عالم الحياة الزوجية - منتدى

laidi · 30-10-2008, 13:50

الى متى بيبقون الاهل يسيرون حياتنا مثل مايبون.....انا ماني انسان لي حق اعيش مثل ماابي.... خلاص كبرنا وصرنا امهات ليش مايرحمون ولا يخلون رحمة ربي تنزل...ليش كل واحد كل همه يتحكم بالثاني وبس....انا بصراحه تزوجت عشان افتك من تحكم امي فيني وبابوي ...وجاني الاردى سوق مافي الامعي اذا فضى طبعا لازم نحجز موعد قبل كم يوم....روحه لصديقاتك مافي....مو اي وقت تبين شي يجيك لو كان تافه...طيب متى بنتطور ..متى بيصير لي الحق اني اعيش على كيفي..دامني مااغلط ليش لا..العمر مره وحده..وللاسف ضاع بين تحكم امي فيني ...وغيرة وشك زوجي الجنونيه...يعني لاني بنت...او حرمه...خلاص مالي حق اعيش حياتي...ولا اكيد بكرا لما اكبر بيتحكم فيني ولدي..وش هاالعيشه...من جد اتمنى لو اني عايشه باي مكان بالدنيا الا هنا عند المتخلفين ...والمتهكمين...اللي مهما سوينا مو عاجب لاعند الاهل ولا عند الزوج الاناني..المدلع..الا في ابو يشري لولده سياره وهو برابع ابتدائي...واحنا البنات ..الله يخلف ...مااقول الاالله يخلي اللي سوى نظام المكافات ماحسيت بطعم الدنيا الامنها نافعتني لا وانا بنت ولا وانا متزوجه...بس ارجع واقول ليش كل واحد مايخليه بحاله ..ويكفي غيره خيره وشره...

لهيب الحرف · 30-10-2008, 14:10

مرحباً اختي حياتي غريبة

الي فهمته من الموضوع انك مطلقة وفي بيت اهلك وتعانين من التسلط الإسري

كلنا نعرف اننا كبرنا وفينا الي متزوج والي اعزب . لكن مهما كبرنا سنظل اطفال في عين امهاتنا وبهاتنا

فكل مايكبر الأنسان بيزود خوف والدينه عليـه .. ونعرف كثرة المشاكل حالياً في هالمجتمع

لكن مايصير انك تظيقين خاطرك للدرجة هذي وسعي بالك واهم شي انك تكونين اجتماعية

اما اذ1 انطويتي بغرفتك ولاتجلسين مع أهلك ولا مسموح لك بالخروج بأي وقت .. هذي طريقة سلبية بتتعبك مستقبلاً

خليك مع اهلك واطلعي مع والدتك سوائن للسوق او عزيمة .. بأذن ألله بتتغير نظرتك في اهلك

واختاري لك صديقة من الأقارب الي تعرفين عنها جداً وخليك دائماً بتواصل معاها وتفضفضون لبعض ..لأن الفضفضة للي تمون عليهم تريجك ويمكن مشوورته تنفعك

بالتوفيق يابطلـة أن شاءلله والي اقولة لك وسعي خاطرك وغيري نظرتك في اهلك من اليوم وطالع

بالتوفيق

روز22 · 30-10-2008, 14:48

يا حياتي غريبه ......لازم تغيرر الجو ولاتجلسين وحدك وخلك هابي على طول
اما انا الحمدالله اهلي يرضون لي اطلع ومبسطوين اني تطلقت من الي مايتسمى
لكني اصلا مااروح كثيرر لصديقات .........
حدي الكليه وبيت جدتي والسوق بعض الاحيان فقط

معانق الريم · 30-10-2008, 15:02

احمدي الله انك عايشه في البيت غيرك مطرود وحالته حاله

الحمد الله على كل شي

الجازيjAZY · 30-10-2008, 15:11

أخ أخ أخ
ذكرتيني ياعومري بمأسأأأأه رفيجتي أبتهااااااااال ماكملت ال17 وعايشه بجحيم

لاأم زي الناس ولا أبو يشرف ولا أخوان سنعين

أستغفرالله اللي يشوف مصايب غيره تهون عليه مصايبه

الحمدلله على كل حال

حبيبتي حياتي غريبه الله يفرج همج ويهدي أهلج ويصلح لج أحوالج ياااااااااااااااااااااااارب

مــجـ فكـــرة ـــرد · 30-10-2008, 15:24

كلامك صحيح لكن

العادات والتقاليد المفروضه يضاف لها الدين وتشريعاته السمحه بحق قوامة الرجل على زوجته تعطي الرجل الحق في فرض نظام للبيت , ولان أكثر النساء عموماً سهل خديعتها من الرجال بالكلام المعسول وسلب
مايريدون منها بحكم عاطفتها فأعتقد التنظيم شيء أساسي بالحياة ولانك أمرآه وزوجك يغار عليك ولم يمنعك ولكن يحتاج ترتيب وقته لكي يذهب بك إلى ماتريدين فهذا شيء طبيعي جداً بين العوائل فإذا كنت في البيت لديك من الفراغ الكثير فالزوج لديه المشاغل والإرتباطات التي يحتاج معها تنظيم أكثر , أما منعك من صديقاتك فهذا تصرف سيء ولا يحكم على الكثير من الرجال بتصرف زوجك , أما المصاريف التي يحتاجونها اخوانك من مصروف يومي أو شراء سيارة أكثر منك فأعتقد الحق على والدك بذلك فكان الأولى
ان يعطي كل ذي حق حقه ولاتنسين أن سيارة اخوانك راح تستفيدين منها أنتي في بعض مشاويرك حتى وانتي متزوجه .

اما والدتك وتسلطها فضعف شخصية والدك وليس المجتمع له علاقة بذلك

واخيراً يجب أن تفهمي إن كانت الثقه لديك في نفسك كبيرة فالكثيرات لايستطعن تحمل ذلك , وغيرة الرجل على محارمة فأرجع وأقولك هي عادات لو زنت المرآه أنهدم بيت وشوهت سمعت أطفال لكن لو زنى الرجل
فعيبه على نفسه فقط .

هي عادات وتقاليد في الغالب مع تشريعات إسلامية بحكم تكوين الرجل والمرآه وحقوق كل طرف , ومادام
المجتمع في غالبيته على هذا المنوال فلا تتأففي فالغالبية يعانون مثلك لكن هل هم على حق في كل
شيء وهل كل أمرآه قادره على الحفاظ على بيتها وسمعتها .

اترك الإيجابة لك .

مــجـ فكـــرة ـــرد

م-سيف · 30-10-2008, 17:17

الله يفرجها عليك

solitary · 30-10-2008, 18:40

اهلن

حبيبتي مالك الا دعاء وربي قادر انه يبدل حالك للافضل ان شاءالله <<<الكل يارب
وامك حاولي كيف تقدرين تقنعينها انك موقاعده تسوين شي غلط بتروحين صديقاتك قولي ياماما روحي معي اول وثاني مره لحد ماتثق فيهم وتخليك تروحين لوحدك لهم وحاولي تسوين اي شي يونسس ادرسي بمعهد دوري لك وظيفه استفيدي من وقتك حرررررررررام يروح كذااا (طوري نفسك حققي ذاتك شوفي ايش تحبين وابدعي فيه ))<<وبكذا تنسين همومك
<<<<الله يسعدك ويرزقك بكل حاجه حلوه زوج حنون يحس فيك ووظيفه سنعه واهل يقدرون ويحسون فيك اكثر

أحبكـ مـggت · 30-10-2008, 18:45

طنشي وماجاك عليكـ ..

إذا تشوفين اللي يسوونه فيك غلطـ من حقك تطنشين واذا كان لمصلحتك لآ

بس حاولي تفرضين شخصيتك لأن قوي الشخصيه أبعد من ضعيف الشخصيه ولكلاهمآ قوه وضعف

لكن قوي الشخصيه يفرض نفسه غصبآ على من أبآ ..

لكن الضعف والسكوت وخرس النفس وحرمان من غالب الاشياء هذا شي مايرضاه أحد على نفسه حتى يرضاه لغيره لكن ناس مستضعفه كثييييييييير وصارو وحوش وصارو المستضعفين وطيبين القلوب ضحايآ

حاولي تكون شخصيتك قويه جدآ جدآ ..

laidi · 30-10-2008, 20:43

اخوي معانق الريم انت بكامل قواك العقليه كيف يطردوني الدنيا سايبه محد بيسكت لهمبعدين مافي احد يطرد بنته عرضه...انا مادري انت جاد ولا تستهبل ...

صفوح أبواللبن · 31-10-2008, 04:36

لقد تربينا على هذه التقاليد و الأفضل أن لا تخرجي عنها لئنك ستواجهين المشاكل مع أهلك

ليآآآآآن · 31-10-2008, 04:47

مهما تغير الزمن التقاليد باقيه نزل اوصعدن ويسلموووووووووووووووو

فوق34 · 31-10-2008, 04:49

المشكله

مشكله ثقه وعقليات

كيان انسانة · 31-10-2008, 12:26

نظرة المجتمع بعض الأحيان ارحم من نظرة الأهل و تصرفاتهم مع المطلقة

بإعتبار كل شي محسوب عليك

مالك الا الصبر

ربك يعينك ويوفقك

الصمت كبرياء · 01-11-2008, 09:12

أختي حياتي غريبه
انا اختي مقدر وضعك
أبي اقولك شغلة
بخصوص زوجك
صدقيني يا بنت الحلال لو من ضهر رجال والله ما يمد يده على ام ولده
بس انا رجال واعرف الرجال بعضهم حقيرين
ولكن حسبي الله ونعم الوكيل من رجال ما تخاف الله في ازواجهم
اما الشغلة الثانية
أمك وأبوك يا وخيتك لاتهميلهم
والله اني فقدت امي وبعدها بكم شهر فقدت ابوي وانا كبير بالعمر ووالله احس اني يتيم
بس الحمدالله ياوخيتي الله موجود والحمدالله على كل حال
أختي قمة البر انك تبرين في والدينك وهم قاسيين عليك
وماء شاءالله عليك باين عليك بنت اخلاق وبنت ناس
وانا ادري وما الومك على كلامك وهذا كله طالع من قهرك لزوجك
وانا قريت موضوعك ولكن اللي شدني هينا لما قلتي أمي وأبوي
تدرين اختي انتي عندك أم تضميها وتبوسي راسها ويدها
أنا ما عندي والله لايحرمكم منها يارب
أختي ونا اخوك لايكون زوجك حاجز لتحطيم سعادتك بحياتك
أختي جد والله كلامي كثير كثير
ولاكن نعطي الفرصه للغير
وأسئل الله ان يسعدك في حياتك
ولا أوصيك في والدينك ياوخيتي

اخوكم / الصمت كبرياء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ليش مايتركونا بحالنا