عالم الحياة الزوجية - منتدى

ثلجة ذايبة · 25-10-2008, 13:48

السلام عليكم ورحمة الله وبركاته
هذي قصة وفاة اخوي الصغير الله يشفع به وارجو منكم الدعاء لامي بالصبر والثبات
وانتبهو لبزارينكم ترى والله فينا اهمال ومانندم الا بعد حصول الكارثة0
اخوي عمره سنتين (زيدو)هذا اسم الدلع مااحد يناديه الا بهالاسم
ولد بعد ثلاثة بنات وفرحتنا فيه ماتوصف لانا مشتاقين للاولاد و امي الله يحفضها جابت اولاد وماشاء الله كبرو
بعدين جابت البنات وبعدين جابت اخوي الله يشفع به وكان القعده لان امي تجيب بعمليه قيصريه وقالو لها الدكاتره خلاص رحمك مايتحمل العمليات قالت امي خلاص سوو لي ربط للرحم وقالو لها اذا سوينا ربط ترى ماراح نفكه قالت امي خلاص بعد( زيدو) ماابغى احد المهم يوم امي جابته كنت انا توي متزوجه يعني لي شهرين وامي منومه بالمستشفى واخوي طلعوه وانا اخذته عندي لين امي تتطلع من المستشفى
وحبيته بقوة وصار غالي عندي وعند العايله كلها لانه القعده
المهم طلعت امي واخذت اخوي وكبر وصار يلعب ويضحك ومن يد ليد وبدأ يمشي ويطلع بالحوش مع خواتي
وصار ناعم لعبه وحركاته مثل البنات لانه عايش مع البنات الثلاثه
وانا كنت ادرس بالكليه وساكنه فوق اهلي وكنت كل يوم ارجع فيه من الكليه لازم امر امي واسلم على زيدو وابوسه والعبه شويه ثم اطلع لشقتي وانام
ولما صار عمره سنتين خلاص تعلقنا فيه يجذب بحركاته ولعبه وسواليفه 0وصار هو نور البيت وحلاوته
لدرجة احيانا نصحيه من النوم عشان يلعب معنا 0وعطيته مره جوالي وكان غالي بس مايغلى عليه
وكبه بالمويه وانا ادق عليه وادور بالبيت وكان مغلق ولقيته وعرفت انه هو الي حاطه بالمويه واقعد اهوشه باللعب يعني هواش وضحك واقول اذا توضفت تعوضني وهو يناضر ويضحك0 بس مادريت ان الدنيا دوارة وغدارة
وامي كانت تتعب شوي معاه لانه مايمر اسبوع الا وفيه شي يتعب مرة ترجيع ومرة زكام ومرة 0000الخ
المهم في يوم من الايام راحت امي تزور اختي كانت قريبه من عندنا وكان معها ولد اكبر من اخوي
بعدة اشهر وجايب له ابوه (زوج اختي)ديك يلعب معاه0ويوم شافه اخوي ويتعلق فيه ويبكي يبغى الديك
وامي قالت لاختي اباخذ الديك معاي للبيت
ووافقت اختي لان ولدها موذيك الاهتمام بالديك
وكان اخوي مبسوط ويلعب بالحوش عند الديك ويطل عليه وحنا قررنا نجيب دجاجه يوم شفنا اخوي مبسوط
وبعد يومين من جيت الديك الا ويجي ذاك اليوم
الي ماراح انساه بحياتي 0طلعت من الكليه كالعادة ومريت على امي وبوست زيدو
وكان وقت الظهر قالت امي لاتروحين ترى الغدا جاهز كولي وبعدين نامي قلت خلاص
وتجيب امي الغدا واجلس انا واخوي نتغدا وهو يسولف علي وتوه بادي يفصح اسمي ويناديني زين0
طلعت انا فوق وهو كان وراي انا قلت روح لماما انا ابنام وكان يناظر في وهو مكسور خاطره وكانت اخر نظرة وتمنيت اني اخذته ونومته معاي كان ماحصل الي حصل
بس كل شي مقدر ومكتوب 0
ونمت انا يمكن ساعتين او ثلاث المهم كان وقت العصر وكانت شباك غرفتي يطل على الحوش
وصحيت على صراخ خواتي قلت يمكن يلعبون بس الصراخ طول ونزلت ركض عند امي الا امي تدور بالحوش ونصارخ وتتكلم بس مافهمت شي وامسك اختي الكبيرة كانت بثاني وتفهم قالت( زيدو )
طاااااح عليه الباب 0كان عندنا باب منزل بالحوش ومسنود على الجدار وكان ثقيل وزنه اكثر من طن لدرجة انك ماتقدرين تحركينه ومايشيلونه الا ثلاثة او اربعة رياجيل
قالت اختي انه يلعب مع الديك وتعلق بالباب وطاح عليه انا قلت وينه قالت اخواني الكبار شالوه للمستشفى
وبعد شوي واسمع امي تصارخ واركض عندها قالت شوفي الا بركة دم يوم شفتها قلت يارب تعوضنا
واقعد اهدي بامي شوي وتعلمني بسالفه اخواني انهم تاخرو ماودوه للمستشفى على طول
اخواني الكبار اثنين كل واحد معه سيارة الصغير اخذ مفتاح الكبير وراح على سيارته هو
وقعدت سيارة اخوي بدون مفتاح0المهم طلع اخوي لجيرانا واخذ سيارتهم
وجاء اخوي الثاني وطلعت معاه للمستشفى
كان بالعنايهورفضو يدخلوني قالو حالته مستقرة
ورجعنا للبيت وكان ذاك اليوم اسود في حياتي
وكل ماشفت بركة الدم اقعد ابكي وادعي الله يعوضنا خير
ويوم جت الساعه 12 بالليل دق رقم غريب على زوجي بس مادرينا عنه
ويوم جاء الفجر ويدقون على زوجي واخواني الكبار
وقالو اخوكم عطاكم عمره
كان فيه نزيف حاد في راسه وجسمه
وماقدر يتحمل
انا حمدت الله على مااعطى ومااخذ
امي انهارت وحالتنا محزنه 0 فقدنا الغالي والقعده
وجلست على سجادتي ادعي الله يعوضنا خير ويشفع به
وبعده بوفاته بشهر حملت وجبت بنوته مثل القمر وفيها شبه منه سبحان الله وامي تموت فيها
لاني يوم كنت حامل بس يدي بالجوال وكان مليان من صور زيدو
وبس اناضره وادعي الله اني اجيب مثله
والحمد لله
هذي الاحداث لها سنه من وفاته وحبيت اني اكتبها لكم
لكي تنتبهو للصغارين والله انهم امانه مسؤلين عنها
والحمدلله امي تحسنت كثير
وصارت اختي الصغيرة هي المدلله والقعده
وولد اختي بعد كان فاقده لانهم كانو دائما مع بعض ويوم الحادثه كان عندنا والان اذا سألناه يقول زيدو راح للجنه
لاتنسونا من دعائكم
والسلام عليكم
اختكم ثلجة ذائبة

ميموزة · 25-10-2008, 14:45

السلام عليكم

اللهم انا لا نسالك رد القضاء و انما نسألك اللطف فيه انا لله و انا اليه راجعون

الله يرحمه أختي و يعوضكم و نسأل الله الصبر و السلوان لوالدتك و لجميع الاسره الكريمه

قدر الله ما شاء فعل

كان زمان شاب · 25-10-2008, 14:55

ربنا يجعله شفيعا لكم ويرزق امك خيرا منه ويرفع درجته في الجنه وانا لله وانا اليه راجعون

المرفهة · 25-10-2008, 15:16

لاحول ولاقوة إلا بالله
لله ما أعطى ولله ما اخذ وكل شي عنده بقدر
فتصبروا و لتحتسبوامصابكم
أعظم الله أجركم و أحسن عزاءكم أختي ثلجه والله يعوضكم خير يارب
ويجبر قلب الوالده على فقده

الدمعه الدائمه؟ · 25-10-2008, 15:39

الله يرحمه والله الاطفال مسؤليه علينا لازم الواحد يراقبهم اربع وعشرين ساعه

اهم شي انك تحصنيه وتستودعيه الله وانشالله ماتخافين على عيالك

(( طيف الحب )) · 25-10-2008, 17:29

انا لله
قدر الله وماشاء فعل

احضان دافئه · 25-10-2008, 17:51

كان الله في عون تلك الام الحنون
ربي يصبر قلبها ويجبر كسر قلبها

أم الفواطم · 26-10-2008, 01:48

يااااااه قصة مؤلمة بحق ,,,,,,,,,, عظم الله اجوركم يا الغلا ’’’’’’ وربي يصبركم على فراقه ويجعله شفيع والدته ,,,,,,

مافي اغلى من الطفل عند امه ,,,,,,

الله يعوضكم خير .

لياان دلوعة حبيبهاا · 26-10-2008, 22:55

عورتي قلبي بقصتك خصوصاا ان ولدي من عمر زيدو الله يرحمه
الله يصبركم ويعوضكم وانشاء الله شفيع لوالديه يوم القيامه

Bata_fooshy · 27-10-2008, 09:54

ان شاء الله شافع نافع
الله يحمي اولادنا ياارب

@نقطة@ · 01-11-2008, 17:05

اللهم انا لا نسالك رد القضاء و انما نسألك اللطف فيه انا لله و انا اليه راجعون

الله يرحمه أختي و يعوضكم و نسأل الله الصبر و السلوان لوالدتك و لجميع الاسره الكريمه

قدر الله ما شاء فعل

سندريلا زماني · 01-11-2008, 17:28

الحمد لله

لله مااعطى ولله مااخذ

بس ذكرتيني بقصة وفاة قريبي باعماره الله يعوضنا

والله الاطفال امانة .. بس الله يهديهم يبغون واحد فاضي لهم جالس معاهم

الله يصبرنا ويعوضنا ..

@جوري الحب@ · 29-01-2009, 07:35

انا لله وانا الية راجعون والله قلبي عورني

الله يرحمة ويعوضكم خير

والله يصبر امك فقد الضنا غالي لاكن

ما اصابكم لم يكن ليخطائكم ومااخطائكم لم يكن ليصيبكم

العنـــــــوود · 29-01-2009, 12:25

ياقلبي انتي وربي عورتي قلبي بها القصه احس جسمي يرجف الله يرحمه ويجعله شفيع لامه يااااااااااارب

دمعـ شوق ـة · 29-01-2009, 13:19

بكيتيني يا أختي ....الله يرحمه ويصبر أمك ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

قصة وفاة اخي الصغير