عالم الحياة الزوجية - منتدى

عاشِقةُ الرّوح · 24-10-2008, 11:53

بسم الله الرحمن الرحيم
قدر الله ما شاء فعل ..
اخواتي رواد هذا القسم العظيم انا عندي خبر للاسف حزين

ويضيق الخلق
كنت متردده اقوله لكم وخاصه اخواتي الحوامل وبالاخص الي معاي بصفحة الحوامل الشهور الاولى
بس لانهم ينتظرون ادخل بالصفحه ودايم يسألون عني وعن اخبار الجنين قررت اني اخبركم ,,
ولا تحزنون عليّ كثير واهم شي اتحافظون على اجنتكم والله يتمم حملكم على خير

مثل ما الله عطاني الله اخذه مني وال

حمدلله

على كل حال
الله يختبر صبري .. وانا انسانه اؤمنه بالله وصابره والحمدلله ..وانا مو اول مره افقد جنين لي ..
هذي ثالث مره

انا فقدت الجنين وهو بشهر الثاني وتأكدت امس من نتايج التحاليل ..
بس ما نزل ولحد الان ما نزلته وقلت انتظر للموعد القادم ,
ورجعت البيت لان الدكتوره قالت لي رقدي عشان انزله لك
وما واقفت ورجعت البيت وخبرت زوجي .. وكان مصدوم ومو مصدق

وفي الليل قلت له خذ خيره بالقرأن ولما اخذها طلعت زينه . يعني الحمدلله لو نزلته مافي ضرر علي
ورحت مستشفى طوارئ الولاده . بس الد

كتور قال لي انه لما يجيني ألم او

ينزل دم
راح ينزل بنفسه احسن من عملية التنظيف ,, والحين هو قاعد يتقلص شوي شوي
ورجعت البيت .. بس ماني شايفه لا ألم ولا دم نزل عليّ ,, وسلمت امري الى الله ,هو الحافظ
ادعوا لي ان الله يحفظني وينزل لوحده ولا احتاج لعمليه ..
محتاجه دعواتكم يا اخواتي ,,
وعسى ان تكرهوا شيئا وهو خيرا لكم

^ــ^ بنوته عسل ^ــ^ · 24-10-2008, 12:11

اهلين عشوووووووووقه حبيبتي
انتي من اول مانزلتي خبر ان كان ينزل عليك بني خفت لا يصيدك مثل اللي صادني
ودعيت ان الله يثبته لك
لكن الحمد الله هذي نعمه من عند رب العالمين
الظاهر ان هذي السنه علينا نحس كل وحده تحمل تفرح وترجع تحزن
الله يعوض علينا ويصبرنا
ويفرجها عاجلا غير اجلا
بس شلون عرفتي انه بينزل وهو مانزل لادم ولا الم ؟؟
ان شاء الله ينزل بروحه وماتحتاجين حق اي شى والحمد الله على كل حال

بحرينية مغتربة · 24-10-2008, 12:24

السلام عليكم ورحمة الله وبركاته

الله يعوضج خير ان شاء الله

الظاهر هالياهل مو خير لج

يا رب يرزقج عاجلا غير اجل

تقبلي تحياتي

la fleure · 24-10-2008, 13:54

الله يعوض عليكي اختي بالخير انا لما قرءت العنوان عرفت وماكنت حاب ادخللان من العنوان باين محتوى الموضوع لكن هده ارادة الله ولله الحمدهو يعطي وهو يئخدوانت اختي باين من كلامك انك انسانة مؤمنة وانشاء الله بيعوضك الله بالخير يارب

ام هباوي · 24-10-2008, 14:06

حبيبتي والله زعلت عليج بس الله يعوضج ان شاء الله بالحمل الثابت يارب ....
وان شاء الله ينزل لوحده وما تحتاجي لعملية التنظيف ....

3achi9at al atffal · 24-10-2008, 14:35

3azizati ana hazinto 3alayki lakin hadihi iradato allah wa9adarihi ad3o mina allah an yo3awidaki 3ajil ghayra ajil allah yihmiki min koli char wiyarab yinzil wahdo omatihtajin ayi 3amaliya ana aydan fa9adto janini fi chahrihi al awal lakinaho nazala liwahdihi bidoni ayi 3amaliya allah isabarik tahiyati

بحرين مووون · 24-10-2008, 15:19

هلا حبيبتي عاشقه شخبارش

احزنتني بالخبر وبالفعل كنت احاتيش

هم شنو قالو لش بالضبط توقف النببض ؟ ولا ؟ من تحاليل هرمونات ؟ عرفو ؟

بحرين مووون · 24-10-2008, 15:20

الله يعوضش بخيره يارب قريب والله يقومش بالسلامه

بحرين مووون · 24-10-2008, 15:21

الله يصبرش ويارب ينزل بروحه

ولا تحتاجي لشي

حاسه فيش بمريت بنفس المرحله يارب الله يعوضش بغيره

راجية الجنة · 24-10-2008, 16:18

الله يصبرك أختي عاشقة الروح ويعوضك في القريب العاجل
والله أحزني الخبر بس كله بيد رب العالمين
هوالقادر على كل شئ

خطوات راحله · 24-10-2008, 16:19

لا حول ولا قوة الا بالله
اصبري اختي الله يعوضك بس ليه لما صار الإجهاض من قبل مرتين ما سويتي تحاليل يمكن عندك جرثومة القطط او اي سبب اخر للإجهاض
اهم شيء توكلي على ربك ولا تسوين التنظيف انا سمعت ان ناس تجي نفس حالتك ويستمر الحمل اهم شيء فيه نبض للجنين
الله يكرمك لا تخافي ربك كريم

قطرة ماء · 24-10-2008, 18:51

لا حول ولا قوة الا بالله

الله يعوض عليكِ اختي عاشقه الروح

وربي يحفظك ويسهل عليك وماتحتاجين عمليه تنظيف

دمتي في رعايه الباري ..

عاشِقةُ الرّوح · 24-10-2008, 18:54

اشكر كل وحده مرت بالصفحه وقرأت الخبر وتعاطفت معي ودعت لي
الله لا يحرمني منكم ولا يوريكم مكروه ويتمم حمل كل حامل فيكم على خير امين يارب

بالنسبه للجنين لما رحت ما كان فيه نبض كلش ,من اول زياره لي من عرفت اني حامل
ورحت لدكتوره الاخصائيه سوت لي فحص مهبلي وما شافت غير كيس الجنين فقط
ولا كان فيه جنين ولا نبض مجرد كيس اللجنين لوحده , وقالت لي بعد اسبوعين تعالي راح يبان

بس رجعت من عندها وبعد يومين نزل على الدم البني ورحت الطوارئ وعملوا لي التحاليل
طلع تحليل الهرمون نازل مو قاعد يكبر الجنين .. ولاهم شايفين جنين اصلا

طبعا اليوم الظهر نزل علي دم بني وشوي ألم ولما رحت لهم قالت الدكتوره ان الحمل
ما زال موجود مكانه ما نزل, والمفروض اروح لهم ويكون نازل دم مصحوب بالقطع الحمرا

قالت ما نقدر انسوي لك شي الحين واذا ينزل لوحده احسن لك من العمليه
الحين جالسه بالبيت انتظر الفرج

ا

دعوا لي الله يخليكم يارب ويحفظ لكم اجنتكم وتفرحون فيهم ..

بحرينية مغتربة · 24-10-2008, 20:02

بسالك عاشقة الروح

انتي اشلون عرفتي انج حامل

بالتحليل مال الحمل

طلع حمل

ولا شنو ردي علي الله يخليج

^ــ^ بنوته عسل ^ــ^ · 24-10-2008, 20:21

عشوقه

مثلي تقريبا من حملت وانا اروح المستشفيات ويقولون لي في كيس حمل وفي جنين
وشفت الجنين بس مافيه نبض

بحريينيه مغتربه سؤالج ذكرني باسئله الدكاتره لما نزل علي البني
كل دكتوره اروح لها تسالني من قال لش ان انتين حامل المستشفى ولا انتي بروحج ؟؟

حتى في الخاص راويتهم التحليل المنزلي كنت مصورته في الجوال من الفرحه يازعم
ومن شافته قامت تضحك الدكتوره ومو مصدقه

الحمد الله على كل حال

الله يرزقنا جميعا ان شاء الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)