عالم الحياة الزوجية - منتدى

دانه بعين بحاري · 17-11-2008, 19:03

مرحبا فيكم..

بقوولكم الي صاار معي وتكفون قولو لي راايكم

انا مثل اي بنت عشت حيااتي عشت طفولتي ومراهتي وماتهنيت فيها كلها وربي .. وكنت احلم واتمنى ارتبط بشخص يعوضني.. الي فقدته,,

تمنيت ارتبط بشخص معين في بالي بس ماصار نصيب وصار ماضي بالنسبه لي .. وانخطبت كثير وماتم نصيب الا مع شخص واحد هو الي تطورت امورنا وجاء وشافني وكنت خجلانه مره وهو نفس الشي

ولحد هنا تمام بس لمن جلست افكر تعبت تعبت تدرون ليش؟؟؟
هو رجل ومستقيم واخلاق ووظيفته حلو ماينعاب من هالناحيه..

بس من ناحيه ثاانيه وش الاشيااء الي مو عاجبتني....

راح اقولها واتمنى تفهموني..

من شكله حسيت انه نظاام شيااب مايحب التجديد بشكله روتينه روتين اكل ونوم ودوام

احسه بعيد عن الرومنسيه.............

مو هذا الي تمنيت تمنيت رجل يعيش سنه يعيش فترة شبابه هذا لا عاايش وكانه اكبر من عمره مع انه 27 وكأنه 40

حتى 40 الحين صار يتشببون هذا لا مدري ياربي ليش اذا تمنيت شي يجي عكسه ماعمري تمنيت وخذيت الي ابي

امي واهلي مقتنعين بس انا لا
انا نمط شخصيتي غير غير
احس مافيه تناسب مررررررررره
قالت اختي بس كذا بكره اذا خذيتيه تغيرتي
مدري هل فعلاً صدق..

او بكره اذا خذيته بأظلمه وأظلم نفسي

تعبانه بالحيل وش رااايكم اتمنى الي يرد يرد صح لا يتريق تراي وربي مقهووره ومتضاايقه بالحيل مرات اقول يابنت
خلاص اصرفي نظر وربي بيرزقك بغيره ومرات اقول لا خاف يصير اردى ومرات ودي اموت وارتااااح وربي تعبانه بالحيل على خفة دمي وسعة صدري الى اني الان بحاله يرثا لها....

اتمنى توجهوني وخصووصاااا الي حاسين بمعاناتي والمتزوجين هم اكثر خبره...

ياقلبي على زوجي · 17-11-2008, 19:30

لا والله حاسه فيكي..

انا عكسك ..

زوجي عمره 25 واللي يشوفه يقول عمره 20

كل شي فيه صغير ومايحيب يلبس الا بنطلونات ومايحب الشماغ ولا الغتره ..

انا صح يعجبني كذا بس اتمنيت يجيني واحد جسمه جسم رجال مو ولد. فاهمه عليا .

وبيني وبين نفسي دايما اقول الكلام ذا . ترى حتى قلت لامي قالت بلاا دلع بالعكس الولد ايش فيه(ومع اني ادري ان امي كات تتمنى يكون جسمه جسم رجال

لان صحباتي لما حضرو ملكتي جلسو يتريقو يقولو ذا شكلو في ثالث متوسط . ووحده تقول ذا قد ولدي . والثانيه قد اخوي الصغير وبس تريقه ويضحكو
(لا وامتن منه انا كمان )

وحتى لما خرجت معاه حسيت اني خرجت مع ولد صغير مو رجال وهيبه.. وكمان احسه خجول ومو رومنسي.. مثل مشكلتك

بس خلاص احبه وراضيه فيه يعني ايش بسوي

عشان كذا خلاص هذا نصيييييبــك وارضي فيه وخليكي واعيه

احمدي ربك مو كبير بالسن ويمكن انتي تغيريه تعلميه

بس الاهم تكوني من جووووتك راضيه فيه لان هذا اهم شي.. ووالله حاسه فيكي

وان شاءالله تتفااجأي برومانسيته وماتدري يمكن ذا يدلعك اخرررررر دلع . اصبري عليه وربي يوفقك .

وادعيلي..

اموله 2009 · 17-11-2008, 20:03

ليش تحكمي عليه من الحين

اكيد لازم يكون امام اهلك شخص عادي واش تبغينه يسوي

فيه ناس كذا ما يبين فيهم شي واذا مع زوجاتهم تلاقينهم رومنسيه ودلع والعكس

انتي استخيري الله بالاول وكل شي بيتغير

بس كيف عرفتي انه كذا؟يعني يوم جاكم ما كان لابس كويس؟

او كلامه مثلا ما عجبك؟

ANGEL EYESs · 17-11-2008, 20:19

بالعكس الرجل كل ماكان رزين سواء في لبسة اوشكلة اوتصرفاتة افضل لك بس انتي استخيري والله يسهل امرك بس مو الشكل يحكم يمكن يكون في قمة الرومانسية وانتي ماتدرين بس الله يوفقك وطمنينا

@طلال@ · 17-11-2008, 20:27

بالعكس أنتي تشوفينه كذا في البداية والرومنسية في الغالب والحب والمودة ماتجي إلا بعد الملكة والزواج وإذا كان خطيبك فيه مواصفات زينه مثل الوظيفة والاستقامة فانصحك ماتترددين ابدا وان شاء الله يكون ذا خير لك والله يوفقك في حياتك الزوجية الجاية

$الوجد$ · 17-11-2008, 21:13

خوذييييييييييييييييييه وانتي مغمضه

تقدرين تغيرين فيه اللي تبين

ان كيدهن عظيم

chocolat girl · 18-11-2008, 02:05

انا فهماكي وحاسه بيكي
لما يجي المره الجايه حاولي تفهمي منه بذوق كده
ممكن يقولك انه روش من جواه ونفسه يعيش حياته مع زوجته
والراجل الرزين العاقل كويس جدااااااااااااااااااااااااااااااااا
هتحسي برجولته وقيمته لما تعرفيه
رائي
صلي استخاره وشوفي كده
لو مرتاحه اديله فرصه تقعدي معاه مره واتنين قبل الخطوبه
واساليه عن اصحابه دراسته شغله حياته اهله
والنوع ده لو حبك ممكن تغيريه لانه هيحي يرضيكي
وابقي طمنينا وربنا معاكي

abu-s3ud · 18-11-2008, 02:22

شوفي اختي كل شي وله حل يعني ممكن انك انتي تغيرينه علميه الرومنسيه علميه انه يعيش سنه مافيها شي يمكنه مايعرف ومو عيب انتي جيبيها بأسلوب مثلا اختاري له ملابسه قوليله مثلا انك تفضلين التغيير والتجديد يعني مثل هالأشياء وصدقيني بكره كل شي راح يتطور للأحسن
اتمنى لك التوفيق ان شاء الله

king sami · 18-11-2008, 02:44

السلام عليكم اختي العزيزة/ لدي حل واحد فقط وهو انك تصلين ركعتين خبره وانك تستخيرين ربك وإن شاء الله ربك يكتبلك الخيره لك دمتم بكل ود اخوكم سامي

**ضــي** · 18-11-2008, 03:16

والله ياقلبي دام انه مافيه شي ينعاب

ليش تقتحين على نفسك باب ماله داعي؟؟

احمدي الله وارضي بقسمتك والله غيرك يتمنون ولا هم لاقين

وصدقيني انتي برومانسيتك وطلعك بتغيرينه وعلى الاقل بتغيرين لو شي بسيط فيه

وربي يوفقك

asa3 · 18-11-2008, 03:38

مريت بمرحلة الحب قبل الزواج وتزوجة حبيبتي لشخص اكرهه ولكن عوضت الحرمان بزوجتي الله يخليها وصعب الحكم على الرجال اذا عاملتيه كاالطفل المدلل
الرجل يحتاج لتوعيه والحمد لله انتي مثقفة وبإمكانك تغيريه
أهم شي انه يخاف ربه ويصلي وباقي الامور تجي بالحب

بسنان · 18-11-2008, 03:48

صدقيني اذا كانت اخلاقه ودينه كويسه لاتعيبينه ... بعد الزواج ظبطي وضعه .... وربي مو عذر ...
غيرك محرومين من هالنعمه .....
واستخيري حبيتي ..الله يوفقك..
تحياتي ...

мόόη Ļίģħт · 18-11-2008, 04:13

صعب تحكمين عليه وانتي ماعشتي معه .. معتمده فقط على احساس ........

ياما حسينا احاسيس وصار عكسها

او صارت عاديه ومو سيئه مثل ماتوقعنا

بعدين دام الشخص مافيه عيب واضح .. او سبب مقنع يخليك تتركينه . فالاحسن تعيدين تفكيرك بطريقه شامله ومو تسليط الضوء على السلبيات

كيف حكمتي عليه انه مو رومنسي .؟! الرومنسيه تبان مع الوقت ولماتعرفون بعض كويس و يكبر الحب

وحتى لو كانت رومانسيته مو اللي ببالكـ واللي حلمتي فيها

انتي خليك رومانسيه .. وهو راح يتأثر ويتعلم منك

وبتكونين انتي المميزة بالعلاقه ......

موفقه ياآ آ آ رب

دانه بعين بحاري · 18-11-2008, 04:44

آآآآه ورب البيت اقرى ردودكم وانا ابكي قسماً بالله دمعتي على خدي ومو قادره اناظر الكيبورد زين من الدمووع,,,,

شاكره ردودكم كلكم .. وبعدين بالعكس هو كان لابس وكان خجلان يوم جااني بس لمن طلع شفته وهو ماشي حسيته احاسيس غريبه وقلت لاخوي الصغير صوره اذا طلع وصوره وهو ماشي لسيارته لمن شفته وهو ماشي والشمااغ مو مشخص قلت ليش كذا ياما انه مغصوب على الزواج او فيه شي مو معقول مايشخص حتى لمن دخلت عليه الغتره ماشخصهاااااا انا استغرب لمن يحكولي صديقاتي اذا جت نظرتهم الشرعيه يكون الرجال كاشخ ومشخص من هاليله يتحدد اشيااااء كثيره وهذا لا مدري هو طبعه كذا او من لخمة الموووقف... انا احب الشخص الي يهتم مو كذا وعلى قولتكم ان شااء الله اقدر اغيره انا مقتنعه بهذا الشي بس اتمنى مايكوون صعب اتمنى يكون سلس..

تصدقوون عاد لمن جاني بالنظره الشرعيه ماشفنا بعض وربي... هو استحى ونزل رااسه وانا نفس الشي وقدمت عصير وطلعت وماقعدت..

اتصلوا مره ثانيه وشفنا بعض ثانيه وجلس شوي وتمقل فيني وانا ماني قادره ارفع راسي اشووفه وطلعت وعلى طوول كنت حاابسه دموع بدااخلي احسه طييييييييب بس انا مو مقتنعه فيه واهلي جننوني يقولون اذا فوتيه ماعندك سالفه ....... الله يكتب الي فيه خير

ادعو لي تكفووووووووون.......

@جوري الحب@ · 18-11-2008, 06:37

حبيبتي دانة

كل احكامك على الرجال ماتستند على افعال تثبت انه مو رومانسي او انه مو مهتم

هو لو كان مغصوب عليك ماكان طلب اعادة النظره الشرعيه

بس تلاقينه يمكن خجلان وترى بعض الناس يتلخبط في هالمواقف

ومن ناحية تصرفاته والله عادي انا اشوف الانسان الكبير افضل من الصغير بالف مره

وحلو يكون تصرفاته اكبر من عمره والله هذا هو الاحسن

انا اقولك خطيبي الاول كان اكبر مني ب12سنه هو 32 وانا 20

اول ما شفته وربي جاني شي مو طبيعي احسه نسان ما يفهم في الرومانسيه انسان نظامي

بجد حسيت انه ما يصلح احسه كبير تفكيره مثل تفكير ابوي

لاكن بعد ما استخرت ارتحت وبعد ما ملكنا وربي شفت انسان ثاني

اش رومانسيه واش دلع بجد شي ماتوقعته وربي صرت احسه بعض الاوقات اصغر مني

وانتي تقدرين تغيرين الرجال حاولي تكونين معه رومانسيه واسلوبك حلو وانشالله ما يصير الا الي يسرك

واهم شي استخيري اكثر من مره واذا حسيتي بالارتياح وافقي عليه

والله يوفقك انشالله وكل شي قسمة ونصيب

وانتي اقري موضوعي في هالقسم زوجك من اختيارك ام من قدر الله

والله يوفقك انشالله ياااااااااااااارب

ويسخر لك كل خلقة ويرزقك بالزوج الي يحطك بعيونه

تقبلي مروري اختك

توووووووووووووتة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعالو تكفوون وردوا علي ...