عالم الحياة الزوجية - منتدى

ابوالبنات 2010 · 30-10-2008, 22:35

لليله الدخله ... او ليله الخطوبه تقع الفتيات في انواع من الاحراجات .......

لدرجة تلاقي وجه البنت من كثرة الخجل والارتباك صار مثل الطماطم ....

تعالوا نشوف من هذه المواقف :

1- وحده جاب زوجها لها تمر وجلس يُأكلها حبة حبة ... طبعا ً البنت
استحت من عريسها ان تطلع نواة التمر امامه لذا فأنها قامت ببلع تلك النواة
وعلى هذا الحال استمرت هو يعطيها واختنا في الله تبلع
الى ان انتهى بها الموضوع في المستشفى .......!!!

2- وحده جا خطيبها يشوفها وطبعا هي خجولة جداً .. وفيها حيا كثييير ....!!!
المهم دخلت عليه وابوها كان موجود فجأة دخل خالها وبعدين عمها
وشوي يدخلون خوانها كلهم ( يا حبيبي ) صار المجلس مليان ناس وكلهم
عيونهم عليها ومن يوم شافتهم المسيكينة متجمعين وكان يغمى عليها ...!!

3- وحده جات بتخطب صديقتها لاخوها عزمتها في بيتهم وقالت لاخوها
طل عليها من الشباك وشفها اذا اعجبتك نخطبها لك .. وافق اخونا ما كذب خبر
ولما جات البنت عطتها شوكولاته والبنت رفضت تاخذها وهذي تلزم عليها
والبنت مصرة ما تاخذ . ولما طلعت الأخت تسأل اخوها عن رأيه في البنت .. !!
الاخ شاف البنت وهي تخش الشوكولاتة في شنطتها ..
ولما سألته اخته وش رايك .....؟ قال موافق على طول وتم الزواج ....؟؟؟
وفي ليلة العرس يسأل الزوج البنت : وين الشوكولاتة اللي خذيتيها من بيتنا .....؟؟
" ما ترضين واحد ياخذ من بيتكم شي وما يستأذن " .......!!!

4- واحد في ليلة عرسه جالس في زاوية وزوجته في زاوية يكلمها
وهي مستحية وتطالع الارض .. ينطل (يعني يقول) نكتة (يستهبل) عليها ....
البنت ماش تطالع في الارض ولا كن فيه احد جالس جنبها ......!!
الولد من كثر ما يكلم نفسه وبنت الناس ساكته .. قال ياولد خلني اطنش واسكت شوي ..
فجأة اصدقاء الرجل قالوا لازم ننكد عليه ليلة زواجة (والله الغثاثة)
ونحرجه قدام زوجته .. المهم قام واحد منهم وأخذ حصاة وحذف بها الشباك ...
عاد تخيلوا البيت يعمه الهدؤ + سكون البنت وصمتها وصوت ضربة الشباك ( قوية )
كانت مفاجأة للبنت اللي يوم سمعت الصوت ومن الخوف والرعب طمرت ( نطت )
وضمت زوجها من الخوف ...الرجال استانس واعجبته الحركة ( ياســـلام )
ترك البنت على جنب وطالع من الشباك لقاهم اصدقائه صاح لهم وقال :
مرة ثانية شباب لو سمحتوا .... مرة ثانية تكفون ......؟؟؟؟؟
الا وحدة حصاة بالغلط تصيب في رأس العريس ... ويا ليل ما اطولك ....وصارت البنت
هي اللي تداويه ذيك الليلة وتنظف جروحه راح الحيا وراح الخجل .. والسبب حصاة....!!!

5ـ وحده اول مره بتشوف الي خطبها ويوم قالها ابوها يالله ادخلي المجلس
دخلت ومن قوة الحيا دخلت وسلمت على اخوها ......!!!

6ـ واحد وده يتزوج وقال لامه دوري لي وحده دلوعه وشكلها
بيبي فيس وجسمها صغيير وشعرها طويل واهم شي مو دبة
وكل مرة يروح ويشوف البنات ما يعجبه الشكل , وفي يوم لقت الام وحده
وقالت له روح وشوفها يوم راح ودخل المجلس جلس على الكنب
وقال ابو العروسة لبنته يالله ادخلي يوم دخلت وجلست على الكنبه الي جنبه
وشافها من قوة الفرحه وانها طلعت زي مايتمنى اخونا ماقصر قام وباس البنت قدام ابوها
منقول

ملثونه بث كلي احثااث · 30-10-2008, 23:06

هههههههههههههههههههههه
احرااااااااج
مرثي اوي ع الموضوع
والثلا عليكم

ابوالبنات 2010 · 30-10-2008, 23:21

يسلمممووو اختي

@جوري الحب@ · 30-10-2008, 23:44

ههههههههههههههههههههههههههه

الله لايحطنا بهالمواقف

مشكووووووووووووووووور

خواطر مسجونه · 31-10-2008, 00:18

ههههههههههههههههه الله يسعد قلبك
ضحكتني وانا طفشانه
انا بقولكمممممم موقفي لليله الدخله
طبعا ماتوقعت اني راح اروح البيت على بالي برووح فندق او اي مكان ثاني <= تحسب الحبيب رومانسي
المهمممم انصدمت يوم دخلت الشقه وقلت بنفسي يلله عادي يمكن العرس شطب على ابو الشباب وحاولت انسى الموضوع بس كنت مقهوره لاني مارحت فندق او اي مكان غير الشقه
المهم مستحيه والحياءءءءءءءءء مسيطر علي
وابو الشباب فديته فالها بقووه ينكت ويضحك ويستهبل على امل اني اتجاوب معه لكني من الخوف والحياء والتفكير وش يبيصير بعد هالاستهبال ماني معه
واخذ فيه التعليق والاستهبال انه يستهبل على لبسي <= تهور ابو الشباب فديته
وناظر فيني بطفششششش وقالي هيا ماتبين تشوفين غرفه النوم انتي وذا الخيشه ههههههههههههههههههه يقصد ثوبي <= الا اناظره بنظره مانساها الا اليوم كل يوم يذكرني فيها خخخخخخخخخخخخخخخخخ
وبالاخير اتكلم واقوله وشووووووووووو ؟؟؟؟ ثوبي خيشه من جد ماعندك ذووق وتغيرت ملامح وجهي ههههههههه وجلس ينط بالغرفه اخير تكلمت ياليتني معلق عليك من زمان ههههههههههههه
وجلس يتعذر انه مايقصد بس تهور بالاستهبال وعادي عنده وانا بقلبي لليوم واحاول اني اتريق عليه بس ماقدر قلبي مايطاوعني

العاشق الجديد · 31-10-2008, 10:48

مواقف لا تنسى

ميمــــــــــي · 31-10-2008, 11:50

هههههه يسلموووووو

زهرة الامل · 31-10-2008, 13:34

هههههههه والله ضحكتني انا اقولكم شو صار معي اول زيارة لخطيبي على البيت امو طلبت قهوة من غير سكر وكان عددهم 5 فاعطيت لخطيبي قهوة من غير سكر وامو قهوة بسكر اااااااخ وكل ما اتذكر الموقف اصير اضحك

هدوءالبحر · 31-10-2008, 20:51

ههههههههههههههههههههههه من جد احراج
مشكوررررررررررررررررره

سمراء من قوم غريب · 31-10-2008, 22:08

والله حلوات
ذكريات لاتنسى

دلوعة ابوها22 · 01-11-2008, 00:01

من جد مواقف محرجه بس تبقى حلوه ولها ذكرى
انبسطت من حكاية اللي سلمت على اخوها مفكرته العريس

عاشقة نيمو · 01-11-2008, 02:39

هههههههههههههههههههههههه,, مواقف فلة وتضحك من جد

اما هذي اللي بلعت التمر مع النواه حقته هههههههههههههههه كيف قدرت احس المسكينة تعذبت مررة,,

ولا هذي اللي نقزت في حظن زوجها وضمته من الخوف حركة حلووة زين سوو فيها بس المسكين العريس وش ذنبه

مشكورة وماقصرتي

مداريه الليل · 01-11-2008, 07:39

هههههههههههههههههه
من جد مواقف تضحك
يسلمو ابو البنات على الموضوع الجميل

Zuhair · 01-11-2008, 08:23

جدااااا ممتع الموضوع .....

gannaganna · 01-11-2008, 09:17

مشكوووووووووووووووور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مواقف حرجة ليلة الدخلة