عالم الحياة الزوجية - منتدى

افهميني · 25-10-2008, 23:02

السلام عليكم ..
بعد طول تفكير ..وحيره طويله ارتايت اضع مشكلتي مع زوجتي ..على الاقل اريد اعرف راي المتزوجين ..وبالخصوص المتزوجات ..
انا لي متزوج سنتين ..ماعندنا اولاد لحد الان طبعا مش موضوعنا ..ولا في مشكلة اصلا ضمن هذا الاطار ..
انا احب زوجتي وزوجتي تحبني ..لكنها ابدا ماهي عاطفية ...الصراحة انصدمت من اسلوبها في التعبير ..
يعني مثلا اجلس جنبها اكلمها ...كلام حلو ..اعبر لها ..تفكر اني راغب في علاقة الان ..تمسك ايدي وعلا غرفة النوم ..؟
وعلى هذا المنوال ..امسك يدها ...اتقرب منها ..المس وجهه...اي شيئ اسويه بعيد عن الجنس واصلا ماهو وقت الجنس ...تترجمه اني افكر في الجنس ..
بعدين ما احس انها حنونة ابدا ..اصلا كل شيئ يتمحور عندها في الجنس ...حبيبي هذي الكلمة الوحيدة الي اسمعها منها ..ما اسمع غيرها ..
ما ادري اذا فهمتوا علي ..اقصد بعيدا عن الجنس ...الحياة ماهي جنس وبس ...فيها عطف حنان ..محبة ..ودي مره تجي تسالني تحبني ...تجلس جنبي ..تحط راسها على صدري ...اي شييئ بس ابين انها تحبني ..بعيييييدا عن الجنس ..
النقطة الثانية ..انها حساسة مره للنقد ..طرحت الموضووع معاها ..طلبت منها تكون شوية رومنسية ..بدون ماتفكر في الجنس ...فقط تعبير ..بدون معاشرة ...زعلت وظلت تردد ..انا في ايش قصرت معاك ..كل شيئ تحتاجة اسويه ..كل شيئ اسويه بدون ما تقول ..ةالحين مليت مني ..؟
بعدين زوجتي مهتمة في موضوع الجنس ..بعد كل معاشرة تسالني عجبتك هذه الوضعية و ...و ...وكل يوم تجيب شيئ جديد ...
انا مانا زعلان اصلا بالعكس ..انا مبسوط من اهتمامها فني ...وكل مره تطلب انا البي لها حتى لو ماكانت لي رغبة ..لاني احبها زي ماهي مهتمة فيني انا بعد مهتم ...
لكن احس اني محروم عاطفيا ..اصلا ما احس اني متزوج فعلا ..طلبت منها مره بشكل هادئ انها تكون رومنسية ..وفهمتها انها ماقصرت في شيئ ..بس ودي اغير معاها ...ولبت الموضوع ..وياليتها ما وافقت
ما ادري وش صار بس كرهت الموضوع ..حسيت اني اضحك على نفسي ..ادري انها تسوي نفسها وانه الوضع ماعجبها ...
بعد هذي السنتين انا تعبت وشكلي تعقدت ..لما اشاهد فلم رومنسي ..وهي معاي اسالها عاجبك الي تشوفيه ..تقول اكيد ..اقول لها صيري مثلهم ...على طول تزعل ..ما ادري ليش تتحسس من هذا الموضوع اي انتقاد او طلب معناها اني اتهمها ببرودها او عدم اهتمامها او تقصيرها جنسيا ؟؟؟
انا اصلا مانا مصدق انه في بنات بهذي الكيفية ..ماتفرق معاها تغزلت او لا ..اصلا في بنت ما هي رومنسية ؟ساعات اشك في روحي واقول شكلي جايب العيد ..يمكن تحب اكلمها واتغزل بس تستحي ..فقمت اتعمد ازيد طلباتي المنزلية العادية ..سوي لي الان ...ابي كذا ..ابيها مره تزهق وتقول مصختها ..علشان اتغزل اقول انا احبك و.......,,و من هذا الكلام اشوف تغير رايها وتسوي..اذا سوت معناها يعجبها الكلام .. بس ابد كل شيئ تسويه ماتقول لا ..ولا تشتكي ..
المهم انا الان افكر اتزوج من ثانيه ...ابي وحدة تكون عاطفية ..تعيد توازن الامور عندي ..تجاريني اذا تغزلت ..تعبر عن مشاعرها باسلوب غير الجنس ..
بس المشكلة اني احب زوجتي ..واكيد ماراح تتفهم السبب ..قلبي ماهو راضي يطاوعني ..
عمري ماطلبت شيئ ولا سوته ....ما اذكر زعلتني بشي ...تسمع الكلام ..اكثر من مره تعرض علي راتبها ..وش اقول حتى الغداء ..ماتتغدى تنتظر اجي من الدوام وتتغدى معي ...
اول ماراح تعرف اني تزوجت عليها راح تزعل ..وتتضايق ..وتسالني ليش ؟..وانا الصراحة ماهو هاين علي ازعلها واكسر خاطرها ..احس روحي خاين ..والله اني احبها ..بس وش اسوي ..تعبت..
ادري طولت عليكم بس هذا الي احس فيه والي صار ..
دمتم بود
تحياتي

طالب حنان · 25-10-2008, 23:13

السلام عليكم ...
أخونا أنت ماذا تريد من زوجتك ...أكثر من هذا الذي ذكرته ...أخونا ...صلى على نبيك محمد ...و أستهدي بالله ...و حب زوجتك ...هذه نصيحتي لك ...سلام ...(عذرا أخونا ...التمس أن تفهم نفسك ...حتى تبني سعادتك مع زوجتك الكريمه )

بحب خطيبتى · 25-10-2008, 23:16

انت بتهرج حد يبقى معاه زوجة زى دى ويفكر تفكيرك
ياحبيبى كل حاجة براحة وبالهداوة غير انت اسلوبك معاها
ما جايز انت الى مش عارف توصلها المعانى الى انت عايزها فهمها براحة
واوعى تجوز عليها
ماشى
ربنا يعينك

رملهـ ،،ღ · 25-10-2008, 23:44

أزرع حب وحنان ولازم يجي يوم تلقى نتيجة إلي زرعته.

مستحيل انساااه · 26-10-2008, 00:10

والله انتم يالرجال غريبين

كل واحد يبي الشي الي ناقصه

وبعدين الجنس مرحله من مراحل الحب والغزل يعني تبدون بكلام حلو وغزل و و و وتنهونه بهذاك الشي

وبعدين هي مو مشكله لدرجة انك تروح تتزوج
يمكن هي فاهمه ان الحب جنس ومو حلوه ابدا الرجال يطلب الحب من البنت خلها هي تتغزل فيك اثقل عليها لاتقعد انت كل يوم تمدح وتتغزل فيها
وبالنسبه للرومانسيه ماادري وش انصحك بس هو شي فطري والغالب ان النساء هم الي يشتكون اول مره اشوف رجل رومانسي وزوجته لا

بالنهاايه هذي مو مشكله تستاهل انك تتزوج

poplomoss · 26-10-2008, 00:23

[COLOR="black"]وش تبي اكثر من اللي مسوياه معاك....انا فهمتك انك تبي حنان و رمانسية حاول انك تتفاهم معاها و خوفها من انك راح تتزوج من وحدة ثانية عشان عطف و حنان و راح تشوف اش راح تسوي معاك انشاء الله....لا تتسرع في الزواج خليك حتى توضح الامر معاها و ادا ما تغيرت تزوج وحدة تعوضك على اللي ناقصك COLOR]

**ضــي** · 26-10-2008, 00:28

يالله ياخي حرام عليك ليش تفتح غينك على عيب زوجتك الوحيد

لخوي الحياه فيها صعوبات وماراح يبقى لك الا زوجتك الاصيله

ياخوي مادامت ماشاء الله عليها بكل هالمواصفات ليش تفكر بالشي الوحيد اللي نقص

انت حاول تبين لها باسلوب لبق وحلوو ومهذب مثلا قول كل واحد يكتب الحركه اللي نفسه يشوفها بالثاني

وامدح فيهاااااااااااا وقول ونفسي بالشي الوحيد اللي هو الرومانسيه

وترا مافي احد كاااااااامل وكل انسان بعيوبه فكر اش بيصير لو تزوجت من غير المصاريف والتكاليف

والحياه الصعبه .. اقول اتركك الوساوس عنك واعقل

غرام الورد 1999 · 26-10-2008, 01:06

شكلك فاضي

والله كرهتكم يالرجال وكل يوم يزيد كرهي لكم

احمد ربك انت وجهك

افهميني · 26-10-2008, 05:11

شكرا لكل من مر ..وطرح رايه ..
بالنسبة للي يلومني ..على هذا التفكير ..وقول احمد ربك ..انا احمد ربي الحمد لله ..
اول شيئ انا مقدر كل شيئ تسويه ..مع ذالك انا مانا متطلب الى هذه الدرجة ..
لو كانت تسوي كل هذا تضحية لي ..انا ماطلبت كل هذا واصلا ما ابغاها تسوي شيئ ماعجبها ..حتى لو يعجبني ..
لو كانت تسوي كل هذا لانها تحبني والوضع عاجبها ...فانا مارديت بشيئ ماهو حلو ..
على الغداء اكثر من مره قلت لها تغدي لاني اتاخر ..اجي البيت الاقيها تنتظر ..مع اني متغدي في العمل اذا سالتني اقول ماتغديت ..واقعد اكل اي شيء ..صعبة تنتظر واخليها تاكل بروحها ..
راتبها اكثر من مره تعرضه..تقول ماني محتاجتنه ..اخذت الي يكفيني ....قلت لها شكرا انا بعد الي عندي يكفي ..خليه في حسابك ...مع تكرارها ..قلت لها اذا احتجت ماراح اطلب من احد غيرك ...
لو تدخل المنتدى كان قلت لكم اسالوها ...طلبت شيئ ولا سويته ...في خاطرها شيء وقلت لا ..
الامور بينا كلها الحمد لله تمام ...ماعدا موضوعي ..الي ذكرته ..
هذ الموضوع الي شاغلني .. ماهو تطلب ولا ادور عيب فيها..هذي الصورة في بالي من قبل الزواج ..ما اتوقع رابط زي الزواج يخلو من من شوية حنان وعاطفة ..
اصلا الزواج هو اشباع للفراغ العاطفي ..
موضوع اتكلم معاها ..اصلا لو اقدر اتكلم معاها بدون مشاكل في هذا الموضوع ..كان ماصار كل هذا واحترت ..
لكن اول ما اذكر الموضوع تزعل وتتضايق ..اكثر من مره اروح جرير ماخليت كتاب ماشريت عن العلاقات الزوجية ..واقول لها قريتهم وعجبوني اقريهم ..لكن مافي اي نتيجة ..تقرا ولا تنفذ شيئ ..
بعدين اناقلت افكر اتزوج عليها ..ماقلت نويت ..انا وضحت اني مستصعب الموضوع ..لانه يبني علاقة جديدة ويخرب علاقتي الحالية ..
على العموم شكرا لكل من طرح رايه ...ومتفهم كل من اتهمني بشيئ انا عراف الوضع شويه حساس ..
تحياتي

يـقـيـن · 26-10-2008, 05:29

STOP
لحظه لحظه انت على بالك زواجك من الثانيه جنه موعوده ونعيم لاينقطع وعيوب الاولى مستحيل تكون بالثانيه
لاااااااااااااااااااااا وربي غلطان اسمح لي فكرتك غلط 100 %
تبي الجد اتمنى ماتزعل مني
زوجتك ينقصه الثقافه الزوجيه علمها على منتديات زوجيه انت وضح لها الفرق بين الرومنسيه والجنس خلها يكون عندها فكره باضطراب العواطف اللي تمر فيه يعني يد وحده ماتصفق ساعدها عطاها شوي من وقتك صارحها
اما انت بصراحه اسلوبك معاها يزعل فيك شوي من الدفاشه يعني بالله عليك هذا اسلوب لما تقول لها صيري مثل اللي بالفلم ترا هالشئ يزعل مو كذا.. انت اعمل الشئ اللي تبيه انت بادر بالحركه وهي اكيييييييد تبي تتعود على اسلوبك
وتفهمك على طول لاتنتظر منها شئ وهي ماعندها ثقافه كل اللي عندها ثقافه جنسيه فقط هذا على حسب اللي ذكرته
يعني لابد انها تهتم بطرق التعامل الزوجيه طرق التودد
وتمنياتي لك بحياهـ رومنسيه

* الـنـجـلاء * · 26-10-2008, 05:50

اخي الكريم
اولااا لازم تعرف انه الناااس يختلفون بالتعبير 000كل واحد له طريقته
مو كل الناس شاطره بالكلام 000في ناس حبها واهتمامها يبان بالفعل لكن يعجز عنه الكلام
في نااااس شاااااااطره بالكلام ولا يغلبها احد فيه لكن الفعل 00مش ولابد "على قولة المصريين"
يجوز زوجتك من الناس الي ماتقدر تعبر عن مقدار حبها لك بالكلام فتكتفي بالفعل
هي قاعده تثبت لك بافعالها انها تحبك والدليل انه يهمهااا رايك بالي تسويه كالعلاقه الخاصه
يهمهااا انها تكون مرضيتك 00 يهمااا انها تنوع لك 00 تجدد 00ماتبيك تمل او تحسه عااادي
انت جربت طريقة المقارنه معهااا وكانت نتايجهااا عكسيه "شوفي رومانسية الافلام وطبقي"
شرايك تجرب تكتب لهاااا 000 احيانا الواحد يتاثر بسرعه وبقوه بالكلام ويمكن ينفهم بالغلط
انا انصحك تكتب لهااا 00بس تهتم باختيار الكلمااات
اكتب لهااا مقدار حبك لهااا 000 واشكثر هي مرضيتك 000 وانه مافيه انسانه بهالكون تعجبك وتجذبك قدهااا
وبعدهااا 000 اكتب لك انك ودك لو تسمع منها كلمااات غزل اكثر 00 وانها تنوع بالكلام
زي ما تنوع بالحركااات 00 وبالاخير 00قولها الاسبوع هذا بسوي لك اختبااار
ومتاكد حتنجحي فيه 000 الاسبوع هذااا ابيك 00 تتفنني بالكلام 00 يعجبني صوتك واحب ادلع نفسي فيه
المهم 000 اكتب لهاااا برومانسيه 00 ووصل لهااا كل الي بخاااطرك بحنااان
خلي لها الرساله مع هديه لو أمكن 000 وعطهاااا وقت كااافي تقراهااا "غيب عن البيت"
واخيراااا 000الله يسعدك 00ويسعدهااا ونصيحه لا تدور غيرهاااا

الباحث عن الإستقرار · 26-10-2008, 06:10

أنا رجال واستغرب منكم يالرجال

مافي شيء يرضيكم وتبون حوريه من الجنة وأعتقد حتى الحورية ماراح ترضيكم

تبون كل شيء في الزوجة وماتدرون مافي أحد كامل

الكمال لوجه سبحانه وتعالى

حتى إذا جلست مع رجال وربي بينهم تناقض كبير

اللي يقول من جبنا عيال كل همها عيالها وأنا مو أي وقت تقدر تعطيني اللي ابي

واللي يقول جبنا عيال ومخليه الخدامه تربيهم وكل همها هم نفسها وشكلها وجمالها

يعني تناااقض كبير لا هذا يعجبكم ولا هذا يعجبكم

أخوي / لاتحسب الحياة مثل الأفلام والمسلسلات اللي تشوفها بالتلفزيون

ولا تدور على أي عيب في زوجتك علشان تلقى لك عذر بالزوجة الثانية

زوجتك تحبك وحبها صادق لك وواضح أنك أنت المهم عندها حتى أكثر من نفسها

وتسوي لك كل شيء علشان ماتحس بالنقص وتسعى لتجديد في الفراش

ويهمها يكون هالشيء يعجبك تدور على اللي يعجبك

وأنت لسبب تافه ويمكن زرعته في مخيلتك وصدقته وهو ماهو موجود وتبي تتزوج عليها

وحتى لو هو موجود فهو سبب عادي وايجابيتها تغطي عليه وتدفنه بعد

لاتهدم بيتك وتخرب استقرار وتعيش نفسك في دوامه وتتمنى لو يرجع الزمان ولا أخذت الثانية

ياليت ربي يرزقني بزوجة مثل زوجتك

ميمــــــــــي · 26-10-2008, 08:48

سؤال ادري انه برى الموضوع بس حبيت اساعدك

س/ هل زوجتك تدخل ع النت ؟؟؟؟

fadicoOol · 26-10-2008, 09:55

اخوي الغالي انت باين عليك انك تدور عيب في زوجتك

والله بالعكس اي واحد يتمنى وحده زيها

المهم انا بكتب لك طرق ممكن تاثر فيها وتخليها تحس فيك ...

1- الافلام الرمنسية كثر منها وضبط جلستك طفي الانوار جهز مكانك انت وزوجتك وتفرجوا ولما انت تدفرج الفلم حاول انك تكون قريب منها على اساس لا تفكر انك تبغاء الجنس في هذيك الساعة

2- افلام الرعب لها دور كبير هذه كمان بس خفف منها وحاول انك تكون جمب زوجتك عشان إذا خافت تمسكك وشوي شوي تحس في شعور الرمنسية

3- حاول انك تطلع معاها البحر خصوصا وقت ما بين العصر والمغرب

4- روح الكباين واجر اسبوع ترى الجوء هناك مره مره رمنسي يعني راح ياثر على حرمتك هذه الحركة 100%100

5-اطله معاها اخر الليل وروحوا كوفي هادئ وفي مويسقى هادئه وجلسوا اتكلموا مع بعض

6- حاول انك تثير غيرتها يعني وانت معاها تطالع على حريم وحاول انك تحسسها بانك تطالع وكذا راح تحاول تلف انتباهك او تزعل منك ووقتها تعال لها بطريقت الرمنسية

والله يا خوفي رغم ان ماني متزوج بس اتمنى ان هذه الحركه تنفعك انت حاول وجرب

بس والله حرمتك مافي مثلها اثنين لا تطيرها منك عشان سبب زي هذا

April · 26-10-2008, 12:06

والله يا اخي انا بعرف عادتا العكس
يعني الرجال بكون مو رومانسي والمرأه بده حنان
بس انا بحكيلك جيبها بشكل مباشر وقدامك احكيلها اني بدي اتحسسني بحنيتك لالي
وسوري على الكلام يلي بدي احكيه
يعني بوسه قبل ما تطلع على شغلك
ضمه حنونه
هيك شغلات تطلع من البها اتحسسك فيها باهتمامها
صارحها وبشكل مباشر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)