عالم الحياة الزوجية - منتدى

عميق · 01-11-2008, 21:08

مساء الورود

عندي موعد مع اهل البنت الي ناوي اخطبها وصراحه منزعج شوي لأنه المرة الأولى

ودي اترك انطباع طيب لما تدخل علي

ابي نصايحكم وتجاربكم

عاشقة نيمو · 02-11-2008, 04:17

انا بصراحة ما عندي تجارب,, بس المفروض انك تدخل عليهم كاااشخ وراز الشماغ مع الثوب ولاتنسى تخلي امك تبخرك بالعود (خلك مهندددددددددم ورزة ) ,, وحاسب في كلامك واسلوبك,,

واهم شي لاتكون منزعج ولا شي خلك Relax

Good luck

يعشقني · 02-11-2008, 04:21

طبعا لازم تكشخ آخر كشخة من حلاقة وثوب وشماغ وتعطر .. عاد مدري عنك اذا تبي تلبس بدله بعد هههههههههههه

ورووق اعصابك عالآخر قد ماتقدر لاتبين حالك انك مرتبك خلك صاحب الموقف..

اشرب عصير ليمون قبلها وفكر في اشيا بعيدة عن الشوفة..

حاول قبلها تفكر في اسئله خفيفه وحلوة حق البنت اذا صارت امكانية انك تسولف معها..

خلك ثقه..

ادري الي اقوله صعب في التحكم بالاعصاب بس حاول .. وترى الي فيك شي عادي يصيب الكل ..

بالتوفيق ان شاء الله.. ننتظر تجي تقول لنه وشصار معك ..

فراشة زرقاء · 02-11-2008, 04:55

الله يوفقك أخوي ويكتب لك الخير يارب

مثل ماقالوا الأخوات وأزيد عليهم الدعاء وقراءة الأذكار والله يحفظك ويسعدك,,

*ام فهد* · 02-11-2008, 05:08

الله يتمم كل شي علي خير ..

اول شي سم بالرحمن وتوكل علي الله ..

والبس واكشخ وعدل عقاالك ومد كتووفك << ساير حلبه مصارعه ههههههههههههههه

لا عاادى ياخوووووك ..

الامر طبيعي جداااااا ..

اهم شي انك اتخلى اعصابك هاديه والارتباك مب بيدك لكن حاول انك اتهدى الوضع عندك ...

واذا في امكانيه انك اتسولف وياها اسالها عن دراستها او شغلها بس لاتعدى بالاساله عليها ولا تبدى اعجاابك بها بالكلااااااااااااااام نصيحتى لك ..

خلها تفهم شعوورك من نظراتك لها مو من كلامك ..

ويلله بالتوفيج ان شااء لله ..

وخبرنا عقب ماترجع شو صار معاك

charisma · 02-11-2008, 05:23

اهلين
انا من تقريبا سنه اصرت نظرتي الشرعيه ..اقل من سنه
يعني اعرف كللللللش ي
واقولك اهم شي تبدا بالعنايه بمظهرك..حلق عدل والبس ثوب نظيف ورزه ..وجوتي رسمي وشماغ
واهم شي عطر ريحته حلوه وانصحك بعطر فهرنهايت ..لانه عطر تحبه كل النساء..وخلك رزه ولاتسو يعمرك جدي وثقيل دم ..ولاتستخف دمك كثير ..ولاتطالع البنت كثير وتبين انك ماخذها عشان شكلها وبس طالعها بنظره سريعه وقول مشااءلله
وامدح اهلها وابوها قبل البنت

واهمممممممممم شي جيب باقه ورد رزه وحلوه ومن محل كشخه مع صحن شوكلاته او حلااا
يعني تبين انك كريم من البدايه

واذا كنت تقدر وهذا شي مو مهم ..بس رح يحبونه اهل البنت مررررررررررره ويعتبرونك قمة الكرم ولا بينسونه ابد
انا خطيبي جابلي طقم مره نااااااااعم...واستغل هالفتره عشان الذهب نازل سعر الغرام

واهم شي تكون حبوب وياخون انطباع عنك انك مره طيب ومو متشرط ولازم انت تقتنع بهالشي
ولاتجيب زحمه معاك

سوري طولت عليك مره واوزعجتك
بس انشاءالله اكون افدتك

سلاام

اسمي غير · 02-11-2008, 09:05

اخوي كفى ووفى

كارمن@ · 02-11-2008, 09:33

تعرف اهم شيء اللباقة وحسن الاخلاق وماراح ازيد على كلام اللي قبلي
ربنا يوفقك ويرزقك السعاده في الدنيا والاخره
اممممممممممم
نسيت ركز على الهدوء والابتسامه الحلوه
مبروك مقدما ............

mr_abdulrahman · 02-11-2008, 10:35

من واقع تجربتي الشخصيه

- الكشخه ارشح تلبس غتره بيضاء ( جديده مو مستعمله ) لانها تعطي شكل جووونان
- العطور ارشح بخور ( خل الوالده الله يخليها لكم تبخرك من فوق لتحت ) و ابتعد عن دهن العود
- اذا دخلت بيتهم نزل راسك لانها جالسه تشوفك مع الدريشه اللي فوق ( اقهرها خخخخخ )
- اختيار المكــــان مهم ( اقصد مكان جلوسك بيتهم ) حاول تختار مكان استراتيجي حتى تشوفها وهيا داخله وهيا طالعه
- الكلام نصيحه لا ترتب خلها بوقتها يعني لا تجلس تقول بسألها كذا وبقولها كذا
- الجرائه نوعاً ما ( لاتصير مثلي خربتها جلست اهزء بدكتور ماده درسني سابقا و يدرسها يوم اشوفها لانه رسبني والبنت ميته ضحك وانا اتريق عليه )
- اشرب موووووووووووويه قبل لا تروح تشوفها لانه بينشف ريقك من صعبه الموقف اول شي
- اذا شفتها قل ( ماشاء الله ) حتى لو هي شينه يعني ماعجبتك لانها تعطيها نوعا من الثقه وخلها تسمعها
- اذا راحت اجلس شوي واطلع وقل انشالله بستخير وانتم استخيروا ويكون بيننا اتصال

اتمنى اني افدك تمنياتي لك بالتوفيق

روآآبي · 02-11-2008, 16:02

مهم طبعا المظهر الخارجي واكيد مابتقصر

لكن الاهم ..انك تظهر بشخصية واثقة ..وثابته ..وعلى طبيعتها وغير متوتر
حاول من قبلها تعمل لنفسك ايحاء بالهدؤ والسكون والثقه .. واصرف عنك اي شي ممكن يزيد من ارتباكك او توترك
اشرب عصير ليمون قبل تروح وصل الاستخارة ...واذكر الله ..الا بذكر الله تطمئن القلوب

والف مبروك

عميق · 05-11-2008, 21:40

الله يعطيكم العافيه كلامكم اعطاني المزيد من الثقة بعد توفيق الله

راح ارجع وأبشركم بأذن الله

بس ادعولي من قلوبكم انه الله يتمم على خير

اخوكم عميق

{حنـان} · 06-11-2008, 15:07

الله ييسر أمرك ويكتب لك إلي فيه الخير لك ..

بشرناااا =)

عميق · 07-11-2008, 14:35

الله يسمع منك : )

دعواتكم لي انه الله يتمم على خير ..

...أسيـر عيـونها... · 07-11-2008, 15:01

الله يوفقك ويكتلك الي في الخير ان شاء الله

الأخوان ماقصروا

ANGEL EYESs · 07-11-2008, 15:37

الله يسهل لمرك بس اهم شي تتوكل على الله وطبعا تتكشخ وتتبخر وتكون في احلى صورة لك والله يتمم على خير ويسهل امورنا يااااااااااااااارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

رايح اشوفها وش نصايحكم ؟