عالم الحياة الزوجية - منتدى

احلى ورده جوريه · 23-11-2008, 22:54

بسم الله
هذي اول مشاركه لي في هالمنتدى الاكثر من رائع وحابه انكم تساعدوني وتفيدوني ,,,,ومشكلتي هي انه
انا لي فتر ه مخطوبه وقريب جدا راح تصير الملكه وفي فترة الخطوبه ماكنا نكلم بعض بس بعد الملكه اكيد بتكون فيه مكالمات باستمرار.. وبصراحة شايله هم بالمره تدرون لييييييش؟؟؟
لان خطيبي رومنسي يموت عالكلام الحلو وانا برضه احب الرومنسيه بس مشكلتي اني خجوله جدا وكلامي مع الناس قليل جدا ومااتخيل نفسي اقوله لوكلمه حلوه على الرغم اني" احبه مووووت" بالعربي مااعرف اقول كلام حلو ولوقلته برتبك واتلعثم ...لاتضحكون مني بس والله هذا اللي اتخيله
.....................وحابه افرح قلبه وادلعه مابغاه يحس اني انسانه جديه وممله.......
ارجوكم تساعدوني كيف اكسب اقلبه ؟؟
واش الكلام اللي ممكن اقوله يعني قولولي بعض العبارات والكلمات اللي تخليه يذوب من حلاتها "اللي عنده خبره ممكن يفيدني"؟؟
وكمان اش المواضيع اللي ممكن اناقشها معاه؟؟؟
والله خايفه احس اني طول المكالمة راح اكون ساكته و مرتبكة وعلى اعصابي
تكفون لاتبخلون علي بالنصايح خاصة اللي متزوج واللي مر بهذي الفتره

@..فراوله..@ · 23-11-2008, 23:28

انا انا انا هههههههههههه

انا لساني ينقط مربى ^_^

هلا عسوووله

الف الف مبرووك ياقلبي الله يتمم عليكم ويسخرهـ لك ويسخرك له..

من وجهة نظر شخصيه ياقلبي
نصيحتي لك
لاتزيدين بالحكي الحلو معاهـ من البدايه
صح الرجال يحبون الرومانسيه
بس من ناحيه ثانيه يحب البنت الجديه الي هو يعلمها الرومانسيه بيدهـ

طبعا هالشي مايمنع تقولين له كلام حلوو

بس خليه عن طريق رسائل
او كلام بس بجرعات خفيفه ^_^
صدقيني خجلك هذا الحين فتره حلوهـ ماراح تتكرر
ايام حلوهـ بيذكرها وتذكرينها
لاتشغلين بالك بهالشي بالعكس صفه ايجابيه وحلووه مرره..

واذا انتي خجوله وودك توصلين له الي بقلبك صدقيني احلى اسلوب الرسايل

ارسلي له دايما
حسسيه باهتمامك

صباح الحب

مساء الورد

وش يسوي الحلو الحين؟؟

اشتقت لي مثل مااشتقت لك؟؟

يعني اساله تعبر عن الاهتمام على مدار اليوم كله

بحيث يعرف انه حتى وان ماحكيتي كلام دلع معاه انه يهمك مره وتحبينه..

الله يسعدك حبيبتي ..

mazen_bash · 23-11-2008, 23:36

الكلا م الحلو والرومانسي لايمكن تعلمه او حفظه ....والطريقة الامثل تبداء بالسؤال عما يحبه الطرف الاخر وعن مايشغله وكيف يتعامل مع المجتمع...الخ...من الاسئلة التي تفتح الطريق لمعرفة الطرف الاخر وكذلك الاستمتاع بالجواب ....وكذلك وهو الاهم هو كسر حاجز الخجل والتردد في اختيار الكلمة المناسبة ...بالاصح ...الكلام العفوي...هو الاسلم.

زهرة الزعفران · 23-11-2008, 23:54

ما قصرو البنات ..

وممكن بعد ما تعرفي عنه بعض اشياء يحبها .انت تتفاعلي معه.من غير ماتحسي .

وممكن تكتبي كلمات بالعاميه في ورقه وتخليها معاك و قت الازمات .تفتحيها وترددي بعض الكلمات الحلوه حسب الموقف

والله يوفقك

mr_abdulrahman · 24-11-2008, 00:17

اقتباس:

المشاركة الأصلية كتبت بواسطة mazen_bash

الكلا م الحلو والرومانسي لايمكن تعلمه او حفظه ....والطريقة الامثل تبداء بالسؤال عما يحبه الطرف الاخر وعن مايشغله وكيف يتعامل مع المجتمع...الخ...من الاسئلة التي تفتح الطريق لمعرفة الطرف الاخر وكذلك الاستمتاع بالجواب ....وكذلك وهو الاهم هو كسر حاجز الخجل والتردد في اختيار الكلمة المناسبة ...بالاصح ...الكلام العفوي...هو الاسلم.

عين العقل الكلام اللي فوق ... بس اهم حاجه لا تسمعي كلام الناس اللي تقولك خليك ثقل انا اقول خليك على طبيعتك ... ربي يوفقكم و يجمع بينكم على خير

احلى ورده جوريه · 24-11-2008, 01:20

شكرا على مروركم
والله ماقصرتوا فعلا تفاعلكم معي كان اكثر من رائع وان شاء الله استفيد من كل كلمه قلتوها

فديـت أرضـه وسمــآآه · 24-11-2008, 01:22

وجاان استحي جنه حد زقرني :$

بس استحي مااقدر اقووول :$

انا ليمووونه الحلوه ههههههههههه

bodybuilder99 · 24-11-2008, 12:18

أسمعي اختي تراني مملك وجالس اعاني من زوجتي هههههههههههههههههههههههه

صحيح الرجل في البداية يحب يحس بخجل زوجته بس لاتخلي الخجل يحرم زوجك من انه يسمع منك كلام يفرحه ويعلقه فيكي

يعني لاتبخلي عليه برسالة تعبري فيها عن احاسيسك بين فترة وفترة وطبعا خليها بجرعات وبالتدريج

ربي يوفقك

hanno80 · 24-11-2008, 12:53

الكلام اللي تحبيه يقوله لك واللي تحبي تسمعيه منه قولي له زيه يعني اللي تحسيه جوا قلبك ترجميه على لسانك صحيح الأمر راح يكون صعب بالبداية لكن شوي شوي راح

تتعودوا على بعض وراح تتفك عقدة لسانك و يقل الخجل وعلى فكرة الصمت و الخجل طول الوقت مو حلو و جداً ممل... و الله يوفقك .

كحيـلان · 24-11-2008, 13:29

حاولي قبل ماتكلمينه تآكلين سندويشة طحينيه

a7la amal · 24-11-2008, 14:14

خليك على طبيعتك و ربي بيسهل امرك

احلى ورده جوريه · 25-11-2008, 01:31

شكرا على مروركم الرائع
الرسايل مي مشكله اقدر ارسله .. المشكله في المكالمات نفسها لان طبعي اصلا خجول
بس الظاهر من الحين يبغالي اسوي بروفااات واكثر من السندويش بطحينيه وازيد عيه مربى بعد هههههههه .....
آآه الله يعيني على طبعي...

tablouj · 25-11-2008, 01:48

ما تحملي هم مطلقا شوي شوي تتعلمي ......أنا شخصيا انقهرت أول أيام خطيتي أقول الكلام زي الشهد ويا ريت كانت تبل ريقي بكلمة حلوة من شدة خجلها لكن يعد شهر فقط لم أعد أستطبع مجاراتها في العبارات الحلوة ...لا تخافي فوتي بقلب جامد

بنت يحيى · 25-11-2008, 01:49

الله يوفقك ولاتحملي هم انا كنت مثلك بس تيسرت
دمتم بود

мόόη Ļίģħт · 25-11-2008, 04:57

صعبه من اول المكالمات ..

لكن بالتدريج .. وشوي شوي راح تتعودين عليه

المهم بالفتره الاولى انك تحسسينه بانك مبسوطه معه .. ومن مكالمته .. واهتمامه فيك

الكلام الحلو مع الوقت راح تقدرين تقولينه ...

اول شي بالرسايل بعدين كلمه حلوه اخر المكالمه .. وكذا لحد ماتتغلبين على خجلكـ ^.^

هو محتاج منك انه يعرف شعورك ناحيته .. هل ارتحتيله وحبيتيه او لا << اهم كثير من الكلام الحلو

ولاتنسين التنويع بالاسلوب .. مزح وجد وغزل وكل شي بوقته حلو......

موفقه يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اللي لسانه ينقط عسل ...يدخل ويساعدني.....