عالم الحياة الزوجية - منتدى

عيون ملائكية · 19-11-2008, 22:37

السلام عيكم ورحمة الله وبركاته
انا ماابغى اطول عليكم في المقدمة بس انا اكثر من مرة عرضت مشاكلي مع زوجي ( مملكة ) والحمد لله ارتحت كثير لآراء الاعضاء وهذاسبب ان اكتب لكم اليوم
طبعا باقي لي شهر واكمل سنتين على اني ملكة عليه المهم في الاول كانت اتصالاته قليلة وعنده لامباله اكثر من مرة صارحته والحمدلله يتغير يكون زين وبعدين يرجع مثل اول المهم انا تعودت صرت مااتصل الا اذا فيه شي مهم حتى لما يكون سهران مع اصحابه وفي اوقات بعد الساعة 1بالليل احاول مااتصل لان مااحب احرجه او اخاف اتصل ومايرد
المهم الاسبوع الماضي كنت مرة متضايقة وماادري وش اللي خلاني اتصل تقريبا الساعة 1 المهم رد ورغم ان جواله مفصول قالي قفلي انا برجع خدمة 24 ساعة واتصل وحس اني متضايقة وجلست يتكلم معاي (احبك - وحشتيني _ نفسي اشوفك اللحين _ ويتكلم عن اخر مرة شافني فيها ) طبعا هو دائما لما يتكلم باامور جنسية احاول اغير الموضوع او اسكت وهو يعرف يضحك علي بس ذيك الليلة كنت فعلا محتاجة انه يكون عندي وابوح له باللي بخاطري
هو لما حس اني متضايقة قالي حبيبتي تنامين بحضني قلتله ايه احضني بقوة وطبعا طلب مني بوسة واعطيته وصرت اقوله احبك ومن جد انتظر اليوم اللي اكون معك فيه طبعا من الكلام الرومنسي وحسيت انه مرة مبسوط وطول الوقت يقولي انت خايفة اني اتركك والله لو وقفوا قدامي كل الناس حتى اهلي ماراح اتخلى عنك المهم ذيك الليلة طلب مني اصحية الدوام الساعة 5 واول مااتصلت قالي هلا حبيبتي ونور عيوني المهم راح الدوام اتفاجأت الساعة 8 اتصل ولما رديت قالي بس حبيت اقولك اني احبك
واليوم اللي بعده طبعا مااتصلت هو ارسلي خدمةبليزكلميني واتصلت قال بس وحشتيني
مرت 5 ايام اذا انا مااتصلت يرسل رساله واتصل ويهلي فيني ويتغزل حسيت انه كان محتاج اني اصارحه باللي بداخلي لدرجة اني من يوم ماتملكنا لما انا اكون تعبانة مايصادف انه يكلمني بس استغربت من شي قلتله انا حاسة اني تعبانه شكلي بروح اسوي تحاليل لان احس جسمي يحمر واحس ابي انام طبعا نسيت اليوم الثاني اتصالات ولما رديت يبغى يطمن رحت وش قالوا لك وكل شوي يطمن لحد ماطلعت من جد حسيت انه خايف علي ارسلت له من جد اليوم حسيت انك خايف ومتلهف علي الله لايحرمني منك اتصل وقالي زوجتي ليه مااخاف عليك
البارح استغربت من تصرف طبعالماقلتله انا احيانا اقلق عليك بس استحي اتصل تكون مع اصحابك قالي لا اتصلي بأي وقت انت زوجتي وحبيبتي الفترة اللي راحت لما اتصل يرد ويهلي حتى لوكان مع اصحابه البارح رد علي الساعة 2 قالي حبيبتي جوالي استقبال اتصلي بعد شوي طبعا اتصلت بعد ساعة لاني عارفة ان عنده دوام يواصل للفجر وينام اتصلت الساعة 3 مارد قلت يمكن نايم اتصلت الفجر لقيت جواله مقفل تخيلوا من الفجر الا الحين بعد العشاء
انا خايفة انه يكون مل او في شي لاسمح الله وش تنصحوني اسوي اتصل لحد مايفتح الجوال واطمن عليه ولا اطنشه لحد مايسدد جواله يوم الاحد ويكلمني خايفة اذا اتصلت يقول هذي ماصدقت اعطيتها وجة وخايفة اطنش يكون صاير له شي
وهل الكلام اللي اناقلته له ممكن يغير نظرته لي لاني سمعت ان الوحدة اذا قالت لزوجها وقت الملكة كلام حلو بدون ماتتعمق ياخذ عنها فكرة مو زينه مع اني انا لاحظت انه تغير ..وصار احسن من اول افيدوني

احب اقولكم شغله انا بكمل الشهر الجاي سنتين معه وهو لاحدد زواج ولا جاب مهر يقولي الزواج بالصيف والمهر كل مرة يقول الشهر الفلاني ومرت الشهور

alidsh · 19-11-2008, 22:56

الله يكون بعونك...
عيون ملائكة
أكثري من الدعاء...
واثقلي شوي
الطير يطر كل النهار لكن مردّه لعشّه
أنا أقول هو راح يتصل عليك...ولاتشغلين بالك...كوني قوية...مو أي ريح يهزك...ودايم حطي العذر له لأنه ما اتصل الى الحين...
...((تفائلوا بالخير تجدوه))

قلب خطيبي · 19-11-2008, 22:58

صار لكم سنتين ولسه ماجاب المهر
طيب ما اختلفنا الله يفرجها عليه ويجيبه
وان شاء الله تتيسر اموركم وتتجوزو على خير
والله مادري شو اقول لك بس لاتظني بشي اصبري عليه شوي
اكيد الحين بيجيكي الوسواس ومادري شو

ان شاء الله يكون المانع خير

موفقين

سلاااموو

نوووووفه · 20-11-2008, 04:08

السلام عليكم اختي
بنسبه انك تكلمينه كنت بقلك خلك معاه وحسسيه انك ما تستغنين عنه
بس ما دامه ما جاب المهر وسنتين كمان الله يكون في عونك اختي
لاكن مادامك دقيتي مارد بيرجع انشاء الله ويدق عليك تراء في نوعيات من الرجل بارده مثل الي عندي
الله يوفقك ويسرامورك انشاء الله
والله وياك يا قلبي

عيون ملائكية · 20-11-2008, 21:56

مشكورين على ردودكم وتفاعلكم معي..
المشكلة انه مازال مقفل جواله وعنده جوال ثاني بعدمقفل ولما دخلت على المسن الساعة 12 تخيلوا لقيته اول ماشافني قالي حبيبتي البطارية بتقفل وانا بالعمل انا شوي وبكلمك وقفل وانتظرته مااتصل ولاشي المهم بنفس اليوم الساعة 3 دخلت المسن يعني بعد ساعتين لقيته متصل قلتله صباح الخير قالي لاصباح ولا خير انت صايرة ماتحترميني قلتله وش فيك وش اللي غلطت فيه قالي دخلتي النت ولا قلتي لي قلت انت مقفل جوالاتك من امس ولا فكرت تتصل قالي : انا بالعمل ومافي شحن وللحين الجوال مقفل قلتله بس انا استلمت تقرير انك فتحته الساعة 10 قال فتحته ورجع قفل مره ثانية ولما سألته عن جواله الثاني قال حاطة بالكنكت يعني النت اهم مني ..
المهم قلب علي زعل انت ماتحترمين زوجك بغيابه من جد جرحني قلب علي لاني دخلت النت وماقلت له بس هو مقفل جواله كيف اقوله مو قهر ..
قلت له انت تغيرت وينك قبل كم يوم وش اللي غيرك مارد طنشني سو نفسه انه زعلان قلتله انابقفل واوعدك ماعاد تشوفني على النت لاني من جد كرهته
وارسلت على جواله : تصدق حبيبي مو دخلتي النت اللي مزعلتك انا حاسة انه في شي ثاني الايام الجاية بخليك على راحتك يمكن محتاج تكون لوحدك وهذا الي انا احترمه
الواحد احيانا محتاج يراجع نفسه بس اتمنى انك تكون صريح وماتخذلني مهما كان اللي بداخلك
ارجوكم ردوا على انا بحاجتكم ..هل ممكن ان ماعاد صار يحبني ويدور على عذر علشان يتركني

قصر مهجور · 21-11-2008, 04:48

غريب امر زوجك الصراحه
الله يهديه لك

افهميني · 21-11-2008, 05:38

سنتين ولا في مهر ..؟

طيب انا ما قدر افيدك ..لانه الوضع ماهو واضح ..ولا ابغى اسئل اسئلة مالها داعي ..

بس لو اسات الظن معذور ..ولو احسنت برضوا ماظلمت لانكم ماشيين في السليم ومالكين ..

مالي الا ادعي لك ..الله يسهل عليكم وتتزوجوا ..

تحياتي

روآآبي · 21-11-2008, 19:33

عيون
المواقف اللي ذكرتيها ببداية الموضوع اكثر من رائعه
لكن بحالتك !!
المفروض تنهين الوضع ولاتتاثرين بلحظات تخديرية منه ... وتكونين حازمة مع نفسك ومع اهلك ومعاه قبل كل شي

اطلبي من والدك يكلمه ... ويطلب منه تحديد فوري للزواج ودفع المهر او كل واحد يروح بطريق

لاتستهونين بحالك ...وبالعمر اللي يمضي منك !

!!..رعبوب..!! · 21-11-2008, 19:41

لا ماضن انة مال
احد يحصل مثل كذا وميل
لكن التمسي له الف عذر

شوفي انتِ قلتي جواله كان استقبال ...!!

يمكن هو ماطفى جواله اتعطل او صار شي او انفصل عن الخدمة ..!

ريحي بالك ...!!

بس انا مستغرب ليش التطويل في فترة الملكة ...!!

سنتين كثير ..!!

الله يجمعكم على خير .

عيون ملائكية · 21-11-2008, 21:28

مشكور اخوي سكون رجل على ردك بس انا دايم التمس له العذر واتفجأ انه ماعنده شي (الله يكون بالعون )
ويعوض صبري خير..
اشكركي من كل قلبي سحايب على ردك المشكلة ان ابوي رافض انه يتكلم يقول المفروض هم اللي يجون بس بالعيد اخوي قابله لما جأنا وقاله ليش طولت هو قال ان شاء الله بشهر 11 او 12 بجيب المهر وانا انتظر راح 11 باقي 12 الله يستر ..المشكلة بعد اهله احس انهم شايلين ايدينهم من الموضوع ماادري وش السبب مع ان لما خطبوا اصروا لحد ماوافقت وسوالملكة على طول وماقصروا

فديـت أرضـه وسمــآآه · 21-11-2008, 22:04

بس حبيبتي المهر من حقج وعالاقل بيفيدج ف الزهبه و هالسوالف

سنتيييييين ابصراحه وااايد الله يعينج عليه

عيون ملائكية · 21-11-2008, 22:55

مشكورة فديت ارضة وسماءه على ردك
بس حبيبتي دايم يحكيني عن ضروفه وانا مقدرتها واذا حددالزواج اكيد بيجيب المهر
انا خايفة يتأجل بدون سبب

zema8 · 21-11-2008, 23:03

هذا ليس هدفه استكمال مسيرة اتمام الزواج

اطلبي كبار عائلتك للجلوس معه ووضع حد

اما الزواج وتحديد موعد لاستكمال ترتيباته

او اتركيه ليمارس هوايته

مع ان هذه الايام قد تكون احلى ايام حياته
ليشبع شوقه ولهفته من الاحلام الوردية للحب
والزواج

أسأل الله لك التوفيق

ايميل · 21-11-2008, 23:07

الله ييسر أمورك و يسعدك ...

افهميني · 22-11-2008, 00:20

اقتباس:

المشاركة الأصلية كتبت بواسطة عيون ملائكية

مشكورة فديت ارضة وسماءه على ردك
بس حبيبتي دايم يحكيني عن ضروفه وانا مقدرتها واذا حددالزواج اكيد بيجيب المهر
انا خايفة يتأجل بدون سبب

اسمحي لي على اللقافة ..
ليش مقدرة ؟
هذا شرط لصحة الزواج "المهر "...مايسقط
انشاء الله يروح يسلف ..خليه يسلف ..المهم هذا حقك وتجهزي منه ..اما مصاريف الزواج هو حر فيها ..
بعدين قيسي المشكلة ..الان مهر يماطل او نحسن الظن لاقصى شيء ماعنده حاليا كيف بيفتح بيت ..تتوقعي بيصرف عليك باي شكل ؟..يعني علق البنت لين ماتفرج معاك ؟
لازم تتخذي موقف ...الازواج يحاولوا يكونوا في افضل صورة ايام ملكة ..وبعدين الله العالم ...زوجك في صورة ما اقول سيئة بس مشبوهة الان وبعده في الملكة ..
الان وضحت الصورة ..
ابوك رافض اكلمه ...واهله مطنشين ..وانتي مقدرة ..
والرجال يماطل .. يقول يعني وين بتروح البنت ؟
موضوع احبك او لا ..اذا هذا الحب الي يعرفه ..ما اقول الا الله اعينك ..
راجعي الموضوع ..وكلمي اخوك على الاقل اذا ماجاب المهر في شهر 12 ...وحاوالي تنتبهي لنفسك في هذي الفترة ..ولا تقدمي على اي خطوة معاه ..لان النتيجة راح تكون عكسية تماما ..وانصحك اذا ماجاب وماطل ..تنهي الموضوع ..وتنفصلي عنه ..الا اذا ودك تنتظري عليه اكثر من سنتين تجربي انتي حرة ..
والي الله كاتبه بصير ..سواء تزوجتيه او لا ..
اختي بعد سنتين تسالي يحبني ؟
المفروض تسالي نفسك سنتين ماقدر يدبر المهر ؟
وعذرا على الاطالة
تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ارجوكم الكل يدخل وافيدوني و لايقصرون الرجال