عالم الحياة الزوجية - منتدى

غـــ جنون ـرام · 30-10-2008, 14:34

السلام عليكم ..

كيف الحال ؟؟

انا اختكم مقبلة ع الزواج زواجي بعد شهرين تقريبا ..

وابي اجهز لنفسي بس مو عارفة من وين ابدي ..

ممكن تساعدوني واكوون شااكره لكم ..

تحياتي ..

ميدو رام الله · 30-10-2008, 16:58

السؤال مش واضح كيف تجهزي نفسك
........
.........
....

soltanyami · 30-10-2008, 17:25

لوتوضحین اکثر

انشالله انساعدک

ميدو رام الله · 31-10-2008, 18:58

ساعدوهاااااااااااااا

العاشق الجديد · 31-10-2008, 20:12

ان اشاء الاخوات يفيدوك

وسيم الريـاض · 31-10-2008, 20:34

عليكِ بقراءة كتاب تحفة العروس

أنا عندي نسخه منه على الكمبيوتر

واستفدت منه كثير لما حملته

تحياااااااااااتي

غـــ جنون ـرام · 02-11-2008, 14:44

اجهز نفسي من ناحية لبس ومجوهرات ونعل وغيره ..

هدا قصدي اجهز نفسي ..

مشكورين ع لطفكم الي غمرني ..

أميره بدنياة حقيره · 02-11-2008, 14:51

خليكي معي وانا اجبلك برنامج كامل استني

мόόη Ļίģħт · 02-11-2008, 15:04

التجهيز يكون من ناحيتين

الناحية النفسية .. من خلال الاستعداد لدخول حياة جديدة
والاطلاع على مواضيع ثقافيه وعلمية تفيدك في حياتك القادمة
كما ذكر اخوي وسيم الرياض كتاب (( تحفة العروس))
بامكانك شرائه او تحميله من النت .. لانه كتاب علمي وشامل وديني بنفس الوقت

مكتبة صيد الفوائد الاسلامية

التجهيز من الناحية الثانيه (( جهاز العروس))
طبعا راح يختلف من فتاة للثانيه لكن راح اذكر الاساسيات
والاهم انك توزعي المبلغ بنسب تقريبية حتى ما تضيق عليك اخر شي

لي عودة ان شاء الله

عروسة نيو · 02-11-2008, 15:09

جهاز = دبش

مراحب

اختي قسمين وقتك بحيث يكون يوم ملابس رسمية يوم قمصان نوم يوم كماليات (( عطورات اكسوارات))

زي كدا لين تحسين خلاص موناقصك شي

ابدءي الاهم فالمهم

الله يوفقك يارب

أميره بدنياة حقيره · 02-11-2008, 15:17

أولا نــــــــبدأ بالحجـــوزات المطلوبـهـ:
حجز القاعـــه
حجز المكياج والشعر (للعرس والحنا والصباحيه والهديــهـ)
حجـز الكوشه والاضاءه
حجزالتوزيعات
حجز التصوير واختيار البوم العرس
اختيار بطاقات الدعوه
حجـز الفـرقه
حجز الأمن ( تفتيش جوالات الكاميرا)
الفساتيــــــن :
1-فستان الزواج ( تفصيل - ايجار- جاهز )
2-فستان الصباحيه
3- فستان الهديــه
4- فستان او فستانين زياده على حسب انتي شلوون
الجلابيات :
1-طبعا تختلف الوحده عند بيت زوجها بتسكن تحتاج كميات من الجلابيات اكثــر .. يعني من 5 الى 10 جلابيات لاتكثرووون ......وفيه بنات مايحبون الجلابيات فلاتتعبون نفسكم
2- جلابية الحنــا أو فستانها ( طبعا شعبي)
قمصان النوم :
كل عروووس لاتكثر عن 15 قميص نووم لانها بتمل منهم وبعد الزواج بتشتري ... طبعا يتنوعون بين الطويل والقصير وبوفتحه والرئيـــــــيسي الي حق اول ليله يكون طويل ومستر ( مايمنع يكووون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج ..

أميره بدنياة حقيره · 02-11-2008, 15:19

البجامات :

تنوعون بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثروون يعني 10 كفايه .. وطبعا مايحتاج اوصي عالسليبرز عشان نكمل الطقم >> حركات...والارواب

الملابس الداخليـــــه:
من15 الى20 طقم

ملابس البيت :

طبعا ملابس الغرفه اقصد اوالبيت لوكنتي بروحج وتتنوع بين برمودات وتنانير قصيره وحركات دلع .. اخذوا الاشياء العمليه الدلوعه (شرايكم بالتعبير) عشان تنفعكــم

ملابس السبورات :

جنزات ... وتيشيرتات ... قمصان كشخه وعمليه ... حزامات ... وماالى ذلك

البــدل والتنانير :

تحتاجين من 4 الى 6 بدل كشخه لانج من عقب العرس بتجيييييج زيارات كثيره وبتحتاجينها .... والي بتسكن مع اهل زوجها بتحتاج التنانير الساده العمليــه

أميره بدنياة حقيره · 02-11-2008, 15:21

العطورات والكريمــات :

بتااخذينلك كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه

الشنــــــط (الحقائب) :

العرووس تحتاج الشنط كثيــر فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركــات راقيــه ) ....
شنط لتجهيزاتك (طقم) + شنطة مكياج + شنطة للمجوهرات

العبــــــايات :

عدد 6 عبايات (أطقم طبعا) ( 3 راقيات للمناسبات + 3 عمليــات فيهم حركات خفيفه وممكن تفصلين وحده ساده )

المكيـــاج :
(جزء المكياج منقـول للامانــــــــه)

كريم أساس للسهرات ( ديور).
- كريم أساس للاستعمال اليومي ( ذا بودي شوب).
- أساس استوديو فيكس من (ماك)
- بودرة مضغوطة من (كانيبو ).
- بودرة مضغوطة للاستعمال اليومي ( ماكس فاكتور).
- لووز باودر ( من شانيل).
- مثبت مكياج ( جيفنشي).
- كريم ترطيب قبل المكياج ( هذا للحين ما اخترته ومدري شو احسن نوع).
- اللمعة دايموند باودر من ( ميك أب فور ايفير)
-الكونسيلر تاتش أوف لايت من (ايف سان لوران ).
- و الكونسيلر المتنوع الباليت الكامل من ( ميك آب فور ايفير).
- قلم الكحل الأسود من لانكوم و ماك.
- ماسكرا من استي لودر.
- و ماسكرا هيبنوس من لانكوم.
- الآي لاينر آرت لاينر من ( لانكوم)
- الشدو:
بيق مينت من ماك للسهرات بآخذ ألوان معينة .
- مجموعة شدو منوعة بين المات و اللمعة و الكريمي من ماك و بن ناي و نوبا
- علبة الشدو الكاملة من مكياجي للاستعمال اليومي و الخفيف .
البلاشر :
نوبا و ماك.
- الأرواج و الجلوسات:
- ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.
مثبت الشدو:
من ماك رهيييييييب و يخلي اللون يثبت و ما ينثر على الوجه.
- رموش :
ماك.

مفــرش السريــر :
راجع لك اختيار العدد بس اعتقد 2 كفايــه ..

الذهب والمجوهــرات :

نصيحه لكل عرووسه لاتكثرين من المجوهرات لان راح تجيك هدايا كثيره ... يعني تاخذين طقمين او 3 الماس وذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثـر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ....

мόόη Ļίģħт · 02-11-2008, 15:27

الملابس بانواعها
فستان الزواج
سهره .. اما تفصيل او جاهز
ملابس فخمة ..تيورات او فساتين او بدل
جلابيات
طلعات عاديه..جنزات وتي شيرتات
ملابس بيت..
قمصان نوم .. قميص اول ليلة وقمصان منوعه بالوانها واشكالها
داخليه .. اطقم فخمه
ستيانات قطنيه للبيت
ستيانات بسيور شفافه
كلوتات منوعه

تفصيل عباية او اثنين

توابعها حسب الالوان
جزم
( سهره
شباشب للبيت
سبور للسفر
صنادل عاديه .. كعب وواطية)

شنط
(سفر .. طقم كامل
سهره حسب ملابسك
طلعات < بالوان محايده حتى تستغلينها

اكسسوار حسب الوان الملابس
فخم
عادي

عطورات وادوات تجميل
عطور
شنظة المكياج وشنطة الاكسسوار< لحفظ اغراضك مرتبه
كريم اساس مع البودر
البلاش .. حمرة الخدود
الشادو..ظلال العيون
الكحل .. اقلام وسايل
قلم الحواجب
مشقر
ماسكارا
ارواج
مناكير
مزيل مناكير
سبري الشعر
جل
بكل وربطات للشعر
عدسات ملونه اذا تحبي

ساعات
ذهبي وفضي واسود وبني او بيج

وممكن يجيك هدايا فـ لاتكثرين

ادوات شخصيه
صابون مناسب للوجة
مناديل ازاله المكياج
اطقم الشاور من نكتار او زهور الريف
شامبو وبلسم
طقم اظافر
فوط
فوط صحية
مزيلات عرق
حلاوة
فرشه ومعجون ومطهرات الفم

أجهزة
مجفف كهربائي واستشوار
ألة نزع الشعر (براون سيلك ابيل)

ذهب
ممكن تشرين طقم او 2 على ذوقك

مفرش للسرير على ذوقك

مبلغ للكوافيرة يوم الزواج وللحمام المغربي والنتافه

مبلغ للكوشه .. اما جاهزة او شراء الاغراض لها

كيكة الزواج ودفتر العروس

مصحف وسجاد للصلاة

هدية للزوج اول ليلة او الصباحية
هدايا لاهل الزوج
ممكن عطورات او طقم دهن عود

وألف مبروك مقدما

أميره بدنياة حقيره · 02-11-2008, 15:28

الســاعات :
ساعة ليلة العــرس ... وساعتين وحده عمليــه لشهرالعسل ووحده كشخه للزيارات وغيرها .. (( لوكان عندك ساعات من قبل العرس فماله داعي تكثريـن)

الأحذيــه :
تاخذين على ألوان الفساتين الي شريتيها + أحذيه بألوان أساسيه أسود-أبيض-بيج-فضي- + أحذيه عمليه لشهرالعـسل + أكيـــد حذاء ليلة العرسـ
الأدوات والمستلزمات الثانويه :
مجفف شعر (سشوار) + مكينة للحف + عدةأظافـر+ عدة خياطة+ حلاوه –شيره سويت (بكل اللغات ) + ملقط شعر + اكسسوارات الشعر + مكواة بخار + مشقر لشعرالجسم

الاهتمــام والعنـــايه:
حمامات مغربيه + عنايه بالجسم + رياضه + حل مشاكل البشره عند دكتور جلدي + حمامات زيت وبرامج عنايه بالشعــر + بادي كير ومانيكير +عنايه بالاسنان
أغــــــــــراض ومستلزمات السوبرماركت (الجمعيه) ومحلات العنايه :
صابون (للوجه + شور جل + للجسم ) + شامبـو + مقشرجسم + مزيل مكياج + كريمات عنايه + قطن للتنظيف + أعواد الأذن + أسيتون (مزيل المناكير) + أولويز (للدوره ) + كيرفري للاستخدام اليومي + غسول المنطقه الحساسه (ستيل أو كيرفري ) + سبراي شعر + جل شعر + كريم شعر (فاشكول ) + مناديل مزيله للمكياج + كلينكس ( للشنطه ) + كلينكس معطر + فحم سريع الاشتعال (للدخون ) + ليفه الجسـم + علكه للشنطه + زيت لوز ( لجفاف البشره ) + فرشاة أسنان + معجون + معطر جوللحمام الله يعزكم + ديودرنت+مجموعة عنايه على ذوقك

مقتطفـــــــــات ( لاتنسي ) :
*إعداد قائمة المعازيم من وقت شان ماتتعبين
*تأكيد حجوزاتك قبل العرس بفتـــــره
*تشاورين الناس القراب منك في الخطوات الي تسوينها لان النصايح مفيده
*لوحجزتي شي (مكياج – شعر- حنا – كوشه ) وانتي مقتنعه وعاجبـك ... لااااتخلين احد يحيرك الي حجزتيه خلك عليه
*حجز المكياج لاتحجزين لاشخاص كثير ماك عشان تاخذين راحتك ومايكون ضغط عالماكييره
*خلي لك مبلغ بسيط من المهر ينفع لبعد العرس
* لاتنسين الهدايا لخطيبك بين كل فتره وفتره (تقرب القلوب) >> طبعا عشان هو يجيب بعد هههه
* قراء سورة البقره كامله يوم العرس
* لبس الفستان والحذاء قبل العرس والتمرن على المشيه ويفضل مايكوون ثقيل عشان ماتتعبين
* تبتعدين عن السهر عشان وجهك يكون منور يوم العرس
* اكثار شرب الماء واكل الفواكه والاشياءا لمفيده (للبشره )
* لاتتوتريـــــــن ... ترى يقولون أيام التجهيز من أحلى الايـــام حتى لوكانت تعب

أتمنــــــى أكون مانسيت شـــــــي

طلبي منك تعديل للموضوع (طلب مساعده لحتياجات العروس

والله يسعدك وينور طريقك ويحنن قلبه عليكي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ممكن تساعدووووووووني ..؟؟؟