عالم الحياة الزوجية - منتدى

laidi · 26-10-2008, 22:32

انا من تطلقت وهو من بعد ساعه يحاول فيني ارجع...بس انا مابي لاسباب كثيره...بقولها مختصره...

1-من شفته ماتقبلته...وماعنده ذوق ابد ...

2-قاسي حيل...ومايعجبه العجب مهما اسويله..

3-بخيل شوي مو بسهوله يطلع القرش منه..ودايما ماعنده..مادري وين يروح هاالراتب

والاهم

لسانه والفاظه بذيئه وجارحه ومستفزه.

2-يده من جبت ولدي صارت طويله بدت بالنعال وانتهت بالعقال

3-يختلق الاسباب عشان ينكد ويهاوش حتى لو قدام اغراب او بسوق عادي اعتقد يفتخر بنفسه كذا

4-يدعي علي باالامراض على اتفه الاسباب...وانا اللي كنت طالبه وام وزوجه وخدامه بالبيت

دايما تاركني لحالي انا وولدي وانا مالي الاهو بنفس المدينه واهلي بعيدين وانا اخر اهتماماته

5- دايما يتهمني بالغرور واني شايفه نفسي عليه...لاني حلوه وهو شيفه

6-صار يتمادى حيل بالضرب والنكد جسمي كله يصير ازرق وحالتي النفسيه زفت واحيان اصب غضبي على ولدي

7-حتى خدامه مارضى يجيب ولا انا ابيع ذهبي واجيبها ..لين جابها ابوي لي ..

8-دايما يقولي بوريك منهي الحلوه مو انتي ...مع انه بالحلم مااعتقد حلم انه ياخذ وحده مثلي وهو وجهه يلوع الكبد

9-ماتنفع فيه الرحمه مهما اهتم يه واجيب له هدايا ولاكني سويت شي اقلها يرد الهديه مستحيل..

10-صارت حياتنا مستحيله كل يومين ضرب وصراخ ..وبصراحه اخاف على عقل ولدي لايروح لاني قريب بيروح عقلي

11-كل اسبوع بعد ماجبت ولدي يقولي انقلعي لهلك ترى عنهم كليه مويه واكل وبيوت مو بس عندي

12-يضربني لو بحظني ولدي او يدفني وانا شايلته كنه مو صاحي

والاهم انا مااطيقه اكرهه احقد عليه ذلني قهرني عذبني خلاني انطوي على نفسي

مع اني انا اول ماشفته ماعجبني ولاحبيته لاكن قلت الرجال مو بشكله الرجال مو مظهر ..مع كذا كنت ابين له اني احبه عشان مااجرحه

وكان ضعيف شخصيه مع امه تتحكم فينا على كيفها لو كنت بالسياره وقالت انل تعشى نزلني واحنا بنروح مطعم

بصراحه انا عمري 23 مااحس اني عشت حياتي هو كنت مااحبه من شفته ولاحسيت بطعم السعاده اللي اشوفها بعيون البنات اللي قدي

انتم وش رايكم اضيع عمري مع واحد اخلاقه زفت واكرهه واضحي حتى بنفسيتي ولا اصر على رايي

كل اللي حولي كل همهم يحطموني ماراح احد ياخذك غيره الا شايب ..طيب ليش التشاؤم انا صغيره وجميله جدا والحمد الله اخلاقي بعد

محد يدري وش مخبيله ربه...ليه يقولون لاتحاولين ليه يحكمون علي باموت وانا حيه...

انتم وش رايكم انا اكرهه كره قلبي مو متحمله...ولاصرت اتقبله كزوج...ولااتحمله يلمس يدي حتى....

ابي رايكم ساعدووني تكفون...

الدمعه الدائمه؟ · 26-10-2008, 22:46

حسبي الله عل ى الرجال كانهم مايخافوا الله فحريمهم لاكن الله يعينك لاء والله ربيه

لاترجعي اذا يضربك انتي منتي بهيمه ممكن تتغاضي عن الضرب اذا كان معوضك بحب بصرفيه زي الناس لاكن شين وقوي عين ماتجي

حسبي الله والله قهر يامي انتي منتي من الشارع

سيبيه يدور احد يرضى فيه الله يعينك عليه اهم شي لاتجيبي عيال الين يتعدل ولا سيبه

شكرا

لبوووه · 26-10-2008, 22:50

عندك استعداد تقاومين؟؟؟

عندك استعداد تحاولين اصلاحه؟؟؟هذا اذا فيه أمل

انتي اكثر وحده عارفه قدراتك....اذا فيك حيل ترجعين له ارجعي

ولا تتأثرين بكلام الناس اللي يحاولون تحطيمك

(عروس الجبل ) · 26-10-2008, 23:47

أنا بقلك كلمة أختي 00

لا يكلف الله نفسا إلا وسعها 00

أسأل المولى الكريم 00 لنا الفرج و إياك 00 و المسلمين 00

عبد العزيز-الخبر · 26-10-2008, 23:50

سبحان الخالق كل هذا مُجتمع فيه؟!!!

الأهـــــمـ: هل زوجك يُصلي مع الجماعة بالمسجد؟ أقصد محافظ على أداء الفروض في جماعة؟

حياتي كلها النواعم · 26-10-2008, 23:54

اترررررررررررررررررررررررررررررررررررررررررررررررر رركيه ولا تلتفتي في أمس

احمد نورالدين · 27-10-2008, 00:00

ازا اردتى ان تصبرى ولكى الاجر والثواب عند الله والصابر والشاكر قى الجنه والا فاطلبى الطلاق كى لا تقعى فى الحرام

احمد نورالدين · 27-10-2008, 00:03

[quote=احمد نورالدين;3817219]ازا اردتى ان تصبرى ولكى الاجر والثواب عند الله والصابر والشاكر قى الجنه والا فاطلبى الطلاق كى لا تقعى فى الحرام فخير لكى الزواج واسال الله ان يرزققى الله الزوج الصالح

سجينه الذكريات · 27-10-2008, 00:05

انا من رايي تستخيرين قبل كل شي وتدعين ربك انه يعوض صبرك خير ويرزقك بالزوج اللي يستاهلك اذا حسيتي انك ارتحتي نفسيآ لما استخرتي وان قرارك بعدم الرجوع له فيه مصلحه لك ولولدك فأنصحك ما ترجعين له وان شاء الله تكون خيرة لك ما تدرين يمكن اللي صار لك اختبار من الله وبعدها ربي بيرزقك شخص يحبك ويخاف عليك ... لا تهتمين بكلام الناس خلي ثقتك بنفسك كبيرة وانتي توك صغيرة والعمر قدامك طويل وفيك من الصفات اللي تشجع اي شخص يتقدم لك..وطلاقك مو عيب خليه بدايه لحياة جديدة عيشي حياتك واهتمي بولدك اكثر هو محتاجك الحين وانسي الماضي واكثري من الدعاء والاستغفار وربي راح يرزقك باللي تتمنين خليك بس متفائله ولا تهتمين بكلام الناس ... كثيرين مثلك مروا بتجارب تعيسه وكانت النهايه الطلاق وربي عوضهم برجال يحبونهم ويقدرونهم ... الله يوفقك يا عمري ويرزقك بولد الحلال اللي يقدرك... تحياتي لك.... يا غلاتي....

محتاجه دعائكم · 27-10-2008, 00:28

الله يفرج عليك و ييسر امورك

محتاجه دعائكم · 27-10-2008, 00:29

اشرطي عليه انه يتغير عشان ترجعين له ... ووضحي الاشياء اللي تزعجك منه

بنت حوى · 27-10-2008, 00:59

إذا كان كل الكلام اللي قلتيه صحيح

بالله عليك تفكرين ترجعين له

مع رجال مثل كذا اطر انا وعالي والا ارجع له

الجازيjAZY · 27-10-2008, 01:40

اقتباس:

5- دايما يتهمني بالغرور واني شايفه نفسي عليه...لاني حلوه وهو شيفه
8-دايما يقولي بوريك منهي الحلوه مو انتي ...مع انه بالحلم مااعتقد حلم انه ياخذ وحده مثلي وهو وجهه يلوع الكبد

لوووووووووووووووووووووووووول

هذا بلا أبوك ياعقااااااااااااااب

على قولتهم هم يضحك وهم يبكي
شوفي ياحبيبتي
أتوقع هالخبل اللي أرتبطي فيه...........<<عنده عقده نقص

يعني ماكو ثقه بالنفس
دائما يحس أنه اقل منج ظاهريا ويمكن باطنياً!!!
هذا شئ واضح وأتوقع أنتي ملاحظه هالشغله فيه!!!
بسم الله عليج ربي يحفظ لج شبابج من كل شر

اقتباس:

7-حتى خدامه مارضى يجيب ولا انا ابيع ذهبي واجيبها ..لين جابها ابوي لي ..
12-يضربني لو بحظني ولدي او يدفني وانا شايلته كنه مو صاحي

ياهب ياوجهه....... ول ول يامال........... أن شاءلله
شنو يترك نسايبه يتكفلون بزوجته وولده

صج ماكو كرامه رحمه لا بحرمه ولابطفل!!!!
عموما اتفق مع الاخوان اللي أقترحوا عليج صلاه الاستخاره
وماخاب من استخاااار رب العالمــــــين
الله يوفقج ويصلح أمورج ويخليلج ولدج

دُنـــى · 27-10-2008, 02:42

شوفي كل شي الا الاستهانة
استخيري
وبرايي لاترجعين
تقولين كارهته كيف بتحبينه
وبعدين شيفه
وبنعال يشوتك ليش انتي ايش وين لاقيك هو بيت ابوك ابرك

لمسه بهمسه · 27-10-2008, 02:47

انا اقول استخيري
ورجل مثل هذا مايستاهل ظفر رجلك وانشاء الله ربي يعوضك منهو احن منه عليك ويعوضك بالرجال الي يسترك ويحبك وتعيشين معه بسعاده وماهو صحيح انك اذا تطلقتي تاخذي شايب على قولتهم اعرف بنات كثير تطلقو ومعهم عيال اخذو شباب او مطلقين خصوصآ انك لسى صغيره وجميله
الله يعينك ويصبرك ياقلبي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني ارجوكم والله محتاره