عالم الحياة الزوجية - منتدى

ايميل · 01-11-2008, 21:06

بسم الله الرحمن الرحيم

السلام عليكم و رحمة الله و بركاته ...

خطبت قبل شهر تقريبا>>>>>>قولوا ماشاء الله

لكن خطيبتي مرة تستحي مني ، يعني أكلمها بالاسبوع يمكن مرة ، لأنها ماترد علي في الأيام العادية إلا نادرا ، طبعا سألتها هل تحبني قالت ايه قلت طيب قولي أحبك قالت استحي ...

المشكلة أرسلها يمكن باليوم 3 او 5 رسايل و هي بالاسبوع رسالة وحدة

معروف انها خجولة ...بس حتى بالرسايل تكون خجولة

انا محتاج حب وحنان زي ماهي محتاجة

اخواتي و السؤال للبنات و لا مانع من مشاركة الشباب لكن اخترت البنات لأنهم أعرف بحركات البنات

تتوقعون هي تسوي ثقيلة علي ، و لا لسا تستحي إلى الحين ، يعني أن صراحة عاذرها بس إلى متى تستحي مني؟!
و السؤال الثاني كيف اخليها تحبني و ما ترفض لي طلب
والثالث وش أسولف معها فيه ...لأني أقعد اكرر السوالف كل اتصال ؟!

وفقكم الله.........................

ايميل · 01-11-2008, 22:07

خطيبتي هذي قد عقدت عليها طبعا

الفراشة2009 · 01-11-2008, 22:17

بارك الله لك فيها وجمعكم في الدنيا على طاعته

وفي الآخره في جنات الفردوس الأعلى ...

شكلك مستعجل كل شي يجي بسرعه عواقبه اكثر

واذا على الكلام ياكثره حاول تفاتحها في موضوع بناء الحياه الزوجيه

وش تحب تسويلك وهي وش تبي وسويلها في شؤون اللبيت وكل شي

ونصيحه لا تتعمق في العلاقه اكثر من المعقول

واخيراً .........بالتوفيق

يارب الطف بحالي · 01-11-2008, 22:17

أولا الف مبروك والله يوفقكم يارب العالمين

ثانيآ يمكن فعلا تكون خجوله او ماتعرف تعبر لان اغلبية الفتيآت

ماتعرف تعبر ابدا لان الخجل يسيطر على تفكيرها وبعدين الي فمهتمه من موضوعك

أن توكم عاقدين القرآن يعني ماصار لكم كثير أعطيهآ فرصة تتعود عليك ويخف الخجل شوي

وراح تشوف الرسآيل والحب انواع بس طووووووول بالك

وبعدين أحمد ربك فيه زوجة خجولة هالايآم ماشاء الله الكل جريئ

وعسآ الله يفرح قلبك وقلبهآ

حلاوة لوزية · 01-11-2008, 22:32

لالا تستعجل أنا جلست مستمعة لزوجي ثلاثة شهور وانا كل كلامي ايوه طيب لالا مدري ومن هذا الكلام البسيط

وفي الزيارات ماارفع عيني بعينو نهائي الين هو جرأني ورفع راسي

أيام حلوة لالا تعوض استغل كل دقيقة مافي احلي من أيام الملكة

وبالنسبة للمواضيع اتكلم بأي شي بس لاحظ معايا حاتكون مراقب بكل كلمة تقولها

كون خفيف دم بس مو مرة عشان لالا تستخف فيك وكون طيوب
المواضيع مثل الشقة ايش هي تحب وانك تتنمى سعادتها والكلام يجر بعضه

ومبروك والله يوفقكم

hannod · 01-11-2008, 22:38

فترة الخطبه شهر لسه ما تعرفتوا على بعض الموضوع في البدايه يعني اعجاب في الشكل والاخلاق اذا كان زواج تقليدي والبنت لسه ما عرفتك

ايميل · 01-11-2008, 22:58

جزاكم الله خير

المشكلة أن أنا طبعي خجول ... و هي خجووووولة بقوة

يعني أبي اسولف معها أجرها بالكلام اسمع صوتها
سألتها وش تحبين؟ قالت كل شيء
قلت وش تكرهين؟ أكيد كل شيء و أنا أضحك معها و أقول لها حبيبتي لا تستحي مني أنا زوجك ووووووووووووووو
وبعدين أخاف اثقل عليها بالمكالمات كل يوم ، و هي ماتقدر تقول لي مشغولة أو أي شيء
وبرضه اشحن جوالها وكل اسبوع بطاقة و ما تجيني منها إلا رسالة الله يصلحني و إياها....

وفقكم الله.

ايميل · 02-11-2008, 00:19

شكلي باطنشها اسبوع

يمكن تحن علي

بحب خطيبتى · 02-11-2008, 01:20

هههههههههههههههههههههه
بتفكرنى بنفسى اول ما خطبت
هههههههههههههههههههه
خليك تقيل امال
ده حياء
ده انت بقالك شهر
مش تستعجل
عايزها تقلك بحبك
ده انا خاطب بقالى سنتين مسمعتهاش
والله ضحكتنى

نور شوق · 02-11-2008, 01:30

الف مبروك بس اني اقول توكم في البدايه ماصار ليكم الابس شهر اصبر عليه

دموع كيوبيد ! · 02-11-2008, 02:11

أولاً ألف مبروك والله يتمم لكم ع خير
ويجمع بينكم بالحب والخير ..

بس ياعزيزي ماتلاحظ إنك مستعجل شوي .!!
يعني توك ماكملت مملّك عليها شهر ..
مامداها تتعود عليك عشان يروح الحرج والخجل ..
شوي شوي وهي راح تتعود عليك
ولما تحبك من قلب صدقني راح تسوي لك كل اللي هي تقدر عليه بدون طلب منك ..
بس الفتره الاولى لازم تكون بـ ثقل وخجل من الطرفين ..
مع الأيام راح تتعود ..
بس هونها وتهون ..
أشوف من أولها تتشكى عليها : ) ..!!!

موفق يارب ولك السعاده ..

أختك / دموع كيوبيد !

فتاة الشرقية · 02-11-2008, 03:12

السلام عليكم ورحمة الله وبركاته
خطيبتك مافيها شيء يعني تبيها على طوول تقولك كلام غزل اصلا ممكن ماتقولك الابعد ماتكون عندك عادي اصبر
انا بقولك مثلا عن نفسي ما قلت له كلام حلو طول فتره الملكه وكنا نتكلم بالساعات وكله سوالف عاديه اساله شنو يسوي يسالني عن دراستي
يعني فترة تعارف ولامره قلت له احبك اما بعد الزواج طبعا كل شيء تغير فلا تزعل ولاتتضايق اخوي لان خجلها طبيعي
ممكن تزعل اذا تزوجتو وعدى على زواجكم اكثر من شهر وما قالت لك بس الحين شيء طبيعي
وانت تقول بتطنشها ليش تطنشها بالعكس تكلم معها في امور عامه بحيث انت تتعرف عليها وهي تتعرف عليك وترتاح لك
ولاتطنشها وتقهرها

حناني يسبق حروفي · 02-11-2008, 09:33

والله انا مخطوبه وخطيبي الله يحفظه لي ويرجع لي عاجلا ويجمعنا ياااااااارب

هو باسلوبه صرت اتكلم معاه بكل شيء وصرنا نفتح مواضيع مالها اول ولا تالي(قولو ماشاء الله)
مع انه يوم الشبكه انفجع من كثر ماني خايفه ومحرجه لدرجة صار يسالني انتي تبغيني بس باسلوبه والمكالمات اليوميه صرنا نشتاق نتكلم مع بعض
يعني انت اغرقها بكلام الحب وبعدين اسحب منها هالكلام واذا رحت لها للبيت سلم عليها وحسسها انها ملكك واذا جيت بتخرج سلم عليها وقولها انك مبسوط انك شفتها وخذها نصيحه اول ماتخرج اتصل عليها وامدح في شكلها ولبسها وكل شيء من يدها(انا بصراحه اذا قالي كدا يتصل من البكره وانا مشتاقه له موت ونجلس نتكلم
وبعدين شهر بدري عليكم اكل العنب حبه حبه احنا الان لنا8 شهور واخذنا على بعض في المكالمات بس المقابلات الى الان اخااااااااااااااف واستحــــــــــــــــي بس هو يرفع راسي ويكلمني ووووو

حناني يسبق حروفي · 02-11-2008, 09:53

تتوقعون هي تسوي ثقيلة علي ، و لا لسا تستحي إلى الحين ، يعني أن صراحة عاذرها بس إلى متى تستحي مني؟!
ترى يمكن البنات مخوفينها لانه انا خوفوني بس خطيبي الله يحفظه نساني الخوف باسلوبه وانت حاول معاها باسلوبك
و السؤال الثاني كيف اخليها تحبني و ما ترفض لي طلب
والله انا بصراحه لاني شفته يعشقني بجنون ودايم يتكلم عن حبه لي صرت ماارفض له طلب لو طلب عيوني قلت له تفداك
والثالث وش أسولف معها فيه ...لأني أقعد اكرر السوالف كل اتصال ؟!
اول شيء اخبار العمل
نصيحه مني كلمها عن الزواج وانك تبغي تسويه باسرع وقت لانكم مشتاقين تجلسو مع بعض وبعدين قولها صح ولا مو مشتاقه لي؟
كلمها عن الشقه شو نوع الاثاث اللي تبغاه لو ماحددتو فين تسكنو مجرد دردشه

قولها كلام الحب كله

الله يوفقكم يارب ويتمم لكم على خير

ايميل · 02-11-2008, 14:08

اقتباس:

المشاركة الأصلية كتبت بواسطة فتاة الشرقية

السلام عليكم ورحمة الله وبركاته
.
.
.
ممكن تزعل اذا تزوجتو وعدى على زواجكم اكثر من شهر وما قالت لك بس الحين شيء طبيعي
وانت تقول بتطنشها ليش تطنشها بالعكس تكلم معها في امور عامه بحيث انت تتعرف عليها وهي تتعرف عليك وترتاح لك
ولاتطنشها وتقهرها

وعليكم السلام و رحمة الله و بركاته

أنا ماراح أطنشها بالمفهوم نفسه
ممكن أقعد اسبوع ما ارسلها و لا اكلمها و أشوف ردة فعلها

وفقكم الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يابنات...خطيبتي مدري وش فيها