عالم الحياة الزوجية - منتدى

مشاعر انثى · 12-11-2008, 04:43

ابيكم تقرون قصتي وتحلونها لي انا فتاه متزوجه ابلغ من العمر 19 عاما المشكله في زوجي اول ثلاث ايام من زواجي تركني في البيت وطلع مع اصحابه يسهر وانا ضليت في البيت الى الساعه الرابعه فجرا المشكله يوم رجع البيت شفته غير طبيعي سكت على الموضوع ونمت يوم قمت الصباح واجهته بالموضوع واعترف لي انه شارب الخمر ومن كثر الصدمه ماقدرت اقول شي

تخيلوا اني توني عروس والحين انا لي سنتين متزوجه وانا اعاني منه كل يوم يشرب وادا قلت له ودني عند اهلي يرفض ويوعدني انها اخر مره ولا يعودها قلت لامه وابوه عن ولدهم وماصدقوني

ولو قلت لاهلي بتسير مشكله مالها نهايه وانا ماابي اخسر زوجي ماتصدقون ماارزقنا الله بااطفال يمكن خير لي وكل ماحاولت امنعه مااقدر اللي ابيه منكم تقولون لي كيف اقدر اسيطر عليه وامنعه من هدا الشى ولكم جزيل الشكر

yamensoso · 12-11-2008, 05:01

تبي نصيحتي أحسن شي تقولي لاهلك مدام اهله ما صدقوا ولا رح يصدقوا لانهم بيقولوا انه ولدهم وعارفينه

#عروسة الرومنسيه# · 12-11-2008, 05:27

فعلا انا مع الرد الي قبلي ..

لازم تخبرين هلج بهالمساله ..

ترااا هالشي مب سهـل ان يشرب ومداام ان اهله مااااصدقواا لازم اتوااجيهم باهلج لازم هوو يعرف ان انتى وراج ظهر وراااج اهل يخافون عليج هم مزوجيج لانساان لرجل مؤمن مب لانساان يسكر وله رفقاااء السووء ..

انا من رااي انج اتكلمين اي شخص من اهلج يكون متفهم وماايااخذ الامور بعصبيه وخليه ينصحه اذا مانتصاااح حاولي بكل الطرق ...

وعليــج بالدعاء والتقرب من الله ....

كل شي ولا الخمــــــــــــــــــــتر اعووذ بلله منه ومن الشاربين منه ..

اتمنى نى افدتج ..

الهل يوفقج ويعينج ..

ريحانة قلب · 12-11-2008, 06:45

غلطتك ياحبيبتي انك سكتي من بداية زواجك
عن هالشيء
الحل مثل الي قبلي
مالك الا اهلك وبس الئ متئ راح تسكتين حبيبتي الين يجيك اطفال ثم تبدين تنوحين وتصيحين
الحقي علئ عمرك توك ببداية العمر حتئ لو تطلبي الطلاق عادي هذا اذا مانفع معه لااهل ولا غيره
ترئ افضل لك الحين تعلمينهم
قبل ماتحملي ويصير الفاس بلراس بعدين اذا حملتي
مايهمه لااهلك ولا اهله
لانه يدري ماراح يرضوا اهلك تتطلقين وبلطريق بيجيك طفل
فالحقي عمرك حبيبتي

متزوج لكن · 12-11-2008, 07:08

اول شي حاولي تبعدينة عن اصدقاء السوء وخليه بشرب في البيت عندك لاتقولين مستحيل لن هذ غطتك من البداية لكن
صدقين اذا تعود على البيت ولجلوس معك ونتي البسه ومتزينة ولاترفضين ايطلب له بعد كذا راح يتعلق فيك ولايستطيع الستغناء عنك بعدة قولي له يانا يالشراب
والاتنسي تصلين الوتر وتدعيلة بالهدايه ولاتفكرين في اطلق ولا تقولين لهلك لنك ماقلتيلهم من الاول الحين ماعادينفع الا الدعاء ومحاولت نصحة على فترات الين يتعلق فيك الله يهديه ويرزقكم اذرية الصالحة

زوجي تاج راسي* · 12-11-2008, 07:35

غلطتك سكوتك من أول مره لكن نصيحتي لك إلجأي لله سبحانه وتعالى والله مايخيبك إذا إنتي تحبينه وماتقدرين تستغنين

عنه فعليك بسهام الليل وإذا شفتي حالته سيئه فمالك إلا أهلك لاااااااااااااتسكتين نصيحه

الفراشة2009 · 12-11-2008, 08:16

انا عكس الذين قالو ابلغي الأهل

مو كل مصيبه تسير علاجها الأهل

الجأي لله بالدعاء...والاستغفار.....

واسألي أهل الخبره من الدين في طرق العلاج......

بس سؤالي هل زوجك مواظب على الصلاه؟؟؟؟؟؟؟؟؟؟؟؟؟

++صدق المشاعر++ · 12-11-2008, 09:29

الصراحة الخمر مشكلة كبيرة

وهو على فكرة مشابه للمخدرات الى حد كبير في ناحية التعود عليه الى درجة انه يشابه الأدمان

لأن اذا كان يكثر منه 000 بيدمر حياته شوي شوي !!

خصوصا اذا كنتوا عايشين في بلد يمنع الخمور لأن ستضاف الى مشاكل شاربه مشاكل امنية
وهي بحد ذاتها اكبر من مشاكل شرب الخمر نفسه
طبعا لأن الخمر كونه محرم شرعا وعليه حد شرعي

ان ماتركه لاانصحك بالبقاء معه طويلا
لأن موضوعه سوف يتزايد مع كل سنة تمر عليه

وحاولي تأخرين موضوع العيال !

,,,ام سيف,,, · 12-11-2008, 10:13

خبري اهلج .. مداام اهله ما صدقوا عن ولدهم .. واذا اصطلحت وقدى رياال كاان بهااا بس جاان ما فاده الكلام خليه
عشااان انساان الي يشرب خمر يقدر يسوي اي شي لانه ما يكون بكاامل قوااه العقليه

ليآآآآآن · 12-11-2008, 10:26

كثيري الاستغفار وادعي له كثير مثل حاله الدعاء حلو

ليآآآآآن · 12-11-2008, 10:28

كثيري الاستغفار وادعي له كثير مثل حاله الدعاء حلو

رقة مشاعر · 12-11-2008, 10:33

..

حبيبتي انا مو متخيلة انه فيه انسان عاقل يقدر يعيش مع شارب خمر او مدمن مخدرات
هذا في حكم المجنون ..عقله رايح فيها
ممكن يسوي فيكي اي حاجة لا قدر الله
اختي ليه تقبلي بانصاف الحلول
يا ابيض يا اسود
يتسنع ويمشي صح والا انفذي بجلدك
هذي كبيرة من الكبائر ما ينسكت عليها
الله يكون معك وييسر امورك
..

سماهر 2009 · 12-11-2008, 11:53

حبيبتي عند حلين لا تاااااااااااااااااااااااااااااااالت لهما ياما تلمي اغراضك وتغادري البيت فورا ياما تصبري علية وما تقولي لاحد وتلتجي للواحد الاحد صومي كل يؤم اتنين وخميس حافظي على صلاتك وعلى السنن صلي صلاة الضحى وقومي اليل ادعي وبكثرة بين الاذانوالاقامة اخر ساعة من يؤم الجمعة انصاف الليل استغفري كثيييييييييييييييييييييييييييييييير حاولي كل يؤم تقري ؤلؤ جزء من القران تصدقي اقسم بالله العظيم انك بعد هادة كلة لن تلجي للعباد وحتشوفي تغييييييييييييييييييير كبير في حياتك اصبري وكؤني مؤمنة ايمان قؤي ان الله يغير ؤلا يتغير وقؤلي في نفسك انا امكن سؤيت زنووووب في حياتي اجعلي زؤجك تكفير لزنوبك او ابتلاة لكي وفي كلا الحالتين انتي الكسبانةاعتبري صبرك على زؤجك اجر وجهاد عظيم ان استطعتي الصبر فلكي كل اجر من رب الكون العظيم

مجنون جنا · 12-11-2008, 13:04

اذا انتي شايفه ان ابوه ممكن يكون له تأثير عليه فالطريقه بسيطه خلي زوجك بيوم يطلع يسهر كالعاده واتصلي على ابوه وخليه يزوركم قوليله ابغاك بموضوع ياعمي ولما يجي اجلسي معاه وتكلمي وحاولي تأخريه ولاتتصلى على زوجك وتقوليله ابوك عندنا نهائي ولما يرجع الزوج ابوه بيشوفه وقتها وبيشوف حالته وقولي وقتها ياعمي انا ماكنت ابغى ابلغ اهلي لانها بتصير مشاكل وفضايح واشتكيت لك انت لانك في مقام ابوي وهذا ولدك وماصدقتني والحين ولدك قدام عينك تصرف معاه لاني خلاص مليت من هذي الحياه وانا ماابغى اخسر زوجي لكن رضا ربي قبل زوجي واتركيهم مع بعضهم وادخلي غرفتك

موفقه عزيزتي والله يهدي لك زوجك

محبكم

مجنون جنا

moshtk · 12-11-2008, 13:28

احسن شي تقولي لاهلك ، الن اهلة ما راح يصدقون ـــ ثانياً من ترك شي لله عوظة الله خير منة ، بعدين فكري انتي في بكرة وتربية اولادك وكيف واحد مثل هذا ممكن يربي اولاد ( هو يبغالة تربية اصلاً)......... الموضوع ترى مو سهل ....مشتاق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني زوجي --------------------------