عالم الحياة الزوجية - منتدى

أمرأه لا تنسى · 25-11-2008, 00:13

للتحميــــــــــــل

أخواني أكتب لكم بحاله نفسيه سيئه

ما أدري كيف أرتب كلامي

ما أدري اللي أحس فيه بسبب ما أعانيه من تعب وضغط بسبب برنامجي العلاجي

أنا لي كم يوم ضاايقه أفكر في وضعي مع زوجي

أحس حياتي بارده أنا رجعت صح له وبدينا علاج لكن طبيعة زوجي نفسها ما تتغير

ماله وجود أبد أبد

أحسه يسايرني خوف من الطلاق بس مع انه زمان تشجع بيطلق بس يمكن يوم جلس بروحه عرف انه صعب يجلس بدون عياله

أحسه ما يحبني يجاملني والله اني مو جاهله ولا بزر لكن هالشعور يقتل
انك تحسين الطرف الثاني مو معك بس جسم ويطلعك عادي ويوديك السوق بس انا اعرفه زين احسه ماهو معاي مو بعالمي مدري كيف اشرح لكم

زوجي طبيعته بااارد جدا صامت كتوم يميل للطفوله اكثر شي
طيب كريم ماديا
لكنه ما احس فيه حرارة الرجال وغيرة الرجال او اني افتخر فيه
ضعيف شخصيه أبغى تتحسسوني بقيمته ناحيتي خلوا عيالي أبغى تجاهي
مدري كيف أشرح لكم وضعي

جد أبي أحد يوجهني تعبت .. تعبت أكذب أقول بخير ...

نفسي أحبه من قلب أنا ترى ما أبين له شي بس داخليا بنفجر

أمرأه لا تنسى · 25-11-2008, 00:14

على فكره هالمقطع أحسه يحكي حالي نفسي أعرف هو يحبني صدق وإالا تحصيل حاصل

روز22 · 25-11-2008, 00:22

امراءه لاتنسى اذا انتي حاولتي تغيريه اكثر من مره ولانفع معك فهذا طبعه والي تربه عليه من صغره وشاف ابوه كيف يعامل امه انتي لاحظي معاملة ابوه لامه وتعرفين اكيد امه تطيع ابوه وهي مغمضه وبرود بينهم عيال وبيت وبس

وشعور مافي احساس ميت ........حبيبتي فكري بعقلك انتي عندك منه عيال خليهم يعيشون سعيدين مع امهم وابوهم مع بعض ارجوك هذا زمن القسوه لاتخلينهم بعيدين عن ابوهم وحبيهم وطلعي احساسك ومشاعرك معهم حافضي عليهم ضميهم اسألي عنهم بحنان الام ..........ودائما استغفري ربك ..وماتدرين تتغير ولايات في يوم او ساعه .....

ربي يسعدك وطمنيني عليك دايم .. اختك روز

أمرأه لا تنسى · 25-11-2008, 00:27

أنا راضيه بس أبي أتقبله والله ترى ماجربتي انك تجاملين 8 سنوات

أنا أدعي الله ينزل محبته بقلبي وعيالي هم سبب ضعفي والله

أما من ناحية أبوه وأمه فهو ضعيف شخصيه أبوهم وأمهم مسيطره عالرجال سيطره تامه

أنا بالعكس نفسي يكون رزه قدام الرجال وجماعتنا وترى نقد الناس له يذبحني والله وربي اني اكره اروح اي مناسبه كله بسببه مايعرف الواجب ويوصلني نقد الناس واموت الف مره لأني أدري أنه صدق مو كذب

والله أنا ما اقول مافيه شي زين فيه أشياء زينه بس ودي ما أنتبه لعيوبه ودي أشوفه شيء كبير بعيني بس

الأخ الكبير · 25-11-2008, 00:49

أختي أمرأة لاتنسي

إذا كان لم يقصر معكم ويحترمك وكريم وطيب

ولايشتم ولايضرب ومشكلته فقط أنه بلا شخصية وليس

أجتماعي فأفضل حل هو أن تبذلي جهد في تشجيعه

وتوجيهه بطريقة غير مباشرة وأن تنتبهى لعدم أستفزاز

رجولته وتكسير مجاديفه فهو يعانى من تسلط والديه

ويحتاج منك إلى مساندته ودعمه بالتشجيع والتغيير ولو

بالتدريج وسوف تلاحظين بإذن الله كيف يتغير

وفقكم الله

-

أمرأه لا تنسى · 25-11-2008, 00:56

أخوي الكبير أشكر لك متابعتك

أخوي زوجي كان يضربني يوم كنت تعبانه بس يوم وقفوه اهلي عند حده تركني

عشان كذا احسه خوف من اهلي يجاملني وضعف شخصيه
انا مو متسلطه واكره الحرمه اللي تتطاول على زوجها بس ودي يكون رجاااال وربي اكتب لك وانا ابكي انت ما تعرف كيف تذبحك نظرات الناس
يا اخي والله اروح السوق مع اني عبايتي عالراس ومحتشمه لكن احس الرجال يعرفون انه ضعيف شخصيه من طريقة نطقه وتردده
دايم اقوله انت اتكلم في المحل انت كاسر خلك كذا

والله اشجعه بس زوجي فيه غرور وكبر بالرغم من ضعف شخصيته تحسه من نقصه ينتقد اللي اقل منه وذاك بدوي وذاك متخلف ومدري كيف اشرح لك

انا احيانا نفسي اروح مدينه محد يعرفنا ولا اتعرف على احد حتى ما اطيح بتعب نفسي

اتمنى فهمتني وربي جد نفسي انقل ونهرب عن اللي نعرفهم تعبت

نفسي يلتحق بدورات بس ما اقدر اقنعه عنده انها خرابيط وانه فاهم ومثقف وانت تشوف العكس طبعه عنيد بالرغم من ضعف شخصيته بتقولون تناقض بكلامي والله العظيم هذي شخصيته

اذا ما لقى احد يردعه يتمادى
يعني يوم كان يضربني وانا تعبانه كان يكذب انه ما ضربني لين اخر شي اهلي وقفوه عند حده وهنا انجبر يجاملني
ابغى احس اني متزوجه رجاااال بس

ترى انا حنونه معاه وربي بس هالأشياء كلها بداخلي بس هو ما يدري عن شيء
الا يوم تعبت كنت غصب عني اقوله اني اكرهه وذا كان بس وقت التعب

أبوسلطآن · 25-11-2008, 01:31

اقتباس:

المشاركة الأصلية كتبت بواسطة أمرأه لا تنسى

للتحميــــــــــــل
أخواني أكتب لكم بحاله نفسيه سيئه
ما أدري كيف أرتب كلامي
ما أدري اللي أحس فيه بسبب ما أعانيه من تعب وضغط بسبب برنامجي العلاجي
أنا لي كم يوم ضاايقه أفكر في وضعي مع زوجي
أحس حياتي بارده أنا رجعت صح له وبدينا علاج لكن طبيعة زوجي نفسها ما تتغير
ماله وجود أبد أبد
أحسه يسايرني خوف من الطلاق بس مع انه زمان تشجع بيطلق بس يمكن يوم جلس بروحه عرف انه صعب يجلس بدون عياله
أحسه ما يحبني يجاملني والله اني مو جاهله ولا بزر لكن هالشعور يقتل
انك تحسين الطرف الثاني مو معك بس جسم ويطلعك عادي ويوديك السوق بس انا اعرفه زين احسه ماهو معاي مو بعالمي مدري كيف اشرح لكم
زوجي طبيعته بااارد جدا صامت كتوم يميل للطفوله اكثر شي
طيب كريم ماديا
لكنه ما احس فيه حرارة الرجال وغيرة الرجال او اني افتخر فيه
ضعيف شخصيه أبغى تتحسسوني بقيمته ناحيتي خلوا عيالي أبغى تجاهي
مدري كيف أشرح لكم وضعي
جد أبي أحد يوجهني تعبت .. تعبت أكذب أقول بخير ...
نفسي أحبه من قلب أنا ترى ما أبين له شي بس داخليا بنفجر

نتفهم ماتعانيه اختي الفاضله بالرغم من ان احساسك انثوي الا انني ودي اتكلم واشرح احساس المراءه المتزوجه بالتفصيل وعن الاحتواء والاحساس برجولة زوجها وليس ذكورته فقط فكيف اذا انعدمت الرجوله والذكوره سواء هنا المصيبه ولكن اخشي ان يشك بأنني انثى وليس ذكرا ههههههه لفرط المعلومات الغزيره التي افهمها عن مايحب الرجل وماتحب المراءه خصوصا المراءه لانها تهتم بالتفاصيل اكثر انتي اختي الفاضله لاتحتاجين حل بل تحتاجين ان تبوحي بمافي خاطرك تحتاجي ان يتفهم احد معاناتك اقسم بالله اننا نتفهم معاناتك بالقدر الكافي والوافي وفي اعتقادي انه حتى لو تحسن زوجك لن يرضيك لان العود من اول ركزه والانطباع الاول دائما هو الذي يترسخ بالاذهان الا ان تقرأي بالسيره النبويه وسير الصحابيات وامهات المؤمنيين ستجدي مايرضيك ويلهيك واصبري ان الله مع الصابرين اشغلي اوقات فراغك اذهبي لمدارس تحفيظ القران والله ستجدي السعاده في حفظ كتاب الله حاولي جاهدي نفسك كلنا مقصرون ولكن جاهدي نفسك قليلا لاتعتذري بعدم توفر الوقت صدقيني سيساعدك الله طالما انك ترغبين في حفظ كتابه والحمد لله على انفكاك السحر عنك احمدي الله تعالى اعرف ان كل الحلول التي ذكرتها تعرفيها جيدا ولكن اذكر نفسي واذكرك وسنتابع معك ان شاء الله لانك اختنا في الاسلام ويهمنا امرك وشأنك
اسئل الله تعالى ان يفتح على قلبك ويربط عليه ويصلح لك ذريتك وزوجك واسئل الله ان يجعل كلامي وكلام الاخوه والاخوات بلسم على قلبك انه ولي ذلك والقادر عليه ولنا عوده ان شاء الله معك والشيله جدا رائعه
وتقبلي كل التقدير والاحترام
والصلاة والسلام على خير البشر

أمرأه لا تنسى · 25-11-2008, 01:49

أخوي أبو سلطان أشكرك على تفهمك حالتي
لكن أنا للآن ما انفك سحري أنا للحين أتعالج
والعلاج بحد ذاته يهد حيلي والله اكرهه اليوم اللي اكله فيه وأكتئب وبكره موعد اكله الفجر لانه يوم اكله ويوم لا ..!

يارب تطرح في هالعلاج خير وبركه لي ولعيالي

أنا أحاول أذكر الله وأسوي حلقه يوميا بالبيت وأرتاح نفسيآ

بس مدري هو أنا ضعفت خلاص أنهارت قواي
ماعدت ذيك الشخصيه القويه اللي ما يبان وش وراها
أو أني مليت من وضعي

أو أنه قرب الفرج لي والشيطان بدء يضيق علي حتى أكره العلاج

أنا برجع أقوم الليل لعل الله ينور بصيرتي

يمكن فعلا كنت بفضفض أبو سلطان
ربي يكفينا شر أنفسنا

روز22 · 25-11-2008, 02:19

انتي تتعالجي من ايش عفوآ بس حابه ااكد فهمي

لهيب الحرف · 25-11-2008, 02:26

الله يفرج همك أن شاءلله

سوو جلسة مصارحة ومعاتبة ... ترى العتاب يتحول الا ود

بالتوفيق أن شاءلله

@..فراوله..@ · 25-11-2008, 02:40

ياقلبي انتي..
وربي حاسه فيك..
باختصار انتي..
رغم كل الاشياء الحلوهـ ..بس فاقد الاهم..

تبينه يحتويك..

وهذا الي ناقصك..

ياقلبي شوفي..
انتي الحين تعبانه وتفكيرك مجهد ومشتت..
لاتتعبين نفسك كثير ريحي وروقي بالك..
يمكن تكون نظرتك هذي زايده ومسببه لك حساسيه اكثر
بسبب تحول هرمونات..

انا ماانكر اصعب شي هالشعور..
بس انتي لازم تكونين قويه
ماتحصرين تفكيرك بهالشي عشان ماتتعبين..
حاولي تشتتين تفكيرك بعيالك..
حاولي تلقين بديل ايجابي..
غيري نوعية حياتاك
نشاطاتك
ناظري الحياة نظرة تفاؤل ايجابيه..
تعالي هنا

فضفضي ارمي همومك وتعبك
ابكي شوي
البكاء ماهو ضعف ولاهو عيب
ابكي
وقومي طالعي نفسك
يايخه تسوى منك الدنيا كل هالتعب والهم؟؟

حياتك بيدك حاولي انتي تغيرنها
محد غيرك بيغيرها

انتي بيدك سعادتك وحياتك

اما تقلبينها جنه او عذاب

الله يفرجها عليك ياقلبي
والله يزرع حبك في قلبه وحبه في قلبك ويسخركم لبعض

@..فراوله..@ · 25-11-2008, 02:49

لي رجعه لك لاني توني اركز بكل جزئيات الموضوع

يسعدك ربي

أمرأه لا تنسى · 25-11-2008, 02:54

لهيب وش أصارحه ؟؟
زوجي يرفض المصارحه زي اللي يتهرب من أي شيء عن شخصيته
لا تقولون نقدي لاذع بالعكس انا ما امدح نفسي لكن غيرت فيه أشياء كثير
بس بعد ماغيرتها انا وصلت لمرحله ماعدت أشوف فيه الجاذبيه

بس شخصيته ورجولته مع الناس وتعامله يرفض يغيره
نفسي يكون ذرب يعرف يعزم الرجال يعرف يرد مو أنا أرقع له
وأتعذر لزوجات زملائه اذا قصر

تخيلوا صديقه معه بالعمل
انصدم ولده البكر عمره ست سنوات وتوفى
زوجي ما عزاه
يقول اتصلت مايرد
وشو مايرد ؟؟؟ واحد ولده متوفي فاضي يرد عليك
رح لبيته وعزي الرجال

واذا له حاجه بكل طلاقة وجه يتصل على الرجل
عيب يا ناس تعبت افهمه

أنا تعباااااااااااااااااااانه نفسيآ مدري كيف بصلحه
ما أبغى لي خلاص أنا يئست
أبيه واجهه لي قدام الناس

أمرأه لا تنسى · 25-11-2008, 02:56

فراوله أنتظرك ...

خبير الحياة الزوجية · 25-11-2008, 02:59

ربي يوفقك هذا اللي اقول الأحباب قبلي ماقصرو كفوو ووفوو بالكلام
لاكن خلي ايمانك بالله قوي ولا تخلين حياتك وظروفك عائق قدام الحياة الجميله الصحة العافيه تاج على رؤوس الأصحاء لا يراها الا المرضى شوفي الحياة بظرة التفاؤول .
تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعبت أكذب أقول بخير ..!