الأسئله بعقل مو بعاطفه

انتي كيف عرفتي أن ابوه شاف الفاتوره وشاف أرقامك هذا شي

الشي الثاني هل انتم عائله متحرره الاهل عندهم علم بعلاقتكم مع بعض ولا كيف

على العموم

ياختي مو كل شي نسمعه نصدقه انا اعرف انك صادقه ودليل انتضارك تسع سنين

لاكن بنصحك بنصيحه من اخت تتمنالك الخير وسعاده وهي من الأساس ماشافتك

تئكدي ثم تئكدي انه الشاب اذا تعرف على بنت عن طريق علاقه غير شرعية راح تنتهي هذي العاقه في سلة المهملات واذا كان لك حض مع هذا الشاب راح تنتهي علاقتك فية بطلاق
راح تقولي انك حبيتيه بصدق وبكل مشاعرك وانك عمرك ماخنتيه وانك غيرتيه للأفضل راح اقولك حتى لو .... الشاب يحب البنت الي تكون مغلفه مايفتحها الى هوا بعد الزواج
اذا قلتي ان علاقتك علاقه طبيعية راح اسئلك ابوك وامك عندهم علم بهذا الشي ويكفي انك تقولي ابوه شاف ارقامي طيب معناتها اللي سويتيه غلط ومايتقبله احد لا من طرفك ولى حتى من طرفه

اختي ابيك تعرفي شي واحد الرجال اقوى من المراه يعني اذا هو صادق راح يوصلكلو حتى في المريخ الى اذا كان فيه شي يعيبه او مافية تكافء بنسب او غيره . واذا العكس راح يقولك انتي اغلى وحده بلكون وانتي اللي غيرتيني وانتي عمري وانتي.. وانتي .. لاكن بعدين راح يقول انا ماقدر عشان كذا وكذا

نصيحه اخيرة راح يجي يوم تندمي على هذه العلاقه بينك وبين نفسك لما يتقدم لك الرجل المناسب اللي يجي ابوه ويتقدملك وهوا رافع راسه مو يدور اعذار فاتوره وارقام وكلام فاضي

يمكن اكون قاسية بكلامي وياليت اختي ترجعي لصديقاتك وتمارسي حياتك الطبيعيه حتى ماتندمي بعدين لانك راح تسمعين عن خبر خطوبته او زواجه عن قريب سواء الخبر صحيح او كذب وفهمك كفايه

اختي h-s انا سمعت ابوه وهو يتكلم معاه لاتقولين يمكن مو صوته انا سامعه صوته والشي الثاني امه قالت لي اما السؤال الثاني اهلي لو يدرون ذبحوني من دون تردد لاني قايلتلهم صديقتي خاطبتني لخوها انا ادعي ربي انه يستر علي الشكوى لله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعبت من هالدنيا ساعدوني