عالم الحياة الزوجية - منتدى

جريئة .. بخجل · 26-11-2008, 05:51

السلام عليكم و رحمة الله و بركاته
أختكم في الله .. متابعه للموقع .. بالرغم من انشغالي الدائم
و يعجبني في الموقع تعدد الآراء و تنوعها .. لذا أطمع في كرم الجميع باعطائي النصح ..

انا ملكت من اسبوعين تقريبا .. و خطيبي انسان متفهم و واعي و يشجعني دائما على الدراسة (أنا طالبة طب) و طييييييييب و حباب لأقصى درجة و قلبه ابيض بشهادة كل أهلي و الناس ... و من خلال احتكاكي به و كلامي معاه في هالفترة القصيرة .. حسيته انسان عفوي و لطيف لاقصى درجة

ولو انو الفترة قصيرة مثل ما تشوفون .. بس انا تعودت عليه بسررررعه و هو نفس الشيء تعود علي بسرعه

لكن هناك مشكلة اسمحوا لي ان اصيغها لكم من خلال بعض المواقف اللي صارت في هذي الفترة القصيرة ...
ليلة الملكة .. كان منزل راسه في الارض و كنا (بصراحه) احنا الاثنين مضيعين .. و متوهقين في الكلام اللي نبي نقوله , الى اخر السهرة .. سلم علي باليد و انتهى الموقف الاول

الليلة اللي بعدها .. تقريبا نفس الشيء

الليلة اللي بعدها حط ذراعه حولي و مسك يدي و باسها بوسات خفيفة ..

الليله اللي بعدها .. ابتدئ يتجرأ .. لكن حسيت بعدم الراحه ... .. لمحت له اني نعسانه و تعبانه .. فاستئذن و راح بيتهم

بعدها بكم يوم جا تغدى معاي .. و انا تعمدت اني ما احط مكياج ولا لبست شيء فيه اغراء .. عادي ..

بعد الغداء بشوي .. قام مسك يدي واتجرأ اكثر بقربه .. .. .. وحسيته وصل لمرحلة الذروة (أقصد جنسيا) .. و حتى نظراته لي تغيرت و صارت شهوانيه بقوة

و انا اقول له خلاص .. كفاية .. بس هو ما كان قادر يمسك نفسه .. كان مثل المجنون الى ان نفس الشيء حاولت اني ابعد عنه و صرفته و طلع

اللي مخوفني من الموضوع .. انو ما صار لنا اكثر من اسبوعين مملكين .. و وصل لهلمرحلة معاي في هالفترة القصيرة ..

و انو زواجنا راح يتأخر شوي .. بسبب ظروف مادية

ما ادري كيف راح نظل سنتين مخطوبين و هو كل يوم يقرب مني (جسديا) اكثر من اليوم اللي قبله .. و الى وييين راح يوصل الموضوع

لمحت له بالموضوع .. قال لي انو شرعا احنا متزوجين .. لاننا ملكنا .. و من حقه انه يداعبني .. بس هو فاهم انو في خطوط حمرا و قال لي انو هو ما راح يتعداها ...

و لما قلت له انو بدري على كذا اشياء .. قال اني اثيره و ما يقدر تحمل و يصبر .. مع اني ما كنت حاطة ميك اب ولا كنت لابسة شيء مكشوف ..

انا مابي احرمه من هالشيء .. لان هذا الشيء من حقه .. لكن انا خايفه الموضوع يتطور و يخرج عن السيطرة

لأني شفت في عيونه رغبه شديدة

و ماني عارفه استشير احد من اهلي في الموضوع

انا حبيت خطيبي .. و من جد ابي اسعده .. لكن ابي احافظ على حلاوة هالشيء الى ليلة الدخله .. لكن في نفس الوقت مابي اكسر خاطرة او اني احرجه

يعني كيف اخليه يحاسب معاي ؟

ارجوكم انصحوني
أختكم في الله

وردة بين أشواك · 26-11-2008, 06:12

و عليكم السلام ورحمة الله و بركاته ...

بصراحة أعتقد مدة سنتين طويلة مرة , و أنا ما مريت بهالموقف , لأن علاقتنا كانت رسمية وكل شي وفرناه لبعد الزواج

أنصحك لا تختلين معه , حتى لو كان زوجك , لو لا سمح الله صار شي أنت الخسرانة .

خففوا اللقاءات , وماله داعي التعمق في الحركات .

عادي صارحيه , قولي له كل شي في وقته حلو ...

حتى لو كان زوجك وحلالك لا تتمادين معه , لا تطلعين معه . الناس تختلف في وجهات نظرها لكن أنا أتكلم عن نفسي

كوني من مجتمع محافظ , و زوجي نفس الشي .

فيمكن كلامي ما يعجب البعض و لكن أنا ضد التمادي في العلاقات بين العاقدين قبل الزواج .

الله يوفقك .

تقبلي مروري................

تسجيل دخوول · 26-11-2008, 13:35

حبيبتي انا زيك من اول يوم باسني ومررآآ اتطورنا

بس الحمدلله ملكتي مابتطول وزواجي بيصير قريب

اما عنك ياقلبي

فــ احسن حل تقولي لأبوك وللا امك انها تقولله ان الزيارات ممنوعه ماعدا مرا في الشهر مثلا

وانتي اخرجي من الموضوع خليه على ابوك وامك انهم مايحبوا الزيارات الكثيرة

واخصوصا انه ملكتك بتطوول

مع اني اشووف انك ماتكبري من الموضوع يعني في الاول والاخير هذا زوجك وما اخذك الا عشان يعف نفسه ويتحصن

عاشقة نيمو · 27-11-2008, 00:12

متابعة..

فديـت أرضـه وسمــآآه · 27-11-2008, 00:49

حبيبتي احسن حل انه يخفف الزيارات شوي

يعني مثلا قولي له انج مشغوله او بتطلعين او وحده من ربيعاتج بتزورج فالبيت او اي شي عشان يخف الزيارات

و حاولي ماتقعدون بروحكم يعني لو عندج اخ اصغر عنج خليه يقعد وياكم عشان مايتمادى ويااج

فالشرع من حقه يسوي اللي يبااه بس عاداتنا ماتسمح والوحده ماتضمن شي هالايام وكل شي ف وقته حلو يا حلو انته

فديـت أرضـه وسمــآآه · 27-11-2008, 00:50

هيه لاتلبسين بنطلون التنوره احسن هههههه ويازين الكنادير المخوره :$ ههههههههههههههه

ربي يوفقج و يتمم عليكم

فديـت أرضـه وسمــآآه · 27-11-2008, 00:51

حاول اتجدمون العرس بصراحه سنتيييييييين واااااااااااااااااااااااايد لو لسنه بعد يمكن شوي الواحد يتقبل بس سنتين وايد

جريئة .. بخجل · 27-11-2008, 06:11

بصراحه أشكركم لاهتمامكم من كل قلبي

ردودكم اسعدت قلبي

بالنسبة للزواج .. هي بالضبط سنة و 6 شهور .. يعني مو سنتين بالضبط

لكن ما ندري عن الظروف اللي ممكن تصير .. و هل راح نطول او لا .. بس مو اقل من سنة و 6 شهور

و ثانيا .. الظروف المادية صعبه شوي ..

و غير كذا انا طالبة و عندي اختبارات على طول في الكلية .. الزواج يحتاج تحضيرات و استعداد

بالنسبة للزيارات .. مثل ما قلت لكم .. انو انا طالبة .. عشان كذا هو يزورني يوم واحد في الاسبوع فقط .. و ما اقدر امنعه انو يجي يشوفني

خصوصا انو زياراته كلها قدام اهلي

لكن شكلي ما راح اجلس معاه لوحدي .. و راح احاسب في اللبس اكثر -- ما بلبس بنطلون

اتمنى اشوف اراء اكثر منكم اعزائي .. و لا عدمت تواصلكم

أختكم في الله

عندي سؤال .. شنو يعني الكنادير المخوره :$

%انسه زحلطه% · 27-11-2008, 09:10

الله يوفقك .... ياقلبي ويعينك

انسب حل تصرفينه .... وتقللين موعد الزيارات

واذا حصل وسالك بالتلفون اول اموبايل .... بعد سوي نفسك مشغوله .. مافاد ... سوي جاك خط ... مافاد ..

قوليله ان الزواج وقته طويل والا يام جايه ....

وبكذا هو راح يفهم ويشوف له حل يا يقصر موعد الزواج ويستعجل عليه اول
ياخفف من حركاته ويعرف انك ماتبيها اللحين

الله يكون بعونج ياقلبي!!!!!!!

جريئة .. بخجل · 16-02-2009, 00:44

شكرا لك آنسة زحلطة

بصراحه .. في طريقة اتبعتها .. و مشت تماااااااااام

و بصراحه .. هي جات تلقائية من الله .. بدون تخطيط او تفكير

و الحمد لله مشت الأمور

مجنونها r · 16-02-2009, 01:06

الله يعينك اختي

بنصحك نصيحة اخو لااخته الصغيره

اختي انا اعرف بنت تقربلي وكان زوجه مثل زوجك بالتمام وزوجهم كان بعد تقريبا 6 شهور

وزوجها يوميا عندهم محضر هو وخشته والرجال دخل عليها وهو توه مملك والزواج اصلا مطول

الاخت عطته حقه الشرعي كاااااااااااااااااااااامل

المهم يااختي وحملة البنت وتوفى الزواج وصارت مشكككككله كبيييييره يقولون لها اهل الزوج ان الولد مولهم وانهم بس مملكين

والى الان رافضين اهل الزواج الاعتراف بالابن

اختي ماودي تكونين مثل هؤلاء الناااس

خلي ابوك يقول له بالشهر مررره نصيحة لوجه الله
والمكالمات خلوها كل اسبوووع

وبالنسبه لاجاء عندكم بالبيت خل امك تنشبله نشبه الى ان الرجال يعرف ويتعلم ويتسعجل بالزواااج

اتمنىاكون افائدتك

المعانق · 16-02-2009, 01:23

اقتباس:

المشاركة الأصلية كتبت بواسطة وردة بين أشواك

و عليكم السلام ورحمة الله و بركاته ...
بصراحة أعتقد مدة سنتين طويلة مرة , و أنا ما مريت بهالموقف , لأن علاقتنا كانت رسمية وكل شي وفرناه لبعد الزواج
أنصحك لا تختلين معه , حتى لو كان زوجك , لو لا سمح الله صار شي أنت الخسرانة .
خففوا اللقاءات , وماله داعي التعمق في الحركات .
عادي صارحيه , قولي له كل شي في وقته حلو ...
حتى لو كان زوجك وحلالك لا تتمادين معه , لا تطلعين معه . الناس تختلف في وجهات نظرها لكن أنا أتكلم عن نفسي
كوني من مجتمع محافظ , و زوجي نفس الشي .
فيمكن كلامي ما يعجب البعض و لكن أنا ضد التمادي في العلاقات بين العاقدين قبل الزواج .
الله يوفقك .
تقبلي مروري................

8
8
8
8
8

ما ازيد على كلام اختنا الكريمه

وبالتوفيق لك

امــ نينــــو · 16-02-2009, 01:24

من جد اختي لازم تصرفينه وتخلين الزيارات كل اسبوع ولا تلبسين بنطلون البسي تنوره طويله ..

بحيث انه ما يبين ملامحك جسمك ..

ولا دخل ابوك فالسالفه لايصير لك مثل ما صار للبنت اللي حكى عنها اللي قبلي ..

%انسه زحلطه% · 16-02-2009, 01:43

اختنا وفت وكفت

وسنتين وايد

مجنونة بك · 16-02-2009, 02:34

اولاً صرحي له عاادي قولي لو سمحت لازم نسوي حدود بيننا عشان لا يصير شي اعظم

ولازم هو يتفهم لأن المدة طويييييلة ومو معقول بيسوي كذا كل مره اكيد كل زيارة تزيد جرأة عن اللي قبلها

وثاني شي انتي لا تلبسين بنطلون له انتي عندك ان البنطلون شي عادي ومشي حالك لكنه إغراء بالنسبة له ..

وثالث شي حددي له موعد زيارة يعني قدامكم سنه ونص خلي الزياره مره كل شهر ويحمد ربه

ورابع شي الله يوفقني وياااك وكل مسلم ومسلمة ياااااااارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كبف أقول لخطيبي كلمة لا .. ؟؟!!!