عالم الحياة الزوجية - منتدى

لخبطة مشاعر · 02-11-2008, 20:47

بسم الله الرحمن الرحيم

مساكم الله بالخير

أنا ملكت قبل فترة و لله الحمد >> أحلف

طبعا أنا في مكان بعيد جدا جدا عن زوجتي أنا بحكم الوظيفة وهي تدرس عند أهلها

المهم صرت أكلم المدام و كل شي تمام

طبعا الزواج في الصيف القادم إن شاء الله وهي لسا بتدرس

وأنا متفق معاها أنه ما أمانع أنها تكمل الدراسة في نفس المنطقة اللي أنا عايش فيها

إلى الآن كل شي تمااااام

المهم قبل فترة طلبت مني أنها تكمل الدراسة عند أهلها بعد الزواج

أنا بينت لها أني متضايق وبعدين قالت خلاص بلاش

لكن رجعت و فتحت الموضوع مرة ثانية بعدها بفترة

أنا ما وافقت لكن هي شبه مصرة ما أدري أحس في أحد يعبي راسها في الموضوع

يا جماعة ساعدوني كيف أتصرف و مو معقولة بعد الزواج كل واحد يقعد في ديرة

و لكم تحياتي

البرنسيسه روز · 02-11-2008, 20:54

مو معقول طلبها بصراحه بس انا اقولك في اذا كلمتها وحسيت انها رايقه افتح معها الموضوع بشكل لبق وفيه كلمات فيها حنيه وانك ماتقدر تعيش في بلد هيا ما تكمون فيه يعني رتبلك كم كلمه حلوه وحاول تعرف الاسباب يمكن عشانها خايفه من البعد عن اهلها والله يهدي سركم

ماهزني غيرك ~ · 02-11-2008, 21:08

والله شكل زوجتك يا مستحيه منك وماتبي تروح معك او خايفه من فكرة بعدها عن أهلها ..

بس مالك الا تفتح حوآآر معها وتبين انك تبيهآ جنبك وان مو هذي طريقة الزوآج الي تبي تبنيهآ معهآ وشوف شو الي مضايقهآآ

واذا ما وافقت واصرت من الآخر قلهآ أجل نأخر الزوآآج لا خلصتي درآسه وسويتي الي برآسك تزوجنآ مره وحده وبين انك مو مهتم وكل تأخيره فيهآ خيره

صدقني بتقولك بعد يومين خلآص نتزوج وأكمل معك الأنثى أكثر شي يجننهآ الآ مبالاة من الطرف الآخر تحس انها بتفقده فتتمسك فيه ..

وربي يوفقك معهآآ ..

لخبطة مشاعر · 02-11-2008, 21:58

البرنسيسة روز

ما هزني غيرك

ألف شكر على التجاوب السريع

و بالنسبة للنقطة اللي ذكرتوها أنها ممكن خايفة مني أنا ما فكرت فيها لكن ممكن لأنها خجوووووولة لأبعد الحدود حتى البوسة ما تجي منها إلا بالعافية و بـ 60 غلبة

ألف شكر و ننتظر مزيد من الآراء والنصائح

الحياة أمل ! · 02-11-2008, 22:02

لاتشيل هم ..هيه لما تدوق العسل بعد الزواااج ماراح تقدر تسيييييييبك >> هيه مجنونه تسيب العز علشان الدراسه

لخبطة مشاعر · 02-11-2008, 22:10

الحياة أمل !

الله يسمع منك

شكراً

mr_abdulrahman · 02-11-2008, 23:15

اعذرني مداخلتي يمكن تضايقك شوي
انا اقول انها تكمل دراستها عند اهلها حق من حقوقها تجاهك وانتا ايام العطل خذها عندك لحد ما تخلص
{ انا لو مكانك سويتها } لاسباب كثيره بنفسي
تحياتي لك ولا تتضايق من كلامي مجردرأي

لخبطة مشاعر · 02-11-2008, 23:31

mr_abdulrahman

من جد .. كيف الحااااااال

ليش منتزوج أنا

بكرى أحلى · 03-11-2008, 04:20

الصراحة الحق معك

مهيب معقولة الموظفات الحين تستقيل علشان حياتها الزوجية .. وهذي بزر وتدرس
كلامك هو اللي يمشي بس بالاقناع أولاً
قل لها : مين يطبخ لي؟ مين يهتم فيني ؟
نقاش هادئ وحوار حضاري وقل لها : انا ما ابي هالنقطة تسوي مشكلة وتخليني ما أبيك !

لخبطة مشاعر · 03-11-2008, 06:34

أختي بكرى أحلى

شكرا لك

روآآبي · 03-11-2008, 11:20

يمكن هي شايله هم كيف تدرس وتبدا في مكان جديد عليها
لكن انت طمنها واصر على موقفك
لو ان المكان اللي انت بتسكن فيه مافيه اماكن جيدة تكمل فيها دراستها بنقول الحق معها
لكن اذا كل شي متوفر ... لاتتجاوب معها هي بس تحتاج تطمنها ان كل شي بيكون تمام وانها بتنبسط

قمر الجبيل · 03-11-2008, 11:33

عادي طيب
انا اعررف نااس كذا زوجااتهم بمنطقه وهم بمنطقه

لخبطة مشاعر · 03-11-2008, 16:04

سحايب

يعطيك العافية أختي

بالنسبة لـ قمر الجبيل

الأشخاص اللي تعرفينهم كيف حياتهم مستحيل يكونوا سعيدين نفس سعادتهم لو كانوا مع بعض حتى لو حاولوا إظهار هالسعادة.. بالعقل يعني

تحياتي

نور شوق · 03-11-2008, 22:38

اذا كان باقي لها سنه خله تكملها عند اهلها تقبل مروري

قطبوطه · 04-11-2008, 01:55

الله يسهل اموركم بالعقل و اللين كل شي يصير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال.. كيف أتصرف معاها.. ساعدوني بليييييز