عالم الحياة الزوجية - منتدى

تمساح له ذيل · 23-11-2008, 18:05

سؤال للي في فترة الملكه .......

عادة لما ترسل مسج لها (مسج حلو , او تسألها عن اخبارها , او متى بتطلع من المكان الفلاني) المفروض يجيك رد بالمسج منها بعد كم دقيقه او على الاقل بعد ساااعه ولا ساااااااااعتين

اللي عندي غير

ومحسستني كأني لحالي في هالدنيا وماكانه عندي بنت المفروض تهتم بي (مثل ما انا مهتم بها)
كل يوم اطرش مسجات حلوه لها وبعضها من تاليفي حتى , ومع ذلك كل اللي القاه طاااااااااااااااااااااااااف (تلفوني كله مسجات شباب ونادرا مافيه شيء منها؟؟؟)

ساعات اقول ,,,,,, واااااااه حسرتاه على شبابي اللي ضيعته وانا ملتزم وما اكلم بنات ولا العب هنا وهناك علشان لجات بنت الحلال اعطيها كل حناني ,,,,,,,,,,,, بس مع الاسف احس الدنيا ظاااااااااااااالمه .....

يعني انا قريت مواضيع كثيره في المنتدى وكلهم ناس في مثل حاااااااااااااااااااالتي (حب من طرف واحد)
يعني طرف يتعذب (اللي يحب بصدق) والطرف الثاني مرتاح ولا هامه شيء

لو داري انه السالفه بتصير كذا كان لعبت من قبل وماخليت ذرة حب للي بتزوجها وبتزوجا اسم فقط علشان مايقولون الناس انه فلان ليش ماتزوج

%انسه زحلطه% · 23-11-2008, 18:45

الحل .... انك تصبر وهي طبعها حياوي امكن

اعرف شخصيتها .....وبعدين صارحها وقلها ا.............. ذا شفت ماينفع خرب ام الشغل ... هع

واذا تحبها الله يعين تحمل لين تلين .... ومبروك مقدما

الفتاة الحنونة · 23-11-2008, 18:47

هذي حال الدنيا ,,,تلاقي واحد مهتتتتم والثاني ابد ولا كـأنه هنـــــا عايش حياته

عندي لك طريقه تخللي زوجتك ترد على رسايلك
وهي ان بعد ما تكتب الرساله واللي بخاطرك اكتب ااخر شي ,,,,,(ردي)

عاد اذا ما ردت قولها لما تشوفها (وينك انتظرت كثيييييييييييييير زعلتيني صراحه)

لكن انت ما جبت سيرة بالمصارحه
ياعالم لا تستهييييينو بالمصارحه الزوجيه
يعني اذا شفت منها شي ,,شف يوم يكون مزاجها رايق وانت كذلك ,,وقوللها,,,

قوللها اني انا احب اشوف رسايل حلوة منك ,,احب اني احس بحبك لي

احب انك تدقي علي وتسألي عني وقولها انا ماطلبت هالشي الا من حبي لك والا لو ما كنت احبك كنت راح اطنش

والله يعينك,,,لازم يبغيلك تصبر

بالنسبة اان تقول لو ادري كان عاكست
اسحب كلامك واعتبر كل شي تسويه لله وللأجر
كل كل افعالك لله وبتشوف كيف ربي يحط السعاده في قلبك

الله يوفقك واياها انشالله

تقبل مروري

الفتاة الحنونة

mr_abdulrahman · 23-11-2008, 19:13

بليز لا تتمنى هالشي انه كان لك سوابق وربي بتعاني تدري ليه ( لان بتكون كل شي فاهمه وعارفه واي حركه من الطرف الثاني قد تكون عفويه ولكن انت من واقع خبراتك السابقه تفسرها تفسير سلبي بالعربي صرت ملكع بحركات البنات والبنت اللي بتتزوجها على باب الله )

بخصوص ثقل خطيبتك اللي تسويه حلو بس حاول تثقل شوي يعني الرسائل قللها الاتصالات خففها لما هي تحس بتغير تجاهك وانها ساحبه عليك و صدقني بتفلح الخطه وادعيلي لا تنسى

..the queen.. · 23-11-2008, 21:29

لي رجعه بأذن الله للتفصيل في ردي ..

زهرة الزعفران · 24-11-2008, 00:26

اكيد انك كلمتها او لمحت لها بما تشعربه من قلة اهتمامها بالرد على رسايلك.

اخي :اذا انت تحبها ودك انها تتغير .عليك بالاتي

حسسها بان تكلم وحده .

واذا لم ينفع وانا اشك انه لا ينفع

احكي قصص فشل لبعض الاصدقاء .لعدم اهتمام الخطيبه او الزوجه فيهم..مثلا....

واطلب منها مشاهدة افلام عاطفيه ........................

اهديها كتب ..وكثر الله منها بالاسواق

واكيد انها بتتغير للاحسن

والله معاك وفي عونك

فديـت أرضـه وسمــآآه · 24-11-2008, 01:19

يمكن مستحيه قولها هالشي يزعجك بس بطريقه ماتجرحها

او حتى طرش لها مسجات عتب انها ماتسأل عنك

فديـت أرضـه وسمــآآه · 24-11-2008, 01:20

بالتوفيق

ولاتتمنى انه لك سوابق قول الحمدلله ع كل حال

وربي يجمعكم ع خير و مبرووووووووووووووك

moony · 24-11-2008, 03:36

اولالاتسب الدهر اخووووووووي بكلمتك الدنيا ظالمة
ثانيا والله اني اعرف شباب صبروا على زوجاتهم قبل الدخله حتى تتجرأ البنت وهذا دلالة حيائها

واحمد ربك ع هالنعمه

ثالثا: والله راح تقدرك اذا صبرت عليها لكن انت وضح لها انك متضايق منها في هالامر وانك حرمت نفسك من الحرام عشان تستمتع بالحلال

ترى هالكلام بيأثر وايد

انا ببداية خطوبتي كثير ناس نصحوني بالتطنيش والتثاقل وو.......الخ

لكن مع صراحة زوجي قررت اتغير والله يوفقنا ويوفقكم

ابراهيم1405 · 24-11-2008, 04:26

لا تعليق

мόόη Ļίģħт · 24-11-2008, 05:20

اول شي التزامك ومحافظتك على نفسك هي لمصلحتك انت قبل زوجتكـ

فاحمد ربكـ على هالشي ^.^

ثانيا .. اذا عرف السبب بطل العجب

ابحث عن السبب ...

بعض البنات ممكن تخاف تقول عنها جريئه ..... او تسمع كلام احد بأنها تسوي ثقل .....!

وممكن يكون فيه سبب قوي مانعها

لاتحكم عليها قبل لا تصارحها وتعرف منها السبب

منتهى االرقة · 24-11-2008, 06:36

اخوي لك الحق انك تصارحها وتناقشها بحقيقة مشاعرها
تجاهك بهدوء ودبلوماسية و ان شاء الله ما يكون الا الخير .

كيان.. · 24-11-2008, 07:51

يمكن تستحي منك

ارسلها رسالة عتب واطلب منها عادي مافيها شئ

لاتندم على انك عفيت نفسك عن الحرام بالعكس لأنك عفيت نفسك ربي رزقك بهالزوجه العفيفه ان شاء الله

يبيلك تطول بالك عليها والابتتعب كثير

يعشقني · 24-11-2008, 08:02

لاتتندم على شي صح سويته .. واحتسب اجره لله..

وعن خطيبتك اصبر عليها .. او صارحها ..

الله يوفقكم ان شاء الله ويجمع بينكم على خير..

hanno80 · 24-11-2008, 11:25

يا أخي العزيز أنا مع رأي الجميع بأنك تصارحها باللي مضايقك بأسلوب و طريقة حلوة ترى مافي أحلى من الصراحة صراحة

أدب و ذوق و محبة مو صراحة نقد و تجريح و أذى ، و ممكن البنت مستحية أو سامعة خرابيط من البنات أنها لازم تثقل و

تطنش و تتغلى على خطيبها علشان يزيد حبه لها و الله كلها خرابيط ، ودام أنك تحبها و مقتنع بها فاصبر عليها و ربنا

انشالله يسهلك أمرك .

و ياريت يا أخي لاتندم على شيء تركته ابتغاء وجه الله لأن من ترك شيء ابتغاء رضا الله عوضه الله بأحسن

منه و انشالله ربنا يعوضك خير في خطيبتك و يهديها قادر على كل شيء .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعبت من قلة اهتمامها؟