عالم الحياة الزوجية - منتدى

لؤلؤه البحرين · 18-11-2008, 19:43

اولا : اهلا باخواني الاعضاء واخواتي ومشكورين انكم تقراون موضوعي

بس حبيت اخذ رايكم لان عيد ميلاد زوجي يوم الاحد ومادري محتاره مش عارف شنو اسوي فا عندي فكرتين وقو لوا لي وش رايكم والي عندها بعد افكار تطرحها لي

اول فكره وهي حبيت اسوي لزوجي عيد ميلاد في البحرين بما اني بحرينيه ومزوجه سعودي وراح يكون في مطعم بوفي لشخصين ويتيميز هذا الطعم ان يسوون زفه عيد ميلاد اول مايدخل وبعدين يقدمون له كيكه وهدايا رمزيه وبعد اشوي يحطون مسيقى كلا سك واغاني رومانسيه فا انا حبيت اسويها له مفاجاه بدون مايدري فا اناراح اقوله بان اخوي بيسوي عيد ميلاد بنته علشان ابيه يتفاجاء وقلت باخذ له ساعه ماركه وبقدمها له في المطعم وش رايكم؟

اما الفكره الثانيه ان بشتري فراش يديد وحلو قلت بسوي له جو رومانسي وباخذ بالونات بحطهم بالغرفه اي ازين وباخذ ابجورات حمر بسوي ليله حمراء وبشتري كيكه من حلويات سعد الدين وباخذ طلبيه عشاء من بره وبجهز الطاوله وبشتري لي فستان حلو وناعم ورد حمر وبنثرهم على السرير وبشغل المسجله على موسيقى كلاسك وبجهز الحمام بكامل اغراضه اي الرغوه والروائح وبشتري فوط بيض وبكتب بالرش عليهم احبك وبحط شموع ومكان خاص للمساج ومسيقى هادئه وش رايكم؟

اتمنى ان تعجبكم افكاري واهم شي ابي ارائكم والي عنده فكره يحطها لي محتاجتنكم ارجوكم بسرعه ومشكورين وماقصرتون

zema8 · 18-11-2008, 23:11

اجمل احساس

اشجعك على الاقتراح الاول

ادامها الله عليكم بنعمة الحب

وعقبال مائة عام وهو معك بالصحة والعافية والهناء

دحروجه عاشقة كعبووول · 27-11-2008, 13:27

up

zema8 · 27-11-2008, 15:06

بصلــــــــــــــــــــــــــــة المحــــــــــــــــــــــــب خــــــــــــــــــــــــــــروف

صدق مشاعرك له تغني عن اعظم هدية

زيدي من هذا الصدق واشعريه به فيجعلك اعظم زوجه في العالم

هديتك حبك

والهدية ليست بالقيمة انما بالمعنى

تحياتي ووفقكم الله

رنة الخلخال · 27-11-2008, 16:34

حلوه الفكره الاولى سويها له راح يستانس 00
اما الفكره الثانيه سويها له اول عيد احلى 00
والله يديم عليك السعاده انشاء الله 000

انسة جدا كيوت · 27-11-2008, 16:56

السلام عليكم ...
اختي الغالية اولا.... من ارضى الناس بسخط الله اسخط الله عليه الناس ومن ارضى الله بسخط الناس ارضى الله عليه الناس
فالله يبارك فيك حرام الاحتفال بعيد الميلاد ولو كان لزوجك اتركيها لله وسيرضى الله زوجك عليك ويسخره لك ولاتعملي شيء يسخط الله..
ثانيا...والموسيقى حرام ويمكن تسعدين وانت مشغلتها وما ان تغلقيها الا ينقلب وضعك راسا على عقب ويتحزني وهذا عقاب من الله ...

اختي الحبيبه اردت لك الخير في الدنيا والاخرة انا الحمد الله متزوجة من10شهور ولم استعمل هذة الاساليب ومبسوطة في زواجي انما احتفلت مع زوجي ليلة عيد الفطر وكان يوم رائع فستغني بالعيدين الفطر والاضحى ووفقك الله لمايحب ويرضاه

تفاحة زوجها · 27-11-2008, 17:01

طيب حنا وشدخلنا تجين تقولين لنا الكلام؟
سوي قرعه ماله داعي الفشخرة الزايدة

احلام عاشقهـ · 27-11-2008, 18:24

انا اقول ليله بسيطه وهادئه في بيتكم او تعزميه على عشاء برا بدون زيطه وزمبليطه مالها داعي كلمه حلوه منك تخليه احلى عيد ميلاد........

$دلوعةميدو$ · 29-11-2008, 15:47

انا منكلام انسه جدا كيوت عيدالميلاد والموسيقى حررررررررررررررررررررررررام لاتتساهلون بعدين تنقلب النعمه نقمه

احرك الهوا بشماغي · 29-11-2008, 16:34

متابع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يا جماعه ابي ارائكم بسرعه