عالم الحياة الزوجية - منتدى

fadicoOol · 22-10-2008, 08:37

السلام عليكم كيفكم يا اعضاء عالم الحياة الزوجية عساكم بخير

يا اخواني ويا اخواتي انا الصراحه صرت محتار تكفون على الاقل قولي لي وش رايكم

انا مشكلتي ان عمري 23 واهلي قالوا يبون يزوجوني ولعلمك انا السنة ذي خلصت الجامعة وشغلي بشتغل تاجر شغل خاص المهم اهلي خطبوا لي وانا ما كنت مقتنع بالزواج الحين بس امي كانت كل شوي تفك الموضوع المهم خلصنا الخطبه وملكت وسويت الزواج وخلاص المفروض ان الواحد وقتها ياخذ حرمته لما اختها لبيتها طبعا خلاص المواحد بياخذ راحته والله ثم والله ان الليله ما كملتها وطلقتها في نفس الليله والله ان ما ابي افضحها او ان اتكلم عليها بس الي بايعة شرفها ما تلزم لي ولما سالتها وقلت ليها ليه سويتي فيني كذا قالت مو منها بس السواق اغتصبها وكانت متردده يعني ما صرت عارف مين اصدق انا ولا هي المهم رجعتها لاهلها وناديت ابوها وكلمته بالموضوع وقلت له يا عمي انا ابي استر على بنتك وكله إلى الفضايح يعني ما يصير يقولوا على بنتك شيء وقلت له خلي بنتك معاك شهر وبعدين اطلقها قدام الكل ويبان ان العيب مني وبنتك خلاص تشوف حياتها
الرجال قلب وقال لا وعصب وقلي انا بعرف اجيب حق بنتي رغم ان والله كلمته وقت لا تفضح بنتك بين الناس
ما رضى

المهم هو رفع علي قضيه وانا في شهر طلعت منها عشان عندي معارف وباعكس كان يمديني احبس ابو البنت على انه اتهمني اتهام باطل بس والله ما هان علي وخليته ..

يا ناس انا والله صرت تعبان وصرت خايف لو بعد مده اتزوج ويطلع معاي ذا الكلام مره ثاني ولعلمك والله ان اخر شيء كنت افكر فيه ان افضخ هذه البنت بس ابوها الله يهديه هو الي فضحها

ارجوكم ابي رايكم انا سويت غلط في شيء كان لازم اسويه انا والله ما صرت عارف وش اسوي ارجوكم فيدوني برياكم

poplomoss · 22-10-2008, 10:01

شوف يا اخي انت ما سويتي شئ غلط انت كنت تبي تفرح في احلى يوم في حياتك مو تتعصب مع بنت بايعة شرفها الله يستر علبنا يا رب ........و انصحك هالمرة انك تتزوج شخص مقتنع فيه مو من راي اهلك و تكون متاكد من الامانة اللي وصانا بها ربنا نحتض عليها حتى نسلمها لزوجها و قول الله اعلم السواق هو اللي سوا للبنت او لا الله اعلم

و ما يهمك ابو البنت خليه يسوي اللي يبي هو اكيد انصدم

poplomoss · 22-10-2008, 10:07

البنت عندها شرفها اذا ضاع وش بقى لها هي كلها ضاعت الله يستر علينا و المره الجاية لما تبي تتزوج و تختار العروسة خدها عند الدكتورة عشان تكشف عليها لو هي عذراء او لا و بعدين سوي الزواج

Bata_fooshy · 22-10-2008, 10:41

معليش الله يعوضك يااااااارب
وخلاص انسى كل الي سار وابدا حياتك من جديد

مستحيل انساااه · 22-10-2008, 12:27

اذا هالبنت سوت الغلط معناته كل البنات كذا؟

اذا انت تبي تتزوج استنى شوي لان عمرك صغير عالزواج
بعد كذا رح اخطب واخطب وحده تعرفونها زين وتعرفون اخلاقها

fadicoOol · 22-10-2008, 12:54

يعطيكم العافية على الردود الحمد لله انا ما سويت شيء يغضب ربي بالعكس انا كنت ابي استر عليها

الحمد لله على كل شيء

سمرونهـ كيووتـ · 22-10-2008, 13:06

يااخي مدري وش بقولك لكن سبق السيف العذل
مايجوز تقول انها بايعه شرفها لانكم ماتدرون ولاطحتوا على بينه انها
بايعه شرفها وهذا قذف اتمنى محد يتهم احد الا ببينه عشان ماتكتب علينا
ثانيا مايصلح تقول لابوها ابوها من عزة نفسه قام قاضاك ومن الغيض اللي فيه
كان خليته بينك وبينها يكفي العذاب اللي عايشته بعد تخليها صغيره بين اهلها
بتقول هي حطت نفسها بهالموقف بقولك ماعندك دليل مادي انها بيديها باعت نفسها
عموما الحياه ميدان تجارب وماتوقف عند تجربه فاشله

noon212 · 22-10-2008, 13:17

راجع حديث الرسول الاكرم صلى الله عليه وسلم تنكح المراءه لثلاث لمالها وحسبهااا وجمالها فاظفر بذات الدين تربت
يداااااااك يعني ماتشوف منها الا كل خير ان شاء الله وتكون من اسره مستوره وموش شرط تكون غنيه المهم محافظه
ومن اصل طيب ،،،، وحالتك هذي قول عليها الحمد لله ولي راح راح واستشعر بالمستقبل بالخير وخلي املك بالله
بالله كبير ياخي والمسلمين ،،، اخوه وبنات العرب اصايل كمان وممكن تكون حالتك بين الميت الف واحده وبعدين تربيها
حسب اخلاقك وطباعك ،،،، اخوك نادر

فديـت أرضـه وسمــآآه · 22-10-2008, 16:40

اقتباس:

المشاركة الأصلية كتبت بواسطة fadicoOol

السلام عليكم كيفكم يا اعضاء عالم الحياة الزوجية عساكم بخير

يا اخواني ويا اخواتي انا الصراحه صرت محتار تكفون على الاقل قولي لي وش رايكم

انا مشكلتي ان عمري 23 واهلي قالوا يبون يزوجوني ولعلمك انا السنة ذي خلصت الجامعة وشغلي بشتغل تاجر شغل خاص المهم اهلي خطبوا لي وانا ما كنت مقتنع بالزواج الحين بس امي كانت كل شوي تفك الموضوع المهم خلصنا الخطبه وملكت وسويت الزواج وخلاص المفروض ان الواحد وقتها ياخذ حرمته لما اختها لبيتها طبعا خلاص المواحد بياخذ راحته والله ثم والله ان الليله ما كملتها وطلقتها في نفس الليله والله ان ما ابي افضحها او ان اتكلم عليها بس الي بايعة شرفها ما تلزم لي ولما سالتها وقلت ليها ليه سويتي فيني كذا قالت مو منها بس السواق اغتصبها وكانت متردده يعني ما صرت عارف مين اصدق انا ولا هي المهم رجعتها لاهلها وناديت ابوها وكلمته بالموضوع وقلت له يا عمي انا ابي استر على بنتك وكله إلى الفضايح يعني ما يصير يقولوا على بنتك شيء وقلت له خلي بنتك معاك شهر وبعدين اطلقها قدام الكل ويبان ان العيب مني وبنتك خلاص تشوف حياتها
الرجال قلب وقال لا وعصب وقلي انا بعرف اجيب حق بنتي رغم ان والله كلمته وقت لا تفضح بنتك بين الناس
ما رضى

المهم هو رفع علي قضيه وانا في شهر طلعت منها عشان عندي معارف وباعكس كان يمديني احبس ابو البنت على انه اتهمني اتهام باطل بس والله ما هان علي وخليته ..

يا ناس انا والله صرت تعبان وصرت خايف لو بعد مده اتزوج ويطلع معاي ذا الكلام مره ثاني ولعلمك والله ان اخر شيء كنت افكر فيه ان افضخ هذه البنت بس ابوها الله يهديه هو الي فضحها

ارجوكم ابي رايكم انا سويت غلط في شيء كان لازم اسويه انا والله ما صرت عارف وش اسوي ارجوكم فيدوني برياكم

ماعرف بس لو خليتها عندك شهر عالاقل بس مب عند ابوها .. لو عالاقل انسترت و ع اساس انها ماارتاحت وياك

وجهه نظري هاي واتمنى ماتزعل :$

الله يكتبلك الخير

ولد الخوالد · 22-10-2008, 17:05

كيف سترت عليها وانت نشرت قضيتها في النت ؟؟

كيان انسانة · 22-10-2008, 19:37

مجرد انك قلت لأبوها هذا اكبر غلط

كان المسألة خليتها بينك و بينها و بعد شهر طلقتها

و الأب اكيد بيدافع عن بنته هو ويش دراه انك صادق

و نتيجة هالكلام كل البلا جاء على راسك بس ربك سلم

اما مسألة الشك في البنات لسه بأول عمرك

انتظر شوي لين هالجرح يخف وبعدين تزوج من بنت تعرف اهلها زين

بقايا آحزاني · 22-10-2008, 20:04

القصة مرتيييييييييين!!

دوسريه وافتخر · 22-10-2008, 21:15

مع احترامي الشديد لك كان المفروض ترجعها لاهلهابدون ماتتكلم مع ابوها.وتثير الموضوع مع ابوها.اذا انت ماتبيها طلقها وطلعها من حياتك بدون شوشره وتعطيها فرصه تعيش حياتهامع غيرك مع تمنياتي للجميع بالتوفيق

fadicoOol · 23-10-2008, 00:33

اقتباس:

المشاركة الأصلية كتبت بواسطة فديـت أرضـه وسمــآآه

ماعرف بس لو خليتها عندك شهر عالاقل بس مب عند ابوها .. لو عالاقل انسترت و ع اساس انها ماارتاحت وياك
وجهه نظري هاي واتمنى ماتزعل :$
الله يكتبلك الخير

اخوي الغالي انا محترم وجهت نظرك بس لو انت مكاني عاد لك نفس انك تشوفها وغير كذا انا رحت وناديت ابوها يعني اعقل واحد فيهم وبعدين هو الي فضحها وانا ما طرحت هل الموضوع ألى عشان البنت جائت لاعندي وهي تقول خربت حياتي حسبي الله فيك بس امانه انا مسوي شيء غلط بالعكس انا كنت ابي اتسر على البنت

fadicoOol · 23-10-2008, 00:35

اقتباس:

المشاركة الأصلية كتبت بواسطة ولد الخوالد

كيف سترت عليها وانت نشرت قضيتها في النت ؟؟

اختي الغاليه انا ما كتبت اسمها ولا قلت من وين هي ولا جبت اي سيرة عنها يعني كيف بتعرفيها من مليار بنت وبعدين انا تعبت وقلت ابي رايكم

ويعطيك العافية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

محتاج رايكم افيدوني